ပညာရေး ။

ပညာရေး ပညာရေး နဲ့ လူတွေအတော်တော်များများစကားပြောနေကြတယ်

ပိုက်ဆံတက်နိုင်တဲ့မိသားစုတွေကတော့နိုင်ငံတကာပညာရေးဆိုတာကိုပြောနေကြတယ်
နိုင်ငံတကာပညာရေး ၊ နိုင်ငံတကာပညာရေးအခွင့်အလန်းများ ၊ စသည် စသည်ပေါ့
စင်ကာပူပညာရေးကဘယ်လိုလဲ ၊?
UK ပညာရေးကဘယ်လို့လဲ ၊ ?
 Austraila ပညာရေးကဘယ်လိုလဲ ?
ထိုင်းနိုင်ငံပညာရေးကကောဘယ်လိုလဲ ?
သူတို့ဆီမှာပညာသွားသင်ရင်အလုပ်တန်းရမလား၊ ပညာသင်နေစဉ်အလုပ်အလုပ်လုပ်ဘို့ အခွင့်အလမ်းတွေရှိသလား ?
စသဖြင့်  လားပေါင်းများစွားနဲ့ မေးမြန်စုံစမ်းကြတာတွေရှိတယ် ၊


ဒီနေအိုင်တီတိုးတက်နေတဲ့ခေတ်ကြီးမှာကိုယ်လိုချင်တာကိုအင်တာနက်မှာအလွယ်တကူရတယ်
အဲဒိမှာရှာပါလို့ပြောရင် အချို့နေရာတွေမှာအင်တာနက်မသုံးနိုင်တာရယ် တချိုကျတော့ကွန်ပြူတာ
တောင်မသုံးနိုင်သေးတဲ့သူတွေအတွက် အခက်အခဲရှိမှာဖြစ်ပါတယ် ၊

ပညာရေး
ပညာရေးဆိုတဲ့အကြောင်းမပြာခင် ပညာဆိုတဲ့ဝေါဟာရကိုအရင်အဓိပါယ်ဖွင့်ဆိုကြည့်ရအောင်
ပညာရေးဆိုတာကို ပညာရှင်တွေက သူ့အမြင်နဲ့ သူ အမျိုးမျိုး အဓိပ္ပါယ်ဖွင့်ဆိုကြ
ပါတယ် ၊
အနောက်တိုင်းဒဿနပညာရှင်ကြီး ristotle(BC 384) ကတော့
ပညာရေးသည် လူသားတို့၏ ကိုယ်ရည်ကိုယ်သွေးကို ပျိုးထောင်ပေးရန် တာဝန်ရှိသည်။
လို့ဖွင့်ဆိုပါတယ် ၊
ပညာရှင် John Dewey(1859-1952)  ကတော့
ပညာရေးသည် သင်ကြားခြင်းမဟုတ်။ ကလေးဘာသာသင်ယူတတ်ရန် လေ့ကျင့်ပေးခြင်းသာ ဖြစ်သည်။လို့ဆိုပါတယ် ၊
ပညာရှင် Bertrand Russel (1872-1970) ကတော့
ပညာရေးသည် ကမ္ဘာကို ဖွင့်လှစ်မည့် သော့တချောင်း ဖြစ်သည်။
လို့ဖွင့်ဆိုပါတယ် ၊

မြန်မာနိုင်ငံက စာပေသမားတချို့ကတော့
ပညာရေးဆိုတာအနာဂတ်လူငယ်လူရွယ်တွေအနေရဲ့ဘ၀ရပ်တည်နိုင်ရေးအတွက်
 ကြိုတင်ပြင်ဆင်နိုင်ဖို့ ဘာသာရပ်အလိုက်သင်ကြားပို့ချ ပေးတဲ့ အရာအဖြစ် တယ်လို့ ဆိုပါတယ် ၊
ဒီလို အမျိုးမျိုး ရှုမြင်ကြတာတွေဟာ သူ့အမြင်သူတိုင်းအတာနဲ့တော့မှန်မယ်လို့ဆိုချင်လဲဆိုနိုင်ပါတယ်
ကဲအခု ပညာရေးနဲပတ်သက်လို့ ကျွန်တော်ရှာဖွေတွေ့ရှိသလောက် အဓိပါယ်ဖွင့်ဆိုကြည်ရအောင်၊

ပညာ ဆိုတာ
           အသိ ၊ ဥာဏ် ( အမှားအမှန်ကို ဝေဖန်ပိုင်းခြား တက်တဲ့ ဥာဏ်
          အကောင်းအဆိုး အကြောင်းအကျိူးကိုဝေဖန်ပိုင်းခြားတက်တဲ့ဥာဏ် )
          ကိုပညာလို့ခေါ်ပါတယ် ၊

အတက်ပညာ
          အတက်ပညာဆိုတာကတော့ အမျိုးအစား အမျိုးမျိုးရှိပါတယ် ၊ ဘာသာရပ်ဆိုင်ရာပညာရပ်များ ၊ဆရာဝန်ပညာ၊အင်ဂျင်နီယာပညာ၊စာရင်းကိုင်စတဲ့ပညာရပ်
ရပ်များနဲ့ အသက်မွေးဝမ်းကြောင်းဆိုင်ရာလုပ်ငန်းအတက်ပညာများဖြစ်တဲ့ မော်တော်ကားပြင်
တာ၊ ကားမောင်းတာ၊စက်ချုပ်တာ ၊ လယ်ထွန်တာ၊ရက်ကန်းရက်တာ ပန်းချိပန်းပု စတဲ့လက်မှု
အတက်ပညာအမျိုးမျိုးရှိပါတယ် ၊

အသိပညာ
          အသိပညာဆိုတာကတော့ ပညာရပ်တခု ၊ဘာသာရပ်တခုကို ဦးဏှောက်နဲ့အသိဥာဏ်
ကိုအသုံးပြုပြီး စဉ်းစားတွေးခေါ်ြုပီး အဖြေရှာတည်ဆောက်နိုင်တဲ့ လုပ်ငန်းမျိုး၊ စာရေးဆရာ၊
ဥပဒေပညာရှင်၊အတွေးအခ်ါပညာရှင်များ
ယျေဘုံယျအနေနဲ့ပြောရရင်တော့ ကိုယ်ကာယကိုအသုံးပြုပြိးလုပ်ကိုင်ရတဲ့ပညာရပ်မျိုး နဲ့
ဦးဏှောက်နဲ့ဥာဏ်ရည်ကိုအသုံးပြုပြီးလုပ်ကိုင်တဲ့ပညာရပ်မျိုးလို့ဆိုရမှာဖြစ်ပါတယ် ၊
ဒီလုပ်ငန်း ပညာရပ် ဘာသာရပ် ၂ ခုစလုံးမှာ အသိဥာဏ် ဆိုတဲ့ပညာဟာပါနေတယ်ဆိုတာ
ကိုတော့ သတိ ပြုရမှာဖြစ်ပါတယ် ၊

စာ
          စာဆိုတာကတော့ အထက်ပြောခဲ့တဲ့ အတက်ပညာများ ၊ အသိပညာများ
ကိုတက်မြောက်အောင် သင်ယူတဲ့နေရာမှာအသုံးပြုတဲ့ ပစ္စည်းကရိယာတခုဖြစ်ပါတယ် ၊

