10.11.2011 နေ့ဖတ်ရန်သတင်းများ
by Myanmar Journal
တိုင်းရင်းသား အဖွဲ့တွေနဲ့ ဒေါ်စု တွေ့ဖို့ NCUB တိုက်တွန်း
တိုင်းရင်းသား တွေနဲ့ ဒီမို ကရေစီ အင်အားစုတွေ ပါဝင် ဖွဲ့စည်း ထားတဲ့ NCUB ပြည်ထောင်စု မြန်မာ နိုင်ငံ အမျိုးသား ကောင်စီက တစ်နိုင်ငံလုံး အပစ် အခတ် ရပ်စဲဖို့ တောင်းဆို လိုက်ပြီး တိုင်းရင်းသား အဖွဲ့ အစည်း တွေနဲ့ တွေ့ဖို့ ဒေါ်အောင်ဆန်း စုကြည်ကို ဖိတ်ခေါ်တဲ့ အကြောင်း ထုတ်ပြန် ပြောဆို လိုက် ပါတယ်။
ငြိမ်းချမ်း ရေး အတွက် ကြားဝင်ဖို့ ဒေါ်စုသာ အသင့် လျော် ဆုံးလို့ NCUB ပြောဆို
နိုင်ငံတည်ငြိမ် တိုးတက်ဖို့ရာ တစ်နိုင်ငံလုံး အတိုင်း အတာနဲ့ အပစ် အခတ်ရပ်စဲဖို့ လိုအပ်ပြီး အဲဒီလို ဖြစ်လာရေးမှာ ဒေါ်အောင်ဆန်း စုကြည် ပါဝင်မှုက အရေးပါတဲ့ အတွက် အဲဒီလို တောင်းဆို ရတာ ဖြစ်တယ်လို့ NCUB အထွေထွေ အတွင်း ရေးမှူး ဦးမောင်မောင်က ပြော ပါတယ်။
သမ္မတ ဦးသိန်းစိန် အစိုးရ အနေနဲ့ ပြုပြင် ပြောင်းလဲရေးကို တကယ် လိုလားတယ်ဆိုရင် ဒေါ်အောင်ဆန်း စုကြည်နဲ့ တိုင်းရင်းသား အဖွဲ့ အစည်း တွေကို တွေ့ဆုံခွင့် ပေးသင့်တယ် လို့လည်း သူက ပြောပါတယ်။
တိုင်းရင်းသား လက်နက်ကိုင် အဖွဲ့တွေနဲ့ မြန်မာ အစိုးရ စစ်တပ်ကြားမှာ လက်ရှိတိုက်ပွဲတွေ ဖြစ်နေတဲ့ အခြေ အနေ၊ ဖြစ်ပြီး ကာစ အခြေ အနေတွေ ရှိနေတာကြောင့် သူတို့ နှစ်ဦး ချင်းသာ ဆွေးနွေးမယ် ဆိုရင် ဖြစ်သင့် သလောက် ပျော့ပျောင်း နိုင်တဲ့ အနေ အထား မရှိတဲ့ အတွက် အခက် အခဲတွေ ရှိနိုင်တယ်လို့ ဦးမောင်မောင်က သုံးသပ် ပါတယ်။
ဒါကြောင့် ဒေါ်အောင်ဆန်း စုကြည်နဲ့ အန်အယ်လ်ဒီ တို့က တိုင်းရင်းသား အဖွဲ့ အစည်း တွေနဲ့ တရားဝင် ဖြစ်စေ၊ အလွတ် သဘော ဖြစ်စေ တွေ့ဆုံမယ် ဆိုရင် အစိုးရနဲ့ တိုင်းရင်းသား တွေကြား အလျှော့ အတင်း လုပ်နိုင်ကြမှာ ဖြစ်တယ် လို့လည်း သူက ယူဆ ပါတယ်။
အစိုးရနဲ့ တိုင်းရင်းသား အဖွဲ့တွေ ကြားမှာ ကြားဝင် စေ့စပ် ပေးဖို့ ဒေါ်အောင်ဆန်း စုကြည် ကိုယ်တိုင်က ထုတ်ဖော် ကမ်းလှမ်း ထားတဲ့ အပြင် သူဟာ အားလုံးက လက်ခံ နိုင်သူ ဖြစ်လို့ အသင့်လျော်ဆုံး သူဟာ ဒေါ်အောင်ဆန်း စုကြည်နဲ့ အန်အယ်လ်ဒီသာ ဖြစ်တယ်လို့ ဦးမောင်မောင်က ပြောပါတယ်။
Freeport ရွှေ မိုင်းလုပ်သား တွေ သပိတ် တလ ထပ်တိုးစက်တင်ဘာ ၁၅ ရက်နေ့ ကတည်းက သပိတ်မှောက် နေတဲ့ မိုင်း လုပ်သား တွေ
အင်ဒိုနီးရှား နိုင်ငံမှာ Freeport McMoran ကုမ္ပဏီပိုင် ကြေးနီ နဲ့ ရွှေ မိုင်းလုပ်သား တွေက သူတို့ ဆန္ဒပြ နေတာ ကို ဒီဇင်ဘာလ ၁၅ရက်နေ့ အထိ နောက်ထပ် တလ ထပ်တိုး ပြီး ဆန္ဒပြ သွားမယ် လို့ ပြော ပါတယ်။
Freeport မိုင်း လုပ်သားတွေရဲ့ ဒီ ဆန္ဒပြမှု ဟာ အခု အထိ ၂ လတာ ကြာလာခဲ့ပြီး အင်ဒို နီးရှား နိုင်ငံ သမိုင်း မှာ အကြာဆုံး ဆန္ဒပြမှု တွေ ထဲက တခုလို့ ပြောနိုင် သလို အင်ဒိုနီးရှား နိုင်ငံမှာ Freeport အမေရိကန် ကုမ္ပဏီကြီးရဲ့ လည်ပတ် လှုပ်ရှားမှု တွေ ကို လည်း မီးမောင်း ထိုးပြ နေတဲ့ အဖြစ်အပျက် လည်း ဖြစ် ပါတယ်။
သပိတ်မှောက် ဆန္ဒပြနေတာကို အခုလို နောက်ထပ် တလ ထပ်တိုးပြီး ဆန္ဒပြရမယ့် အကြောင်းရင်းက သူတို့ တောင်းဆိုထားတာ မရသေး တဲ့ အတွက်ကြောင့် ဖြစ်တယ် လို့ မိုင်းလုပ်သား တွေက ပြောပါတယ်။
သူတို့ လက်ရှိ ရနေတဲ့ တနာရီ တဒေါ်လာခွဲ လုပ်ခငွေအစား ကမ္ဘာတဝန်း က တခြား Freeport ကုမ္ပဏီ မိုင်းလုပ်သား တွေ ရတဲ့ လုပ်ခငွေ နဲ့ တန်းတူ ပေးဖို့ အင်ဒို နီးရှား မိုင်းလုပ်သားတွေက တောင်းဆို နေကြ တာပါ။
ဒေသခံ ဝန်ထမ်းတွေကို ရာထူးတိုးပေးပြီး လုပ်ခငွေ တိုးပေးမယ်လို့ Freeport ကုမ္ပဏီ သဘောတူမယ် ဆိုရင် လုပ်ခငွေ ကိစ္စ အလျှော့ အတင်း ညှိနှိုင်းဖို့ မိုင်းလုပ်သား တွေ ဘက်က အဆင်သင့် ပဲလို့ အလုပ်သမား ခေါင်းဆောင် Virgo Solossa က ဘီဘီစီ ကို ပြောပါတယ်။
Freeport ကုမ္ပဏီ ဖက်ကလည်း မျှတပြီး ကျိုးကြောင်းခိုင်လုံတဲ့ သဘောတူချက် တခု ရနိုင်ဖို့ မိုင်းလုပ်သားတွေ နဲ့ ဆက်ညှိနှိုင်း ဆွေးနွေးသွားဖို့ သူတို့ အနေနဲ့ လိုလား နေပါတယ် လို့ ဆို ပါတယ်။
Freeport ကုမ္ပဏီ နဲ့ မိုင်းလုပ်သားတွေ အကြား အခုလို ထိပ်တိုက် ရင်ဆိုင်မှုတွေကြောင့် Grasberg မိုင်းတွင်းမှာ ကြေးနီ နဲ့ ရွှေ အထွက်နှုန်း တွေ လျော့ကျ သွားခဲ့ ရပြီး အခုလို အထွက်နှုန်းတွေ လျော့ကျ သွားခဲ့ ရတယ် ဆိုတာကို တရားဝင် ထုတ်ဖေါ် ကြေညာ ခဲ့ရ ပါတယ်။
ဒီသပိတ်မှောက် ဆန္ဒပြမှုတွေ စဖြစ် ကတည်းက ပါပူဝါ ဒေသမှာ ရှိတဲ့ Freeport မိုင်းတွင်းတွေမှာ ပစ်ခတ်မှုတွေ ၊ အကြမ်းဖက်မှုတွေ ဖြစ်ခဲ့ ပါတယ်။
သဘာဝ သယံဇာတ အနေနဲ့ ပြောရရင် ပါပူဝါ ဒေသဟာ အင်ဒိုနီရှား နိုင်ငံရဲ့ သဘာဝ သယံဇာတ အပေါကြွယ်ဝဆုံး ဒေသတွေ ထဲက တခု ဖြစ်ပေမယ့် နိုင်ငံရဲ့ အဆင်းရဲ ဆုံး ဒေသတွေ ထဲမှာ တခုလည်း ဖြစ်နေ ပါတယ်။
အီတလီပေးရမယ့် အတိုးနှုန်း စံချိန်တင် မြင့်တက်အီတလီပေးရမယ့် အတိုးနှုန်းဟာ အခုဆိုရင် ၇ ရာခိုင်နှုန်းကျော် မြင့်တက်သွားပြီ
အီတလီဝန်ကြီးချုပ် ဆယ်လ်ဗီယို ဘာလူစကိုနီ ရာထူးက နှုတ်ထွက်မယ်လို့ ကြေညာခဲ့ပြီး နောက်နေ့ဖြစ်တဲ့ ဗုဒ္ဓဟူး နေ့ မှာတော့ ချေးငွေအတွက် အီတလီက ပေးရမယ့် အတိုးနှုန်းတွေဟာ စံချိန်တင်အောင် မြင့်တက်လာခဲ့ပါတယ်။
အီတလီပေးရမယ့် အတိုးနှုန်းဟာ အခုဆိုရင် ၇ ရာခိုင်နှုန်းကျော် အထိ မြင့်တက်သွားပြီ ဖြစ်ပါ တယ်။
တခြား ယူရိုငွေသုံး နိုင်ငံတွေဖြစ်တဲ့ အိုင်ယာလန်၊ ပေါ်တူဂီနဲ့ ဂရိနိုင်ငံတွေ အနေနဲ့ ကြွေးမြီ အကျပ်အတည်းကြောင့် ကူညီငွေ ရယူရမယ့် အခြေအနေ ပုံစံမျိုးလို အီတလီနိုင်ငံ ရင်ဆိုင် နေရပြီ ဖြစ်ပါတယ်။
အခုဆိုရင် အီတလီအနေနဲ့ အရေးပေါ် ချေးငွေ ရယူဖို့ လိုအပ်တဲ့ အခြေအနေမျိုး ကြုံရဖို့ ရှိနေပြီ လို့ ဘီဘီစီ စီးပွားရေးဆိုင်ရာ သတင်းထောက်က ပြောပါတယ်။
ယူရိုဇုန်ရဲ့ ကူညီပေးရေး ရန်ပုံငွေမှာလည်း ငွေမလုံမလောက် ဖြစ်နေပြီလို့ သတင်းထောက် က ပြောပါ တယ်။
စီးပွားရေး ပြုပြင်တာကို ဥရောပစောင့်ကြည့်မယ်
အခုတော့ အီတလီနိုင်ငံရဲ့ စီးပွားရေး ပြုပြင်ပြောင်းလဲမှု လုပ်ငန်းစဉ်တွေကို စစ်ဆေးဖို့ အတွက် ဥရောပ သမဂ္ဂ ကိုယ်စားလှယ်အဖွဲ့ တဖွဲ့ဟာ အီတလီနိုင်ငံ ရောမမြို့ကို သွားရောက် မှာ ဖြစ်ပါတယ်။
တခြားကိစ္စရပ်တွေနဲ့ အတူ နိုင်ငံပိုင် လုပ်ငန်းတွေကို ပုဂ္ဂလိကပိုင် လုပ်ရေးနဲ့ ပင်စင် လစာ ပြောင်းလဲရေး အစီအစဉ်တွေနဲ့ ပတ်သက်ပြီး အီတလီမှာ အခက်အခဲတွေ ဖြစ်နေပါတယ်။
မစ္စတာ ဘာလူစကိုနီက သူရာထူးက မဆင်းခင် ပြုပြင်ပြောင်းလဲမှုတွေကို ပါလီမန်က အတည်ပြု လက်ခံအောင် လုပ်မှာ ဖြစ်တယ်လို့ ပြောပါတယ်။
ဒါပေမယ့်လည်း နောက်ထက်ဘာတွေ ဆက်ဖြစ်လာမယ် ဆိုတာကတော့ မသေချာ မရေရာ အခြေအနေမျိုး ဖြစ်နေပါတယ်။
ရွေးကောက်ပွဲလုပ်တဲ့ အခါမှာတော့ သူ့အနေနဲ့ ဝင်ရောက်ယှဉ်ပြိုင်မှာ မဟုတ်ဘူးလို့လည်း မစ္စတာ ဘာလူစကိုနီက ပြောပါတယ်။
အာဖဂန်တိုက်ပွဲတခုမှာ တာလီဘန် ၆၀ ကျော် သေဆုံးတာလီဘန်တွေကို ပြန်တွန်းလှန်ဖို့ အတွက် လေကြောင်း အကူအညီ တောင်းခဲ့ရ
