by Myanmar Journal on Monday, March 12, 2012 at 7:01am ·
ဂျပန် ငလျင်နဲ့ ဆူနာမီ နှစ်ပတ်လည် ကျင်းပ
ငလျင်နဲ့ ဆူနာမီ ဒဏ်ခံခဲ့ရတဲ့ နေရာကို ဂျပန်ဧကရာဇ် နဲ့ ကြင်ယာတော် လာကြစဉ်
ဂျပန်နိုင်ငံ မှာတော့ ပြင်းထန် လှတဲ့ ငလျင်ကြီးနဲ့ ဆူနာမီ လှိုင်းကြီးတွေရဲ့ သဘာဝဘေးဒဏ်ကို အကြီး အကျယ် ခံစားခဲ့ရတာတနှစ်ပြည့်တဲ့နှစ်ပတ်လည် အောက်မေ့ဖွယ် အခမ်းအနားတွေကို နိုင်ငံတဝှမ်းမှာ ကျင်းပမှာ ဖြစ်ပါတယ်။
ဒီ သဘာဝဘေးကြောင့် သေကြေ ပျောက်ဆုံး ခဲ့ရ သူပေါင်း ၂ သောင်းနီးပါး လောက်ရှိပြီး ဖူကူရှီးမား မှာ ရှိတဲ့ နျူကလီးယား ဓာတ်အား ပေးစက်ရုံ တွေလဲ ထိခိုက် ပျက်ဆီးခဲ့ရပါတယ်။
မနှစ်က ငလျင်ကြီး စလှုပ်ခတ် တဲ့ အချိန်အတိအကျမှာ နိုင်ငံ အရှေ့မြောက် တဝှမ်းမှာ သတိပေး ဥဩတွေ ဆွဲသွားကြမှာ ဖြစ်ပါတယ်။
တိုကျို မြို့တော် မှာတော့ အမျိုးသား အောက်မေ့ဖွယ် အခမ်းအနားကို ကျင်းပ သွားမှာ ဖြစ်ပြီး ဂျပန် ဧကရာဇ် အာကီဟီတို နဲ့ ဝန်ကြီးချုပ် ယိုရှီဟီကို နိုဒါ တို့လဲ တက်ရောက်မှာ ဖြစ်ပါတယ်။
ဖူကူရှီးမား နဲ့ နိုင်ငံတွင်းက တခြား ဒေသတွေ မှာတော့ နျူကလီးယား ဆန့်ကျင်တဲ့ ချီတက် ဆန္ဒပြပွဲတွေ ကို ကျင်းပသွားကြဖို့ ရှိပါတယ်။
ကိုဖီအာနန်နဲ့ သမ္မတ အာဆတ်ဒ်ဆီးရီးယား အခြေအနေ ကိုဖီအာနန် စိုးရိမ်
ကုလသမဂ္ဂနဲ့ အာရပ်အဖွဲ့ချုပ် တို့ရဲ့ အထူးကိုယ်စားလှယ် ကိုဖီ အာနန်က ဆီးရီးယားနိုင်ငံအတွင်းကအခြေအနေ တွေနဲ့ ပတ်သက်လို့ သူ့ အနေနဲ့ အလွန် အမင်းစိုးရိမ်မိတယ်လို့ဆီးရီးယားသမ္မတ ဘာရှာ အဲလ် အာဆတ်ဒ်ကို ပြောလိုက် ပါတယ်။
ဒမတ်စကတ်စ် မှာရောက်ရှိ နေတဲ့ မစ္စတာ အာနန်က လုံးဝ အပစ်အခတ် ရပ်ဆဲဖို့၊ လူသားချင်းစာနာတဲ့ အကူအညီ တွေပေးနိုင်ဖို့ နဲ့ အစိုးရနဲ့ အတိုက်အခံ တွေ ၂ ဘက် ဆွေးနွေးကြဖို့ တွေကို တိုက်တွန်း အကြံပြု ထားတယ်လို့ ကုလသမဂ္ဂက ပြောပါတယ်။
သမ္မတ အာဆတ်ဒ်ကတော့ သူက အကြမ်းဖက် သူတွေ လို့ဆို ထားတဲ့ အတိုက် အခံတွေ လှုပ်ရှားနေသမျှနိုင်ငံရေး ဆွေးနွေးပွဲတွေလုပ်ဖို့အတွက်ကိုငြင်းဆန် ထားပါတယ်။ သူဟာ တနင်္ဂနွေ နေ့မှာ မစ္စတာ အာနန်နဲ့ ထပ်တွေ့ဆုံ ဖို့လဲ ရှိနေပါတယ်။
ပြီးခဲ့တဲ့ စနေနေ့ တုန်းကတော့ မစ္စတာ အာနန်ဟာ အတိုက်အခံ အဖွဲ့ဝင်တွေ နဲ့ တွေ့ဆုံခဲ့ ပါတယ်။ ဒါပေမယ့် ဘယ်မှာ တွေ့ဆုံခဲ့ တယ်ဆိုတာကို တော့ ကွဲကွဲပြားပြား မသိရပါဘူး။
အလုပ်သမား ဥပဒေသစ် ထုတ်ပြန်
အလုပ်သမား သမဂ္ဂတွေ ဖွဲ့စည်းနိုင်တော့မယ့် မြန်မာ အလုပ်သမားများ
မြန်မာအစိုးရကအလုပ်သမားအဖွဲ့အစည်း ဥပဒေကို အာဏာတည် စေဖို့ မတ်လ ၉ ရက်နေ့ထုတ် အစိုးရ သတင်းစာ ထဲမှာ ဖော်ပြ ကြေငြာ လိုက်ပါတယ်။
ဒါကြောင့် ၁၉၆၀ ပြည့်နှစ်တွေ နောက်ပိုင်း ပထမဆုံး အကြိမ်အဖြစ် အလုပ်သမားတွေ အနေနဲ့ တရားဝင် သပိတ် မှောက်ခွင့်တွေ ရှိလာမှာ ဖြစ်ပါတယ်။
တာဝန်ရှိသူ တွေက ဒီ ဥပဒေမှာ အလုပ်သမား တွေကို အလုပ်သမား သမဂ္ဂ တွေ ဖွဲ့စည်းနိုင်ခွင့် ပေးထားပြီး သတ်မှတ်ချက် တွေနဲ့ အညီ သပိတ်မှောက် ခွင့်တွေလဲ ရရှိမှာဖြစ်တယ်လို့ ဆိုပါတယ်။ ဒီဥပဒေကို သမ္မတ ဦးသိန်းစိန်က လက်မှတ်ရေးထိုး ပေးခဲ့တာ ဖြစ်ပါတယ်။
အတိုက်အခံတွေ ဘက်ကတော့ ဒီဥပဒေဟာ အရင်အဟောင်း ထက်တော့ ပိုပြီး တိုးတက် မှုတွေ ရှိလာ တယ်လို့ ဆိုပေမယ့် အလုပ်သမား သမဂ္ဂတွေကို လုံလောက်တဲ့ လွတ်လပ်မှု မျိုးတွေ ပေးထားတာမရှိကြောင်းနဲ့ သပိတ်မှောက်တဲ့ အလုပ်သမားတွေ အလုပ်ထုတ်မခံ ရအောင် ကာကွယ်ပေးထား တာမျိုး မရှိကြောင်း ပြောပါတယ်။
ဒီဥပဒေကို မူကြမ်းရေးဆွဲတဲ့ အဆင့်မှာ နိုင်ငံတကာ အလုပ်သမား အဖွဲ့ချုပ်ရဲ့ အကြံဉာဏ်ကို ရယူခဲ့ကြောင်းလည်း အိုင်အယ်လ် အို နိုင်ငံတကာ အလုပ်သမား အဖွဲ့ချုပ်ရဲ့ မြန်မာနိုင်ငံကိုယ်စားလှယ် မစ္စတာ စတိဗ် မာရှယ်က ပြောပါတယ်။
ဥပဒေကို အလုပ်သမားတွေအနေနဲ့ လေ့လာကြဖို့၊ ဥပဒေပါ အခွင့်အရေးတွေကို အလုပ်သမားတွေ သိရှိကြဖို့ အရေးကြီးကြောင်းလည်း မစ္စတာ မာရှယ်က ထောက်ပြသွားပါတယ်။
အမေရိကန်စစ်သားလက်ချက်ကြောင့် အာဖဂန်မှာ လူအများသေဆုံး
အဲဒီစစ်သားကို အခုတော့ ထိန်းသိမ်းထား လိုက်ပြီ ဖြစ်ပါတယ်
အာဖဂန်နစ္စတန်နိုင်ငံ ကန်ဒါဟာ မြို့မှာ အမေရိကန် စစ်သားတဉီးဟာ စိတ်ဖေါက်ပြီး သေနတ်နဲ့ ပစ်ခတ်ခဲ့လို့ အိမ်တွေမှာ ရှိနေကြသူ အနည်းဆုံး ၁၆ ဉီး လောက် သေဆုံး သွားပါတယ်။
အခု အဖြစ်အပျက်ဟာ ဒီကနေ့ မနက် အစောပိုင်းမှာ ဖြစ်ပွားခဲ့တာပါ။
အဲဒီနောက်မှာတော့ ပစ်ခတ်မှုတွေ လုပ်ခဲ့တဲ့ စစ်သားဟာ အမေရိကန် စစ်တပ် အာဏာပိုင်တွေထံ လက်နက်ချခဲ့ပါတယ်။ အခုတော့သူ့ကို ထိန်းသိမ်းထားလိုက်ပြီ ဖြစ်ပါတယ်။
အခု အခင်းဖြစ်ပွားခဲ့တဲ့ ရပ်ကွက်မှာ ဆန္ဒပြမှုတွေလည်း ဖြစ်ပွားခဲ့ပါသေးတယ်။
အာဖဂန်နဲ့ အမေရိကန် တပ်ဖွဲ့တွေ အကြား ဆက်ဆံရေး တင်းမာနေတဲ့အချိန်မျိုးမှာ အခုလို သတ်ဖြတ်မှုတွေ ဖြစ်ပွားခဲ့တာပါ။
အမေရိကန်စစ်စခန်းတခုမှာ ပြီးခဲ့တဲ့လက ကိုရမ်ကျမ်းတွေကို မှားယွင်းပြီး မီးရှို့ခဲ့မှုအတွက် အာဖဂန်နိုင်ငံတလွှား အကြမ်းဖက် ဆန္ဒပြမှုတွေ ဆက်တိုက်ဆိုသလို ဖြစ်ပွားခဲ့တာ ဖြစ်ပါ တယ်။