ကျောင်းဆိုတာကတော့
အထက်ပြောခဲ့တဲ့ အတက်ပညာများ ၊ အသိပညာများကိုတက်မြောက်အောင်သင်ယူတဲ့နေရာ
မှာ စာဆိုတဲ့ ကိရယာကို သင်ရိုးများ ပြုစုပြီး စံနစ်တကျ အချိန်ဇယား ၊ သပ်မှတ်ပြီး သင်ကြား
ပို့ချပေးတဲ့နေရာဌာနတခုဖြစ်ပါတယ် ၊ ခောတ်မှ နည်းပညာများပေါ်ပေါက်လာတဲ့အခုလိုခောတ်
မှာ တော့ နေရာဌာနသတ်မှတ်ပြီး သင်တာထက် အဝေးသင် စံနစ် အင်တာနက် နဲ အွန်လိုင်းနဲ့
သင်ကြားခြင်း လေ့လာခြင်းများပြုလုပ်နိုင်တဲ့အတွက်  ကျောင်းဆိုတာကို  အဓီပါယ်ဖွင့်ဆိုမှုပြောင်း
လဲလာနိုင်ပါတယ် ၊

ဘာဖြစ်လို့ကျွန်တော် ဒီလိုပြောရသလဲဆိုတော့ အတက်ပညာတခုခုကို
သင်ယူတဲ့နေရာမှာ စာမတက်ပေမဲ့လဲသင်ယူလို့ရတယ်၊ ဥပမာ ၊ နားနဲ့နားထောင်
ရင်းနဲ့လဲ ဒီအသိတရားတခုခု ကို ရနိုင်တယ် ၊ တက်န်ိင်တယ် ၊ နောက် မျက်စိနဲ့
ကြည့်ရုံနဲ့လဲ့အတက်ပညာ တခုခုကို အသိပညာတခုခုကို တက်သွားနိုင်တယ် ၊သိ
သွားနိုင်တယ် ဒါကြောင့် ပညာဆိုတာ အသိဥာဏ် ထိုးထွင်းသိမြင်တဲ့ပညာ အကောင်း
အဆိုးအကြာင်းအကျိုးကိုဝေဖန်ကပိုင်းခြားတက်တဲ့ ပညာလို့ဆိုခဲ့တာဖြစ်ပါတယ် ၊

စာပေဆိုတာမပေါ်ပေါက်သေးတဲ့အချိန်တုန်းကဆိုရင်ပညာတခုကိုဘယ်လိုသင်ယူ
တက်မြောက်ကြသလဲ အမြင်နဲ့ အကြားနဲ့ သင်ယူတက်မြောက်ခဲ့ကြတာဖြစ်ပါတယ် ၊    
စာပေပေါ်ပေါက်လာပြီးတဲ့နောက်မှာမှဘာသာရပ်တခုကို စံနစ်တကျသင်ယူနိုင်ဘို့အတွက်
အစီအစဉ်များ( သင်ရုိုးများ) ချမှတ်ရေးဆွဲပြီး သင်ယူတဲ့အလေ့အကျင့်ကို၊ စံနစ်ကိုတီထွင်အ
သုံးပြုလာကြတာဖြစ်ပါတယ် ၊

ကျောင်းဆိုတာ အဲဒီ စာပေများ မှတ်တမ်းများ ကို ကြည့်ပြိး သင်ယူခြင်း သင်ပေးခြင်း
စံနစ် ကိုပြုလုပ်ပေးတဲ့နေရာဌာနတခုဖြစ်ပါတယ် ၊
ဒါတွေကတော့ ပညာရေး ဆိုတာနဲ့ပတ်သက်လို့ အဓိပ္ပါယ်ဖွင့်ဆိုတာတာတွေပါ
ကဲ ကျွန်တော်ပြောချင်တာကို ဆက်ကြပါစို့

ပညာသင်တယ် ကျောင်းထားတယ်ဆိုတာ  ဘ၀ရပ်တည်ရေးအတွက် အသက်မွေးဝမ်းကြောင်းတခုခု လုပ်ပြီး 
ထမင်းစားဘို့ဘဲ အဟုတ်လား
ဟို တုန်းက  ၈ တန်း ကို Premetric  လို့ခေါ်တယ်  ၉ တန်းမရှိဘူး  ၈ တန်းအောင်ရင် ၁၀ တန်းတက်လို့ရမယ် 
၊ ၁၀ တန်းအောင်ရင်တော့ တက္ကသိုလ်ဆက်တက်ပေါ့ ၊ ကျောင်းဆက်
မတက်ချင်ဘူး  မတက်နိုင်ဘူးဆိုရင် အလုပ်ဝင်လုပ်လို့ရတယ် ၈ တန်းးအောင်ရင်
အောက်တန်းစာရေးလျှောက်လို့ရတယ် ၊

နောက်တော့ အစိုးရက ပညာရေးစံနစ်ပြောင်းတယ်  ၉ တန်းထားမယ် ဆိုပြိး လုပ်လာ
တယ် ၊ အဲဒီတော့ ၉ တန်းအောင်မှ  ၁၀ တန်း ( တက္ကသိုလ်ဝင်တန်း ဆိုပြီး ) ရောက်မယ်
၉ တန်းအောင်မှ တက္ကသိုလ်ပညာဆက်တက်ချင်တဲ့သူတွေက တက် မတက်နိုင်တဲ့သူ
က အလုပ်ဝင်လုပ်မယ်ဆိုရင်  ရတယ်  ဒီတော့ အောက်တန်းစရေး ၀င်လုပ်မယ်ဆိုင်တောင်
၉ တန်းအောင်ရမယ် ဖြစ်လာတယ် ၊ နိဂုံးချုပ်လိုက်တော့ အလုပ် လုပ်ချင်တဲ့သူ က ပိုပြီး တနှစ်
ကြာ သွားတယ် ဒါဘဲ  ( အဲဒါကို ဦးကျော်ရင် ကဘာပြောသလဲဆိုတော့  သူက ဒီလိုပြောင်းတာကို
လက်မခံဘူး အရေးကြီးတာက မြန်မြန်အလုပ်ရပြိး ထမင်းစားရဘို့ ဘဲ မဟုတ်လာတဲ့ ဘာဖြစ်လို့ အချိန် ဆွဲမှာလဲတဲ့ )

ဒါကြောင့် ပညာရေးဆိုတာကို
ကျွန်တော်က  မိသားစုတိုင်းက သားသမီးတယောက်မွေးလာရင် မဖြစ်မနေပြုလုပ်ကြရတဲ့
ရေရှည်ရင်းနှီးမြုပ်နှံရတဲ့စီးပွါးရေးလုပ်ငန်းတခုဘဲလို့ဆိုချင်ပါတယ်
တက်နိုင်သူတွေကတက်နိုင်သလို ဆ၇ာဝန်တို့အင်္ဂျင်နီယာ တို့ ပညာရပ်တွေမှာရင်းနှိီးမယ် ၊
မတက်နိုင်သူတွေကဘာဘွဲ့ဘဲရရ ၊ ဘွဲ့တခုရရင်ပြီးရော လူတောထဲဝင်ဆန့်တယ် ၊
အလုပ်ခန့်မဲ့နေရာတွေကလဲအနဲဆုံးတော့ ဘွဲ့တခုတခုရမှဆိုတော့ ဘွဲ့ရဘို့အဓိကထားပြိး
ပညာသင်ကြတယ်၊ကျောင်းတက်ကြတယ်ပေါံ့။