အာဖဂန်နစ္စတန် အရှေ့တောင်ဘက်ပိုင်း ပါကစ္စတန် နယ်ခြားအနီးက နေတိုး မဟာမိတ် စစ်အခြေစိုက်စခန်း တခုကို တာလီဘန် သူပုန် တွေက တိုက်ခိုက် ခဲ့ကြ တဲ့ အတွက် နေတိုး တပ်ဖွဲ့တွေနဲ့ သူပုန်တွေ အကြား ကြီးမားတဲ့ တိုက်ပွဲတခု ဖြစ်ပွား ခဲ့ပါတယ်။
အဲဒီတိုက်ပွဲအတွင်း တာလီဘန် တိုက်ခိုက်ရေး သမား ၆၀ ကနေ ၇၀ လောက်အထိ သေဆုံး သွားတယ်လို့ အာဖဂန် အရာရှိတဦးက ပြောပါ တယ်။
လက်နက်အပြည့်အစုံ တပ်ဆင်ထားတဲ့ ဒီတိုက်ခိုက်ရေးသမားတွေကို ပြန်တွန်းလှန်ဖို့အတွက် နေတိုးတပ်ဖွဲ့တွေဟာ လေကြောင်းအကူအညီ ရယူခဲ့ရပါတယ်။
ပက်တီကာ ပြည်နယ်မှာ ဖြစ်ပွားခဲ့တဲ့ ဒီတိုက်ပွဲမှာ အရပ်သား တဦးမှ သေဆုံးခြင်းမရှိသလို နေတိုးတပ်ဖွဲ့ဝင်တွေလည်း သေဆုံးခြင်းမရှိဘူးလို့ နေတိုးဘက်က ပြောပါတယ်။
စစ်စခန်းကို တိုက်ခိုက်ခဲ့သူတွေဟာ ဟက်ခါးနစ် စစ်သွေးကြွ ကွန်ယက်အဖွဲ့က အဖွဲ့ဝင်တွေ ဖြစ်ကြပြီး၊ သူတို့ဟာ ပါကစ္စတန်ကနေ အာဖဂန်ဘက်ကို ဝင်လာပြီး တိုက်ခိုက် ခဲ့ကြတာ ဖြစ်တယ်လို့ အာဖဂန် လုံခြုံရေး အရာရှိတွေက ပြောပါတယ်။
ရန်ကုန်နဲ့ မန္တလေးမြို့ကြီးတွေမှာ အိမ် ခြံမြေဈေးတွေ ထိုးတက်ရန်ကုန်မှာလည်း စီးပွားရေး လက်ဦးမှု ရယူလိုသူတွေကြောင့် အိမ်ဈေးတွေတက်
မြန်မာနိုင်ငံက အဓိက မြို့ကြီးတွေဖြစ်တဲ့ ရန်ကုန်နဲ့ မန္တလေးမြို့တွေမှာ အိမ်ဈေး၊ မြေဈေးတွေ ၃၀ ရာခိုင်နှုန်းကနေ ၅၀ ရာခိုင်နှုန်းမက တက်လာနေ တယ်လို့ စုံစမ်း သိရပါတယ်။
မန္တလေး မြို့ခံ အိမ်၊ ခြံ၊ မြေအကျိုးဆောင် လုပ်ငန်းရှင်တဦး ပြောပြတာကတော့ ကားဈေးကွက် ငြိမ်သွား တာကြောင့်၊ မြေဈေးကွက် ဘက်ကို လှည့်ကစား ကြတာ ဖြစ် တယ် လို့ ဆိုပါတယ်။
အခုဆိုရင် မြို့ပြင် ဘက် က မြေကွက်တွေဟာ နှစ်ဆလောက် တက်သွားကြောင်း အဲဒီ လုပ်ငန်းရှင် အမျိုးသမီးက ရှင်းပြပါတယ်။
မန္တလေး မြို့လယ် ဘက် မှာတော့ အရောင်းအဝယ် နည်းတယ် လို့ သိရ ပါတယ်။
ထိုင်းနိုင်ငံ၊ ဘန်ကောက်မြို့မှာ လနဲ့ချီနေပြီ ဖြစ်တဲ့ ရေဘေးကြောင့် အဲဒီက စက်ရုံတွေ မန္တလေးကို ရွှေ့နိုင်တဲ့အတွက် စက်မှုဇုံ မြေကွက်တွေကို စိတ်ဝင်စားမှု တွေ ရှိလာ နေတာ ဖြစ်တယ် လို့ လည်း သိရပါတယ်။
ရန်ကုန်မှာလည်း အရင်းအနှီး နဲ့ အပြောင်းအလဲ အတွက် လက်ဦးမှု ယူသူတွေ ရှိလာ နေတယ်လို့ အကျိုးဆောင် လုပ်ငန်း တခုမှ ဝန်ထမ်းတဦးက ပြောပါတယ်။
စီးပွားရေး အကွက်မြင်သူတွေကြောင့် ရန်ကုန်နဲ့ မန္တလေးက အိမ်ဈေး၊ မြေဈေးတွေဟာ ခေါ်ဈေးတွေ မြင့်တာရော၊ လက်သိပ်ထိုး အရောင်းအဝယ်တွေအပြင် အငှားအရမ်းတွေပါ ရှိနေတာ ကတော့ အသေအချာ ဖြစ်ပါတယ်။
ထောင်ထဲက အစာငတ်ခံ ဆန္ဒပြသူတွေ အတွက် ကင်တားနား စိတ်ပူလူ့အခွင့်အရေး အထူး ကိုယ်စားလှယ်Tomás Ojea Quintana
လာမယ့် နိုဝင်ဘာ ၁၇ ရက်နေ့မှာ ကျင်းပမယ့် အာဆီယမ် အစည်းအဝေး မတိုင်ခင် မြန်မာနိုင်ငံမှာ ဒုတိယအကြိမ် လွတ်ငြိမ်း ချမ်းသာခွင့် ပေး လိမ့်မယ်လို့ အများ က မျှော်လင့် နေကြောင်း ရိုက်တာ သတင်းမှာ ဖော်ပြ ထားပါတယ်။
အဲဒီ အစည်းအဝေးမှာ မြန်မာနိုင်ငံ ကို ၂ဝ၁၄ ခုနှစ်မှာ အာဆီယမ် အလှည့်ကျ ဥက္ကဌ ရာထူး ပေးရေး အတွက် အတည်ပြုလိမ့်မယ်လို့ ယူဆနေကြပြီး အဲဒီလို မြန်မာ အစိုးရ အာဆီယမ် ဥက္ကဌ ရာထူး ရသွားရင် စစ်တပ် ကျောထောက်နောက်ခံ ပေးထားတဲ့ အစိုးရသစ်ကို မှားယွင်းစွာ အသိအမှတ် ပြုရာ ရောက်သွားလိမ့်မယ် ဆိုတဲ့ စိုးရိမ်မှု တွေလည်း ရှိနေပါတယ်။
အမေရိကန် အစိုးရ ကတော့ ယုံကြည်ချက်ကြောင့် အကျဉ်းကျ နေသူတွေကို ပြန်လွတ်ပေး နေတာ ကို အားပေးခဲ့ပြီး ပြုပြင် ပြောင်းလဲရေးကို ပိုတိုး လုပ်ဆောင်ဖို့ တိုက်တွန်းသလို မြန်မာနိုင်ငံ မြောက်ပိုင်းနဲ့ အရှေ့ဖက်က တိုင်းရင်းသား ဒေသတွေမှာ တိုက်ပွဲတွေ ဆက်ဖြစ်နေတာကို စိုးရိမ် ကြောင်း ထုတ်ဖော် ပြောကြားခဲ့ပါတယ်။
အင်းစိန် အကျဉ်းထောင် ထဲမှာ ယုံကြည်ချက် ကြောင့် အကျဉ်းကျ နေသူ ၁၅ ယောက် အစာငတ်ခံ ဆန္ဒပြနေမှုနဲ့ ထောင် အာဏာပိုင်တွေက သူတို့ကို ရေတောင် သောက်ခွင့် မပေးတော့ဘဲ တချို့ကို ဆိုရင် တိုက်ပိတ် ထားတယ် ဆိုတဲ့ သတင်းတွေကြောင့် အလွန်အမင်း စိုးရိမ် ပူပန် မိကြောင်း ကုလသမဂ္ဂရဲ့ မြန်မာ နိုင်ငံ ဆိုင်ရာ လူ့အခွင့်အရေး အထူး ကိုယ်စားလှယ် Tomás Ojea Quintana က အင်္ဂါနေ့ ပြောကြောင်း ကုလသမဂ္ဂ ထုတ်ပြန်ချက် မှာ ဖော်ပြထားပါတယ်။
ဘဏ္ဍာရေး အကြံပေး အဖွဲ့ ဖွဲ့စည်းအစိုးရရဲ့ ပြုပြင် ပြောင်းလဲ ရေးတွေမှာ ဘဏ္ဍာရေး ကဏ္ဍလည်း ပါ
မြန်မာ နိုင်ငံ အတွင်းမှာ ဘဏ္ဍာရေးနဲ့ အခွန် ကိစ္စရပ်တွေနဲ့ ပတ်သက်ပြီး လေ့လာ အကြံပြုနိုင်ဖို့ အတွက် Think Tank အကြံပေး အဖွဲ့ကို ပြီးခဲ့တဲ့ အောက်တိုဘာ ၂၁ ရက်နေ့က ဖွဲ့စည်းလိုက် ပါတယ်။
ဘဏ္ဍာရေးနဲ့ အခွန် ဝန်ကြီးဌာနက ဖွဲ့စည်း လိုက်တဲ့ အဲဒီ အဖွဲ့ဟာ လိုအပ်တဲ့ အခါတွေမှာ ဘဏ္ဍာရေး ဝန်ကြီးဌာနကို အကြံဉာဏ်တွေ ပေးဖို့ ဖြစ်ပြီး အဖွဲ့ဝင်တွေရဲ့ ရပ်တည်မှုတွေကို မူတည်ပြီး အဖွဲ့ရဲ့ လွတ်လွတ်လပ်လပ် လုပ်ဆောင်မှု ရှိမရှိဆိုတာ သိရှိနိုင်မယ် လို့ ယူဆကြောင်း အဖွဲ့ဝင် တစ်ယောက် အဖြစ် ထည့်သွင်း ခံရတဲ့ ရန်ကုန် စီးပွားရေး တက္ကသိုလ် အငြိမ်းစား ပါမောက္ခ ဦးမော်သန်းက ပြောပါတယ်။
အကြံပေး အဖွဲ့ရဲ့ ခေါင်းဆောင် ကတော့ ယခင် မြန်မာ နိုင်ငံ ဗဟိုဘဏ် ဒုတိယ ဥက္ကဌ ဦးသန်းလွင် ဖြစ်တယ်လို့ သူက ပြောပါတယ်။
အဲဒီ အဖွဲ့ထဲမှာ ပုဂ္ဂလိက ဘဏ် ဥက္ကဌတွေ၊ အစိုးရ ဌာန တွေက ဦးဆောင် ညွှန်ကြားရေးမှူးတွေ နဲ့ ပြင်ပက ပညာရှင် တချို့ ပါဝင် ပါတယ်။
အဖွဲ့ ဖွဲ့စည်းပြီးချိန်ကစပြီး အခုချိန် အထိ အဖွဲ့ဝင်တွေ တွေ့ဆုံ ညှိနှိုင်း ဆွေးနွေးတာမျိုး မလုပ်ဖြစ်ခဲ့ သေးဘူးလို့လည်း ဦးမော်သန်းက ပြောပါတယ်။
ဆွေးနွေး မှုတွေ ပြုလုပ်ဖြစ်လာပြီ ဆိုရင် သူ့ အနေနဲ့ကတော့ မြန်မာ နိုင်ငံ စီးပွားရေး ဘဏ္ဍာရေးတို့ အတွက် အရေး ကြီးတဲ့ နိုင်ငံ တကာ ကုန်သွယ်ရေး ဆိုင်ရာ အခြေခံတွေ၊ ငွေလဲလှယ်နှုန်း တသမတ်တည်း ဖြစ်ရေး ကိစ္စရပ် တွေကို တင်ပြ ဆွေးနွေးမှာ ဖြစ်တယ်လို့ လည်း အငြိမ်းစား ပါမောက္ခချုပ် ဦးမော်သန်းက ပြောပါတယ်။
အန်အယ်ဒီ မှတ်ပုံတင်ဖို့ အလားအလာရှိအန်အယ်ဒီ မှတ်ပုံတင်ဖို့ များတယ်လို့ ဦးဝင်းတင် ဆို
အန်အယ်ဒီ ပါတီ မှတ်ပုံတင်ရေး နဲ့ ရွေးကောက်ပွဲ ဝင်ရေးမဝင်ရေး ကိစ္စ တွေကို မကြာခင် ဗဟိုကော်မီတီ အစည်းအဝေး ခေါ်ပြီး ဆုံးဖြတ် မယ်လို့ ဗဟို အလုပ် အမှုဆောင် ကော်မီတီဝင် တဦး ဖြစ်တဲ့ ဦးဝင်းတင် က ဘီဘီစီကို ပြောပါတယ်။
အင်္ဂါနေ့က ကျင်းပတဲ့ ဗဟို အလုပ်အမှုဆောင် ကော်မီတီ အစည်းအဝေးမှာ အဲဒီလို သဘောတူ ခဲ့ကြတယ်လို့ သူက ဆိုပါတယ်။
အန်အယ်ဒီ ဗဟိုကော်မီတီဝင် ၁၀၀ ကျော် ဟာ နိုဝင်ဘာလ ၁၈ ရက်နေ့မှာ တွေ့ဆုံကြမှာ ဖြစ်ပြီး ကိစ္စရပ် နှစ်ခု လုံးကို အဲဒီ အစည်းအဝေး မှာ ဆုံးဖြတ်ဖို့ ရှိတယ်လို့ ဦးဝင်းတင်က ပြောပါတယ်။
ဒေါ်အောင်ဆန်းစုကြည်ဟာ ဒီမိုကရေစီ လမ်းကြောင်းကို လျှောက်လိုတဲ့ ဆန္ဒရှိပြီး သမ္မတ ဦးသိန်းစိန် အစိုးရနဲ့ ပူးပေါင်း လုပ်ဖို့လည်း အားသန် တယ်လို့ ယူဆကြောင်း သူက ပြောခဲ့ပါတယ်။
အခုအခါ အစိုးရဖက်က ပြုပြင်ပြောင်းလဲမှု တွေနဲ့ အများကြီး ပြော့ပျောင်း နူးညံ့လာတဲ့ အတွက် မှတ်ပုံတင်ဖို့ အလားအလာ များတယ်လို့လည်း ဦးဝင်းတင်က ဆိုခဲ့ပါတယ်။
