by Buddha In My Life on Monday, February 20, 2012 at 8:29pm ·
သုဘလုလင်၏ လျောက်ထားချက်
မြတ်စွာဘုရား….၊ ဤလောက၌ နေထိုင်ကြသူ အပေါင်းတို့သည် လူအချင်းချင်း တူညီကြပါလျက် အရာရာ၌ ညီတူညီမျှ မဟုတ်မူ၍ အယုတ်၊ အလတ်၊ အမြတ် ကွဲပြား ထူးခြားနေကြပါသည်။
ကွဲပြားခြားနားပုံ
၁ (က) အချို့ သူတို့မှာ အသက်တို၍၊
(ခ) အချို့ သူတို့မှာ အသက်ရှည်ပါကုန်သည်။
၂ (က) အချို့ သူတို့မှာ မကျန်းမမာ အနာရောဂါ များ၍၊
(ခ) အချို့ သူတို့မှာ ရောဂါ ကင်းရှင်း ကျန်းမာခြင်း ရှိကြပါသည်။
၃ (က) အချို့ သူတို့မှာ အရုပ်ဆိုး၍၊
(ခ) အချို့ သူတို့မှာ အဆင်းလှကြပါသည်။
၎ (က) အချို့ သူတို့မှာ ဘုန်းတန်ခိုးနည်းပါး၍၊
(ခ) အချို့ သူတို့မှာ ဘုန်းတန်ခိုးကြီးကြပါသည်။
၅ (က) အချို့ သူတို့မှာ ဆင်းရဲနွမ်းပါး၍၊
(ခ) အချို့ သူတို့မှာ ပေါများ ကြွယ်ဝကြပါသည်။
၆ (က) အချို့ သူတို့မှာ အမျိုးယုတ်နိမ့်၍၊
(ခ) အချို့ သူတို့မှာ အမျိုးမြင့်မြတ်ကြပါသည်။
၇ (က) အချို့ သူတို့မှာ ပညာ ဉာဏ်နည်းပါး၍၊
(ခ) အချို့ သူတို့မှာ ပညာ ဉာဏ်များပြားလှပါသည်။
ဤသို့ ကွဲလွဲခြားနားကြခြင်းသည် “ အဘယ် အကြောင်းကြောင့်ပါနည်း “ ဟုလျှောက်ထားလေ၏။
မြတ်စွာဘုရား ဟောကြားတော်မူချက်
ကံသာလျှင် အားကိုးရာ အစစ်ဖြစ်ပုံ
ထိုအခါ မြတ်စွာဘုရားက…..
“ သုဘလုလင်… လောက၌ လူများသာမက အလုံးစုံသော သတ္တဝါ ဟူသမျှတို့သည်…၊
၁။ ကံ - သာလျှင် ဥစ္စာ ရှိကြကုန်၏။
၂။ ကံ - သာလျှင် အမွေအနှစ် ရှိကြကုန်၏။
၃။ ကံ - သာလျှင် အဆွေအမျိုး ရှိကြကုန်၏။
၎။ ကံ - သာလျှင် အဆွေခင်ပွန်း ရှိကြကုန်၏။
၅။ ကံ - သာလျှင် ကိုးကွယ်အားထားရာ ရှိကြကုန်၏။
ထို ကံ - တရားသည်ပင်လျှင် သတ္တဝါ ဟူသမျှ တို့ကို အယုတ်၊ အလတ်၊ အမြတ် စသည် ထူးခြားကွဲလွဲအောင် ဆောင်ရွက် ခွဲဝေလေသည် “ ဟု မိန့်တော်မူလေသည်။
အကြောင်း - အကျိုး ဆက်သွယ် ဟောကြားတော်မူချက်
၁ (က) အသက်တိုခြင်း ။ ။ လောက၌ မိန်းမဖြစ်စေ၊ ယောက်ျားဖြစ်စေ၊ သတ္တဝါတို့အား သနားကြင်နာမှု မရှိသူ ရက်စက်ကြမ်းကြုတ်စွာ သတ်ဖြတ်လေ့ရှိ၏။ ထိုသူသည် ထို သတ်ဖြတ်မှု အကုသိုလ် ကံကြောင့် သေသည့် အခြားမဲ့၌ “ ငရဲ “ သို့ ကျရောက်ရာ၏။ ငရဲ၌ မကျရောက်မှု၍ လူဖြစ်လာပြန်လျှင် အသက်တို၏။ သူ့ အသက်ကို သတ်မူ အကုသိုလ်သည် အသက်တိုကြောင်း အကျင့် ဖြစ်၏။
(ခ) အသက်ရှည်ခြင်း ။ ။ အကြင်သူသည် သူ့အသက်ကို သတ်ခြင်းမှ ရှောင်ကြဉ်၏။ မကောင်းမှုကို ပြုလုပ်ရန် ရှက်ကြောက်၏။ သနားညှာတာမှုရှိ၏။ သတ္တဝါတို့၏ အကျိုးစီးပွား၌ အစဉ် စောင့်ရှောက်လေ့ရှိ၏။ ထိုသူသည် ထိုကောင်းမှု ကုသိုလ်ကံကြောင့် သေသည့် အခြားမဲ့၌ နတ်ပြည်သို့ ရောက်ရ၏။ လူဖြစ်လာပြန်လျှင် အသက်ရှည်၏။ သူ့ အသက်ကို သတ်ခြင်းမှ ရှောင်ကြဉ်ခြင်းသည် အသက်ရှည်ကြောင်း အကျင့်ဖြစ်၏။
၂ (က) အနာရောဂါများခြင်း ။ ။ လောက၌ မိန်းမဖြစ်စေ၊ ယောက်ျားဖြစ်စေ (သတ္တဝါ၏ အသက်ကို မသတ်မူ၍) ဆင်းရဲ ဒုက္ခဖြစ်ရုံသာ ဒုတ်၊ ဓါး၊ လက်နက် စသည်ဖြင့် ညှင်းပန်း နှိပ်စက်လေ့ရှိ၏။ ထိုသူသည် ထိုညှင်းပန်းမှု အကုသိုလ်ကြောင့် သေသည့် အခြားမဲ့၌ ငရဲ၌ ကျရောက်ရာ၏။ လူဖြစ်လာပြန်လျှင် အနာရောဂါ များ၏။ သတ္တဝါတို့အား ညှင်းပန်းနှိပ်စက်ခြင်းသည် အနာရောဂါများကြောင်း အကျင့်ဖြစ်၏။
(ခ) အနာရောဂါ ကင်းရှင်းခြင်း ။ ။ အကြင်သူသည် သနားကြင်နာခြင်းရှိ၏။ ထိုသူသည် ထိုကုသိုလ်ကံကြောင့် သေသည့် အခြားမဲ့၌ နတ်ပြည်သို့ ရောက်ရာ၏။ လူဖြစ်လာပြန်လာလျှင် အနာရောဂါ ကင်း၏။ သတ္တဝါတို့အား ညှင်းပန်းနှိပ်စက်မှု မရှိခြင်းသည် အနာရောဂါကင်းရှင်းကြောင်း အကျင့်ဖြစ်၏။
၃ (က) အဆင်းမလှခြင်း ။ ။ လောက၌ မိန်းမဖြစ်စေ၊ ယောက်ျားဖြစ်စေ၊ အမျက်ဒေါသ ထွက်လေ့ရှိ၏။ (သူတစ်ပါး အပေါ်၌) ချုပ်ချယ်လိုမှုများ၏။ မဖြစ်လောက်သော အကြောင်းကို အစွဲပြု၍ အမျက်ထွက်လေ့ရှိ၏။ (အမျက်ထွက်ရမည့် အကြောင်းမဟုတ်ဘဲ လျက်လည်း အမျက်ထွက်လေ့ ရှိ၏) ။ ထိုသူသည် ထိုအကုသိုလ်ကြောင့် သေသည့် အခြားမဲ့၌ ငရဲ၌ ကျရောက်၏။ လူဖြစ်လာပြန်လျှင် အဆင်းလှခြင်းမရှ။ (သတ္တဝါတို့ အပေါ် ၌) အမျက်ဒေါသများခြင်းတို့သည် အဆင်းမလှကြောင်း အကျင့်ဖြစ်၏။