မတက်နိုင်တဲ့သူတွေကတော့ သေစာရှင်စာဘတ်တက်ရင်တော်ပါပြီးမူလတန်းအလယ်တန်း
လောက်ဘဲသင်ပြီး၊ရရာအလုပ်ကလေးတွေနဲ့မိသားစုစီးပွါေးရးပြဿနာကိုဖြေရှင်းနေကြရတာ
လဲရှိတယ်၊သူတို့အတွက်ကတော့မတက်နိုင်လို့ရေတိုရင်းနှီးလိုက်ရတဲ့လုပ်ငန်းပေါ့
ဒီလိုပြောရင်လွန်ရာကျမလား 

ပညာရေးနဲ့ပတ်သက်လို သိပ္ပံမောင်ဝရေးထားတဲ့
ကျောင်းထားရေးဆိုတဲ့ဆောင်းပါး နဲ့
ရွာ့ကျက်သရေ ဆိုတဲ့ဆောင်းပါ  နှစ်ပုဒ်ကို တင်ပြလိုက်ပါတယ်
မောင်သုည တို့ ၁၀ တန်းတုန်းက သင်ခဲ့ရတဲ့ သိပ္ပံမောင်ဝ ၀တ္တုဆောင်းပါးများထဲက ပါ
ဘတ်ကြည့်ပြီး ပညာရေး ဆိုတာ ဘာလဲ ကျောင်းထားတယ်ဆိုတာဘာလဲ ဟိုတုန်းက မြန်မာနိုင်ငံပညာ
ရေးစံနစ်ဆိုတာတွေကို သိမြင်ရမှာဖြစ်ပါတယ်

ဘတ်ကြည့်ဘို့ တင်ပြလိုက်ပါတယ်
မောင်သုည
ကျောင်းထားရေး     (    သိပ္ပံမောင်ဝ  )

တရံတခါသော်မောင်လူအေးနှင့်ခင်သန်းမြင့်တို့သည်ညစာစားပြိးနောက်အိမ်ရှေ့ဝရန်တာ လသာတွင်ထွက်၍ထိုင်ကြလေသည်၊သူတို့နောက်ဆက်တွဲမောင်လူမွေးလည်းသူတို့နှင့်
အတူပါလာလေ၏၊
          ခင်သန်းမြင့်သည်နေ့ခင်းကရောက်လာသောမဂ္ဂဇင်းတအုပ်ကိုပက်လက်ကလားထိုင်
ပေါ်တွင်ထိုင်၍ဖတ်နေလေသည်၊မောင်လူအေးမှာလဘက်ရည်ကြမ်းကိုမြေပဲဆားလှော်နှင့်
မြည်းရင်းအလုပ်အကြောင်းစဉ်းစားခန်းထုတ်နေ၏၊မောင်လူမွှေးကားမိဘနှစ်ယောက်အနား
ကြမ်းပြင်ပေါ်တွင်အရုပ်ကလေးများနှင့်ကစားနေလေသည်၊သူတို့သုံးယောက်အဘို့ညသည်
အေးမြသာယာသောညတညဖြစ်လသည်၊
          မောင်လူမွေးသည်မိမိအနားကစားနေရာမှမကြာမကြာထထသွားပြိးလျှင်ဓါတ်မိးရောင်
အောက်တွင်ပြေးလွှားနေကြသောပိုးကောင်ပလူကောင်ကလေးများကိုဖမ်းကာကစား၏၊
သူ့အားချော့ခေါ်၍မရ၊ခြောက်ခေါ်၍မရ၊ငေါက်ခေါ်၍လည်းမရ၊ခက်လေတော့၏၊မောင်လူ
အေးတလှည့်၊ခင်သန်းမြင့်တလှည့်ထိုင်ရာမှထပြီးဆွဲခေါ်ရ၏၊မောင်လူမွှေးမှာမလိုက်ချင်
လိုက်ချင်နှင့်ရုန်းကန်ရုန်းကန်နှင့်ပါလာတက်သည်၊သူအားထထခေါ်ရသဖြင့်ခင်သန်းမြင့်
မှာမဂ္ဂဇင်းကိုကောင်းကောင်းမဘတ်ရ၊မောင်လူအေးမှာလည်းစဉ်းစားခန်းကိုကောင်းကောင်း
မထုတ်ရ၊တော်တော်တေတဲ့ကောင်ကလေး၊
          အတန်ကြာလျှင်ခင်သန်းမြင့်သည်မောင်လူမွှေးအားစိုက်ကြည့်ပြိးလျှင် ပီတီသံဖြင့်
” မျွေးလေးဟာ တနေ့တခြားဝလာလိုက်တာနော် - အားရစရာကြီး ” ဟုဆို၏
” မွှေးစတုန်းကဆိုရင်ငယ်ငယ်လေးရယ်” ဟုမောင်လူအေးကထောက်ခံလိုက်၏၊
” စကားပြောမယ်မကြံသေးဘူးနောက်ဘို့က အရင်ဘဲ ”
” ဘယ်နောက်ရမှာတုန်း - ဟုတ်တာကိုပြောတာ - ဟုတ်တာပြောရင် ဥစ္စာပေါဆို      
ပေါမဟုတ်လား  နို့ပေမဲ့ထီမပေါက်တာခက်တယ် ”

” ဒါတွေကိုထားပါအုံး မွေးကလေးကိုကျောင်းထားဘို့စီမံရတော့မယ် ”
” အေင်မယ်လေး ဟဲ့ အခုမှတနှစ်ခွဲရှိသေးတယ်ဘယ်ကလာကျောင်းထားဘို့စီမံရမှာလဲ”
” အခုကထည်းကစီမံမှတော်ကာကျမယ် - အင်္ဂလန်ကနာမယ်ကျော်ကျောင်းတွေထားဘို့က
မမွေးခင်ကထည်းက နာမယ်စာရင်းသွင်းထားရတယ်ဆိုမဟုတ်လား ”
” ဒါကတော့ လွန်လွန်အားကြီးပါတယ်ဗျာ- ကိုင်းသူ့ကိုဘယ်လိုစီမံချင်သလဲပြော ”
” မြင့်သဘောမြင့် ငယ်ငယ်ကလေးထဲက ဘိလပ် အီတန်တို့ ဟားရိုး တို့လိုကျောင်းတွေမှာ
သွားထားချင်နေတာဘဲ ”
” ဟာ ကိုယ်ကတော့ သဘောမတူပေါင် - သည်ကျောင်းတွေကိုဝင်ခွင့်ရဘို့ဟာလဲအင်မတန်
ခက်- ၀င်ခွင့်ရစေဦးတော့ မထားချင်ပါဘူးဗျာ ”
” ဘာဖြစ်လိုလဲ - သူဌေးဦးနုတို့ ၀န်ထောက်ဦးစားတို့သားတွေ ကိုဒီလိုငယ်ငယ်ကလေးထဲက
ဘိလပ်ကျောင်းတွေမှာသွားထားတယ်မဟုတ်လား - ဂုဏ်လဲရှိ အင်္ဂလိပ်အလေ့အထကိုလဲကျကျနန
တက်လာတယ်၊အင်္ဂလိပ်စကားဆိုလဲအင်္ဂလိပ်နဲ့မခြားပြောနိုင်တယ်-ကိုင်းမကောင်းဘူးလား”
” မကောင်းပေါင် ဦးနုသားပြန်လာတုန်းကအင်္ဂလိပ်မပါလာလို့ ဦးနုကြီးရင်ကွဲမတက်
ဖြစ်နေတာမမြင်ဘူးလား၊ဦးစားသာပြန်လာတော့အင်္ဂလိပ်စကားတော့ကောင်းကောင်းပြော
တက်ပါရဲ့မြန်မာစကားကျတော့ဟိုမကျသည်မကျနဲ့ပြောရီစရာကြီးဖြစ်နေတယ်၊မြန်မာစကား
မပြောတက်ဘူးဆိုတာရှက်စရာအကောင်းဆုံးမဟုတ်လား၊သူတို့ရှက်မရှက်တော့မပြောတက်
ဘူး၊ကိုယ်တော့ရှက်လွန်းလို့နောက်ပြီးတော့မြန်မာတွေကိုဘဲသူတို့နဲ့အဖက်မတန်သလိုမြန်မာ
ဓလေ့ကို ဘဲကဲ့ရဲ့ရပြန်ပြီ၊ကိုယ့်သားကလေးဒီကောင်တွေနဲ့တူမှာကိုကြောက်သဗျာ ”