အန်အယ်ဒီနာမည်နဲ့ မဟုတ်ဘဲ တခြားနာမည်နဲ့ မှတ်ပုံတင်ဖို့ အစီအစဉ် ရှိတယ် ဆိုတဲ့ ပြောဆိုချက်တွေဟာ မမှန်ကြောင်းနဲ့ ဒီအဖွဲ့အစည်း ပုံစံအတိုင်းဆက် သွားမယ်လို့ လည်းဦးဝင်းတင်က ပြောသွားခဲ့ပါတယ်။
ဘာလစ်ကိုနီ ရာထူးက နှုတ်ထွက်ပေးမယ်လို့ ပြောပြီအီတလီ ဝန်ကြီးချုပ် Silvio Berlusconi
အီတလီ ဝန်ကြီးချုပ် ဆီဗီယို ဘာလစ်ကိုနီ ရာထူးက နှုတ်ထွက်ပေးမယ် ဆိုတဲ့ အတည်ပြုချက် ထွက်ပေါ်လာပါပြီ။
ဒါပေမယ့် ယူရိုဇုန်ရဲ့ ကြွေးမြီ ပြဿနာကြောင့် အကြီးအကျယ် ထိခိုက်ခဲ့တဲ့ အီတလီ စီးပွားရေးကို ကျားကန်ပေးနိုင်မယ့် ပြုပြင်ပြောင်းလဲရေး ဆောင်ရွက်ချက်တွေကို အတည်ပြုပေးမှသာ သူရာထူးက ဆင်းပေမယ်လို့ ဆိုပါတယ်။
လာမယ့် သီတင်း နှစ်ပတ် အတွင်း အဲဒီ စီးပွားရေး ပြုပြင် ပြောင်းလဲမှု အစီအစဉ်တွေ လွှတ်တော် ရှေ့မှောက် ရောက်လာလိမ့်မယ်လို့ ယူဆရပါတယ်။
လွှတ်တော်ထဲမှာ သူတင်ပြတဲ့ ဘတ်ဂျက်ကို မဲခွဲဆုံးဖြတ်ရာမှာ အများစုရဲ့ ထောက်ခံချက် မရခဲ့ဘဲ အဲဒီနောက် မစ္စတာ ဘာလစ်ကိုနီ ရာထူးက ထွက်မယ် ဆိုတဲ့ ကြေညာချက် ထွက်ပေါ်လာတာပါ။
ဥရောပ စီးပွားရေး ဆိုင်ရာ ကော်မရှင်နာ မင်းကြီး Ollie Rehn
အီတလီနိုင်ငံဟာ အကြွေးတွေ ခေါင်ခိုက်နေပြီး ငွေကြေး ဈေးကွက်ကနေ အတိုးနှုန်း ကြီးမြှင့်စွာနဲ့ ငွေချေးယူနေရတာ ဖြစ်ပါတယ်။
အခြေအနေက ဆိုးဆိုးရွားရွား စိုးရိမ်စရာ ကောင်းတယ်လို့ ဥရောပ စီးပွားရေး ဆိုင်ရာ ကော်မရှင်နာ မင်းကြီး Ollie Rehn က ပြောပါတယ်။
ပြည်ထဲရေး ဝန်ကြီး Theresa Mayဗြိတိန်က လူဝင်မှု ကြီးကြပ်ရေး အကြီးအကဲ ရာထူးက နှုတ်ထွက်ဗြိတိန်မှာ ဝန်ကြီးအဆင့်ရဲ့ အတည်ပြုချက် မရဘဲ သူ့သဘောနဲ့သူ နိုင်ငံတွင်း ဝင်လာတဲ့သူတွေကို နိုင်ငံကူး လက်မှတ် မှတ်ပုံတင် အထောက်အထားတွေ စစ်ဆေးမှုကို လျှော့လျှော့ ပေါ့ပေါ့ လုပ်ဆောင်ခဲ့တယ်လို့ စွပ်စွဲ ခံနေရပြီး ရာထူးက ရပ်ဆိုင်းခံရထားရတဲ့ လူဝင်မှု ကြီးကြပ်ရေး ဌာန အကြီးအကဲဟာ ရာထူးက နှုတ်ထွက်သွားပါပြီ။
ပြီးခဲ့တဲ့ တနင်္လာနေ့တုန်းက ပါလီမန်မှာ ပြည်ထဲရေး ဝန်ကြီး Theresa May ရဲ့ ပြောကြားချက်နဲ့ ပတ်သက်လို့ တုန့်ပြန် ကာကွယ် ပြောဆိုနိုင်ဖို့ မရှိပါဘူးလို့ Brodie Clark ရဲ့ ထုတ်ပြန်ချက်မှာ ဖော်ပြထားပါတယ်။
ရှေ့ပြေး စီမံကိန်း တရပ်ရဲ့ တစိတ်တပိုင်း အနေနဲ့ သူမ လုပ်ခွင့်ပေးခဲ့တဲ့ အပြောင်းအလဲ တွေကို ဘောင်ကျော်ပြီး ပြည်ဝင်ခွင့် ထိန်းချုပ်မှုတွေကို လျှော့ပေါ့သွားအောင် မစ္စတာ ကလာ့ခ်က ဆောင်ရွက်ခဲ့တယ်လို့ Theresa May က စွပ်စွဲ ပြောကြားခဲ့တာ ဖြစ်ပါတယ်။
အဲဒီ ပြောကြားချက်ဟာ မှားယွင်းတယ်လို့ မစ္စတာ ကလာ့ခ်က ဆိုပြီး သူ့အတွက် လိုက်ပါ ဆောင်ရွက်ပေးနေတဲ့ ဝန်ထမ်း အဖွဲ့အစည်းက အပြုသဘောဆောင်တဲ့ ရာထူးက ထုတ်ပယ်မှုနဲ့ တရားစွဲမယ်လို့ ဆိုပါတယ်။
အီရန် နျူကလီးယား အစီအစဉ် စစ်ရေးအတွက် ရည်ရွယ်ကြောင်း ပြနေအီရန်ဟာ နျူကလီးယား လက်နက် ထုတ်လုပ်ကောင်း ထုတ်လုပ်မယ့် အထောက်အထားတွေ တွေ့ရတယ် ဆိုတဲ့ ကုလသမဂ္ဂရဲ့ နိုင်ငံတကာ အနုမြူ အေဂျင်စီ IAEA ရဲ့ အစီရင်ခံစာ အပေါ် အီရန်က အပြင်းအထန် တုန့်ပြန်ခဲ့ပါတယ်။
IAEA ရဲ့ တွေ့ရှိချက်တွေ နိုင်ငံရေး အရ တွန်းအားပေးမှု ပါဝင်နေတယ် ဆိုပြီး အီရန်က ရှုတ်ချခဲ့ပါတယ်။
သူ့ရဲ့ နျူကလီးယား အစီအစဉ်ဟာ နိုင်ငံ တည်ငြိမ်း အေးချမ်းစေရေး အတွက် ရည်ရွယ်တာပါဆိုပြီး တချိန်လုံး ပြောခဲ့တာပါ။
အီရန်ဟာ နျူကလီးယား ဗုံးထုတ်လုပ်နေတယ်လို့တော့ IAEA က ရှင်းရှင်းလင်းလင်း ဖော်ပြမထား ပေမယ့် အီရန်ရဲ့ နျူကလီးယား သုတေသန အစီအစဉ်တွေက စစ်ရေး အတွက် ရည်ရွယ် ထုတ်လုပ်နေတာ ပြနေတယ်လို့ ဆိုပါတယ်။
အမေရိကန် အရာရှိ တယောက်ကတော့ အမေရိကန် အစိုးရက အီရန် အပေါ် နောက်ထပ် ပိတ်ဆို့မှုတွေနဲ့ အရေးယူ သွားမယ်လို့ ပြောပါတယ်။
ဘီဘီစီ
သတင်းဌာနကို ဆန္ဒပြဖို့ ရန်ကုန်မြို့ကုန်သည်လမ်း ဗြိတိသျှ သံရုံးရှေ့မှာ
၂၀၁၁ ခုနှစ် နိုဝင်ဘာလ ၉ ရက်နေ့က စုဝေးနေသူများကို တွေ့ရစဉ်။ဗြိတိသျှ သံရုံးရှေ့မှာ ဆန္ဒပြဖို့ လူစု 2011-11-09ရန်ကုန်မြို့ကုန်သည်လမ်း ဗြိတိသျှ သံရုံးရှေ့မှာ ဒီကနေ့ မွန်းလွဲပိုင်း ၁ နာရီလောက်က လူ ၂၀ ခန့် ဆန္ဒပြဖို့ လာရောက် စုဝေးခဲ့ကြပြီး မိနစ် ၃၀ လောက် အကြာမှာ လူစုခွဲသွားတယ်လို့ မျက်မြင် သက်သေတွေက ပြောပါတယ်။
လာရောက် စုရုံးကြသူတွေထဲမှာ ရခိုင် အမျိုးသားတွေ များပြီး ဘီဘီစီ သတင်းဌာနကို ဆန္ဒပြဖို့ ရောက်လာကြတာလို့ ပြောကြောင်း ဆန္ဒပြပွဲကို လာရောက် သတင်းယူတဲ့ ဂျာနယ် သတင်းထောက်တွေက ဆိုပါတယ်။ဆန္ဒပြမယ် သတင်းရထားလို့ မနက် ၁၁ နာရီလောက် ကတည်းက လာစောင့်နေတာလို့ ဂျာနယ် သတင်းထောက် တစ်ဦးက ဆိုပါတယ်။သံရုံးကို မေးမြန်းကြည့်တဲ့ အခါမှာတော့ ဆန္ဒြုပသူတွေက ဘာစာရွက်စာတမ်းမှ ပေးမသွားဘူးလို့ သတင်းထောက်တွေကို ပြောကြောင်း သိရပါတယ်။ အခုလို ဆန္ဒပြဖို့ လူစုနေတာကို အာဏာပိုင်တွေ အနေနဲ့ လာရောက် ဟန့်တား ပြောဆိုခြင်း မရှိဘူးလို့ ဂျာနယ် သတင်းထောက်တွေက ဆိုပါတယ်။
၈၈ မျိုးဆက် ကျောင်းသား အဖွဲ့ဝင် အားလုံး လွတ်မြောက်ရေး ဆက်လုပ်မယ်
2011-11-09
ကိုမင်းကိုနိုင်၊ ကိုကိုကြီး အပါအ၀င် အကျဉ်းထောင် အသီးသီးမှာ ကျခံနေရဆဲ ၈၈ မျိုးဆက် ကျောင်းသား အဖွဲ့ဝင် အားလုံး အမြန်ဆုံး လွတ်မြောက်ရေး ဆက်လုပ်သွားမယ်လို့ မကြာသေးမီက ပြန်လည် လွတ်မြောက်လာတဲ့ ၈၈ မျိုးဆက် ကျောင်းသားတွေက ဒီကနေ့ ပြောဆိုလိုက်ပါတယ်။
၂၀၀၇ ခုနှစ် အတွင်း အကျဉ်းချခံရတဲ့ ၈၈ မျိုးဆက်ကျောင်းသား အဖွဲ့ဝင် ၃၇ ဦး အနက် လွတ်မြောက်လာသူ ၁၁ ဦးက ရန်ကုန် စမ်းချောင်း မြို့နယ် တိုက်ကြီး ဓမ္မာရုံမှာ သံဃာတော်တွေကို ဒီကနေ့ ဆွမ်းကပ် လှူဒါန်းရင်း အကျဉ်းထောင်အ သီးသီးမှာ ကျန်နေတဲ့ ၈၈ မျိုးဆက် ကျောင်းသားတွေရဲ့ မိသားစုဝင်တွေနဲ့ တွေ့ဆုံ အားပေးခဲ့တယ်လို့ မကြာမီက ပြန်လည် လွတ်မြောက်လာသူ စမ်းချောင်း ကိုကိုကြီးက ပြောပါတယ်။၂၀၀၇ ခု သြဂုတ်လထဲမှာ စစ်အစိုးရက လောင်စာဆီ ဈေးနှုန်းတွေ ရုတ်တရက် မြှင့်တင်လိုက်တာကြောင့် အခက်အခဲ ဖြစ်နေတဲ့ ပြည်သူတွေ ကိုယ်စား ၈၈ မျိုးဆက် ကျောင်းသား အဖွဲ့က စီတန်း လမ်းလျှောက် ဆန္ဒပြခဲ့တာကို စစ်အာဏာပိုင်တွေက လိုက်လံ ဖမ်းဆီးပြီး အနှစ် ၆၀ ကျော် နှစ်ရှည် ထောင်ဒဏ်တွေ ချမှတ်ပြီး နယ်ဝေးထောင် အသီးသီးကို ပို့ထားခဲ့ပါတယ်။အဲဒီလို ဖမ်းဆီး ထောင်ချမှု နောက်ပိုင်းမှာတော့ ၈၈ မျိုးဆက် ကျောင်းသား အဖွဲ့ဝင် တချို့ဟာ မြေအောက် လှုပ်ရှားမှု ပုံစံနဲ့ ဆက်လက် လှုပ်ရှားနေခဲ့တာပါ။စမ်းချောင်း မြို့နယ်မှာ ဒီကနေ့ ပြုလုပ်တဲ့ တွေ့ဆုံပွဲမှာတော့ ၈၈ မျိုးဆက် ကျောင်းသား အဖွဲ့ အနေနဲ့ လူထုကြားမှာ တရားဝင် ရပ်တည် လှုပ်ရှားသွားမယ်လို့ ပြောဆိုပါတယ်။
ခေါင်းဆောင်တွေ မလွတ်မချင်း ပါတီ မှတ်ပုံတင်မှာ မဟုတ်လို့ SNLD ပြော
2011-11-09
ပါတီခေါင်းဆောင် နှစ်ဦးလုံးကို အစိုးရက ထိန်းသိမ်းထားဆဲ ဖြစ်တာကြောင့် ရှမ်းတိုင်းရင်းသားများ ဒီမိုကရေစီ အဖွဲ့ချုပ် အက်စ်အင်အယ်လ်ဒီ အနေနဲ့ ပါတီ ပြန်လည် မှတ်ပုံတင်ဖို့ အစီအစဉ် မရှိသေးကြောင်း ပြောရေးဆိုခွင့်ရှိသူ ဦးစိုင်းလိတ်က အာရ်အက်ဖ်အေကို ပြောပါတယ်။