(ခ) အဆင်းလှခြင်း ။ ။ အကြင်သူသည် အမျက်ဒေါသ ထွက်လေ့မရှိ။ ချုပ်ချယ်လိုမှုလည်း မရှိ။ (သာမာန် အကြောင်းမျှကို အစွဲပြု၍ အမျက်ထွက်လေ့မရှိ)။ အမျက်ဒေါသကို သိမ်းဆည်းလေ့ ရှိ၏။ ထိုသူသည် ထိုကုသိုလ်ကံကြောင့် သေသည်၏ အခြားမဲ့၌ နတ်ပြည်သို့ ရောက်ရာ၏။ လူဖြစ်လာပြန်လျှင် အဆင်းလှ၏။ အမျက်ဒေါသ မထွက်ခြင်း စသည်လည်း အဆင်းလှကြောင်း အကျင့်ဖြစ်၏။
၎ (က)ဘုန်းတန်ခိုး နည်းခြင်း ။ ။ လောက၌ မိန်းမဖြစ်စေ၊ ယောက်ျားဖြစ်စေ၊ သူတစ်ပါးတို့၌ လာဘ်ပေါများခြင်း၊ (သူတစ်ပါးတို့ အရိုအသေ ခံရခြင်း၊ အလေးအမြတ် ခံရခြင်း၊ အပူဇော် - အကန်တော့ ခံရခြင်း တို့၌ ငြူစူစောင်းမြောင်း မှု ဣဿာ ) သဘောထားလေ့ရှိ၏။ ထိုသူသည် ထိုအကုသိုလ်ကံကြောင့် သေသည် အခြားမဲ့၌ ငရဲကျရောက်ရာ၏။ လူဖြစ်လာပြန်လျှင် ဘုန်းတန်ခိုးနည်းပါး၏။ သူတစ်ပါးတို့၏ ပစ္စည်း - ဥစ္စာ လာဘ်ပေါများမှု စသည်၌ ငြူစူစောင်းမြောင်းမှု သဘောထားရှိခြင်းသည် ဘုန်းတန်ခိုးနည်းပါးကြောင်း အကျင့်ဖြစ်၏။
(ခ) ဘုန်းတန်ခိုး ကြီးမားခြင်း ။ ။ အကြင်သူသည် သူတစ်ပါးတို့၌ လာဘ်ပေါများခြင်း၊ ပစ္စည်း - ဥစ္စာပေါများခြင်း၊ အရိုအသေခံရခြင်းတို့၌ ငြူစူစောင်းမြောင်းမှု (ဣဿာ) သဘောမရှိ။ ထိုသူသည် ထိုကုသိုလ်ကြောင့် သေသည့်အခြားမဲ့၌ နတ်ပြည်သို့ ရောက်ရာ၏။ လူဖြစ်လာပြန်လျှင် ဘုန်းတန်ခိုး ကြီးမား၏။ သူတစ်ပါးတို့၏ ပစ္စည်း - ဥစ္စာပေါများမှု စသည်၌ ငြူစူစောင်းမြောင်းမှု မရှိခြင်းသည် ဘုန်းတန်ခိုး ကြီးမားကြောင်း အကျင့်ဖြစ်၏။