          ”ဒါဖြင့်ရင်လဲ မောင်မွေး ၅ နှစ် ၆ နှစ်သားအရွယ်ရောက်ရင်စိန်ပေါမှာဖြစ်ဖြစ်၊ဒိုင်အိုမှာဖြစ်
ဖြစ်ထားရအောင် သဘောတူမလား ”

          ” မတူပေါင် ”

          ” လုပ်ပြန်ပြီ ဘာဖြစ်လို့လဲ ”
          ”ဘာဖြစ်ရမှာလဲ ဒီလိုအင်္ဂလိပ်ကျောင်းတွေကထွက်လာတဲ့ငနဲတွေဟာလဲအများအားဖြင့်
ဟိုမကျဒီမကျနဲ့ - လိမ္မော်သီးဖွင့်လိုက်ပါလိုဆိုလိုဆို - ၀မ်းဘဲဥမှည့်ပြီလားလို့မေးလိုမေး-ရေးချမ်း
ချမ်းလေးတခွက်ပေးပါလို့တောင်းလိုတောင်းနဲ့-ဘယ်လိုငနဲတွေလဲမပြောတက်ပါဘုးဗျာ ”
          ”အားလုံးလဲဒီလိုဟုတ်မယ်မထင်ပါဘူး-မြန်မာမိဘတွေကမွေးပြိးမြန်မာပြည်မှာကြီးကြတာ
ဘဲ-ဒီလောက်တောင်ဆိုးမယ်မဟုတ်ပါဘူး - ကိုယ်ကကဲတာ”
          ” တချို့ကျတော့ မြန်မာစကားတော့ကောင်းကောင်းပြောတက်ပေမဲ့အင်္ဂလိပ်ဆန်ဆန်လေး
ပြောလိုက်ရရင်ဂုဏ်ရှိတယ်ထင်ပြီးပြောကြတာဘဲ-ကိုယ်တို့ကောလိပ်မှာတုန်းကဒီလိုငနဲတွေနဲ

ကောင်းကောင်းတွေ့ရတယ်၊ဒီကောင်တွေကိုချဉ်လွန်းလို့မပြောပါနဲ့တော့ ”
          ”ကိုကိုတို့ခောတ်က ဒီလိုဖြစ်ပေမဲ့အခုတော့ မောင်မွေးတို့ခောတ်ကျတော့ဒီလိုဖြစ်မယ်
မထင်ပါဘူး ”
          ”ကိုယ်တော့ အရင်ကလိုဘဲဖြစ်မယ်ထင်တာဘဲဗျာ - နောက်မှပြောင်းသွားရင်တော့-
မပြောတက်ဘူး-မြန်မာဆိုရင်လဲမြန်မာပီသမှကြိုက်တယ်-အင်္ဂလိပ်ဆိုရင်လဲအင်္ဂပီပီသသမှကြိုက်
တယ်-ဟိုမကျဒီမကျဂွစာ ကိုတော့ ချဉ်လွန်းလို့ ”
          ” ကိုင်းဒါဖြင့်ရှိစေတော့ ရန်ကုန်မြို့မကျောင်းမှာသွားထားရင်မကောင်းဘူးလား-ဆရာကြီး
ဦးလွင်လဲရှိတယ်-ဆရာကိုအောင်မင်းတို့-ကိုအေးသွယ်တို့ကိုစံထားတို့လဲရှိတယ်-ကိုတို့မိတ်ဆွေ
တွေမဟုတ်လား-သူတို့လက်အောက်မှာဆိုတော့စိတ်လဲချရတယ်-ငယ်ပေမဲ့ကိစ္စမရှိဘူး ”
          ”ကောင်းတော့ကောင်းပါရဲ့ ”
          ”ဘာကောင်းတော့ ကောင်းပါရဲ့လဲ - ဟိုမကျဒီမကျကျောင်းမှာမထားချင်ဘူးဆို-မြို့မကျောင်း
ဟာမြန်မာပီသတဲ့ကျောင်းမဟုတ်လားဦးဖော်ဂျီတို့သခင်နုတို့ဟာမြို့မကျောင်းထွက်တွေမဟုတ်ဘူး
လား၊သူတို့ထက်မြန်မာပီသတာရှိသေးလို့လား၊”
          ”အင်း ကောင်းတော့ကောင်းပါရဲ့ကျောင်းကိုခဏခဏဘွိုင်းကောက်လုပ်တာခက်တယ် ”
          ” ဘွိုင်းကောက်လုပ်တာကတော့ ဒီကျောင်းတကျောင်းထဲမှမဟုတ်ဘဲ-တခြားကျောင်းတွေ
လဲလုပ်တာမဟုတ်ဘူးလား-တက္ကသိုလ်ကျောင်းတွေတောင်ခဏခဏဘွိုင်းကောက်လုပ်နေတာမမြင်
ဘူးလား ”
          ” မြင်သားပေါ့ ”
          ” မြင်ရင်ဘာဆင်ခြေပေးနေစရာလိုသေးလဲ - ဘွိုင်းကောက်လုပ်တာကိုကောအပြစ်ဆိုချင်
သေးလား ကဲလေ ”
          ” အပြစ်တော့မဆိုချင်ဘာဘူးဗျာ-နို့ပေမဲ့ဘွိုင်းကောက်လုပ်ပြိးအစာငတ်ခံကြဘာကြနဲ့-မိဘ
လုပ်သူတွေကဘယ်လောက်စိတ်ပူကြမယ်ဆိုတာစဉ်းစားကြည့်လေ-မောင်မွှေးကိုမြို့ကျောင်းထားပါ
ပြီတဲ့-မောင်မွှေးကဘွိုင်းကောက်မှာခေါင်းဆောင်လုပ်ပါပြီတဲ့-သူတို့တောင်းတာမရတော့အစာငတ်ခံ
နေပါပြီတဲ့ - ကိုင်းမြင့်ဘယ်နဲ့နေမလဲ - ဘယ်လိုလုပ်မလဲ ”
          ”ဒီလိုဆိုတော့ကျောင်းကိုမြန်မြန်လိုက်သွားပြီး ဘိုကေလေးကိုဆွဲခေါ်ခဲ့မှာပေါ့”
          ”အဲဒီလိုခေါ်လို့လိုက်ရင်ကောင်းပါရဲ့ - မေမေရယ်ပြန်မလိုက်ပါရစေနဲ့တော့-တိုင်းပြည်ကြီးအ
တွက်အသက်အသေခံတော့မယ်-ကျွန်တော့ကိုသနားရင်အိမ်ပြန်မခ်ါပါနဲ့တော့လို့သားကဆီးပြောရင်
ဘယ့်နဲ့လုပ်မလဲ ”
          ” အတင်းခေါ်မှာပေါ့ ”
          ”အတင်းခေါ်လို့မရရင်ဘယ့်နဲ့လုပ်မလဲ”
          ”သည်တော့လဲ အလိုက်အထိုက်ပေါ့လေ-သူတို့လဲအသေခံမှာမဟုတ်ပါဘူး-မိဘဆွေမျိုးတွေ
က၀ိုင်းဝန်းပြီးတောင်ပန်ရင်ရမှာပါ-သတင်းစာတွေကလဲလန့်ဖြန့်ပြိးဝိုင်းတောင်းပန်ကြမှာပေါ့-အာဏာ