"ကျွန်တော်တို့ ခေါင်းဆောင်တွေဖြစ်တဲ့ ဥက္ကဋ္ဌ ခွန်ထွန်းဦးနဲ့ အတွင်းရေးမှူး စိုင်းညွန့်လွင်တို့ နှစ်ယောက်လုံး ထောင်ထဲရောက်နေတယ်ဆိုတော့ သူတို့ရဲ့လွတ်မြောက်ရေးကို အရင်ကြိုးပမ်းရမှာဆိုတော့ ပါတီဆက်လက်မှတ်ပုံတင်ရေးကို အခုချိန်ထိ လုံးဝ မစဉ်းစားပါဘူးခင်ဗျ။"ပါတီခေါင်းဆောင်တွေ ပြန်လွတ်လာမယ် ဆိုရင်တော့ ပါတီ မှတ်ပုံတင်ရေး ကိစ္စကို ဗဟိုဦးစီး အဖွဲ့ဝင် အားလုံးရဲ့သဘောထားနဲ့ ဆုံးဖြတ်မယ်လို့ ဦးစိုင်းလိတ်က ဆိုပါတယ်။အက်စ်အင်အယ်လ်ဒီ အပါအ၀င် တခြား တိုင်းရင်းသား ပါတီတွေ ပါဝင်တဲ့ ညီညွတ်သော တိုင်းရင်းသား မဟာမိတ်အဖွဲ့ ယူအင်န်အေနဲ့ ဒေါ်အောင်ဆန်းစုကြည် ဦးဆောင်တဲ့ အမျိူးသား ဒီမိုကရေစီ အဖွဲ့ချုပ်တို့ဟာ လာမယ့် သီတင်းပတ်ထဲမှာ တွေ့ဆုံ ဆွေးနွေးဖို့ ရှိကြောင်း သိရပါတယ်။ပါတီဥက္ကဋ္ဌ ဦးခွန်ထွန်းဦးကို ပူတာအို အကျဉ်းထောင်မှာ ထောင်ဒဏ် ၉၃ နှစ် ပေးထားပြီး အတွင်းရေးမှူး ဦးစိုင်းညွန့်လွင်ကို ကလေး အကျဉ်းထောင်မှာ ၈၅ နှစ် ချမှတ်ထားပါတယ်။အက်စ်အင်အယ်လ်ဒီ ပါတီဟာ ၁၉၉၀ ရွေးကောက်ပွဲမှာ ဒုတိယ မဲအများဆုံး ရခဲ့တဲ့ ပါတီ ဖြစ်ပါတယ်။
မကွေးတိုင်းက လယ်သမားများနဲ့ မစုစုနွေး တွေ့ဆုံ
2011-11-09
အကျဉ်းကျနေရာက ပြီးခဲ့တဲ့လက ပြန်လွတ်လာတဲ့ လူ့အခွင့်အရေး လှုပ်ရှားသူ မစုစုနွေး မကွေးတိုင်းက လယ်သမားတွေနဲ့ ပြည်မြို့မှာ ဒီကနေ့ တွေ့ဆုံခဲ့ပြီး လယ်သမားတွေ ကြုံတွေ့နေရတဲ့ အခက်အခဲတွေ အကြောင်း ပြောဆို ဆွေးနွေးကြတယ်လို့ သိရပါတယ်။
လာရောက် တွေ့ဆုံကြတဲ့ လယ်သမား စုစုပေါင်း ၁၀၀ ကျော်ပါတယ်။ မစုစုနွေးနဲ့ တွေ့ဆုံခဲ့သူ လယ်သမား တစ်ဦးက အခုလို ပြောပြပါတယ်။“မကွေးတိုင်း ပယ်ကျ ထောက်မ ဝဲကြီး အုပ်စု၊ ပြီးတော့ ပိတောက် ဥသျှစ်ပင်ဘက်က လယ်သမားတွေ ပါပါတယ်။ သဲကုန်း ပုတီးကုန်းဘက်ကလည်း ပါပါတယ်။”အာဏာပိုင်တွေနဲ့ စီးပွားရေး လုပ်ငန်းရှင်တွေက မိမိတို့ လယ်မြေတွေ သိမ်းလိုက်ကြောင်း၊ ရသင့် ရထိုက်တဲ့ နစ်နာကြေးတွေ မရကြောင်း အပြင် ရင်ဆိုင်နေရတဲ့ အခက်အခဲတွေကို လယ်သမား အများစုက လာရောက် ရင်ဖွင့်ကြတယ်လို့ မစုစုနွေးက ပြောပါတယ်။လတ်တလော မိမိအနေနဲ့ ထောင်ကလွတ်တာ တစ်လပဲ ရှိသေးတာကြောင့် အခြေအနေ အရပ်ရပ် သိရှိအောင် ကြိုးစားပြီးမှ လယ်သမားတွေ ရသင့်ရထိုက်တာတွေကို ဆက်ပြီး ဆောင်ရွက်သွားမယ်လို့ မစုစုနွေးက အာရ်အက်ဖ်အေကို ပြောဆိုပါတယ်။
အစာငတ်ခံဆန္ဒပြမှု ရပ်ဆိုင်း
By မအေးအေးမာ
အကျဉ်းသားတိုင်း ရပိုင်ခွင့်ရှိတဲ့ လျော့ရက်ခံစားခွင့် ရရှိရေးအတွက် တောင်းဆိုတဲ့အနေနဲ့ အင်းစိန် အကျဉ်းထောင်မှာ အစာငတ်ခံ ဆန္ဒပြကြတဲ့ နိုင်ငံရေးအကျဉ်းသား ၁၅ ယောက်ဟာ ဆန္ဒပြခဲ့ချိန်ကစလို့ ပါဆယ်ပေးခွင့်၊ မိသားစုနဲ့ တွေ့ဆုံခွင့်တွေ ဖြတ်တောက်ခံခဲ့ရပြီး ရက်ကြာလာတာနဲ့အမျှ စစ်ခွေးတိုက်အထိ ပို့ခံခဲ့ရသလို သောက်သုံးရေပါ ဖြတ်တောက်ပြစ်တာကို ခံရပြီးတဲ့နောက်မှာ သူတို့ရဲ့ ဆန္ဒပြမှုကို နိုဝင်ဘာလ ၇ ရက်နေ့၊ တနင်္လာနေ့က အဆုံးသတ်ခဲ့ကြပါတယ်။ အကျဉ်းသားတွေရဲ့ အခွင့်အရေးရဖို့ တောင်းဆိုတဲ့ အနေနဲ့ ၁၂ ရက်ကြာ အစာငတ်ခံ ဆန္ဒပြခဲ့ကြတာလည် ဖြစ်ပါတယ်။ အပြည့်အစုံကိုတော့ မအေးအေးမာက တင်ပြပေးထားပါတယ်။
ဥပဒေပါ အကျဉ်းသားအခွင့်ရေးတခုဖြစ်တဲ့ လျော့ရက်ခံစားခွင့် ရရေးအတွက် အစာငတ်ခံဆန္ဒပြနေတဲ့ အင်စိန်ထောင် အကျဉ်းထောင်က နိုင်ငံရေးအကျဉ်းသား ၁၅ ဦးဟာ အာဏာပိုင်တွေရဲ ရေဖြတ်ခြင်း၊ စစ်ခွေးတိုက် ပို့ဆောင်ခြင်းတွေ ခံရပြီးတဲ့နောက်မှာတော့ နိုဝင်ဘာလ ၇ ရက်နေက သူတို့ရဲဆန္ဒပြမူကို အဆုံးသတ်ခဲ့ရကြောင်း နိုင်ငံရေးအကျဉ်းသားတွေကို အကူအညီပေးနေသူ တဦးကပြောပြပါတယ်။
"နောက်ဆုံး သပိတ်လှန်ခဲ့တာကတော့ ဉာဏ်ထွန်းလင်း (ခေါ်) ဉာဏ်ကြီး။ နောက်ဆုံးအချိန်ထိ သူ တိုက်ထဲမှာ တယောက်ထဲ ကျန်နေတယ်လို့ ပြောတယ်၊ စစ်ခွေးတိုက်က။ အခုတော့ သူလည်း ပြီးသွားပြီတဲ့။ အရှုံးနဲ့ အဆုံးသတ်သွားတာပေါ့။"
နိုင်ငံရေးအကျဉ်းသားတွေရဲ့ တောင်းဆိုချက်က တခုတည်းဖြစ်ပေမဲ့ အာဏာပိုင်တွေဘက်က လိုက်လျောပေးနိုင်ခြင်း မရှိခဲ့ကြောင်းတွေကိုလည်း ပြောပြပါတယ်။
"တောင်းဆိုချက်က တခုထဲတောင်းတာလဲ မရပါဘူး။ အဲဒါက သူတို့ ဘာမှ မလုပ်ပေးနိုင်ဘူး။ အားလုံး အကျဉ်းထောင် ဥပဒေအရ ခံစားခွင့် ရှိထားတဲ့၊ အရင်ကလည်း ရခဲ့တဲ့ လျော့ရက်။ လျော့ရက်က သုံးပုံ တပုံထက်မကျော်တဲ့ လျော့ရက်ကို အကျဉ်းသားအားလုံး ရခွင့်ရှိတယ်လေ။ အားလုံးကိုလည်း ပေးနေတယ်။ ဒါပေမယ့် အခုက ၁၉၉၈ က နောက်ဆုံး ပြဌာန်းချက်အရ အဲဒီ သုံးပုံတပုံ လျော့ရက်ကို နိုင်ငံရေး အကျဉ်းသား လုံးဝ မရရတော့ဘူး။ အဲဒါကို ပြန်ရဖို့ တောင်းတာတဲ့။
ဥပဒေနဲ့အညီ တောင်းတာတော့ မှန်တယ်။ သူတို့တောင်းတာ ဥပဒေထဲက တောင်းသင့်တဲ့ကိစ္စပါ။ ဒါပေမယ့်လို့ အရင်ကလောက် အစားအသောက်လောက်၊ အ၀တ်အထည်လောက်ကိုတော့ သူတို့ ဆောင်ရွက်ပေးလိုက်တယ်။ အခု အဲဒါကြီးကတော့ သူတို့ မဆောင်ရွက်နိုင်တော့ဘူး။ တဖက်ကလည်း ဒီဖက်က ဖိဘားပေးသလို လွှတ်တော်ထဲမှာ ဆွေးနွေးမှ ဘောင်ပိုဝင်မယ့် ကိစ္စဖြစ်သွားတာ။ အဲဒါကြောင့် သူတို့ကို ဟိုရွှေ့ ဒီရွှေ့၊ ဟိုဖြတ် ဒီဖြတ် ဖြတ်ပြီးတော့ နှိပ်စက်တာပေါ့။"
နိုင်ငံရေးအကျဉ်းသားတွေ အနေနဲ့ ၁၀ ၇က်ကျော်ကြာ အစာငတ်ခံဆန္ဒပြပြီး နောက်တချို့လည်း ထောင်ဆေးရုံ ရောက်သွားသူရှိသလို တချိုလည်း အားပြတ်တာတွေကို ဖြစ်ခဲ့ရပါတယ်။
သူတိုအနေနဲ့ အစာငတ်ခံ ဆန္ဒပြမူကို ရပ်တန့်လိုက်တာဟာလည်း အစကတည်းက အကန့် အသတ်နဲ့သာလုပ်ဖို့ ရည်ရွယ်ခဲ့ပြီး အသေခံလုပ်ဖို့တော့ ရည်ရွယ်ချက်မရှိဘူးလို့ ဆိုပါတယ်။
"သူတို့မှာလည်း ကျနော်ကြားသလောက်က အကန့်အသတ်တော့ ရှိတယ်ဗျ။ သူတို့ သေတဲ့အထိ လုပ်မှာ မဟုတ်ဘူးလေ။ ဒါကို သေတဲ့အထိ အစာငတ်ဖို့ အစီအစဉ် မရှိပါဘူး သူတို့။ တိုက်ပွဲခေါ်တယ်ဆိုတဲ့ အနေအထားလောက်ကို ဖော်ပြတာပါ။ ဘာဖြစ်လို့လည်းဆိုတော့ သူတို့မှာ အတွေ့အကြုံ ရှိတယ်လေ။ ပထမတကြိမ်လုပ်တုန်းကလည်း ဒီအုပ်စုဘဲ ခေါင်းဆောင်ပြီး လုပ်တာ။"
သူတိုရဲ့ ဆန္ဒပြမူတွေဟာ အောက်တိုဘာလ ၂၆ ရက်နေ့ကစခဲ့ပြီး နိုဝင်ဘာလ ၇ ရက်နေမှာ နောက်ဆုံး ဆန္ဒပြမူကို ရပ်ခဲ့တာပါ။
ပြီးခဲ့တဲ့ မေလ ၂၀ ရက်တုန်းကလည်း အင်းစိန်ထောင်က နိုင်ငံရေးအကျဉ်းသူ အမျိုးသမီးတွေက သမ္မတ ဦးသိန်းစိန်ရဲ့ ပထမဦးဆုံးအကြိမ် လွတ်ငြိမ်းချမ်းသားခွင့်ကို မကျေနပ်ရာက စလို့ စတင် ဆန္ဒပြကြပါတယ်။
မေလ ၂၃ ရက်မှာတော့ အင်းစိန်ထောင် အမျိုးသားဆောင်က အစာငတ်ခံဆန္ဒပြမူတွေ လုပ်တုန်းကလည်း အခုဆန္ဒပြသူတွေပဲ ဦးဆောင်ခဲ့တာပါ။ အဲဒီတုန်းကလည်း သူတို့တောင်းဆိုတာက အကျဉ်းသားတွေရဲ့ ရပိုင်ခွင့် အခွင့်အရေးတွေကိုဘဲ တောင်းဆိုခဲ့တာပါ။
မေလ ၂၄ ရက်မှတော့ အင်းစိန်က ဆန္ဒပြသူ အနည်းဆုံး ၆ ဦးထက်မနည်းကို စစ်ခွေးတိုက်ပို့ဆောင်ခဲ့ပြီး ထောင်ဝင်စာတွေ့ခွင့်တွေ ပိတ်ပင်ခဲ့ပါတယ်။ အဲဒီအချိန်တုန်းက သူတိုတောင်းဆိုတာကလည်း အကျဉ်းသားတွေရဲ့ ရပိုင်ခွင့် အခွင်ရေးတွေကိုပဲ တောင်းဆိုခဲ့တာပါ။