ဘီဘီစီ မြန်မာပိုင်းရဲ့ သမိုင်းဝင် အသံလွှင့်ချက် စတင်
Broadcasting House ရဲ့ သမိုင်းဝင် အသံ ထုတ်လွှင့်ချက်ကို မြန်မာပိုင်းနဲ့စတင်
လန်ဒန်မြို့လယ်မှာ ရှိတဲ့ ဘီဘီစီ အသံလွှင့်ဌာနကြီးရဲ့ Broadcasting House ရုံးသစ် ရဲ့ ပထမဉီးဆုံး သမိုင်းဝင် ထုတ်လွှင့်ချက် အဖြစ် ဘီဘီစီ မြန်မာပိုင်းအစီအစဉ်ရဲ့ တနင်္ဂနွေနေ့ညပိုင်း အစီအစဉ်ကို စတင်ထုတ်လွှင့်ခဲ့ပြီ ဖြစ်ပါ တယ်။
ဘီဘီစီ ကမ္ဘာတလွှား အသံလွှင့်ဌာနရဲ့ Bush House ကနေ W1 ရုံးသစ် ပြောင်းရွှေ့မှုကို မြန်မာဌာနရဲ့ အသံလွှင့်မှုနဲ့ ပထမဆုံး စတင်တာလည်း ဖြစ်ပါတယ်။
ဘီဘီစီ ညွှန်ကြားရေးမှူးချုပ် Mark Thompson ကလည်း Broadcasting House ကနေ အခု ထုတ်လွှင့်ချက်အတွက် ကြိုဆိုကြောင်း နှုတ်ခွန်းဆက် စကား ပြောကြားခဲ့ပါတယ်။
ဘီဘီစီဆိုတဲ့ သရဖူကြီးမှာ ဘီဘီစီ မြန်မာပိုင်းဟာ တန်ဖိုးကြီးတဲ့ ရတနာ တပါးဖြစ်ပြီး၊ မြန်မာနိုင်ငံက သောတရှင်ပေါင်း သန်းနဲ့ချီ ဘီဘီစီမြန်မာပိုင်းကို နှစ်သက်စွာ နားဆင် ကြတယ်လို့ Mark Thompson က ပြောပါတယ်။
ဘီဘီစီ World Service ကမ္ဘာတလွှား အစီအစဉ်ရဲ့ ညွှန်ကြားရေးမှူး Peter Horrocks ကလည်း အခု အဆောက်အဉီ သစ်ကြီးကနေ ပထမဉီးဆုံး ထုတ်လွှင့်တဲ့ အစီအစဉ်ဟာ မြန်မာပိုင်း အစီအစဉ် ဖြစ်နေတာဟာ သိပ်ကို သင့်တော်တယ်လို့ ပြောပါတယ်။
တနင်္ဂနွေနေ့ည အစီအစဉ်မှာ ဒေါ်အောင်ဆန်းစုကြည်နဲ့ သီးသန့် မေးမြန်းခန်း၊ ဘီဘီစီ ညွှန်ကြားရေးမှူး ချုပ် Mark Thompson နဲ့ ဘီဘီစီ အနာဂတ်ရေး မေးမြန်းခန်းနဲ့အတူ သောတရှင်တွေရဲ့ ဆန္ဒပြုသံတွေ အပါအဝင် ရုံးသစ်ကြီး အကြောင်း သောတရှင်တွေ မေးလာတာကို တိုက်ရိုက် ဖြေကြားပေးခဲ့ပါတယ်။
ဂျပန်ဆူနာမီ တနှစ်ပြည့် အောက်မေ့ဖွယ် ကျင်းပ
By ဗွီအိုအေ (မြန်မာဌာန)
သမိုင်းမှာ အဆိုးရွားဆုံး နျူကလီးယား ပေါက်ကွဲမှုကြီး ဖြစ်စေခဲ့တဲ့ ငလျင်ဒဏ်နဲ့ ဆူနာမီ ဒီလှိုင်းကြီးတွေရဲ့ ဒဏ်ခံခဲ့ရတာ တနှစ်ပြည့်တဲ့ ဂျပန်နိုင်ငံမှာ အထိမ်းအမှတ် အခမ်းအနားတွေကို ပြုလုပ်ခဲ့ကြပါတယ်။ ဂျပန်ဧကရာဇ် အကီဟီတို ဦးဆောင်ပြီး သန်းနဲ့ချီတဲ့ ဂျပန်ပြည်သူတွေ ပါဝင် ဆုတောင်းခဲ့ကြတဲ့ တိုကျို မြို့တော်က အထိန်းအမှတ် အောက်မေ့ဘွယ်အခမ်းအနားကို ရုပ်မြင်သံကြားပေါ်ကနေ တိုက်ရိုက်ပြသခဲ့ပါတယ်၊