ရှင်ကိုလှရွှေကိုဘဲကြည့်တော့”
          ”ဒါလဲဟုတ်တုတ်တုတ်ဘဲ--နို့ပေမဲ့မလိုတဲ့ဘက်က ငနဲတွေက အမျိုးမျိုးစွပ်စွဲပြိးမောင်လှရွေ
ကိုဆဲသလို ကိုယ့်သားကိုဆဲရင်တော့ ခံချင်ပါ့မလား ”
          ”ဒါကတော့ဘာကိစ္စရှိလဲ - မနာလိုလို့ဆဲတာ ဆဲပါစေလား - တော်တော်ကြာပျောက်သွား
မှာဘဲ ”
          နို့ တချို့ကျောင်းသူကျောင်းသာတွေ ဖြစ်ပျက်ပြိး ထွက်ပြေးကြရင်တော့ဘယ့်နဲ့လုပ်မလဲ ”
          ”ဒါကတော့ဘယ်တက်နိုင်မလဲ - ဘယ်ကျောင်းမှာဘဲထားထား - ဘွိ်ုင်ကောက်လုပ်ချင်လုပ်
မလုပ်ချင်လုပ်နေဖြစ်တာမျိုးဘဲ-ဒါတွေကိုတွေးပြီးပူမနေစမ်းပါနဲ့ ”
          ”ပူရသဗျာ -အခုကထဲက ပူထားမှအတော်ကျမယ်”
          ” ကိုင်းသည်လောက်တောက် အစိုးရိမ်ကြီးလှတာ ဘယ်ကျောင်းထားမယ်စိတ်ကူးသလဲ”
          ” ကိုယ်ကတော့ အိမ်မကွာ ကြမ်းမကွာ အိမ်ရှေ့ကမှန်သာကျောင်းမှာထားမယ်စိတ်ကူးတာ
ဘဲ”
          ”လုပ်ပြီသူလုပ်လိုက်မှဒီလိုချည်းဘဲ - အတည်ပြောနေရင်အတည်ပေါက်ပြောစမ်းပါ-
အနောက်တွေမညှပ်စမ်းပါနဲ့ ”
          ” နို့ အတည်ပြောနေတာဘဲဟာ - မှန်သာကျောင်းတိုက်မှာဆိုတော့ အိမ်နဲ့လဲနီးတယ်-ပိုက်
ဆံလဲအကုန်သက်သာတယ်-ကုသိုလ်လဲရတယ်-စာလဲတက်တယ် ”
          ”မဟုတ်တဲ့စကားကိုမပြောစမ်းပါနဲ့ - အခုခောတ်ကြီးထဲမှာ ဘုန်းကြီးကျောင်းထားတယ်ဆို
တာနေရာလား ”
          ” ကျောင်းထားတယ်ဆိုတာစာတက်တာလိုရင်းမဟုတ်ဘူးလား-အမြှော်အမြင်တိုးပွါးတာလို
ရင်းမဟုတ်ဘူးလား-လိမ္မာရေးခြားရှိတာလိုရင်းမဟုတ်ဘူးလား-အဲဒီလို လိုရင်းချက်တွေကိုရရင်
ကျောင်းထားရကျိုးနပ်ပြီမဆိုနိုင်ဘူးလား - မှန်သာကျောင်းမှာထားရင်ခုနပြောတဲ့လိုရင်းချက်တွေကို
မရဘူးလို့ပြောနိုင်မလား”
          ” ကိုကိုပြောလိုက်မှဖြင့်ဘောက်ချည်းဘဲ - ဘုန်းကြီးကျောင်းမှာထားလို့ကြီးလာရင်ဘာလုပ်
စားမလဲ”
          ” အိုဒါကတော့သူ့ကုသိုလ်နဲ့သူုဖြစ်လာမှာပေါ့ - စာတက်တာကတခြား - အလုပ်အကိုင်ကတ
ခြားပါ-စာတက်တိုင်းလဲအလုပ်အကိုင်ကောင်းကောင်းရတာမဟုတ်ပါဘူး-အလုပ်အကိုင်ကောင်း
ကောင်းရသူတိုင်းလဲစာတက်တာမဟုတ်ပါဘူး-ပွဲစားကြီးဦးချမ်းသာဟာဘယ်လောက်ပိုက်ဆံရှိသလဲ
အင်္ဂလိပ်စာ အေ ဘီ စီ ဒီတောင် တတ်လို့လား - သူဌေးကြီးကြွယ်ဝဟာဘယ်လောက်ချမ်းသာလဲ-
ဘီအေ အောင်လို့လား ”
          ”သည်လို ဘောက်စကားတွေမပြောနဲ့လေ-ရှေးခောတ်နဲ့မတူဘူး-အခုခောတ်မှာခောတ်စာ
တွေတက်မှအလုပ်ကောင်းကောင်းရတယ် -သိရဲ့လား ကိုဘောက်ကြီးရဲ့ ”
          ” ဟာ အလုပ်ကောင်းကောင်းရတာတခြား စာတက်တာမတခြားဘဲ -အလုပ်ကောင်းကောင်း