နောက်ဆုံးမှာတော့ နေပြည်တော်က စုံစမ်းရေးအဖွဲ့တွေ လာရောက်စစ်ဆေးပြီးနောက် အကျဉ်းသားတွေ တောင်းဆိုချက်တွေထဲက အတော်များများ ရခဲ့တာကြောင့် ဆန္ဒပြမူတွေကို ရုပ်သိမ်းခဲ့ပါတယ်။
အခု နိုဝင်ဘာလ ၈ ရက်နေ့ကတော့ နိုင်ငံရေးအကျဉ်းသားတချို့ အစာငတ်ခံ ဆန္ဒပြနေတယ်ဆိုတာကို မြန်မာ အာဏာပိုင်တွေကဖက်က သောက်သုံးရေပါ ဖြတ်ပြီး နှိပ်စက်မှုတွေ လုပ်တဲ့အတွက် စိုးရိမ်ပူပန်မှု ဖြစ်မိပါတယ်ဆိုပြီး မြန်မာနိုင်ငံဆိုင်ရာ ကုလသမဂ္ဂရဲ့ လူ့အခွင့်အရေးကိုယ်စားလှယ်က သတင်း ထုတ်ပြန်ခဲ့ပါတယ်။
အကျဉ်းထောင်တွင်း အကျဉ်းသားတွေရဲ့ ရပိုင်ခွင့် အခွင့်အရေးတွေကို ကာအကွယ်ပေးဖို့နဲ့ ICRC အပြည်ပြည်ဆိုင်ရာ ကြက်ခြေနီအဖွဲ့ကို ထောင်တွင်းမှာ သွားရောက် ကူညီခွင့်ပြုဖို့လည်း မြန်မာ အစိုးရကို တိုက်တွန်းခဲ့ပါတယ်။
လာအိုး ရေအားလျှပ်စစ် စီမံကိန်း အမေရိကန် ရှုတ်ချ
By VOA (မြန်မာပိုင်း)
လာအိုးအစိုးရရဲ့ ခွင့်ပြုချက်နဲ့ သုတေသန လုပ်ခဲ့တဲ့အဖွဲ့က မဲခေါင်မြစ်ပေါ်မှာ ရေအားလျှပ်စစ်ဆည် တည်ဆောက်ဖို့ ထောက်ခံတင်ပြလိုက်တဲ့အပေါ် အမေရိကန် သဘာဝပတ်ဝန်းကျင် အဖွဲ့က ရှုတ်ချလိုက်ပါတယ်။
မဲခေါင်မြစ်ပေါ်မှာ Xayaburi ဆိုတဲ့ ဆည်တည်ဆောက်ဖို့ အတွက် အိမ်နီးချင်း ထိုင်း၊ ဗီယက်နမ်နဲ့ ကမ္ဘောဒီးယားနိုင်ငံတို့က အမေရိကန်ဒေါ်လာ သန်းပေါင်းများစွာ ရရှိလိုတဲ့ဇောနဲ့ လာအိုးအစိုးရက ဆွစ်ဇာလန် ကုမ္ပဏီတခုကို သုတေသနလုပ်ခိုင်းခဲ့တာဖြစ်တယ်လို့ International Rivers လို့ ခေါ်တဲ့ နိုင်ငံတကာ မြစ်ချောင်းအင်းအိုင်များ ကာကွယ်စောင့်ရှောက်ရေးအဖွဲ့က ပြောပါတယ်။
အဲဒီ ထိုင်း၊ ဗီယက်နမ်နဲ့ ကမ္ဘောဒီးယား ၃ နိုင်ငံနဲ့ လာအိုးနိုင်ငံတို့က မဲခေါင်မြစ် ကော်မရှင်ဖွဲ့ပြီး ဆည်တည်ဆောက်ရေး အတွက် လိုအပ်ချက်တွေကို သတ်မှတ်ခဲ့ကြတာဖြစ်ပါတယ်။
ဒါပေမယ့် မဲခေါင်မြစ်ထဲက ရှားပါး ငါးတွေ တခြားဒေသကို လုံခြုံစိတ်ချစွာ ရွေ့ပြောင်းပေးရေး အပါအ၀င် တခြား အရေးပါတဲ့ အချက်တော်တော်များများကို ဆွစ်ဇာလန်ကုမ္ပဏီက မျက်ကွယ်ပြုခဲ့တယ်လို့ အဲဒီ သဘာဝ ပတ်ဝန်းကျင်ဖွဲ့က ပြောပါတယ်။
09.11.2011 နေ့ဖတ်ရန်သတင်းများ
by Myanmar Journal
ပြည်ထဲရေး ဝန်ကြီး Theresa May
ဗြိတိန် လူဝင်မှု ကြီးကြပ်ရေး အကြီးအကဲ ရာထူးက ရပ်စဲခံရ
ဗြိတိန်က လူဝင်မှု ကြီးကြပ်ရေး အေဂျင်စီရဲ့ အကြီးအကဲဟာ နိုင်ငံတွင်း ဝင်ရောက်လာသူ တွေရဲ့ မှတ်ပုံတင် အထောက်အထား တွေကို စစ်ဆေးဖို့ ပြင်းပြင်ထန်ထန် ဆောင်ရွက်ခဲ့ခြင်း မရှိဘူး ဆိုတဲ့ တိုင်တန်းချက် တွေကြောင့် ရာထူးက ရပ်ဆိုင်း ခံခဲ့ရပါတယ်။
လွှတ်တော်မှာ ပြည်ထဲရေး ဝန်ကြီး Theresa May က ပြောကြားရာမှာ လုံခြုံရေး အရ အကြီးအကျယ် အန္တရာယ် ရှိတဲ့ ခရီးသွားတွေကို ပစ်မှတ်ထား စစ်ဆေးရာမှာ သူမအနေနဲ့ အပြောင်းအလဲ တချို့ လုပ်ဆောင်ဖို့ သဘောတူခဲ့တယ်လို့ ဆိုပါတယ်။
ဒါပေမယ့် အဲဒီကတည်းက လူဝင်မှု ကြီးကြပ်ရေး အကြီးအကဲ Brodie Clark ဟာ အာဏာပိုင်တွေနဲ့ မတိုင်ပင်ဘဲ ပြည်တွင်းကို ဝင်လာတဲ့ တခြား ခရီးသွားတွေကိုပါ လျှော့လျှော့ ပေါ့ပေါ့ စစ်ဆေးခဲ့တာ တွေ့ရတယ်လို့ ပြောပါတယ်။
ရာထူးက ဆင်းပေးဖို့ ဖိအားပေး ခံနေရတဲ့ အီတလီ ဝန်ကြီးချုပ် ဘာလူ စကိုနီအီတလီကြွေး အတိုးနှုန်း စံချိန်တင်တက်အီတလီက နိုင်ငံရေး မရေရာမှုပေါ် စိုးရိမ် မှုတွေ ကြီးထွား လာချိန်မှာ အီတလီ အစိုးရ ငွေချေးတဲ့အခါ ပေးရတဲ့ အတိုး နှုန်းဟာ မနေ့က စံချိန်တင် မြင့်တက် ခဲ့ပါတယ်။
ဆယ်နှစ် သက်တမ်း ရှိတဲ့ အီတလီ အစိုးရ ငွေချေး စာချုပ် အတိုးနှုန်းဟာ မနေ့က ၆.၃၇ ရာခိုင်နှုန်းထိ တက်သွားပါတယ်။
အီတလီဟာ ဥရောပမှာ ဂျီဒီပီ တတိယ အကြီး ဆုံး နိုင်ငံဖြစ်ပြီး ဥရောပ အကြွေး အကျပ်အ တည်းမှာ ဂရိပြီးရင် သူ့အလှည့် ရောက်လာ တော့မယ်လို့ အကဲခပ်တွေက ယူဆ နေပါတယ်။
အီတလီ ဝန်ကြီးချုပ် ဘာလူ စကိုနီ ရာထူးက ဆင်းပေးဖို့ ဖိအားပေး ခံလာရပြီး သူရာထူးက ဆင်းသွားရင် တနည်းတဖုံ ကောင်းလာနိုင်တယ် ဆိုတဲ့ မျှော်လင့်ချက်နဲ့ ကမ္ဘာ တဝှမ်းက အစု ရှယ်ယာ ဈေးကွက်တွေမှာ ရှယ်ယာဈေးတွေ တက်တာ တွေ့ရပါတယ်။
တဘက်မှာ အီတလီ အစိုးရ ပေးရတဲ့ အတိုးနှုန်း မြင့်တက် လာတာဟာ အီတလီ အနေနဲ့ သူတင်ရှိနေတဲ့ အကြွေးတွေကို ပြန်ဆပ်နိုင်မှာ မဟုတ်တာကို ပြနေပါတယ်။
ဒါပေမယ့် အကောင်း မြင်လို့ ရနိုင်တဲ့ အချက် တခုက အီတလီနဲ့ ပတ်သက်ပြီး စိုးရိမ်နေ တာဟာ လတ်တလော စီးပွားရေးထက် အီတလီ အစိုးရ အဖွဲ့ထဲ မရေရာ မှုတွေ ကြောင့်လို့ စီးပွားရေး အကဲခပ်တွေက ပြောပြီး ဘာလူ စကိုနီရဲ့ နိုင်ငံရေး နိဂုံးကို မြင်ရတော့မယ်လို့ ထင်မြင်ချက် ပေးနေပါတယ်။
အီတလီကို အာရုံ စိုက်နေချိန်မှာ ဂရိမှာ ဝန်ကြီးချုပ် ပါပင်ဒရိုက ရာထူးက ဆင်းပေးဖို့ သဘော တူခဲ့ပါတယ်။
လောလောဆယ် အီးယူက ဂရိကို ပေးမယ်လို့ ကတိ ခံထားတဲ့ ပိုက်ဆံတွေကို ဆိုင်းငံ့ထား ပေမယ့် ခုနောက်ဆုံး ဂရိ ဝန်ကြီးချုပ်နဲ့ အတိုက် အခံတွေ ကြားမှာ ညွန့်ပေါင်း အစိုးရ ဖွဲ့ဖို့ သဘော တူညီချက် ရပြီးနောက် အီးယူဆီက ပိုက်ဆံ ပြန်ရဖို့ လမ်းပြန် ပွင့်လာ ပါတယ်။
ဒေါက်တာ Conrad Murray ကို တရားခွင်မှာ တွေ့ရပုံမိုက်ကယ်ဂျက်ဆင် ဆရာဝန်ကို လူသေမှုနဲ့ အပြစ်ရှိကြောင်း စီရင်ချက်ချကမ္ဘာကျော် ပေါ့အဆိုတော် မိုက်ကယ်ဂျက်ဆင် သေဆုံးမှုနဲ့ ပတ်သက်လို့ သူ့ဆရာဝန် Conrad Murray ဟာ လူသေမှုနဲ့ အပြစ်ရှိကြောင်း စီရင်ချက် ထွက်လာခဲ့ပါတယ်။
၂ဝဝ၉ ခုနှစ်တုန်းက မိုက်ကယ်ဂျက်ဆင် သေဆုံးခဲ့ မှုမှာ ဒေါက်တာမာရေးမှာ အထိုက်အလျောက် တာဝန်ရှိတယ်လို့ လော့စ် အိန်ဂျယ်လစ်မြို့မှာ ဒီအမှုကို ကြားနာခဲ့တဲ့ ဂျူရီ လူကြီးတွေက ဆုံးဖြတ် ခဲ့ကြပါတယ်။
အမှု စစ်ဆေးနေတဲ့ သီတင်းခြောက်ပတ်တာ ကာလအတွင်း အာမခံ ပေးထားတဲ့ ဒေါက်တာ မာရေးကို လာမယ့် နိုဝင်ဘာ ၂၉ရက် ပြစ်ဒဏ် စီရင်မယ့် နေ့အထိ ဖမ်းထားမှာ ဖြစ်ပါတယ်။
သူဟာ စမ်းသပ်ကာလနဲ့ နေထိုင်နိုင်မဲ့ ပြစ်ဒဏ် ဒါမှမဟုတ် ထောင်ဒဏ် ၄နှစ် အထိ ကျခံ ရနိုင်ဖွယ် ရှိပါတယ်။
အသက် ၅၈နှစ် ရှိပြီ ဖြစ်တဲ့ ဒေါက်တာ မာရေးဟာ မိုက်ကယ်ဂျက်ဆင်ကို မေ့ဆေးပြင်းတွေ ထိုးပေးခဲ့ပြီး အခန်းထဲမှာ တယောက်တည်း ပစ်ထားခဲ့တယ်လို့ စွပ်စွဲ ခံနေရ ပါတယ်။
ဒါပေမယ့် ဒေါက်တာမာရေးရဲ့ ရှေ့နေကတော့ ဆရာဝန် အခန်းထဲကနေ ထွက်သွားတုန်း သူ့သဘောနဲ့သူ အိပ်ဆေး အပြင်းစား အလွန်အကျွံ ထိုးခဲ့တာလို့ ပြောပါတယ်။
Women's league of Burma အမှတ်တံဆိပ်စစ်တပ်က ထိုးစစ်ဆင်ရာ ဒေသတွေမှာ အကြမ်းဖက်မှု လျော့ဖို့ WLB တောင်းဆိုမြန်မာနိုင်ငံတွင်းက တိုင်းရင်းသား ဒေသတွေမှာ စစ်တပ်ရဲ့ လူ့အခွင့်အရေး ချိုးဖောက် ကျူးလွန်မှု တွေနဲ့ ကြုံတွေ့ နေရတဲ့ အမျိုးသမီး တွေရဲ့ အခြေအနေကို ထိုင်းအခြေစိုက် WLB အမျိုးသမီးများအဖွဲ့ (မြန်မာနိုင်ငံ) က မှတ်တမ်းတင် ရိုက်ကူးထားတဲ့ ဗီဒီယို တခုကို ချင်းမိုင်မြို့မှာ မနေ့က စတင် ပြသ ခဲ့ပါတယ်။
အဲဒီ ဗီဒီယို မှတ်တမ်းခွေမှာ ကချင်၊ ကရင်နှင့် ရှမ်းဒေသတွေ အတွင်း ဆက်တိုက် ဖြစ်ပွားနေတဲ့ မြန်မာစစ်တပ်ရဲ့ ထိုးစစ်ဆင်နေမှုနှင့် အမျိုးသမီးနှင့် မိန်းကလေးငယ် လေးတွေ အပေါ် အစီအစဉ်ချ ကျယ်ပြန့်စွာ မုဒိမ်းကျင့်မှုတွေ ဆက်လက် ကျူးလွန် နေဆဲ ဖြစ်ကြောင်းကို မီးမောင်းထိုး တင်ပြထားပါတယ်။