“လူတွေရဲ့ စိတ်အင်အားတွေကို ကျနော်တို့ အခုအချိန်မှာ အထူးကို အသိအမှတ်ပြုပါတယ်၊ အသက်ရှင် ကျန်နေခဲ့ကြသူတွေ၊ ဘေးဒုက္ခခံရတဲ့နေရာတွေဆီကို သွားပြီး ကူညီပေးကြသူတွေ၊ နျူကလီးယား စကရုံ ထိခိုက်ပျက်ဆီးမှု အခြေအနေ ပိုဆိုး မသွားအောင် ကြိုးစားလုပ်ပေး ခဲ့ကြသူတွေရဲ့ စိတ်ဓါတ်တွေကို လေးလေးနက်နက်ကို အသိအမှတ်ပြုပါတယ်။” - လို့ ဂျပန်ဧကရာဇ် အကီဟီတိုက ပြောသွားခဲ့တာဖြစ်ပါတယ်။
ပြီးခဲ့တဲ့နှစ် မတ်လ ၁၁ ရက်နေ့တုန်းက ပြင်းအား ၉ ရစ်ခ်ျတာ စကေးရှိတဲ့ မြေငလျင် လှုပ်ခတ်သွားခဲ့ချိန် ဂျပန်စံတော်ချိန် ညနေ ၁ နာရီ ၄၆ မိနစ်အတိမှာ ဂျပန်ပြည်သူတွေ ငြိမ်သက် ဆုတောင်းခဲ့ကြပါတယ်။ မြေငလျင်ကြောင့် ဂျပန်အရှေ့မြောက်ပိုင်းမှာ ဆူနာမီ ဒီလှိုင်းကြီးတွေ ဖြစ်ပေါ် ရိုက်ခတ်ခဲ့လို့ လူပေါင်း တစ်သောင်းကိုးထောင်ကျော် သေဆုံးပြီး သုံးထောင်လောက် ပျောက်ဆုံးခဲ့ကြပါတယ်။ ဆူနာမီဒဏ် အဆိုးဆုံးခံခဲ့ရတဲ့ အရှေ့မြောက်ပိုင်း ကမ်းရိုးတမ်း ဒေသဘက်မှာလည်း သီးသန့် အောက်မေ့ဖွယ် အခမ်းအနားတွေကို ပြုလုပ်ခဲ့ကြပါတယ်။
ဆူနာမီ ဒီလှိုင်းကြီးတွေကြောင့် ဖူကူရှီးမား ဒိုင်အိချိ (Fukushima Dai-ichi) နျူကလီးယား ဓာတ်အားပေး စက်ရုံမှာ ဓါတ်ပေါင်းဖို ၃ ခု ပျက်ဆီးသွားခဲ့ပြီး အဲဒီဒေသမှာ ဆယ်စုနှစ်ပေါင်းများစွာအထိ လူတွေနေလို့ မရနိုင်လောက်တဲ့ ပမာဏ ဓာတ်ရောင်ခြည် သင့်ခဲ့ပါတယ်။ တနှစ်ပြည့်ချိန်အထိ ဘဝတွေကို ပြန်လည် ထူထောင်ဖို့ ကြိုးစားနေကြရတဲ့ ဂျပန်ပြည်သူတချို့ဟာ ယာယီ အိမ်ယာတွေမှာ နေထိုင်နေကြရပြီး အများအပြားဟာလည်း အလုပ်အကိုင်မရှိ ဖြစ်နေကြပါတယ်။
ခုလို သေဆုံးသွားသူတွေအတွက် အောက်မေ့ဖွယ် အခမ်းအနားတွေကို ကျင်းပနေတဲ့ တချိန်တည်းမှာပဲ နျူကလီးယား ဆန့်ကျင်ဆန္ဒပြသူ ၅၀ လောက် တိုကျို လျှပ်စစ်ဓာတ်အားပေး ကုမ္ပဏီရှေ့မှာ စုဝေး ဆန္ဒပြခဲ့ကြပါတယ်။ ဆန္ဒပြသူတွေက နျူကလီးယား ဓာတ်အားပေး စက်ရုံတွေ အားလုံးကို ပိတ်ပစ်ဖို့ ကြွေးကြော် တောင်းဆိုခဲ့ကြပါတယ်။
အလုပ်သမားများ သမဂ္ဂဖွဲ့ခွင့်၊ ဆန္ဒပြခွင့် ရပြီ
By ဗွီအိုအေ (မြန်မာဌာန)
မြန်မာနိုင်ငံမှာ အလုပ်သမားသမဂ္ဂတွေ ဖွဲ့စည်းခွင့်ပြုတာနဲ့ အလုပ်သမားအရေး ဆန္ဒပြခွင့်ပြုတဲ့၊ အလုပ်သမား အဖွဲ့အစည်းဥပဒေ ဒီနှစ် မတ်လ ၉ ရက်နေ့က စပြီး အာဏာတည်တဲ့နေ့ သတ်မှတ်ခြင်း အမိန့်ကြော်ငြာစာကို မတ်လ ၉ ရက်နေ့စွဲနဲ့ပဲ သမ္မတရုံးက ထုတ်ပြန် ကြေညာခဲ့ပါတယ်။ ဒါ့အပြင် ဖွဲ့စည်းလာမယ့် အလုပ်သမား သမဂ္ဂတွေ မှတ်ပုံတင်ကြမှာကို စစ်ဆေးကြီးကြပ်မယ့် မှတ်ပုံတင်အရာရှိချုပ် အဖြစ် အလုပ်သမား ညွှန်ကြားရေးဦးစီးဌာန ညွှန်ချုပ်ကို ခန့်အပ်တာဝန်ပေးတဲ့ အမိန့်ကြောငြာစာကိုလည်း မတ်လ ၉ ရက် နေ့စွဲနဲ့ပဲ သမ္မတရုံးက ထုတ်ပြန် ကြေညာခဲ့ပါတယ်။