၅ (က) ဆင်းရဲ နွမ်းပါးခြင်း ။ ။ လောက၌ မိန်းမဖြစ်စေ၊ ယောက်ျားဖြစ်စေ၊ ရဟန်း - ပုဏ္ဏားတို့အား ထမင်း - အဖျော်၊ ကျောင်း၊ ဇရပ်၊ အဝတ်သင်္ကန်း၊ ယာဉ် (ဘိနပ်)၊ ပန်း၊ နံ့သာ၊ နံ့သာပြောင်း၊ အိပ်ရာ၊ နေရာ၊ ဆီမီးဟူသော ဒါနဝတ္ထု (၁၀) ပါးတို့ကို ပေးလှူလေ့မရှိ။ ထိုသူသည် ထိုအကုသိုလ်ကံကြောင့် သေသည့်အခြားမဲ့၌ ငရဲ၌ကျရောက်ရာ၏။ လူဖြစ်လာပြန်လျှင် ဆင်းရဲနွမ်းပါး၏။ ထမင်း - အဖျော် စသည့် ဒါနဝတ္ထုတို့ကို မပေးလှူခြင်းသည် ဆင်းရဲ နွမ်းပါးကြောင်း အကျင့်ဖြစ်၏။
(ခ) ချမ်းသာကြွယ်ဝခြင်း ။ ။ အကြင်သူသည် ရဟန်း - ပုဏ္ဏားတို့အား ထမင်း - အဖျော် စသည့် ဒါနဝတ္ထု (၁၀) ပါးတို့ကို ပေးလှူ၏။ ထိုသူသည် ထိုကုသိုလ်ကြောင့် သေသည့်အခြားမဲ့၌ နတ်ပြည်သို့ ရောက်ရာ၏။ လူဖြစ်လာပြန်လျှင် ချမ်းသာကြွယ်ဝ၏။ ထမင်း၊ အဖျော် စသည့် ဒါနဝတ္ထုတို့ကို ပေးလှူခြင်းသည် ချမ်းသာကြွယ်ဝကြောင်း အကျင့်ဖြစ်၏။
၆ (က)အမျိုးယုတ် နိမ့်ခြင်း ။ ။ လောက၌ မိန်းမဖြစ်စေ၊ ယောက်ျားဖြစ်စေ အလွန်မာနကြီး၏။ ရှိခိုးထိုက်သည့် ပုဂ္ဂိုလ်ကိုလည်း ရှိမခိုး၊ ခရီးဦးကြိုထိုက်သည့် ပုဂ္ဂိုလ်ကိုလည်း ခရီးဦးမကြိုဆို၊ နေရာပေးထိုက်သည့် ပုဂ္ဂိုလ်ကိုလည်း နေရာမပေး၊ ခရီးလမ်းဖယ် ပေးထိုက်သည့် ပုဂ္ဂိုလ်ကိုလည်း ခရီးလမ်းဖယ်ပေးထိုက်သည့် ပုဂ္ဂိုလ်ကိုလည်း ခရီးလမ်းဖယ်မပေး၊ ရိုသေလေးမြတ် - ပူဇော်ထိုက်သည့် ပုဂ္ဂိုလ်ကိုလည်း ရိုသေလေးမြတ် - ပူဇော်ခြင်းမရှိ၊ ထိုသူသည် ထိုအကုသိုလ်ကံကြောင့် သေသည့် အခြားမဲ့၌ ငရဲ၌ ကျရောက်ရာ၏။ လူဖြစ်လာပြန်လျှင် အမျိုး (ဇာတ်) ယုတ်နိမ့်ခြင်း၏။ အလွန်မာနကြီးခြင်း ရှိခိုးထိုက်သည့် ပုဂ္ဂိုလ်ကို ရှိမခိုးခြင်း စသည်လည်း အမျိုးယုတ်နိမ့်ကြောင်း အကျင့်ဖြစ်၏။
(ခ) အမျိုးမြင့်မြတ်ခြင်း ။ ။ အကြင် သူသည် မာန်မာန မရှိ၊ ရှိခိုးထိုက်သည့် ပုဂ္ဂိုလ်ကိုလည်း ရှိခိုး၏။ ခရီးဦးကြိုထိုက်သည့် ပုဂ္ဂိုလ်ကိုလည်း ခရီးဦးကြို၏။ နေရာပေးထိုက်သည့် ပုဂ္ဂိုလ်ကိုလည်း နေရာပေး၏။ ခရီးလမ်းဖယ်ပေးထိုက်သည့် ပုဂ္ဂိုလ်ကိုလည်း ခရီးလမ်းဖယ်ပေး၏။ ရိုသေလေးမြတ် ပူဇော်အပ်သည့် ပုဂ္ဂိုလ်ကိုလည်း ရိုသေလေးမြတ် ပူဇော်ခြင်းရှိ၏။ ထိုသူသည် ထိုကုသိုလ်ကံကြောင့် သေသည့် အခြားမဲ့၌ နတ်ပြည်သို့ ရောက်ရာ၏။ လူဖြစ်လာပြန်လျှင် အမျိုး (ဇာတ်) မြင့်မြတ်၏။ မာန်မာန မရှိခြင်း၊ ရှိခိုးထိုက်သည့် ပုဂ္ဂိုလ်ကို ရှိခိုးခြင်း စသည်သည် အမျိုးဇာတ် မြင့်မြတ်ကြောင်း အကျင့်ဖြစ်၏။
၇ (က) ဉာဏ်ပညာ နည်းပါးခြင်း ။ ။ လောက၌ မိန်းမဖြစ်စေ၊ ယောက်ျားဖြစ်စေ၊ ရဟန်း - ပုဏ္ဏားတို့သို့ ချဉ်းကပ်၍ --
(၁) ကုသိုလ် အကုသိုလ်တရားကိုလည်းကောင်း၊
(၂) အပြစ်ရှိသောတရား၊ အပြစ်မရှိသောတရား ကိုလည်းကောင်း၊
(၃) မှီဝဲအပ်သောတရား မမှီဝဲအပ်သောတရား ကိုလည်းကောင်း၊
(၄) စီးပွားမဲ့ကြောင်း - ဆင်းရဲကြောင်းတရား၊ စီးပွားဖြစ်ကြောင်း ချမ်းသာကြီးကြောင်း တရားကိုလည်းကောင်း မေးမြန်းလေ့မရှိ။
ထိုသူသည် (ထိုသို့ မေးမြန်းမှု မရှိသောကြောင့် ဖြစ်သော) အကုသိုလ်ကံကြောင့် သေသည့် အခြားမဲ့၌ ငရဲ၌ ကျရောက်ရာ၏။ လူဖြစ်လာပြန်လျှင် ဉာဏ်ပညာ နည်းပါး၏။ ရဟန်း - ပုဏ္ဏားတို့သို့ ချဉ်းကပ်၍ မေးမြန်းမှု မရှိခြင်း စသည်သည် ဉာဏ်ပညာနည်းပါးကြောင်း အကျင့်ဖြစ်၏။
(ခ) ဉာဏ်ပညာ ကြီးခြင်း ။ ။ အကြင်သူသည် ရဟန်း - ပုဏ္ဏားတို့အား ချဉ်းကပ်၍ --
(၁) ကုသိုလ် အကုသိုလ်တရားကိုလည်းကောင်း၊
(၂) အပြစ်ရှိသောတရား၊ အပြစ်မရှိသောတရား ကိုလည်းကောင်း၊
(၃) မှီဝဲအပ်သောတရား မမှီဝဲအပ်သောတရား ကိုလည်းကောင်း၊
(၄) စီးပွားမဲ့ကြောင်း - ဆင်းရဲကြောင်းတရား၊ စီးပွားဖြစ်ကြောင်း ချမ်းသာကြီးကြောင်း တရားကိုလည်းကောင်း မေးမြန်းလေ့ရှိ၏။
ထိုသူသည် ထိုသို့ မေးမြန်းမှုကြောင့် ရရှိအပ်သော ကုသိုလ်ကံကြောင့် သေသည့် အခြားမဲ့၌ နတ်ပြည်သို့ ရောက်ရာ၏။ လူဖြစ်လာပြန်လျှင် ဉာဏ်ပညာကြီးမား၏။ ရဟန်း - ပုဏ္ဏားတို့သို့ ချဉ်းကပ်၍ မေးမြန်းမှု စသည်သည် ဉာဏ်ပညာကြီးမားကြောင်း အကျင့်ဖြစ်၏။