အမျိုးသမီးများ အဖွဲ့ချုပ် (မြန်မာနိုင်ငံ)က မြန်မာ စစ်တပ် ခေါင်းဆောင် ဗိုလ်ချုပ်မှူးကြီး သန်းရွှေနှင့် အပေါင်းပါ များအား ၄င်းတို့ ကျူးလွန်ထားသည့် စစ်ရာဇဝတ်မှုနှင့် လူသားဖြစ်မှုကို ဆန့်ကျင်သော ရာဇဝတ်မှုတွေ အတွက် နိုင်ငံတကာ ရာဇဝတ်မှု တရားခုံရုံးကို လွှဲပြောင်း တရားစွဲဆိုရေးကို ရှေးရှုတဲ့ ကုလသမဂ္ဂ စုံစမ်း စစ်ဆေးရေး ကော်မရှင် ဖွဲ့စည်းပေးရန် အမျိုးသမီးတွေ အတွက် တရားမျှတမှုကို ဆောင်ကြဉ်းပါ ဆိုတဲ့ ဗီဒီယိုမှတ်တမ်းခွေနဲ့ ထပ်မံ တောင်းဆို လိုက်ပါတယ်။
အဲဒီ မှတ်တမ်းခွေမှာ စစ်အစိုးရ စစ်တပ်က စစ်ရာဇဝတ်မှုနှင့် လူသားဖြစ်မှုကို ဆန့်ကျင်သော ရာဇဝတ်မှုများ ကျူးလွန်နေကြောင်း ပို၍ ခိုင်မာစေသော သက်သေ အထောက်အထားများ အဖြစ် မုဒိမ်းကျင့်ခံခဲ့ရသူ အမျိုးသမီးများနှင့် အမျိုးသမီး အဖွဲ့အစည်းများ အပါအဝင် လူ့အခွင့်အရေး အတွက် ဆောင်ရွက် နေကြသော အဝိုင်းအဝန်းမှ လူပုဂ္ဂိုလ်များနှင့် လူတွေ့မေးမြန်းချက်များကို အထူးတလည် တင်ပြ ထားပါတယ်။
မြန်မာ စစ်အစိုးရ အနေဖြင့် ထိုးစစ်ဆင်နေသော နယ်မြေတွေ အတွင်း အမျိုးသမီးတွေ အပေါ် လိင်ပိုင်းဆိုင်ရာ အကြမ်းဖက်မှုများကို ရပ်တန့်ပေးရန်နှင့် မြန်မာနိုင်ငံ အပေါ် ကုလသမဂ္ဂမှ အကြံပြု တောင်းဆိုနေခြင်း များအား အမြန်ဆုံး အကောင်အထည် ဖေါ်ပေးရန် လိုအပ်ကြောင်းကို မှတ်တမ်းခွေက ထပ်ဆင့် ပြောကြားလိုက်တယ်လို့ ဆိုပါတယ်။
မြန်မာ စစ်အစိုးရ အနေနဲ့ အမျိုးသမီးတွေ အပေါ်မှာ အတင်း အဓမ္မပြုကျင့်မှုတွေ အပါအဝင် အခြားလိင်ပိုင်းဆိုင်ရာ အကြမ်းဖက်မှုတွေ အစီအစဉ်ချ ကျူးလွန်ခွင့် ပြုထားတယ်ဆိုတာကို ဒီမှတ်တမ်းခွေက ပိုပြီး သက်သေပြ နေတယ်လို့ ပြောပါတယ်။
ကုလသမဂ္ဂအဖွဲ့ဝင် နိုင်ငံတွေ အနေနဲ့ လူ့အခွင့်အရေး၊အခြေခံလွတ်လပ်မှု၊ ငြိမ်းချမ်းရေးနှင့် လုံခြုံရေးတွေနဲ့ ပတ်သက်ပြီး လိုက်နာ ဆောင်ရွက်ပါမယ်လို့ သံဓိဌာန် ထားကြတဲ့ အတိုင်း ဆောင်ရွက် ပေးပါလို့ တိုက်တွန်း တောင်းဆိုချင်ကြောင်း အဖွဲ့ တာဝန်ရှိသူက ပြောပါတယ်။
ရေကြီးမှု ဖြေရှင်းဖို့ ထိုင်း အစိုးရ ကြိုးစားနေရဆဲထိုင်းဝန်ကြီးချုပ်က ပြန်လည် ထူထောင်ရေး အတွက် ဆောင်ရွက် ပေးမယ်လို့ဆို
ထိုင်းဝန်ကြီးချုပ် ယင့်လပ် ရှင်နာဝပ် (Yingluck Shinawatra) ဟာ အနှစ်၅၀ အတွင်း အဆိုးဆုံး ရေကြီးမှုကို အာရုံစိုက် ဖြေရှင်း နိုင်အောင် မကြာခင် ဟာဝိုင်ယီမှာ လုပ်မယ့် အာရှ ပစိဖိတ် ပူပေါင်း ဆောင်ရွက်ရေး ထိပ်သီး အစည်း အဝေး တက်မယ့် အစီအစဉ် ကို ပယ်ဖျက် လိုက်ပါတယ်။
ထိုင်းနိုင်ငံ ဘန်ကောက် မြို့တော်ကို ရေဆက် ဝင်ရောက် လာနေပြီး နောက်ထပ် စက်မှု လုပ်ငန်းကြီး ၂ခု အန္တရာယ် ရှိနေ ပါတယ်။
အင်္ဂါနေ့ သတင်းစာ ရှင်းလင်းပွဲမှာ မစ္စယင့်လပ် ကလယ်သမားတွေ စက်ရုံ အလုပ်သမား တွေကို လျော်ကြေး ပေးဖို့ ကတိပြု လိုက်ပြီး ရေကြီးမှု ဒဏ်ကနေ နာလံ ထူအောင် လုပ်နေတဲ့ စီးပွားရေး လုပ်ငန်း တွေကို အကူအညီ ပေးသွား မယ်လို့ ပြောသွား ပါတယ်။
ဘဏ္ဍာရေး အကြံပေး အဖွဲ့ ဖွဲ့စည်းအစိုးရရဲ့ ပြုပြင် ပြောင်းလဲ ရေးတွေမှာ ဘဏ္ဍာရေး ကဏ္ဍလည်း ပါ
မြန်မာ နိုင်ငံ အတွင်းမှာ ဘဏ္ဍာရေးနဲ့ အခွန် ကိစ္စရပ်တွေနဲ့ ပတ်သက်ပြီး လေ့လာ အကြံပြုနိုင်ဖို့ အတွက် Think Tank အကြံပေး အဖွဲ့ကို ပြီးခဲ့တဲ့ အောက်တိုဘာ ၂၁ ရက်နေ့က ဖွဲ့စည်းလိုက် ပါတယ်။
ဘဏ္ဍာရေးနဲ့ အခွန် ဝန်ကြီးဌာနက ဖွဲ့စည်း လိုက်တဲ့ အဲဒီ အဖွဲ့ဟာ လိုအပ်တဲ့ အခါတွေမှာ ဘဏ္ဍာရေး ဝန်ကြီးဌာနကို အကြံဉာဏ်တွေ ပေးဖို့ ဖြစ်ပြီး အဖွဲ့ဝင်တွေရဲ့ ရပ်တည်မှုတွေကို မူတည်ပြီး အဖွဲ့ရဲ့ လွတ်လွတ်လပ်လပ် လုပ်ဆောင်မှု ရှိမရှိဆိုတာ သိရှိနိုင်မယ် လို့ ယူဆကြောင်း အဖွဲ့ဝင် တစ်ယောက် အဖြစ် ထည့်သွင်း ခံရတဲ့ ရန်ကုန် စီးပွားရေး တက္ကသိုလ် အငြိမ်းစား ပါမောက္ခ ဦးမော်သန်းက ပြောပါတယ်။
အကြံပေး အဖွဲ့ရဲ့ ခေါင်းဆောင် ကတော့ ယခင် မြန်မာ နိုင်ငံ ဗဟိုဘဏ် ဒုတိယ ဥက္ကဌ ဦးသန်းလွင် ဖြစ်တယ်လို့ သူက ပြောပါတယ်။
အဲဒီ အဖွဲ့ထဲမှာ ပုဂ္ဂလိက ဘဏ် ဥက္ကဌတွေ၊ အစိုးရ ဌာန တွေက ဦးဆောင် ညွှန်ကြားရေးမှူးတွေ နဲ့ ပြင်ပက ပညာရှင် တချို့ ပါဝင် ပါတယ်။
အဖွဲ့ ဖွဲ့စည်းပြီးချိန်ကစပြီး အခုချိန် အထိ အဖွဲ့ဝင်တွေ တွေ့ဆုံ ညှိနှိုင်း ဆွေးနွေးတာမျိုး မလုပ်ဖြစ်ခဲ့ သေးဘူးလို့လည်း ဦးမော်သန်းက ပြောပါတယ်။
ဆွေးနွေး မှုတွေ ပြုလုပ်ဖြစ်လာပြီ ဆိုရင် သူ့ အနေနဲ့ကတော့ မြန်မာ နိုင်ငံ စီးပွားရေး ဘဏ္ဍာရေးတို့ အတွက် အရေး ကြီးတဲ့ နိုင်ငံ တကာ ကုန်သွယ်ရေး ဆိုင်ရာ အခြေခံတွေ၊ ငွေလဲလှယ်နှုန်း တသမတ်တည်း ဖြစ်ရေး ကိစ္စရပ် တွေကို တင်ပြ ဆွေးနွေးမှာ ဖြစ်တယ်လို့ လည်း အငြိမ်းစား ပါမောက္ခချုပ် ဦးမော်သန်းက ပြောပါတယ်။
အန်အယ်ဒီ မှတ်ပုံတင်ဖို့ အလားအလာရှိအန်အယ်ဒီ မှတ်ပုံတင်ဖို့ များတယ်လို့ ဦးဝင်းတင် ဆို
အန်အယ်ဒီ ပါတီ မှတ်ပုံတင်ရေး နဲ့ ရွေးကောက်ပွဲ ဝင်ရေးမဝင်ရေး ကိစ္စ တွေကို မကြာခင် ဗဟိုကော်မီတီ အစည်းအဝေး ခေါ်ပြီး ဆုံးဖြတ် မယ်လို့ ဗဟို အလုပ် အမှုဆောင် ကော်မီတီဝင် တဦး ဖြစ်တဲ့ ဦးဝင်းတင် က ဘီဘီစီကို ပြောပါတယ်။
အင်္ဂါနေ့က ကျင်းပတဲ့ ဗဟို အလုပ်အမှုဆောင် ကော်မီတီ အစည်းအဝေးမှာ အဲဒီလို သဘောတူ ခဲ့ကြတယ်လို့ သူက ဆိုပါတယ်။
အန်အယ်ဒီ ဗဟိုကော်မီတီဝင် ၁၀၀ ကျော် ဟာ နိုဝင်ဘာလ ၁၈ ရက်နေ့မှာ တွေ့ဆုံကြမှာ ဖြစ်ပြီး ကိစ္စရပ် နှစ်ခု လုံးကို အဲဒီ အစည်းအဝေး မှာ ဆုံးဖြတ်ဖို့ ရှိတယ်လို့ ဦးဝင်းတင်က ပြောပါတယ်။
ဒေါ်အောင်ဆန်းစုကြည်ဟာ ဒီမိုကရေစီ လမ်းကြောင်းကို လျှောက်လိုတဲ့ ဆန္ဒရှိပြီး သမ္မတ ဦးသိန်းစိန် အစိုးရနဲ့ ပူးပေါင်း လုပ်ဖို့လည်း အားသန် တယ်လို့ ယူဆကြောင်း သူက ပြောခဲ့ပါတယ်။
အခုအခါ အစိုးရဖက်က ပြုပြင်ပြောင်းလဲမှု တွေနဲ့ အများကြီး ပြော့ပျောင်း နူးညံ့လာတဲ့ အတွက် မှတ်ပုံတင်ဖို့ အလားအလာ များတယ်လို့လည်း ဦးဝင်းတင်က ဆိုခဲ့ပါတယ်။
အန်အယ်ဒီနာမည်နဲ့ မဟုတ်ဘဲ တခြားနာမည်နဲ့ မှတ်ပုံတင်ဖို့ အစီအစဉ် ရှိတယ် ဆိုတဲ့ ပြောဆိုချက်တွေဟာ မမှန်ကြောင်းနဲ့ ဒီအဖွဲ့အစည်း ပုံစံအတိုင်းဆက် သွားမယ်လို့ လည်းဦးဝင်းတင်က ပြောသွားခဲ့ပါတယ်။
ဆီးရီးယားက ဆန္ဒပြမှုများဆီးရီးယားတိုက်ခိုက်မှုတွေမှာ လူ ၃၅၀၀ ကျော်သေဆီးရီးယား နိုင်ငံက ဆန္ဒပြမှုတွေအတွင်း လူသေဆုံးမှုဟာ ၃၅၀၀ ကျော်သွားပြီလို့ ကုလသမဂ္ဂ UNCHR လူ့အခွင့်အရေး ကောင်စီက ထုတ်ပြန် ပြောကြား လိုက်ပါတယ်။
တချိန်တည်းမှာပဲ ဆီးရီးယားက ဟုမ်းစ်မြို့မှာ တော့ တိုက်ခိုက်မှုတွေ ဆက်လက် ဖြစ်ပွားနေ ပါတယ်။
ဆီးရီးယားရဲ့ တတိယအကြီးဆုံး ဟုမ်းစ်မြို့ တမြို့လုံးမှာ အစိုးရရဲ့ သံချပ်ကာ ကားတွေ နေရာယူ ထားပါတယ်။
ဒီမြို့အနီးဝန်းကျင်မှာလည်း ပြင်းထန်တဲ့ တိုက်ပွဲတွေ ဖြစ်နေပါတယ်။ ဒေသခံတွေ အပြောအရ စစ်သားတွေဟာ လူနေအိမ်တွေ၊ တိုက်ခန်း တွေထဲကို ဝင်ရောက်ပြီး ဖမ်းဆီးတာတွေ လုပ်နေတယ်လို့ ဆိုပါတယ်။ ဒါပေမယ့် ဒေသခံတွေ အများအပြားကတော့ တိုက်ပွဲတွေ စဖြစ်ကတည်းက ထွက်ပြေးသွားကြပါတယ်။