အလုပ်သမား အဖွဲ့အစည်း ဥပဒေကို မနှစ်က ၂၀၁၁ အောက်တိုဘာလမှာ သမ္မတဦးသိန်းစိန် လက်မှတ်ရေးထိုး အတည်ပြုထုတ်ပြန်ခဲ့ပြီး ဖြစ်ပါတယ်။ ဒီဥပဒေအရ အနည်းဆုံး အဖွဲ့ဝင်ဦးရေ ၃၀ နဲ့ အလုပ်သမား သမဂ္ဂတွေ ဖွဲ့စည်း နိုင်ပြီးတော့ အသေးစိတ် အစီအစဉ်တွေ ပါဝင်တဲ့ အလုပ်သမားအရေး ဆန္ဒပြပွဲကို ၁၄ ရက် ကြိုတင် အကြောင်းကြားခွင့် တောင်းခံခဲ့ရင် ဆန္ဒပြခွင့်ကိုလည်း ခွင့်ပြုထားပါတယ်။
အလုပ်သမား သမဂ္ဂအဖွဲ့ဝင် ဖြစ်တာကို အကြောင်းပြု၍ ဖြစ်စေ၊ အလုပ်သမားအရေး ဆန္ဒပြတာကို အကြောင်းပြု၍ ဖြစ်စေ၊ အလုပ်သမားတွေကို အလုပ်မှထုတ်ပယ်တဲ့ အလုပ်ရှင်ဟာ ဒီဥပဒေအရ ထောင်ဒဏ်တစ်နှစ်နဲ့ ဒဏ်ငွေ ကျပ်တစ်သိန်း ပြစ်ဒဏ်ချခံရမှာ ဖြစ်သလို၊ အလုပ်သမားတွေ ဆန္ဒပြနေစဉ်မှာ ယခု ပြဌာန်းထားတဲ့ အလုပ်သမား အဖွဲ့အစည်းဥပဒေကို ချိုးဖောက်မှု ရှိခဲ့ရင်လည်း ချိုးဖောက်သူ အလုပ်သမားဟာ ဒီဥပဒေအရ ထောင်ဒဏ်တစ်နှစ်နဲ့ ဒဏ်ငွေ ကျပ်သုံးသောင်း ပြစ်ဒဏ်ချမှတ် ခံရမှာ ဖြစ်ပါတယ်။
ကုလကိုယ်စားလှယ် ဆီးရီးယားခရီးစဉ် အဖြေမထွက်ဘဲ အဆုံးသတ်
By ဗွီအိုအေ (မြန်မာဌာန)
ဆီးရီးယားသမ္မတ ဘက်ရှာအယ်လ် အာဆဒ်နဲ့ ဒမတ်စကတ်မြို့မှာ ဒုတိယအကြိမ် ဆွေးနွေးအပြီးမှာ နှစ်ပေါက်နေပြီဖြစ်တဲ့ ဆီးရီးယားအရေးအခင်း အဖြေရှာရေးအတွက် အကောင်းဘက်က ရှုမြင်ထားကြောင်း နိုင်ငံတကာ ငြိမ်းချမ်းရေးသံတမန် မစ္စတာကိုဖီအာနန် က ပြောဆိုလိုက်ပါတယ်။ သွေးထွက်သံယိုမှုတွေ ရပ်တန့်သွားရေးအတွက် သဘောတူညီမှုတစ်ခု ရရှိဖို့လုပ်ရာမှာတော့ ခက်ခဲလိမ့်မယ်လို့လည်း ပြောပါတယ်။
မနေ့က တနင်္ဂနွေနေ့မှာ တွေ့ဆုံခဲ့တဲ့ တွေ့ဆိုမှုအတွင်း မစ္စတာ အာဆဒ်ကို ခိုင်မာတဲ့ အဆိုပြုချက်တစ်ခု တင်ပြခဲ့တယ်လို့ မစ္စတာအာနန်က ပြောပါတယ်။ ဆီးရီးယားနိုင်ငံအတွင်း လူတွေကို သတ်ဖြတ်နေတာတွေ ချက်ချင်းရပ်တန့်ပေးဖို့နဲ့ အတိုက်အခံတွေအပေါ် အသေအကြေ အကြမ်းဖက် ဖြိုခွဲနေတာတွေကို နိုင်ငံရေးနည်းအရ အဖြေရှာမှုတရပ်အနေနဲ့ ပြုပြင်ပြောင်းလဲမှုတွေ လုပ်ဖို့ တောင်းဆိုခဲ့တယ်လို့ ကုလသမဂ္ဂနဲ့ အာရပ်အဖွဲ့ချုပ်ရဲ့ သံတမန် မစ္စတာအာနန်က ပြောပါတယ်။
အာဖရိကန် စကားပုံတစ်ခုအတိုင်း ၀ဲပျံပြီးတော့ ကွေ့လို့မရရင် လှော်ခတ်ပြီးတော့ ကွေ့ပါလို့ မစ္စတာ အာဆဒ်ကို တောင်းဆိုခဲ့ကြောင်း မစ္စတာအာနန်က ပြောပါတယ်။ ဆီးရီးယားအစိုးရဘက်ကတော့ ဒီကိစ္စအပေါ် ဘာမှချက်ချင်း တုံ့ပြန်ပြောဆိုတာ မရှိသေးပါဘူး။