လိုချင်တဲ့သဘောနဲ့စာသင်ကြားကြတဲ့အတွကတိုင်းပြည်မှာဆူပူနေကြတာမဟုတ်လား-အလုပ်လက်
မဲ့ပညာရှိကြီးတွေများနေကြတယ်မဟုတ်ဘူးလား-အဲဒီစိတ်တွေကိုဖျောက်လိုက်မှနေရာကျမယ်၊
အလုပ်လက်မဲ့တွေပျောက်ကုန်မယ်-”
          ”ဘာတွေလျှောက်ပြောနေတယ် မသိပါဘူး ”
          ” အလုပ်ကောင်းကောင်းရအောင်ဆိုပြီးပညာသင်ကြရော-အလုပ်ကောင်းကောင်းမရတော့
ဘယ်အလုပ်ကိုမှမလုပ်ချင်ကြတော့ဘူး-ဟိုလပ်ရား - ဒီလပ်ရား နဲ့ဖြစ်နေပြီး-လူတေလူလေတွေဖြစ်
ကုန်ပါရော-တိုင်းပြည်လဲဆူကုန်ပါရော၊”
          ” ဒါတွေကိုနားမည်ဘူး ကိုကိုပြောတဲ့အတိုင်းဘဲထားပါဥိး-ဘုန်းကြိးကျောင်းမှာထားပြီး-နောင်
ဘုန်းကြီးကျောင်းကထွက်တော့ဘာလုပ်စားမတဲ့လဲ ”
          ” ကိုယ့်သဘောတော့ဘုန်းကြီးကျောင်းမှာစာသင်လိုစာတက်တော့-သင်္ကန်းဝတ်စေချင်တော့
တာဘဲလေ-သင်္ကန်းဝတ်ရင်းနဲ့သာသနာဝန်ထမ်းသွားရင်လဲကောင်းတာဘဲမဟုတ်လား၊သာသနာ့ဝန်
ကိုမထမ်းချင်လို-့တိုင်းရေးပြည်ရေးလိုက်စားသွားမယ်ဆိုရင်လဲ-နောင်ကိုကြီးပွါးဘို့အများကြိးမြင်
တယ်”
          ” အမိန့်ရှိပါအုံး ”
          ” မနောက်နဲ့အတည်ပြောတာ-အခုဘဲကြည့်ပါလား-ရဟန်းပျိုတွေဘယ်လောက်တန်ခိုးကြီး
ကြသလဲ-တိုင်းပြည်ခေါင်းဆောင်တွေကိုသူတို့ကြိုးကိုင်နေကြတယ်မဟုတ်လား-အမတ်ချုပ်ကြီးတွေ
နန်းရင်ဝန်ကြီးတွေတောင်သူတို့ကိုဘယ်လောက်ကြောက်ရသလဲ-အခုခောတ်မှာရဟန်းပျိုတွေဒီ
လောက်တန်ခိုးကြိးနေရင်-နောင်မောင်မွေးတို့ခောတ်ကျရင်ဘယ်လောက်တန်ခိုးကြီးမလဲဆိုတာစဉ်း
စားကြည့်ပေတော့-ရှေးတုန်းကတော့ ဘီအေ-အမ်အေ၀တ်လုံဆိုရင်အင်မတန်တန်ခိုးကြီးတယ်
မဟုတ်လား-အခုဘယ်မှာတန်ခိုးကြီးတော့လို့လဲ-နောင်မွေးတို့လက်ထက်ကျရင်အင်္ဂလိပ်စာတက်
တွေအလကားဖြစ်ကုန်မယ်ဆိုတာမှတ်ပါ-ရဟန်းပျိုတွေကအင်္ဂလိပ်စာတက်တွေထက်အဆတရာ
မကတတန်းခိုးကြီးမှာအမှန်ဘဲ-ဒီတော့မောင်မွှေကိုအင်္ဂလိပ်ကျောင်းထားပေမဲ့အကျိုးထူးမှာမဟုတ်
ဘူး-ရှေ့ရေးကိုမြင်မှနေရာကျမယ်-မောင်မွှေးတို့လက်ထက်ကျရင်-ရဟန်းပျိုတင်တဲ့ဘုန်းကြီးကျောင်း
သားမင်တိုင်ပင်အမတ်တွေ-ရဟန်းပျိုတင်တဲ့-ဘုန်းကြီးကျောင်းသားဝန်ကြီးချုပ်တွေ-ရဟန်းပျိုတင်
တဲ့ဘုန်းကြိးကျောင်းသား-နန်းရင်းဝန်တွေဖြစ်ချင်ဖြစ်နေမှာ၊မောင်မွှေးဟာ ပထမကြီးတို့ပထမကျော်
တို့အောင်ပြိး-မြန်မာပြည်မှာ ပထမဦးဆုံးရဟန်းပျိုတင်တဲ့ဘုန်းကြီးကျောင်းသားနန်းရင်းဝန်ကြီးမဖြစ်
ဘူးလို့ပြောနိုင်မလား”
          ” တော်ပါတော့ စကားရှည်နေတာနဲ့ ၁၁ နာရီတောင်ထိုးသွားပြိ-သည်လိုမဟုတ်ကဟုတ်က
ဘောက်စကားတွေကိုပြောနေရမယ်ဆိုရင်-မိုးလင်းတာတောင်ဆုံးမှာမဟုတ်ဘူး-သူ့ဘောက်စကား
တွေကိုနားထောင်နေတာနဲ့ဘဲ-၀တ္တုတပုဒ်တောင်ဘတ်လို့မပြီးဘူး-”
ဟုဆိုကာပေါင်ပေါ်တွင်အိပ်နေသော ကလေးကိုချီကာ အိမ်ထဲသို့ဝင်သွားလေတော့သတည်း

သိပ္ပံမောင်ဝ 
ဒဂုန်မဂ္ဂဇင်း / စက်တင်ဘာလ ၁၉၃၉ .


ရွာကျက်သရေ
သိပ္ပံမောင်ဝ

ကကြီး ရရစ် ကသတ် ကြက်၊ ကကြီး ရရစ် ငသတ် ကြင်။
နှစ် တစ်လီ နှစ်၊ နှစ် နှစ်လီ လေး၊ နှစ် သုံးလီ ခြောက်။
သဝေထိုး ငရေးချ ကသတ် ငေါက်၊ သဝေထိုး ငရေးချ ငသတ် ငေါင်။
ကကြီး ရေးက၊ ကကြီး ရေးချာ ကာ၊ ကကြီးရေ လုံကြီးတင် ကိ၊ မရရစ် လုံးတင် တချောင်းငင် ကသတ် မြိုက်၊ မရရစ် လုံကြီးတင် တချောင်းငယ် ငသတ် မြိုင်။
ဧ၀ံ မေ သုတံ၊ ဧကံ သံမယံ။



ကကြီး၊ ခခွေး၊ ဂငယ်၊ ဃကြီး အစရှိသော အသံများသည် မိုးသံနှင့် လုံးထွေးပြီး သကာလ ကုက္ကိုဝ သူကြီးမင်း ဦးဖိုးထုံး၏ အိမ် မြောက်ဘက် အရပ်တွင် ထကြွ သောင်းကျန်းလျက် နေကြ လေသည်။ အချိန်ကား နံနက် (၆) နာရီခန့်သာ ရှိသေး၏။ အဆိုပါ ဆူညံ လှစွာသော အသံကိုကား ကုက္ကိုဝ ရွာအဖို့ မင်္ဂလာ ရှိသော အသံ၊သာယာသော အသံ၊ ကျက်သရေ ရှိသော အသံများ ဖြစ်ကြ၏။ ရွာလူကြီး၏ အိမ်တွင် မိုးအေးအေးနှင့် ကွေး၍ အိပ်ပျော် နေသော မောင်လူအေး အဖို့ကား ငှက်ဆိုး၏ အသံနှင့် ခပ်ဆင်ဆင် တူလျက်နေလေ၏။

ထိုအသံများ၏ ပိုင်ရှင် ကျောင်းသား/ကျောင်းသူ ကလေးတို့ စုဝေးရာ ရွာကျောင်းကား ဒိစတြိတ် ကောင်စီ၏ အထောက် အပံ့ခံ ကျောင်းမဟုတ်၊
အစိုးရမင်းက အသိအမှတ် ပြုသော ကျောင်းလည်းမဟုတ်၊ အမျိုးသား ပညာရေး အဖွဲ့က 2