ဟုမ်းစ်မြို့ဟာ ပြီးခဲ့တဲ့ လအနည်းငယ် အတွင်းတုန်းကတော့ မြို့ရဲ့ အစိတ်အပိုင်း အများစုကို အတိုက်အခံတွေရဲ့ ထိမ်းချုပ်မှုအောက်မှာ ရှိနေ ခဲ့ပါတယ်။ နောက်ပြီး အစိုးရ စစ်တပ်ကနေ ထွက်ပြေးလာတဲ့ တပ်သားတွေကို ခိုလှုံခွင့် ပေးထားတဲ့ မြို့လည်း ဖြစ်ပါတယ်။ အခုတော့ အစိုးရတပ်က ပြန်လည် ထိမ်းချုပ်နိုင်ဖို့ တိုက်ခိုက်နေတဲ့ သဘော တွေ့ရပါတယ်။
ပြီးခဲ့တဲ့ သတင်းပတ်ကတော့ ဆီးရီးယား အစိုးရဟာ အာရပ်အဖွဲ့ချုပ်ရဲ့ အဆိုပြုလွှာတွေကို ဆွေးနွေးဖို့ သဘောတူခဲ့ပါတယ်။ အဲဒီထဲမှာ ဆီးရီးယားရဲ့ ရှေ့နိုင်ငံရေး လုပ်ငန်းစဉ်မှာ အတိုက်ခံတွေ ပါဝင်နိုင်ဖို့၊ လမ်းတွေပေါ်မှာ နေရာယူထားတဲ့ စစ်တပ်တွေ ပြန်လည် ယုတ်သိမ်း ဖို့တွေ ပါဝင်ပါတယ်။
ပထမအဆင့် အနေနဲ့ ဆီးရီးယား အစိုးရက နိုင်ငံရေး အကျဉ်းသား တွေကို လွှတ်ပေးလိုက်ပြီ လို့လည်း ကြေငြာခဲ့ပါတယ်။ ဒါပေမယ့် အတိုက်အခံတွေ ပြောတာ ကတော့ နိုင်ငံရေး အကျဉ်းသားတွေ ထောင်နဲ့ချီပြီး ဆက်ရှိ နေသေးသလို အစိုးရဟာ ဆက်လက် ဖမ်းဆီးမှု တွေလည်း လုပ်နေတယ်လို့ ပြောပါတယ်။
ဘာလူစကိုနီ နှုတ်ထွက်ဖို့ တောင်းဆိုနေမစ္စတာ ဘာလူစကိုနီက သူမနှုတ်ထွက် ဘူးလို့ တင်းခံ နေခဲ့တာပါ
အီတလီ ဝန်ကြီးချုပ် ဆယ်ဗီယို ဘာလူစကိုနီ ဟာ ရာထူးကနေ နှုတ်ထွက် ပေးဖို့ အကြီးအကျယ် ဖိအားပေး ခံနေ ရပါတယ်။
မစ္စတာ ဘာလူစကိုနီ ရဲ့ ညွန့်ပေါင်း အစိုးရ အဖွဲ့ထဲက ခေါင်းဆောင် တစ်ဦးလည်း ဖြစ်၊ သူနဲ့ အချိန် အတော်ကြာ မဟာမိတ် ဖြစ်ခဲ့သူ အမ်ဘာတို ဘော့စီ က မစ္စတာ ဘာလူစကိုနီ နှုတ်ထွက်ပေးဖို့ တောင်းဆို လိုက်ပါတယ်။
မကြာခင် နာရီပိုင်း အတွင်းမှာပဲ မစ္စတာ ဘာလူစကိုနီရဲ့ အနာဂတ်နဲ့ ပတ်သက်ပြီး အီတလီ လွှတ်တော် အတွင်းမှာ မဲပေး ဆုံးဖြတ် ကြဖို့ ရှိပါတယ်။
မစ္စတာ ဘူလူစကိုနီ ပါတီက အမတ် အများအပြား ကလည်း သူ နှုတ်ထွက်ရေးကို ထောက်ခံဖွယ် ရှိနေ ပါတယ်။
ဒါပေမယ့် မစ္စတာ ဘာလူစကိုနီ ကတော့ သူ့မှာ ထောက်ခံသူ အလုံအလောက် ရှိတယ်လို့ ပြောနေ ပါတယ်။
နိုင်ငံတကာ ငွေကြေးဈေးကွက် တွေကလည်း အီတလီက ချေးယူ ထားတဲ့ အကြွေးတွေ အပေါ် အတိုး ပိုယူမယ် ဆိုပြီး အီတလီ ဝန်ကြီးချုပ် အပေါ် ဖိအားတွေ တိုးပေး နေပါတယ်။
ပြုပြင်ပြောင်းလဲရေး အမြန်လုပ်ဖို့ လိုနေပြီ စစ်တမ်းက ပြောပြီသာသနာပိုင် အကြီးအကဲ Christoph Schoenborn
သြစတြီးယား နိုင်ငံမှာ ရိုမန် ကက်သလစ် ခရစ်ယာန် ဘုန်းတော်ကြီး တွေကို စစ်တမ်း ကောက်ယူ ခဲ့ရာမှာ ပြုပြင် ပြောင်းလဲရေးတွေ အမြန် လုပ်ဆောင်ဖို့ လိုအပ် နေပြီလို့ အများစုက မှတ်ချက်ပေးခဲ့ ကြပါတယ်။
သြစတြီးယန်း ရုပ်မြင်သံကြား ကော်ပိုရေးရှင်းက ကြီးမှူးဆောင်ရွက်ပြီး ခရစ်ယာန် ဘုန်းကြီး ငါးရာကို စစ်တမ်း ကောက်ယူရာမှာ သုံးပုံ နှစ်ပုံကတော့ ဘာသာရေးနဲ့ ခေတ်ပေါ် ယဉ်ကျေးမှုကို သိသိသာသာ ခွဲခြား ထားသင့်တယ် လို့ ဆိုပါတယ်။
တဝက် ကျော်ကျော် ကတော့ အမျိုးသမီး ဘာသာရေး အကြီးအကဲ ထားဖို့ အကြံဉာဏ်ကို ထောက်ခံ ခဲ့ကြပါတယ်။
ခရစ်ယာန် ဘုန်းတော်ကြီးတွေရဲ့ စိုးရိမ် သောကကို နားလည်ပေမယ့် သူတို့ရဲ့ အဆိုပြုချက် တွေကိုတော့ လက်မခံနိုင်ဘူးလို့ သြစတြီးယန်း ကက်သလစ် ခရစ်ယာန် ဘာသာရေး အဖွဲ့ရဲ့ အကြီးအကဲ Christoph Schoenborn က ပြောပါတယ်။
မြန်မာကို ၂၀၁၄ ဥက္ကဋ္ဌ နေရာပေးရေး အာဆီယံ ထောက်ခံဖို့များနေ
2011-11-08
အာဆီယံ ထိပ်သီးညီလာခံကို ၂၀၁၄ ခု ကျရင် မြန်မာနိုင်ငံမှာ အလှည့်ကျ ကျင်းပဖို့ အာဆီယံ ခေါင်းဆောင် အများစုက ထောက်ခံမဲ့ သဘော ရှိတယ်လို့ အင်ဒိုနီးရှား နိုင်ငံခြားရေး ဝန်ကြီးက ဒီကနေ့ ပြောဆိုလိုက် ပါတယ်။
ဒီနှစ် မေလမှာကျင်းပတဲ့ အာဆီယံ ထိပ်သီးညီလာခံနဲ့ ဇူလိုင်လမှာကျင်းပတဲ့ နိုင်ငံခြားရေး ဝန်ကြီးဆွေးနွေးပွဲတွေမှာ မြန်မာကို အာဆီယံ ဥက္ကဋ္ဌနေရာပေးရေးကိစ္စ အပြုသဘော တုံ့ပြန်ချက်တွေကို ရခဲ့တယ်လို့ မာတီ နာတာလီဂါဝါက ပြောပါတယ်။ မြန်မာနိုင်ငံမှာ အပြောင်းအလဲတွေ ဆက်လက်ဖြစ်ပေါ်လာဖို့ အင်ဒိုနီးရှား အနေနဲ့ ထောက်ခံ အားပေးသွားမယ်လို့ အင်ဒိုနီးရှား နိုင်ငံခြားရေး ဝန်ကြီးရဲ့ပြောခွင့်ရပုဂ္ဂိုလ် Michael Tene က အာရ်အက်ဖ်အေကို ပြောပါတယ်။ပြုပြင်ပြောင်းလဲမှုတွေကို မြန်မာအစိုးရက ဆောင်ရွက်နေတယ်ဆိုတာ အင်ဒိုနီးရှား နိုင်ငံခြားရေးဝန်ကြီးအနေနဲ့ အသိအမှတ်ပြုပါတယ်။ သိသာထင်ရှားတဲ့ တိုးတက်မှုတွေ အဖြစ်နဲ့လည်း ကြိုဆိုပါတယ်။ ဒီလိုပြောင်းလဲမှုတွေ ဆက်လက် ဆောင်ရွက်သွားဖို့ အင်ဒိုနီးရှား အစိုးရအနေနဲ့ အားပေးထောက်ခံပါတယ်လို့ Michael Tene ပြောသွားပါတယ်။၂၀၁၄ မှာ မြန်မာကို အာဆီယံ ဥက္ကဋ္ဌနေရာပေးရေး ကိစ္စနဲ့ပတ်သက်လို့ မြန်မာနိုင်ငံကို နောက်တစ်ကြိမ် ထပ်ပြီးသွားမသွား ဆိုတာကိုတော့ အခုချိန်မှာ အတိအကျ မဖြေနိုင်သေးဘူးလို့ အင်ဒိုနီးရှား နိုင်ငံခြားရေးဝန်ကြီး မာတီ နာတာလီဂါဝါက သတင်းထောက်တွေကိုပြောပါတယ်။ပြီးခဲ့တဲ့ သီတင်းပတ်က မြန်မာနိုင်ငံကို သွားခဲ့တဲ့ ခရီးစဉ်အတွင်းမှာ အင်ဒိုနီးရှား နိုင်ငံခြားရေးဝန်ကြီးဟာ လွှတ်တော် ဥက္ကဋ္ဌအပါအဝင် သမ္မတ ဦးသိန်းစိန် အစိုးရအဖွဲ့တို့၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် တို့နဲ့ တွေ့ဆုံခဲ့ပါတယ်။
မြန်မာကို ဥက္ကဋ္ဌနေရာပေးဖို့ စောသေးတယ်လို့ AIPMC ပြောကြား
2011-11-08
မြန်မာကို အလှည့်ကျ အာဆီယံ ဥက္ကဋ္ဌ နေရာပေးရေး ဆုံးဖြတ်ချက်ကို အချိန်ယူဖို့ မြန်မာ့အရေး ဆောင်ရွက် နေတဲ့ အာဆီယံ လွှတ်တော် အမတ်များ အဖွဲ့ AIPMC က ပြောပါတယ်။
ပွင့်လင်းလာတယ် ဆိုတိုင်း ဒီမိုကရေစီ အလိုအလျောက် ရနေပြီလို့ အဓိပ္ပာယ်ဖွင့်လို့ မရဘူးဆိုတာ သတိပြုဖို့ လိုပါတယ်။ ကျွန်မတို့ဆီမှာ စဉ်းစားစရာအချက်တွေ အများကြီးရှိနေပါသေးတယ်။ ဒါတွေကို အာဆီယံ ခေါင်းဆောင်တွေ ထည့်မတွက်ဘူးလို့ Eva Sundari ပြောပါတယ်။အပြောင်းအလဲတွေ အခြေအနေ ကောင်းတွေဆိုတာက ရန်ကုန်မြို့နဲ့ မြို့တော်သစ်ဆိုတဲ့ နေပြည်တော်မှာပဲ ဖြစ်နေတာပါ။ တိုင်းရင်းသား ဒေသတွေမှာ ဘာတွေဖြစ်နေလဲ ဆိုတာ ကြည့်ရမှာပါ။ နောက်ပြီး ထောင်နဲ့ချီတဲ့ နိုင်ငံရေး အကျဉ်းသားတွေ ထိန်းသိမ်းခံ ထားရဆဲပါ။သူတို့အားလုံးကို ဘယ်တော့များမှ တခါတည်းနဲ့ လွှတ်မလဲဆိုတာ မသိရသေးပါဘူး။ ဒီမိုကရေစီ နိုင်ငံဆိုရင် သဘောထား ကွဲလွဲသူတွေကို အကျဉ်းချထားတယ်ဆိုတာ မသင့်တော်ပါဘူးလို့ Eva Sundari က ဆက်ပြောသွားပါတယ်။
ရုပ်ရှင်ဇာတ်ကားတိုပြိုင်ပွဲ မူလအစီအစဉ်အတိုင်း လုပ်ဆောင်မည်
2011-11-08
ဟာသသရုပ်ဆောင် ကိုဇာဂနာနဲ့ ဒါရိုက်တာ မင်းထင်ကိုကိုကြီးတို့ ပူးပေါင်းပြီး လွတ်လပ်မှုကိုဖော်ကျူးတဲ့ ရုပ်ရှင်ဇာတ်ကားတို ပြိုင်ပွဲတစ်ရပ် လွတ်လပ်ရေးနေ့မှာ ကျင်းပဖို့ စီစဉ်နေကြောင်း အာရ်အက်ဖ်အေက ထုတ်လွှင့်ခဲ့ပြီးဖြစ်ပါတယ်။