စနေနေ့ ပထမဆုံးအကြိမ် တွေ့ဆုံပွဲ အပြီးမှာတော့ မစ္စတာ အာဆဒ်က သူ့အနေနဲ့ အခုပြဿနာကို ဖြေရှင်းတဲ့နေရာမှာ ရိုးသားမှုရှိရမယ်ဆိုတဲ့ အချက်ကို ထောက်ခံကြောင်း မစ္စတာအာနန်ကို ပြောဆိုခဲ့တယ်လို့ ဆီးရီးယားနိုင်ငံပိုင် မီဒီယာတွေက ဖော်ပြခဲ့ကြပါတယ်။
ဒါပေမဲ့ အကြမ်းဖက်သမားတွေဘက်က ခြိမ်းခြောက်မှုတွေ ရှိနေသ၍ နိုင်ငံရေးအဖြေရှာမှု ဆိုတာကလည်း ဖြစ်နိုင်ခြေမရှိဘူး လို့လည်း မစ္စတာအာဆဒ်က ပြောခဲ့တယ်လို့ ဆိုပါတယ်။
ပြည်ပရောက် ဆီးရီးယား အဓိက အတိုက်အခံ အုပ်စုကလည်း အစိုးရနဲ့ တွေ့ဆုံဆွေးနွေးရေး ကိစ္စကို ပယ်ချထားပါတယ်။
အာဏာရှင်စနစ် ပြန်ဖြစ်လာ မလာ မသေချာသေးဟု ဒေါ်စု သတိပေး
By ကိုရန်နိုင်
မြန်မာနိုင်ငံမှာ အာဏာရှင်စနစ်ကို ပြန်လှည့်မသွားဘဲ ဒီမိုကရေစီလမ်းကြောင်းကို မှန်မှန်လျှောက်လှမ်းနိုင်ဖို့ အတွက် ပြည်သူလူထုရဲ့ ထောက်ခံမှုနဲ့ လုပ်သွားရမယ်လို့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က မွန်ပြည်နယ် ဒေသခံလူထုကို ဒီကနေ့မှာ ပြောကြားလိုက်ပါတယ်။ ဒါ့အပြင် ဒီမိုကရေစီစနစ် ပေါ်ထွန်းပြီး တရားဥပဒေစိုးမိုးမှု ရှိလာမှာသာ ပြည်သူလူထုတွေ ရင်ဆိုင်နေရတဲ့ ပြဿနာတွေ အဆင်ပြေနိုင်မယ်လို့ ပြောလိုက်ပါတယ်။ ဒီအကြောင်းနဲ့ ပတ်သက်ပြီး ဆက်သွယ် စုံစမ်းထားတဲ့ ကိုရန်နိုင်က တင်ပြထားပါတယ်။
အမျိုးသားဒီမိုကရေစီအဖွဲ့ချုပ် NLD ပါတီဥက္ကဋ္ဌ ဒေါ်အောင်ဆန်းစုကြည်ဟာ ဧပြီ ၁ ရက်နေ့ ကျင်းပမယ့် ကြားဖြတ်ရွေးကောက်ပွဲမှာ အနိုင်ရရှိရေးအတွက် မြန်မာနိုင်ငံတ၀ှမ်းကို သွားရောက်ပြီးတော့ မဲဆွယ်စည်းရုံးမှုတွေကို တောက်လျှောက် လုပ်နေတာဖြစ်ပြီး ဒီကနေ့မှာဆိုရင်လည်း မွန်ပြည်နယ် မော်လမြိုင်ကို သွားရောက်ပြီးတော့ ဒေသခံလူထုကို မဲဆွယ်စည်းရုံး ဟောပြောခဲ့ပါတယ်။
စစ်အာဏာရှင်စနစ် အောက်မှာ နှစ်ပေါင်းများစွာရှိလာခဲ့ပြီး မနှစ်ကမှ အရပ်သားအစိုးရ တရပ် ဖြစ်ပေါ်လာခဲ့တဲ့ မြန်မာနိုင်ငံမှာ ဒီမိုကရေစီစနစ်ဆိုတာ မရှိသေးဘဲ အာဏာရှင်စနစ် ပြန်ဖြစ်လာမယ် မလာဘူး ဆိုတာကလည်း မရေရာသေးကြောင်း၊ ဒါကြောင့် အာဏာရှင်စနစ် ချုပ်ငြိမ်းပြီး ဒီမိုကရေစီစနစ်ကို မှန်မှန်ဦးတည်ပြီး သွားနိုင်ဖို့ လူထုရဲ့ ထောက်ခံမှုလိုတယ်လို့ ဒေါ်အောင်ဆန်းစုကြည်က အခုလို ပြောကြားခဲ့ပါတယ်။
“ကျမတို့ ဒီမိုကရေစီစနစ် ဆိုတာ ဒီနိုင်ငံမှာ တကယ်တော့ မရှိသေးပါဘူး။ နောက်ပြီးတော့ အာဏာရှင် အစိုးရတွေ တက်ရေး မတက်ရေး ဆိုတာကလည်း၊ ပြန်ပြီးတော့ ပေါ်လာရေး မပေါ်လာရေး ဆိုတာကလည်း မရေရာတဲ့ကိစ္စတစ်ခုပဲ အခုထိ ဖြစ်နေသေးပါတယ်။”