အားပေးသော ကျောင်းလည်း မဟုတ်ပေ။ ထိုကျောင်းသား/ ကျောင်းသူ ကလေးများက တယောက်လျှင် တနှစ်အတွက် စပါး သုံးတင်းမျှသော အထောက် အပံ့ကိုသာ ခံယူကာ တည်ထောင် ထားသော ကျောင်းဖြစ်သည်။
ဤသို့ ကျောင်းသား ကလေးများ၊ ကျောင်းသူ ကလေးများမှ တပါး၊ အခြား မည်သူ၏ အထောက် အပံ့ကိုမျှ ခံယူသော ကျောင်းမဟုတ် သောကြောင့် ပညာအုပ်၊ ပညာဝန်ထောက်၊ ပညာဝန်၊ ဒိစတြိတ် ကောင်စီ လူကြီးမင်းတို့၏ စစ်ဆေးခြင်းမှ လုံးလုံး ကင်း၏။ ထိုကျောင်းကို အုပ်ချုပ်မင်း လုပ်နေသော ဆရာစောပင် ပညာအုပ်၊ ပညာဝန်ထောက်၊ သူပင် ပညာဝန်၊ သူပင် ပညာမင်းကြီး၊ သူပင် ပညာရေး အမတ်ချုပ်ကြီး ဖြစ်ပေသည်။

နွေအခါ မေမြို့(ယခု - ပြင်ဦးလွင်) ၌ ရုံးစိုက်၍ မိုးအခါ ရန်ကုန်မြို့တွင် ရုံးစိုက်တော် မူသော ပညာရေး အမတ်ချုပ်ကြီး ထက်ပင် ဆရာစောမှာ လွတ်လပ်ခွင့် ရသေး၏။ ပညာရေး အမတ်ချုပ်ကြီးမှာ မင်းတိုင်ပင် အမတ်တို့၏ အမေးများကို ဖြေကြား ရသေးသည်။ ကုက္ကိုလ်ဝရွာ ဆရာစောကား မည်သူ၏ အမေးကိုမျှ ဖြေကြားရန်မလို၊ စိတ်ထင်တိုင်း သင်ကြားနိုင်သော ဂုဏ်ထူး ရှိ၏။ မိမိ သင်ကြား လိုသော စာပေတို့ကို သင်ကြားနိုင်၏။ မိမိ ကျောင်းလွှတ်ချင်သော အချိန်တွင် လွှတ်နိုင်၏။ မိမိ ကျောင်းပိတ် ချင်သော အချိန်တွင် ပိတ်ထားနိုင်၏။ သူ့အား မည်သူကမျှ လာ၍ ဒုက္ခမပေးနိုင်။ ပညာအုပ်မင်းများ လာလျှင် ဆင်းကြို ရသော ဒုက္ခ၊ သူတို့ အတွက် လှည်းတို့၊ လှေတို့ စီမံပေးရသော ဒုက္ခမျိုးမှလည်း လုံးလုံးကင်းပေ၏။
ကျောင်း၏ ပုံပန်းကို အနည်းငယ် ရေးပါရစေဦး။

ဆရာစော၏ ကျောင်းမှာ ဓနိကာ၊ ဓနိမိုး၊ ၀ါးလုံးတိုင်၊ ၀ါလုံးကြမ်းခင်း၊ ပြတင်း ပေါက်နှစ်ပေါက်၊ တံခါးပေါက် နှစ်ပေါက်မျှသာ ရှိလေသည်။ ဤမျှနှင့် ပုံပန်း ပေါ်လောက်ပြီ။

ဆရာစော၏ အကြောင်း ရေးသားရန် လိုသေး၏။ ဆရာစောကား အထက်သား ဇာတိ၊ ဘုန်းကြီး လူထွက် ဖြစ်လေသည်။ မည်သည့်မြို့၊ မည်သည့် အရပ်မှ ရောက်လာသည် ဟူ၍ကား မည်သူမျှ မပြောနိုင်။ ရဟန်း ဘ၀က မည်သည့် စာအထိ ပေါက်ခဲ့သည် ဟူ၍လည်း မည်သူမျှ မသိ။ ဆရာစော၏ အပြောအဆို အတိုင်းကား သင်ရိုးပေါက်ခဲ့သူ တစ်ယောက် ဖြစ်သည်။ ရဟန်း ဘ၀တွင် မပျော်ပိုက်၍ လူထွက် ရသည်မဟုတ်။ ၀ိနည်းအတိုင်း မကျင့်နိုင်သောကြောင့်သာ လူထွက်၍ လာရခြင်း ဖြစ်လေသည်။
ဆရာစော၏ ပုံပန်းကား အသားနက်နက်၊ မျက်လုံးကျယ်ကျယ်၊ နှုတ်ခမ်းတွဲတွဲ၊ နှာတံကောက်ကောက်။ သို့သော် ကြောက်စရာကား မကောင်းပေ။ တထွာခန့် ရှည်သော် ဆံတိုများကို သိမ်းရုံးကာ မျက်နှာသုတ်ပ၀ါဖြင့် ပေါင်း၍ ထား၏။ အကျီ င်္ ကားမရှိ။ လုံးကွင်းမှာ လက်နှီးရောင်၊ ဖာထေးရာတွေမှာ အနန္တ၊ အောက်ဘက် အစတွင် အကွဲက နှစ်ကွဲ၊ လက်ထဲတွင်ကား ကြိမ်လုံး တလုံးကို ကိုင်လျက်။ ပါးစပ်ကမူ ဆေးတံကြီးကို ခဲထားလေသည်။ ထိုဆေးတံမှာ အရိုးကျိုး နေပါပြီ။ `သစ်မရှိခင် စပ်ကြား ၀ါးပေါင်းကွပ်´ဆိုသော စကားနှင့်
အညီ ကျိုး၍ သွားသော သစ်သားရိုး၏ နေရာတွင် ၀ါးရိုးကို တပ်၍ ထား၏။


ထိုဆေးတံကြီးကို ဖွာကာ ဖွာကာ ဆယ်အိမ်ခေါင်း ဦးလူမော်နှင့် တွဲရေး ခွဲရေး အကြောင်း ဆွေးနွေး နေကြလေသည်။
ဤသို့ ဆွေးနွေး၍ ကောင်းနေ ကြခိုက်တွင် မောင်တင်နှင့် မယ်အေး တို့သည် တယောက်ကို တယောက် ဆဲရေး နေကြလေသည်။
ငထွန်းကား စာမအံ၊ ယင်ကောင်တွေ ဖမ်းမိလျှင် နောက်တိုး၏ နားထဲသို့ လွှတ်သွင်းသဖြင့် နောက်တိုးနှင့် ငထွန်းတို့ တယောက်နှင့် တယောက် စကားများ ကြပြီးနောက် တယောက် တချက်စီ ထိုးနေ ကြလေသည်။

စိန်ဖေကား ဘေသန်း နှင့်အတူ ကျောင်း နောက်ဖေး ကွင်းပြင် ထဲတွင် ပြေးလွှား ကစားကာ ဖားကလေး များကို ဖမ်းလျက် နေကြ လေသည်။ နောက်ဖေး အိမ်သာ တွင်ကား ဘထွန်း၊ သာအေး၊ ငွေလှိုင်၊ စံမြတို့ လူစု ဦးတာတေ၏ ကျွဲများကို ဖမ်း၍ စီးရန် တိုင်ပင် နေကြ လေသည်။

