ထိထိရောက်ရောက် ပြောဆိုဆက်ဆံတတ်ပါစေ

ကြော်ငြာထည့်ထားတဲ့ အိမ်ခြံမြေကိစ္စပဲလို့ တွက်ဆပြီး အားရဝမ်းသာ ဖုန်းကို ဖွင့်လိုက်ပါတယ်။ Nokia လက်ကိုင်ဖုန်းလေးဆီက လေးဖြူရဲ့ မြူးကြွတဲ့ Ring Tone သံကြောင့် ဖတ်လက်စ သတင်းစာ ကို ခဏချပြီး တစ်ဘက်က ဆက် သွယ်လာတဲ့ ဖုန်းနံပါတ်ကို ကြည့် လိုက်မိပါတယ်။ ရန်ကုန်မြို့တွင်း တစ်နေရာမှ ဆက်သွယ်လာတဲ့ ကြိုး ဖုန်းတစ်လုံးမို့ ကြော်ငြာထည့်ထားတဲ့ အိမ်ခြံမြေ ကိစ္စပဲလို့ တွက်ဆပြီး အား ရဝမ်းသာ ဖုန်းကို ဖွင့်လိုက်ပါ တယ်။ ''ဟဲလို အမိန့်ရှိပါခင်ဗျာ'' ''ဟဲလို၊ ဖုန်းနံပါတ် ဝ၉၅ဝ၆၉၈ ကပါလားရှင်'' ''ဟုတ်ပါတယ်ခင်ဗျာ'' ''ဈေးကွက်ဂျာနယ်ထဲမှာ ရောင်းမယ်ဆိုတဲ့ ကြော်ငြာလေး တွေ့ လို့ပါ'' ''ဟုတ်ကဲ့၊ ဘာများသိချင်ပါ သလဲ'' ''တောင်ဥက္ကလာပ ၅ ရပ်ကွက် နော်'' ''ဟုတ်ကဲ့ပါ'' ''အကျယ်က ၂ဝ x ၆ဝ နော်'' ''ဟုတ်ကဲ့ပါ'' ''ဘာနဲ့ နီးလဲဟင်'' ''နန္ဒဝန်ဈေးနဲ့ နီးပါတယ်'' ''ရေ၊ မီးကောပါလားဟင်'' ''ဟုတ်ကဲ့ ပါပါတယ်'' ''ဈေးဘယ်လောက်ခေါ်လဲ ဦး'' ''.... သိန်းပါ'' ''အလျှော့ အတင်းတော့ ရှိသေး လားဟင်'' ''ရှိပါတယ်။ နည်းနည်းပါးပါး တော့ ရှိပါတယ်'' ''ဦးနာမည်လေး တဆိတ် လောက် ပြောပါလားဟင်'' ''နေပါဦးသမီးရဲ့။ သမီးက ဝယ်မယ့်သူလား။ အကျိုးဆောင် လား'' ''သမီးက အိမ်ခြံမြေ အကျိုး ဆောင်ကပါ'' ''သြော် အကျိုးဆောင်ကလား။ အကျိုးဆောင်ခတော့ ဝမ်းပါဆင့်ပဲ ပေးလို့ရမှာနော်သမီး'' ''သြော်ဟုတ်လား'' ''ဂွပ်''ဆိုတဲ့ တစ်ဘက်က ဖုန်းချသံကို ကြားလိုက်ရပါတယ်။ ခုတစ်လော ဒီလိုဖုန်းတွေ တစ် နေ့သုံး၊ လေးကြိမ်လောက် လာတတ် ပါတယ်။ မိတ်ဆွေအပေါင်းအသင်း တစ်ယောက်နဲ့ပတ်သက်ပြီး အိမ်၊ ခြံ၊ မြေ ကိစ္စလေးတွေ ကူညီလုပ်ကိုင်ပေး ရင်း အရောင်းကြော်ငြာတွေမှာ ကိုယ့် ရဲ့ ဖုန်းနံပါတ်ကို ထည့်သုံးမိလို့ပါ။ အရောင်းအဝယ်ဖြစ်သွားရင် ပွဲခလေး ဘာလေးရလိုရငြားပေါ့။ တစ်ခါတစ်ရံ ဝေစားတတ်တဲ့ အကျိုးဆောင်မျိုးနဲ့ ဆိုရင် တစ်ကျပ်လောက်တော့ ရ တတ်ပါတယ်။ ဒါပေမယ့် ခုတစ် လော ဒီဖုန်းသံတွေကြောင့် အားမလို အားမရဖြစ်မိပါတယ်။ တကယ်တော့ အသံကြောင့်မဟုတ်ပါဘူး။ အပြော ကြောင့်ပါ။ ဒီထက်ပိုပြောရရင် ထိရောက်မှုမရှိတဲ့ ဆက်သွယ်မှု ညံ့ ဖျင်းတဲ့ဆက်သွယ်မှု Poor Communication ကြောင့်ပါ။ ကျွန်တော် တို့တွေ အလုပ်လုပ်တဲ့နေရာမှာ ဘယ် အလုပ်ပဲလုပ်လုပ် ကျွမ်းကျင်မှုရှိဖို့၊ ပရို -Pro ပီသဖို့ လိုနေပါသေးတယ်။ ကျွမ်းကျင်မှုမရှိတဲ့အတွက် အချိန် တွေကုန်တယ်။ စွမ်းအားတွေ ပြုန်း တီးတယ်။ ငွေကုန်တယ်။ ဘာမှ အကျိုးမရှိနိုင်ပါဘူး။ ဒီအတွက် ဝေဒနာစိတ်ကလေးနဲ့ ဒီဆောင်းပါး ကိုရေးဖြစ်တာပါ။ ဖူးစာဖက်အကျိုးဆောင် ဒီဘက်ခေတ်မှာ ဆက်သွယ်ရေး စနစ်တွေ တိုးတက်ကောင်းမွန်လာ တဲ့အတွက် ဝန်ဆောင်မှုလုပ်ငန်းတွေ လဲ တွင်ကျယ်လာပါတယ်။ နေရာ တိုင်းမှာ ဝန်ဆောင်မှုလုပ်ငန်းတွေ ကုမ္ပဏီတွေ အလျှိုလျှိုပေါ်ပေါက်လာ ပါတယ်။ ဝန်ဆောင်မှုနဲ့ပတ်သက်လာ လို့ ဟိုတစ်လောက လှည်းတန်း ဘက် မိတ်ဆွေအမျိုးသမီး တစ်ယောက်ရဲ့ အိမ်သစ်တက် မင်္ဂလာ ပွဲမှာ ကြုံခဲ့ရတာလေးကို ရေးပါရ စေဦး။ အိမ်ရှင်က တည်ခင်းကျွေး မွေးတဲ့ စားစရာတွေကို သုံးဆောင် ပြီး လုပ်ငန်းကိုင်ငန်းအကြောင်းတွေ ဟိုစစ၊ ဒီစစ ပြောကြရင်း အိမ်ရှင်ရဲ့ အစ်မဖြစ်သူက သူ့လုပ်ငန်းအကြောင်း ကို အားရပါးရ ပြောပြပါတယ်။ ပြောရုံတင်မက အသင့်ပါလာတဲ့ ဓာတ်ပုံအထောက်အထားတွေကိုပါ ထုတ်ပြပါတယ်။ ဒီတော့မှ ဖူးစာဖက် အကျိုးဆောင်မှန်းသိလိုက်ရပါတယ်။ ဒါမျိုးက နိုင်ငံရပ်ခြားမှာပဲ ကြားဖူး ပါတယ်။ တိုးတက်လာတဲ့ ဒီခေတ် ကြီးမှာ တချို့လူငယ်တွေက ပညာ ရေးအတွက်လုံးပန်းရင်း ချစ်ရေး ကြိုက်ရေးတွေဘက်ကိုအာရုံမရောက် ဖြစ်တဲ့အကြောင်း၊ ပညာစုံလို့ အလုပ် ခွင်ဝင်ရပြန်တော့ အားချိန် နားချိန် ကနည်းတဲ့အကြောင်း၊ အိမ်ထောင် ရေးဘက်မှာ အာရုံရောက်လာတဲ့အခါ ကျပြန်တော့ အရွယ်က ခပ်ဟိုင်းဟိုင်း ဖြစ်လာတဲ့အကြောင်း၊ ဒီအတွက် အပြင်ထွက်ပြီး အိမ်ထောင်ဖက်ရှာ ဖို့လဲ အခက်အခဲရှိကြောင်း၊ ဒီ အကြောင်းကြောင်းတွေကြောင့် တချို့ဆိုရင် ရုပ်ရည်ရော၊ ပညာရော၊ အသိုင်းအဝိုင်းရောရှိကြတဲ့ သူတွေ တောင် အိမ်ထောင်မပြုဖြစ်ကြ ကြောင်း၊ ဒီအတွက် မိဘတွေက အကူအညီတောင်းတာတွေရှိလာတဲ့ အတွက် ဖူးစာဖက် အကျိုးဆောင် အလုပ်ကို လုပ်ဖြစ်တဲ့အကြောင်းကို အကျယ်တဝင့်ရှင်းပြပါတယ်။ သူမ လုပ်နိုင်တဲ့အလုပ်၊ ကူညီနိုင်တဲ့ အကူ အညီကို သူများတွေ နားလည် လက် ခံအောင် ဆက်သွယ်ပြောဆိုနိုင်တဲ့ အကျိုးဆောင်ကောင်း တစ်ယောက် မှန်း အကဲခတ်လိုက်မိပါတယ်။ သူမ ကိုယ်တိုင်က အပျိုကြီးဖြစ်ပြီး ဒီအချိန် ထိ သူမအောင်သွယ်ပေးခဲ့တဲ့ စုံတွဲတွေက သာယာချမ်းမြေ့စွာနဲ့ ဘဝခရီးကို လျှောက်လှမ်းနေကြတာ ကိုမြင်ရတော့ စိတ်ချမ်းသာကြောင်း တွေကိုပါ အားတက်သရော ပြောပြ ပါတယ်။ ခုလက်ရှိမှာတောင် အမေရိ က ရောက်နေတဲ့ အမျိုးသားတစ် ယောက်က ဆရာဝန်မလေးလိုချင် တယ်ဆိုလို့ ကြိုးစားပေးနေရတယ် ဆိုပြီးပြောပါတယ်။ ဒီတော့မှ ကျွန် တော်တို့မြန်မာတွေလဲ ကမ္ဘာ့ရွာကြီးထဲ သို့ ဝင်ရောက်သွားပြီလို့ တွေးလိုက် မိပါတယ်။ ဒီလောက်ထိ ခေတ်ရှေ့ ကို ပြေးပြီး ရေပန်းစားလာတဲ့ ဝန် ဆောင်မှုပါ။ ဒီလို အရေးပါလာတဲ့ ဝန်ဆောင်မှုကို ဒီအချိန်အထိ ဖြစ် ကတတ်ဆန်း လုပ်နေကြတဲ့ လုပ် ငန်းရှင်တွေလဲ အများကြီးပါပဲ။ ဖူးစာ ဖက် အကျိုးဆောင် အပျိုကြီးက တော့ သူမ ဘာလုပ်တတ်တယ်။ သူမ လုပ်ငန်းက လူတွေကို ဘယ် လိုအကျိုးပြုတယ်။ ဒီလုပ်ငန်းအပေါ် သူမရဲ့ ခံစားချက်၊ သူမလုပ်ငန်းရဲ့ အောင်မြင်မှုတွေကို ကိုယ်ကျိုးအတ္တ မပေါ်လွင်စေဘဲ သတင်းပေးသွားတာ အတုယူစရာပါပဲ။ မားကက်တင်း လုပ်ငန်းကို ဆယ်စုနှစ်နီးပါး လုပ်ကိုင် နေတဲ့ ကျွန်တော်လဲ အတော်လေး ပညာရလိုက်ပါတယ်။ ဝန်ဆောင်မှုဆိုတာ တကယ်တော့ ဝန်ဆောင်မှုဆို တာ လူတစ်ဦးတစ်ယောက်ကနေ သူတစ်ပါးကို ပေးနိုင်တဲ့ သီးခြား ကျွမ်းကျင်မှု ဒါမှမဟုတ် The Particular Skills of Help that a person is able Offer ကိုဆိုလိုတာ ပါ။ ဒီနေရာမှာ သီးခြားကျွမ်းကျင်မှု Particular Skills ဆိုတာ ကိုယ်က ဘာလုပ်တတ်သလဲ။ ဘာကို ကျွမ်း ကျွမ်းကျင်ကျင် တတ်မြောက်သလဲ။ ကိုယ်ဘာကို လုပ်ပေးနိုင်သလဲဆိုတဲ့ သဘောပါ။ ဝန်ဆောင်မှုမှာ ကိုယ်လုပ် ပေးနိုင်တာကို သူတစ်ပါးသိအောင် လုပ်ရတာ။ သူတစ်ပါးလိုချင်တာကို ကိုယ်သိအောင်လုပ်ရတာတွေဟာ အခြေခံသဘောပါပဲ။ ဒီလို သိနိုင်ဖို့ အတွက် အဓိကကျတဲ့ လုပ်ငန်းစဉ် ဟာ ဆက်သွယ်ခြင်းပါ။ ထိရောက် တဲ့ဆက်သွယ်ခြင်းဟာ ဝန်ဆောင်မှု လုပ်ငန်းတွေမှာ အတော်ကို အရေးပါ ပါတယ်။ ဒီအတွက်ထိရောက်တဲ့ ဆက်သွယ်ခြင်း Effective Comm-unication ဆိုတာကို နည်းနည်းလေး တင်ပြချင်ပါတယ်။ ထိရောက်တဲ့ ဆက်သွယ်ခြင်း ဆက်သွယ်ခြင်းရဲ့ သဘောက သတင်းအချက်အလက်တွေကို ဖလှယ် ကြတာပါပဲ။ ဒါပေမယ့် ထိ ရောက်တဲ့ ဆက်သွယ်ခြင်းဆိုတာက တော့ သတင်းအချက်အလက်တွေကို ဖလှယ်ရုံသက်သက်မဟုတ်ပါဘူး။ သတင်းရဲ့ နောက်ကွယ်မှာရှိတဲ့ စိတ် ခံစားချက်တွေကို နားလည်သဘော ပေါက်ပြီး အကျိုးရလဒ်ကောင်းတွေ ကို ရရှိစေတဲ့ ဆက်သွယ်မှုဖြစ်မှသာ ထိရောက်တဲ့ ဆက်သွယ်မှုလို့ ခေါ် နိုင်ပါတယ်။ ကျွန်တော်က ရောင်း မယ်ဆိုတဲ့ သတင်းတစ်ခုကို ပေး လိုက်တယ်။ ဒီသတင်းကို ရပြီးတော့ ကျွန်တော့်ဆီကို ဆက်သွယ်လာကြ တဲ့ အိမ်ခြံမြေ အကျိုးဆောင် တော် တော်များများဟာ အရင်ဦးဆုံး သူတို့ ဘယ်ကမှန်း၊ ဘာတွေကို လုပ်ပေး နိုင်မှန်း မပြောပြတတ်ကြပါဘူး။ ပြီး တော့ ဒီသတင်းကိုပေးတဲ့ ကျွန်တော့် အနေနဲ့ ဒီသတင်းနဲ့ပတ်သက်ပြီး ဘယ်လိုသဘောထားတွေရှိမှန်း သိ အောင် မကြိုးစားချင်ကြဘူး။ ဒီလို သိဖို့ဆိုတာ ကျွန်တော် ပြောတာကို နားထောင်ဖို့လိုပါတယ်။ နားထောင်ခြင်းဟာ ထိရောက်တဲ့ ဆက်သွယ်ခြင်းမှာ အရေးပါတဲ့ စွမ်း ရည်တစ်ခုပါပဲ။ တော်တော်များများ ကတော့ သူတို့လိုချင်တဲ့ အချက် အလက်တွေကို မေး၊ ပြီးတော့ သတင်းပေးသူရဲ့ နာမည်ကို ရယူဖို့ ကြိုးစားကြပါတယ်။ ဘာမှ အလုပ် မဖြစ်ဘဲ နောက်ဆုံးတော့ ဖုန်းခပို ကုန်တာပဲ အဖတ်တင်ပါတယ်။ ဒါတွေဟာ အသေအချာ သင်ယူလေ့ ကျင့်မထားတဲ့အတွက်ဖြစ်ရတာပါ။ ဒီလိုမျိုး ဆက်သွယ်လာမှုတွေ ကို လက်ခံနားထောင်ပေးရင်း ဒါတွေ ဘာကြောင့်ဖြစ်ရတာလဲလို့ သုံးသပ် ကြည့်မိပါတယ်။ လူတစ်ယောက် နဲ့တစ်ယောက် ဆက်သွယ်တဲ့အခါ အဓိကဖြစ်တဲ့ ပြဿနာကတော့ စိတ် ပိုင်းဆိုင်ရာ ပြဿနာ The Basic Problem in Communication is Mentality ပါပဲ။ ဒီစိတ်ပိုင်းဆိုင်ရာ ပြဿနာတွေမှာ ပထမ ပြဿနာက တော့ တစ်ကိုယ်ကောင်းဆန်ခြင်း Selfishness ပါ။ ကိုယ့်အတွက် ကိုယ့် မိသားစုအတွက်၊ ကိုယ့်မိဘ ညီအစ်ကို မောင်နှမတွေအတွက် ကိုယ်နဲ့ သိကျွမ်းရင်းနှီးသူတွေအတွက် ဆိုတဲ့ စိတ်မျိုးနဲ့ ဆက်သွယ်ပြောဆို တာမျိုးဟာ တစ်ကိုယ်ကောင်းဆန် တာပါပဲ။ နောက်ဒုတိယ တစ်မျိုးက တော့ လူတစ်ဘက်သားနေရာကနေ မစဉ်းစားဘဲ ကိုယ်လုပ်ချင်တာကိုပဲ လုပ်တတ်တဲ့၊ ကိုယ့်ကိုယ်ကိုပဲ ဗဟို ပြုတတ်တဲ့ Self - Centeredness စိတ်အခြေအနေမျိုးပါ။ ဥပမာအနေနဲ့ ပြောရရင် လူဘုံအလယ်မှာ ဆေးလိပ် သောက်တတ်တဲ့ လူတစ်ယောက်ရဲ့ စိတ်အခြေအနေမျိုးပါ။ နောက် တတိ ယမျိုးဆက်ကတော့ မာနစိတ်၊ ဘဝင် မြင့်တဲ့စိတ် Arrogance ပဲဖြစ်ပါ တယ်။ ဒီလိုလူတွေရဲ့ စိတ်အခြေ အနေကတော့ ဘယ်သူဘာပြောပြော ငါပြောတာပဲ အမှန်ဆိုတဲ့ အခြေအနေ မျိုးပါ။ အမေမှာခဲ့ပေမယ့် တစ်ဘက်သားနဲ့ ဆက်ဆံပြော ဆိုတဲ့အခါ အထက်မှာဖော်ပြခဲ့တဲ့ စိတ်အခြေအနေ တစ်မျိုးမျိုးကြောင့် တစ်ဦးနဲ့ တစ်ဦး နားလည်မှုတွေ လွဲ မှားပြီး လုပ်ငန်းထမြောက် အောင်မြင် မှုကို ထိခိုက်စေတတ်ပါတယ်။ တစ် နည်းပြောရရင် ဖောက်သည် ကောင်း တွေကို ဆုံးရှုံးသွားနိုင်ပါတယ်။ ဒါ ကြောင့် ဒီကြော်ငြာလေး ထည့်ပြီး နောက် ဖုန်းတွေ ဆက်တိုက် လာ ကတည်းက ဒီဆောင်းပါးကို ရေးချင် နေတာပါ။ ယှဉ်ပြိုင်မှုတွေ များလွန်း လှတဲ့ ဒီခေတ်ကြီးထဲမှာ ဘယ် အလုပ် မှ ပေါ့ပေါ့တန်တန် မလုပ်စေချင် ပါ ဘူး။ ပြီးတော့ အရပ်စကားရှိပါ တယ်။ အမေမှာရင် မှာတဲ့အတိုင်း ဆိုတဲ့စကားပါ။ အမေက လွန်ခဲ့တဲ့ အနှစ်နှစ်ဆယ်က ဒီလိုမလုပ်နဲ့၊ ဒီလို မကိုင်နဲ့ လို့ မှာခဲ့ပေမယ့် ဒီအချိန် မှာ ဒီလိုလုပ်မှ အကျိုးရှိနိုင်မယ်ဆိုရင် အမေမမှာခဲ့ပေမယ့် လုပ်ရမှာပါ။ ကာလ ဒေသ ပယောဂတွေကြောင့် အခြေအနေတွေက ပြောင်းလဲတတ် ပါတယ်။ အခြေအနေနဲ့အတူ လိုက်ပါ ပြောင်းလဲနိုင်ဖို့ ကြိုးစားရမှာပါ။ ဝန်ဆောင်မှုရဲ့ အနှစ်သာရ ဒီဆောင်းပါး လက်စမသတ်ခင် တစ်နေ့မှာပဲ ဖုန်းဝင်လာပါတယ်။ ဝင် လာတဲ့ ဖုန်းနံပါတ်ကိုကြည့်ပြီး စိတ် မပါ့တပါနဲ့ပဲ ဖုန်းကို ကောက်ကိုင် လိုက်ပါတယ်။ ''ဟဲလို'' ''ဟဲလို ဖုန်းနံပါတ် ဝ၉၅ဝ၆၉၈ ကပါလားရှင်'' ''ဟုတ်ပါတယ်ခင်ဗျာ'' ''သမီးက ... အိမ်ခြံမြေ အကျိုးဆောင်ကပါ။ ဦးရဲ့ တောင် ဥက္ကလာပ ၅ ရပ်ကွက်ထဲက ၂ဝပေx ၆ဝပေ မြေကွက်လေး ရောင်းဖို့ ဈေး ကွက်ဂျာနယ်ထဲမှာ ကြော်ငြာထား တာတွေ့လို့ပါ'' ''ဟုတ်ကဲ့ပါ။ ဘာများသိချင် ပါသလဲ'' ''ဦးက ပိုင်ရှင်ပဲလားရှင်'' ''ဦးမိတ်ဆွေရဲ့ မြေကွက်ပါ။ ဦးကိုယ်တိုင် ဝယ်ပေးထားတာမို့ ဦးက ကူညီပေးတာပါ'' ''သမီးတို့ အကျိုးဆောင်ပေးလို့ ရမလားလို့ သိချင်လို့ပါဦး။ သမီးတို့ ဆီမှာ ဝယ်လက်ရှိနေလို့ပါ'' ''ဟုတ်လား။ ရပါတယ်။ ဒါ ပေမယ့် အကျိုးဆောင်ခကတော့ ဝမ်း ပါဆင့်ပဲပေးလို့ရမယ်သမီး'' ''ရပါတယ် ဦး။ ဈေးဘယ် လောက်ခေါ်ထားပါသလဲ'' ''.... သိန်းပါ'' ''အလျှော့အတင်းကော ရှိသေး လားဦး'' ''ရှိပါတယ်'' ''ကျန်တဲ့အချက်အလက်တွေ က ကြော်ငြာထဲကအတိုင်းပဲနော်ဦး'' ''ဟုတ်ကဲ့ပါသမီးရယ်'' ''အဲဒါဆို ဝယ်လက်ကို ပြော ပြပြီး ကြည့်မယ်ဆိုရင် ဦးဆီကို ဖုန်း ပြန်ဆက်ပါ့မယ်။ ဦးနာမည်လေး တစ်ဆိတ်လောက် ပြောပေးပါလား'' ''ဦး ... ပါ'' ''ကျေးဇူးပါဦး။ သမီးကြည့်ဖြစ် မယ်ဆိုရင် ဒီဖုန်းပဲ ပြန်ဆက်လိုက် ပါမယ်'' ''ဟုတ်ကဲ့ပါ။ ကျေးဇူးတင် ပါတယ်'' ဒီတစ်ခါဖုန်းဆက်လာတဲ့ သမီး လေးရဲ့ ဆက်သွယ်မှုအရည်အချင်းက အရင်သမီးလေးရဲ့ အရည်အချင်းတွေ နဲ့ အတော့်ကို ကွာပါတယ်။ ဘာ ကြောင့်လဲဆိုတော့ တစ်ဘက်လူရဲ့ လိုအင်ဆန္ဒကို အရင်သိအောင် ကြိုး စားပြီးမှ သူဘာလုပ်ပေးနိုင်တယ်ဆို တာ တစ်ဘက်လူကို အသိပေးပါ တယ်။ မိမိဘက်က ဝယ်လက် အခြေ အနေကိုလဲ သိပုံရပါတယ်။ ဝယ်လက်က တကယ်ဝယ်မယ့် အခြေအနေမျိုးဆိုရင် ဝမ်းပါဆင့်လဲ မဆိုးဘူးလေ။ အရောင်းအဝယ် သဘောအရ အခြေအနေပေါ်မူတည် ပြီး မီးစင်ကြည့်ကရမှာပဲ မဟုတ် လား။ ဒီလိုပါးနပ်လိမ္မာတဲ့ အကျိုး ဆောင်းမျိုးဖြစ်ဖို့ လိုပါတယ်။ ဝယ် လက် လာကြည့်ဖြစ်တာ၊ မဖြစ်တာ ခဏထားဦး၊ လောလောဆယ်တော့ လက်ခံစကားပြောပေးရတဲ့ ကျွန်တော့် ကို စိတ်ချမ်းသာမှုရစေတာ အမှန် ပါပဲ။ ဒါဟာ ဝန်ဆောင်မှုလုပ်ငန်း ရဲ့ အနှစ်သာရ ပဲဖြစ်ပါတယ်။ ဒါကြောင့် အိုင်တီ ခေတ်လို့ြေ<ွကးကြော်နေကြတဲ့ ၂၁ ရာစုခေတ် ထဲမှာ မြန်လွန်းလှတဲ့ ဆက်သွယ်ရေး ကွန်ရက်တွေကြောင့် ဝင်ငွေ စီး ကြောင်းတွေ ကိုယ့်ဆီကို ဒလဟော ဝင်ရောက်လာနိုင်သလို နေ့ချင်း ညချင်း ကျရှုံးသွားကြတာလဲ ဒုနဲ့ ဒေးပါပဲ။ အဓိက အချက်ကတော့ ဆက်သွယ်မှုစွမ်းရည်ပါ။ ဆက်သွယ် မှုစွမ်းရည်တိုးတက်အောင် အဆက် မပြတ်လေ့လာသင့်ယူနေဖို့လိုအပ်ပါ တယ်။ ကျွန်တော်တို့အားလုံး လိုအပ် တာတွေကတော့ အတော်များပါ တယ်။ ဒါပေမယ့် အရေးကြီးတာကို အရင်လုပ်လိုက်ရင်တော့ အကောင်း ဆုံးပါပဲ။ အချိန်နဲ့အမျှ လုပ်ဆောင် နေကြတဲ့ လူလူချင်း ဆက်သွယ်ရေး စွမ်းရည်တွေပိုမိုတိုးတက်လာဖို့အတွက် ဒီထက်မကပိုပြီးကြိုးစားကြပါစို့။                                                                                                                                      စံဝင်းထွန်း
ဈေးကွက်ဂျာနယ်မှ ကူးယူဖော်ပြပါသည်။