ဒါ့အပြင် မြန်မာပြည်သူ လူထုတွေဟာလည်း လူ့အခွင့်အရေးကို အပြည့်အ၀ မခံစားရသေးကြောင်း၊ ဒီမိုကရေစီစနစ် ပေါ်ထွန်းပြီး တရားဥပဒေ စိုးမိုးမှုရှိမှသာ ပြည်သူတွေအနေနဲ့ မိမိတိုရဲ့ အခွင့်အရေး အပြည့်အ၀ ရရှိပြီး လက်ရှိရင်ဆိုင်နေရတဲ့ အခက်အခဲတွေ အဆင်ပြေနိုင်မယ့်လို့ ဒေါ်အောင်ဆန်းစုကြည်က ပြောပါတယ်။ အမျိုးသား ဒီမိုကရေစီအဖွဲ့ချုပ် အနေနဲ့ ပြည်သူတွေအတွက် မလိုလားအပ်တဲ့ ဥပဒေတွေကို ပြင်ဆင်ပြီး ပြည်သူလူထုအကျိုးကို ဆောင်ရွက်နိုင်ဖို့အတွက် လွှတ်တော် အမတ်နေရာ အတော်များများ အနိုင်ရဖို့လိုတယ်လို့လည်း ဒေါ်အောင်ဆန်းစုကြည်က အခုလို ပြောသွားပါတယ်။
“လွှတ်တော်ထဲမှာ နေရာများနိုင်သလောက် များအောင်လုပ်ဖို့ လိုတယ်။ အဲဒီတော့မှ ပြည်သူတွေကို ဖိနှိပ်ထားတဲ့ ဥပဒေတွေ စည်းမျဉ်းတွေကို ကျမတို့ ဖယ်ရှားဖို့ ကြိုးစားရမယ်။ ပြည်သူတွေကို တိုးတက်အောင် ကူညီမယ့် ဥပဒေတွေကို ပြဌာန်းဖို့ ကြိုးစားရမယ်။ ဖွဲ့စည်းပုံ အခြေခံဥပဒေကို ပြင်ဖို့ ကြိုးစားရမယ်။ အရေးကြီးဆုံးကတော့ ပြည်သူ့အသံကို တကမ္ဘာလုံးက ကြားနိုင်အောင်လုပ်ဖို့ ကျမတို့ ကြိုးစားသွားရမယ်။”
ဒါ့အပြင် ပြည်သူလူထုတွေအနေနဲ့ မိမိတို့ရဲ့ နိုင်ငံသားတာဝန်တွေကို အပြည့်အ၀ထမ်းဆောင်ပြီး တိုင်းပြည်စည်းလုံးညီညွှတ်ရေး တည်ဆောက်ကြဖို့ကိုလည်း ဒေါ်အောင်ဆန်းစုကြည်က မှာကြား သွားခဲ့ပါတယ်။
“နိုင်ငံ တနိုင်ငံရဲ့ သွေးစည်းညီညွတ်မှု ဆိုတာ အထက်က ဥပဒေနဲ့ လုပ်ယူလို့ မရပါဘူး။ အောက်က ပြည်သူလူထုရဲ့ ၀ိုင်းဝန်းပါဝင်မှုနဲ့ပဲ လုပ်ယူလို့ရတယ်။ အဲဒါကြောင့်မိုလို့ အချင်းချင်း ဒီလို သွေးစည်းညီညွတ်မှု ဆောက်တည်နိုင်တဲ့ ပြည်နယ်မှာ ကိုယ့်ရဲ့ နိုင်ငံသား တာဝန်တစ်ခုအနေနဲ့ လုပ်ပြီးတော့ ကြိုးစားကြပါ။ သွေးစည်း ညီညွတ်ရေးအတွက် ကြိုးစားကြပါလို့ ကျမက မေတ္တာရပ်ခံချင်ပါတယ်။”
ဒီကနေ့ မနက် ၉ နာခွဲကနေ ၁၀ နာရီကျော်အထိ မော်လမြိုင် ကျိုက်မရော ကားလမ်းဘေးက ကျွဲခြံ ၆ မိုင်ကျေးရွာ ဘောလုံးကွင်းမှာ ဒေသခံလူထုနဲ့ တွေဆုံခဲ့တာ ဖြစ်ပြီး မော်လမြိုင်ဒေသခံတွေအပြင် တခြားဒေသက လူထုအင်အား သောင်းနဲ့ချီ တက်ရောက်ခဲ့ကြပါတယ်။
ကြားဖြတ် ရွေးကောက်ပွဲ အတွက် မွန်ပြည်နယ်တဝှမ်း နှစ်ရက်တိုင်တိုင် လှည့်လည် မဲဆွယ်ခဲ့တဲ့ ဒေါ်အောင်ဆန်းစုကြည်ဟာ ထာဝရ ငြိမ်းချမ်းရေး တည်ဆောက်နိုင်ရန် ပါဝင် လုပ်ဆောင်သွားမယ်လို့ မော်လမြိုင်မြို့၊ Strand ဟိုတယ်မှာ ကျင်းပြုတဲ့ ညစာစားပွဲမှာ ပြောဆိုခဲ့ပြီးတော့ အဲဒီညစာ စားပွဲကို တိုးတက်သော ကရင်ဗုဒ္ဓဘာသာ အစည်းအရုံး (DKBA)၊ မွန်ပြည်သစ်ပါတီ၊ မွန် ဒေသလုံးဆိုင်ရာ ဒီမိုကရေစီ ပါတီ၊ မွန်အမျိုးသား ဒီမိုကရေစီ အဖွဲ့ချုပ်တို့ တက်ရောက်ခဲ့ကြောင်း သိရပါတယ်။