ထွန်းဝေနှင့် စံသိန်းတို့ကား ကျောင်းအောက်တွင် နပန်း လုံးနေကြ ကုန်၏။ သာထွန်းနှင့် ညွှန့်မောင် တို့က ဒိုင်လုပ် ကြလေသည်။
ဝေလင်းကား မိမိ၏ ကျောက် သင်ပုန်း ပေါ်တွင် ခွေးရုပ်၊ ကြောင်ရုပ်၊ ကြက်ရုပ် များကို ရေးပြီးလျှင် တင်အေးအား ပြနေလေသည်။ တင်အေးသည် ဝေလင်းအား ချီးမွမ်း၍ မဆုံးပြီ။ မိခွေးနှင့် မမယ်သိန်းတို့ ထောင့်တစ်ထောင့်တွင် ခရားစေ့ တောက်တမ်း ကစား နေကြလေသည်။ ဆရာစောကား စကားပြော၍ ကောင်းတုန်းပင်။

သို့နှင့် ယခင်က ဆူညံ၍ နေသော စာအံသံ ကြီးမှာ တစ တစ တိုး၍ တိုး၍ သွားလေ တော့၏။ နောက်ဆုံး၌ စာအံသံ ဟူ၍ မကြားရ တော့ပြီ။ ဆော့နေကြသော အသံ၊ ရန်ဖြစ်နေကြသော အသံ၊ ရယ်နေကြသော အသံတို့ကိုသာ ကြားရ လေသည်။
ထိုအခါ ကျမှ ဆရာစောလည်း မိမိ၏ ညာလက်တွင် ကိုင်ထားသော ကြိမ်လုံးဖြင့် ကြမ်းပြင်ကို ဘမ်းဘမ်း မြည်အောင် သုံးလေးချက် နှက်လေ၏။

ကျောင်းသား/ကျောင်းသူ အပေါင်း တို့လည်း ရမိ ရာရာကို နားကွဲလုအောင် ဟစ်အော်ခြင်း ပြုကြလေသည်။ အိမ်သာတွင် တိုင်ပင်နေသူတို့သည် လည်းကောင်း၊ ကျောင်းအောက်တွင် နပန်းလုံး နေသူတို့သည် လည်းကောင်း နေရာများသို့ ရောက်ကြလေပြီ။ သူတို့လည်း ထင်မိ ထင်ရာကို ကောက်ကာ အော်ဟစ် နေကြကုန်၏။
ဆရာစောကား တိုင်းရေး ပြည်ရေး အကြောင်း ဆက်လက်၍ ဆွေးနွေးလျက် နေပြန် လေသည်။
အတန်ကြာလျှင် စာအံသံကြီး တိတ်လျှက် သွားပြန်၏။ ဆရာစော၏ ကြိမ်လုံးနှင့် ကျောင်းတော်၏ ကြမ်းပြင်တို့ စကား ပြောကြရ ပြန်၏။ ဤနည်းအတိုင်း တိတ်ချည်၊ဆူချည်နှင့် နေလေတော့သည်။


စာအံခြင်း သုံးကြိမ်မြောက် တိတ်၍ သွားသောအခါ အေးမောင်နှင့် လူလှတို့ ကျောက်တံ လုရာမှ ရန်ဖြစ်ကြ၏။ အေးမောင်က ကျောက်တံဖြင့် ထိုးလိုက်ရာ လူလှ လက်မှ သွေးဖျန်းဖျန်း ထွက်လေသည်။ လူလှ ပြန်၍ ကျောက်သင်ပုန်း စောင်းဖြင့် ခုတ်လိုက်ရာ အေးမောင်၏ နဖူးတွင် ကွမ်းသီးလုံးခန့် ဖူး၍ လာ၏။
အချို့က အေးမောင် လွန်သည်ဟု ဆိုကြလေသည်။ အချို့ကမူ လူလှအား သနားကြလေသည်။ တိုးတိုး စုရုံး စုရုံးနှင့် နေကြကုန်၏။ အေးမောင်နှင့် လူလှတို့ ကျိတ်ကာ ငိုနေရ ရှာသည်။ နှစ်ယောက်စလုံး လွန်သူချည်း ဖြစ်သည်။ ဆရာစော သိသွားမှဖြင့် ကြိမ်လုံး ဓာတ်စာ ကျွေးမည်ကို ကြောက်ကြလေသည်။

အောင်သိန်းကား သူတကာ အရိုက်ခံရသည်ကို မြင်လိုသူ ဖြစ်၏။ သူ၏ ပယောဂကြောင့် အေးမောင်တို့ ရန်ပွဲအကြောင်း ဆရာစော ခေါ်လေပြီ။ ရောက်ကြကုန်၏။ အကြောင်းကို မေးလေပြီ ဟုတ်မှန်သည့်အတိုင်း ဖြေကြကုန်၏။ ရောက်ကြကုန်၏။ အေးမောင် ကျောပေါ်သို့ ဆရာစော၏ ကြိမ်လုံးစကြာ ငါးချက်ခလေပြီ။ အေးမောင်မှာ တော်တော်နှင့် မထနိုင်။

လူလှ၏ လက်ဝါးပြင်ပေါ်သို့လည်း ထိုကြိမ်လုံး စကြာပင် ငါးကြိမ်တိုင်တိုင် ဆင်းသက်လေပြီ။ လူလှလည်း စာအုပ်ကိုပင် မကိုင်နိုင်။ အောင်သိန်းကား စုတ်တသပ်သပ်နှင့် ၀မ်းနည်းလျက် နေ၏။ သို့သော် သူ၏ စိတ်ထဲတွင်ကား ၀မ်းသာ၍ မဆုံးပြီ။ အလွန်ညစ်သော အောင်သိန်း ပါတကား။

ဟိုမှာ ကြည့်ကြပါဦး၊ လားလား စံအောင်တို့လူစု ကျောင်းပြေး ဖိုးအောင်အား ဖမ်းလာကြလေသည်။ ဖိုးအောင်ကား မလိုက်ချင် လိုက်ချင် လိုက်ပါလာ ရရှာ၏။ သူ့အား ကြိုးများဖြင့် တည်းထားသောကြောင့် ပါလာရခြင်း ဖြစ်လေသည်။ တကိုယ်လုံးလည်း ရွှဲရွှဲ စိုနေတော့၏။ ဖိုးအောင်ကို မိုးရေထဲတွင် ဆွဲလာကြလေသည်။

ဖိုးအောင် ကျောင်းပြေး၊ အိမ်ပြေး လုပ်နေသည်မှာ လေးရက်ပင် ကြာလေပြီ။ ဘုန်းတော်ကြီး ဦးဝိမလ၏ ကျောင်းတွင် ခိုကပ်ကာ နေလေပြီ။ စံအောင်တို့ လူစု ဖိုးအောင်ကို သွား၍ အဖမ်းတွင် ဘုန်းကြီးကျောင်းသားများနှင့် စစ်ဖြစ်ခဲ့ ကြရသေးသည်။ စံအောင် တို့က မိုက်အားကောင်းသောကြောင့် ဘုန်းကြီး ကျောင်းသားများ လက်လျှော့ကြရ လေသည်။
ဆရာစော၏ ကျောင်းတကျောင်းလုံးတွင် စံအောင်ထက် မိုက်သောသူ မရှိ။ စံအောင်အား ဗိုလ်တင်၍ ထားကြရလေသည်။ တကျောင်းလုံးတွင် ဆရာစောအပြင် သု့ကို အကြောက်ရဆုံး ဖြစ်၏။ 

ဆရာစောကိုယ်တို�
by LAS Group - International Education Consultants