မွန်ပြည်နယ် မော်လမြိုင်မြို့မှာ အမျိုးသားဒီမိုကရေစီအဖွဲ့ချုပ်ကို ကိုယ်စားပြုပြီး ၀င်ရောက်အရွေးခံမယ့် ကိုယ်စားလှယ်ကတော့ ဒေါ်ခင်ဌေးကြွယ်ဖြစ်ပြီး သူနဲ့ အပြိုင် တိုင်းရင်းသား စည်းလုံးညီညွတ်ရေး နဲ့ ကြံ့ခိုင်ဖွံ့ဖြိုးရေးပါတီတွေကလည်း မော်လမြိုင်မှာ ၀င်ပြိုင်မှာဖြစ်တယ်လို့ ဒေါ်ခင်ဌေးကြွယ်က ပြောပါတယ်။ ဒေါ်အောင်ဆန်းစုကြည်ဟာ မော်လမြိုင်မြို့ကနေ မနက် ၁၀ နာရီခွဲမှာ ရန်ကုန်ကို ပြန်လည် ထွက်ခွာလာခဲ့တယ်လို့ ပါတီတာဝန်ရှိသူတွေက ပြောပါတယ်။
ပါကစ္စတန် အကြမ်းဖက် တိုက်ခိုက်မှု ၁၅ ယောက်သေ
By ဗွီအိုအေ (မြန်မာဌာန)
ပါကစ္စတန် နိုင်ငံ အနောက်မြောက်ဘက် ဒေသမှာ တာလီဘန်ဆန့်ကျင်သူ နိုင်ငံရေးသမားတစ်ဦး တက်ရောက်လာတဲ့ ဈာပန အခမမ်းအနားကို အသေခံဗုံးခွဲ တိုက်ခိုက်မှု တစ်ခုကြောင့် လူ ၁၅ ယောက်ထက်မနည်း သေဆုံးခဲ့ကြောင်း ရဲတပ်ဖွဲ့က ပြောပါတယ်။ နိုင်ငံရေးသမား Khusdil Khan ကို ပစ်မှတ်ထား တိုက်ခိုက်တာ ဖြစ်နိုင်တယ်လို့လည်း ရဲတပ်ဖွဲ့က ယုံကြည်ထားတာ ဖြစ်ပေမဲ့ တိုက်ခိုက်မှုအတွင်း အထိအခိုက်မရှိ လွတ်မြောက်ခဲ့တာပါ။
တိုက်ခိုက်မှုကြောင့် နောက်ထပ် လူပေါင်း ၃၀ လောက် ထိခိုက်ဒဏ်ရာတွေ ရခဲ့ကြပြီး ဒီအထဲက အများအပြားဟာ ဒဏ်ရာတွေ ပြင်းထန်တယ်လို့လည်း တာဝန်ရှိသူတွေက ပြောပါတယ်။ Khyber-Pakhtunkhwa ဒေသရဲ့မြို့တော် ပတ်ရ်ှဝါမြို့က တိုက်ခိုက်မှုဟာ သူတို့လက်ချက်လို့ ပါကစ္စတန် တာလီဘန်တွေက ကြေညာခဲ့ကြတာပါ။
တိုက်ခိုက်မှုမှာ ရှိနေတဲ့ နိုင်ငံရေးသမား Khan ဟာဆိုရင် ဘာသာရေး အစွဲမထားတဲ့ နိုင်ငံရေး ပါတီ တစ်ခုဖြစ်တဲ့ Awami အမျိုးသားပါတီက ဖြစ်ပြီး၊ ဒေသတွင်းက စစ်သွေးကြွ အုပ်စုတွေကို ဆန့်ကျင်လှုပ်ရှားနေသူ တစ်ဦးပါ။ ဒေသခံရဲအရာရှိ တစ်ဦးကတော့ တိုက်ခိုက်မှုဟာ ပါကစ္စတန်လုံခြုံရေး တပ်ဖွဲ့တွေနဲ့ စစ်သွေးကြွတွေကြား ပဋိပက္ခတွေရဲ့ တစိတ်တပိုင်းသာ ဖြစ်တယ်လို့ ပြောပါတယ်။
ပတ်ရ်ှဝါမြို့အနီး ခိုင်ဘာလူမျိုးစုဒေသမှာ စစ်သွေးကြွ ၃၉ ယောက်ကို သုတ်သင်နိုင်ကြောင်း ပါကစ္စတန် လုံခြုံရေး တပ်တွေက ပြောဆိုအပြီး နောက်တစ်နေ့မှာပဲ တိုက်ခိုက်မှု ကြုံခဲ့ရတာလည်း ဖြစ်ပါတယ်။
No comments:
Post a Comment