လွတ်လပ်ခြင်း အနုပညာပွဲတော်လို့ အမည်ပေးထားတဲ့ အဲဒီပြိုင်ပွဲကို ၂၀၁၂ခု ဇန်န၀ါရီလ ၁ ရက် ကနေ ၄ ရက် အထိ ကျင်းပမှာ ဖြစ်ပြီး ဆုရဇာတ်ကားတွေကို ဇန်န၀ါရီ ၄ ရက် လွတ်လပ်ရေးနေ့မှာ ဆုချီးမြှင့်မှာ ဖြစ်ပါတယ်။ပြီးခဲ့တဲ့ နိုဝင်ဘာ ၅ ရက် မြန်မာ့အလင်း သတင်းစာမှာတော့ မြန်မာ့ရုပ်ရှင်လုပ်ငန်း ဦးဆောင်ညွှန်ကြားရေးမှူး ဦးအောင်မျိုးမြင့်နဲ့ ကိုဇာဂနာတို့ တွေ့ဆုံခဲ့ပုံနဲ့ လွတ်လပ်ခြင်း အနုပညာပွဲတော်မှာ ဝင်ရောက်ယှဉ်ပြိုင်မယ့် ဇာတ်ကားတွေကို ဆင်ဆာ လုပ်ထုံးလုပ်နည်းနဲ့ အညီ ကူညီ ဆောင်ရွက်သွားမှာ ဖြစ်ကြောင်း ဖော်ပြခဲ့ပါတယ်။ဒီကိစ္စနဲ့ ပတ်သက်ပြီး ပြိုင်ပွဲဝင် ဇာတ်လမ်းတိုတွေကို ဆင်ဆာတင်ပြဖို့ အစီအစဉ် ရှိမရှိ ဒါရိုက်တာ မင်းထင်ကိုကိုကြီး ကို မေးမြန်းရာမှာ-“ကျွန်တော်တို့ ပြောင်းလဲဖို့ လုံးဝရှိမှာ မဟုတ်ပါဘူး။ သတင်းစာ ရှင်းလင်းပွဲနေ့က ကိုသူရ ပြောတဲ့အတိုင်းပါပဲ။ ဆင်ဆာဩဇာ တစ်ခုခု သက်ရောက်တဲ့ ရုပ်ရှင်ပွဲတော် ဖြစ်လာမှာ မဟုတ်ပါဘူး”လွပ်လပ်ခြင်း အနုပညာ ရုပ်ရှင်ဇာတ်လမ်းတို ပြိုင်ပွဲကို မူလအစီအစဉ်အတိုင်း ဆောင်ရွက်သွားမှာ ဖြစ်ပေမဲ့ ပွဲမစခင် အကြိုနေ့မှာတော့ ရုပ်ရှင်အစည်းအရုံးက တာဝန်ရှိ လူကြီးတွေကို ဖိတ်ကြားဖို့ အစီအစဉ် ရှိနိုင်ကြောင်း ဒါရိုက်တာ မင်းထင်ကိုကိုကြီးက ပြောကြားပါတယ်။
အင်အယ်လ်ဒီ မှတ်ပုံတင်ရေး ၁၈ ရက်နေ့ ဆုံးဖြတ်မယ်
2011-11-08
အမျိုးသား ဒီမိုကရေစီ အဖွဲ့ချုပ် အနေနဲ့ ပါတီ မှတ်ပုံတင်ရေး မတင်ရေး၊ ရွေးကောက်ပွဲ ဝင်ရေး မဝင်ရေး ကိစ္စနဲ့ပတ်သက်ပြီး ဆုံးဖြတ်ဖို့ လာမဲ့ နိုဝင်ဘာလ ၁၈ ရက်နေ့မှာ ဗဟိုဦးစီးအဖွဲ့  အစည်းအဝေး ခေါ်ယူမှာဖြစ်ကြောင်း သိရပါတယ်။
နိုဝင်လာလ ၈ ရက် ဒီကနေ့ မနက်ပိုင်း ၁၀ နာရီက ဒေါ်အောင်ဆန်းစုကြည် နေအိမ်ခြံဝင်း အတွင်း ပြုလုပ်တဲ့ ဗဟိုအလုပ်အမှုဆောင်ဖွဲ့  အစည်းအဝေးကနေ ခုလို ဆုံးဖြတ်ခဲ့တာလို့ အင်အယ်လ်ဒီ ပြောခွင့်ရပုဂ္ဂိုလ် ဦးအုံးကြိုင်က ပြောပါတယ်။လောလောဆယ်မှာ တည်ဆဲ ဗဟိုဦးစီးအဖွဲ့ဝင် တစ်ရာနဲ့ ခြောက်ဦး ရှိပါတယ်။ ဗဟိုဦးစီး အဖွဲ့ဝင်တွေကို ၂၀၁၀ နှစ်ဦးပိုင်းက ဗဟိုအလုပ်အမှုဆောင်အဖွဲ့နဲ့ ပြည်နယ်နဲ့တိုင်း ခေါင်းဆောင်တွေ ညှိနှိုင်းရွေးချယ်ခဲ့တယ်လို့ သိရပါတယ်။ဒီကနေ့မနက် ကျင်းပတဲ့ ဗဟိုအလုပ်အမှုဆောင်အဖွဲ့ အစည်းအဝေးကို ဒုဥက္ကဋ္ဌ ဦးတင်ဦး၊ အထွေထွေ အတွင်းရေးမှူး ဒေါ်အောင်ဆန်းစုကြည်၊ ဦးသန်းထွန်း၊ ဦးလှဖေ၊ ဦးဉာဏ်ဝင်း၊ ဦးအုံးကြိုင်၊ ဦးဟံသာမြင့်၊ ဒေါက်တာ ဒေါ်မေဝင်းမြင့်၊ ဦးဝင်းမြင့် စတဲ့ ပုဂ္ဂိုလ်တွေတက်ရောက်ကြတယ်လို့ သိရပါတယ်။
ပါတီမှတ်ပုံတင်ရေး NLD နဲ့ တိုင်းရင်းသားတွေ ဆွေးနွေးမည်
By နန္ဒာချမ်း
မြန်မာအစိုးရက ရွေးကောက်ပွဲဆိုင်ရာ ဥပဒေ ပြင်ဆင်အပြီးမှာပဲ နိုင်ငံရေး ပါတီတွေအဖြစ် မှတ်ပုံတင်သင့်-မသင့် ၂၀၁၀ ပြည့်နှစ် ရွေးကောက်ပွဲမှာ မ၀င်ခဲ့ကြတဲ့ အမျိုးသား ဒီမိုကရေစီအဖွဲ့ချုပ် (NLD) အပါအ၀င် နိုင်ငံရေး အဖွဲ့အစည်းတွေ ဆွေးနွေးတိုင်ပင်တာတွေ လုပ်နေပါတယ်။ ဒီကနေ့မှာ ဆိုရင်လည်း NLD ပါတီ၊ တခြား တိုင်းရင်းသား အဖွဲ့အစည်းတွေ ဒီကိစ္စကို ဆွေးနွေးမှုတွေ လုပ်ခဲ့ကြတာပါ။ ဒါပေမဲ့လည်း အပြီးသတ် ဆုံးဖြတ်ချက်တွေတော့ မချနိုင်သေးပဲ ဖြစ်နေတုန်းပါပဲ။ အခြေအနေတွေ အပြည့်အစုံကိုတော့ ဆက်သွယ် စုံစမ်းထားတဲ့ မနန္ဒာချမ်း ကတင်ပြပေးထားပါတယ်။
ဒီနေ့မနက် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နေအိမ်မှာ ပြုလုပ်ခဲ့တဲ့ ဗဟိုအလုပ်အမှုဆောင်အဖွဲ့ အစည်းအဝေးအတွင်း NLD မှတ်ပုံတင်ခြင်း - မတင်ခြင်းကိစ္စနဲ့ပတ်သက်ပြီး ဆွေးနွေးခဲ့ကြတာပါ။ ဒီအစည်းအဝေးကို ကျန်းမာရေး သိပ်မကောင်းတဲ့ ဗဟိုအလုပ်အမှုဆောင် အဖွဲ့ဝင်တွေကလွဲရင် - အဖွဲ့ဝင် ၁၀ ဦး တက်ရောက်ခဲ့ပြီး - ဒီကနေ့ အစည်းအဝေးအတွင်း ဆုံးဖြတ်ခဲ့ တာနဲ့ပတ်သက်လို့ ပါတီပြောခွင့်ရပုဂ္ဂိုလ် ဦးအုန်းကြိုင် က ဗွီအိုအေ ကို ပြောပါတယ်။
“ကျနော်တို့ မနက်က ဗဟိုအလုပ်အမှုဆောင်အဖွဲ့ အစည်းအဝေးကို အထွေထွေအတွင်းရေးမှူး ဒေါ်အောင်ဆန်းစုကြည်ရဲ့ နေအိမ်မှာရှိတဲ့ အစည်းအဝေးခန်းမမှာ မနက် ၁၀ နာရီကနေပြီးတော့ ၁၂ နာရီအထိ ကျင်းပပြီးစီးသွားပါပြီ။ အဲ့ဒီ အစည်းအဝေးကနေပြီးတော့ အမျိုးသား ဒီိမိုကရေစီအဖွဲ့ချုပ် ပါတီမှတ်ပုံတင်ရေး - မတင်ရေး၊ ရွေးကောက်ပွဲ ၀င်ရေး - မ၀င်ရေး ကိစ္စကို ဆွေးနွေးဆုံးဖြတ်ဖို့အတွက် နိုဝင်ဘာလ ၁၈ ရက်နေ့မှာ တည်ဆဲ ဗဟိုအဖွဲ့ဝင်များ အစည်းအဝေးကို ခေါ်ယူကျင်းပဖို့ ဆုံးဖြတ်ပါတယ်။ နိုဝင်ဘာ ၁၈ ရက်နေ့မှာ ဗဟိုဦးစီးအဖွဲ့ အစည်းအဝေးကို အဖွဲ့ချုပ်ဌာနချုပ်ရုံး ဗဟိုဦးစီးခန်းမမှာ ကျင်းပမှာဖြစ်ပါတယ်။ အဲ့ဒီမှာ ဆုံးဖြတ်မှာ ဖြစ်ပါတယ် ခင်ဗျ။”
ဒါကြောင့် နိုဝင်ဘာလ ၁၈ ရက်နေ့ကျရင် - တည်ဆဲဗဟိုအဖွဲ့ဝင်တွေရဲ့ အစည်းအဝေးကို ဗဟိုအလုပ်အမှုဆောင်အဖွဲ့ဝင် စုစုပေါင်း ၁၀၆ ဦး စလုံးနဲ့ အရံဗဟိုကော်မတီဝင်တွေကိုပါ သက်ဆိုင်ရာ တိုင်းဥက္ကဋ္ဌတွေကနေတဆင့် ဒီကနေ့ကစပြီး ဖိတ်ကြားနေပြီဖြစ်တယ်လို့ ဦးအုန်းကြိုင် က ပြောခဲ့ပါတယ်။
ဒါ့အပြင် မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်ကလည်း - NLD မှတ်ပုံတင်ခြင်း - မတင်ခြင်းကိစ္စ ဆုံးဖြတ်ချက် မချခင် - တိုင်းရင်းသားအဖွဲ့တွေကိုလည်း တွေ့ဆုံဖို့ ဖိတ်ကြားထားတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပြောခွင့်ရသူ ဦးစိုင်းလိတ် က ပြောပါတယ်။
“ဒေါ်အောင်ဆန်းစုကြည်နဲ့ ဆွေးနွေးဖို့ လိုပါသေးတယ်။ ဒေါ်အောင်ဆန်းစုကြည်ကလည်း ကျနော်တို့နဲ့ ဆွေးနွေးဖို့ ကမ်းလှမ်းထားတာ ရှိပါတယ်။ လောလောဆယ် ဆွေးနွေးဖို့ကို ရက်အတိအကျ မသတ်မှတ်ရသေးဘူး။ အဲ့ဒီနောက်ပိုင်းမှပဲ ကျနော်တို့ ပြောလို့ရပါမယ်။ သူတို့ရဲ့ စီအီးစီ အစည်းအဝေး ခေါ်ထားတာ ၁၈ ရက်နေ့လေ၊ အဲ့ဒီ ၁၈ ရက်နေ့ မတိုင်ခင်မှာ ကျနော်တို့ တွေ့ဆုံ ဆွေးနွေးကြဖို့ရှိပါတယ်။”
NLD ပါတီဟာ - ၂၀၀၈ ဖွဲ့စည်းပုံထဲမှာပါဝင်တဲ့ ထောင်ဒဏ်ကျခံနေရသူဟာ နိုင်ငံရေးပါတီဝင် မဖြစ်ရဆိုတဲ့ ကန့်သတ်ချက်ကြောင့် - မနှစ်က ၂၀၁၀ ရွေးကောက်ပွဲမတိုင်ခင် ပါတီမှတ်ပုံတင်ရမယ်ဆိုတာကို ငြင်းဆန်ခဲ့တာပါ။ ဒါကြောင့် အစိုးရကနေ NLD အပါအ၀င် မှတ်ပုံတင်ခြင်း မရှိတဲ့ နိုင်ငံရေးပါတီ တော်တော်များများကို တရားဝင်နိုင်ငံရေးပါတီအဖြစ်က ပယ်ဖျက်ခဲ့တာဖြစ်ပါတယ်။ ဒါပေမဲ့ မှတ်ပုံတင်ခြင်းဆိုင်ရာ ဥပဒေပြင်ဆင်ချက်တချို့ကို အစိုးရက ပြုလုပ်ခဲ့ပြီးနောက် နိုဝင်ဘာလ ၄ ရက်နေ့မှာပဲ သမ္မတ ဦးသိန်းစိန် က အတည်ပြုကြေညာခဲ့တာ ဖြစ်ပါတယ်။
ဒါ့အပြင် ဒီကနေ့မှာပဲ - UNA ညီညွတ်သော တိုင်းရင်းသားများ မဟာမိတ်အဖွဲ့ကလည်း ပဏာမအကြိုအစည်းအဝေးတခု ပြုလုပ်ခဲ့ပြီးတော့ နိုင်ငံရေးပါတီတရပ်အနေနဲ့ မှတ်ပုံတင်သင့် - မတင်သင့်ကိစ္စကို ဆွေးနွေးခဲ့ပါတယ်။ ဒါပေမဲ့ အဖွဲ့ဝင်အားလုံး မစုံသေးတဲ့အတွက် ဆုံးဖြတ်ချက် အတိအကျတော့ မချနိုင်သေးဘူးလို့ UNA အဖွဲ့ဝင်ပါတီတခုဖြစ်တဲ့ SNLD မှ ပြောခွင့်ရသူ ဦးစိုင်းလိတ် က ဆက်ပြောပါတယ်။
“ဒီနေ့အစည်းအဝေးကတော့ ဦးနိုင်ငွေသိန်းရယ်၊ နောက် SNLD က အတွင်းရေးမှူး စိုင်းရွှေကြူးရယ်၊ နောက် UNLD က ဦးသာဘန်းပေါ့နော်။ ဒီ ၃ ယောက်ပဲပါတယ်။ ဆိုတော့ အဖွဲ့ဝင်တွေ မစုံသေးတဲ့အတွက်ကြောင့် ဆုံးဖြတ်ချက်တော့ မချရသေးဘူး။ ပဏာမ ဆွေးနွေးတဲ့အဆင့်ပဲ ရှိပါသေးတယ်။ အလားအလာကတော့ အင်မတန်မှ နဲပါသေးတယ်ခင်ဗျ။ UNA တဖွဲ့လုံးအနေနဲ့ စုပေါင်းပြီး မှတ်ပုံဆက်တင်ဖို့ ဆိုတာမျိုးကတော့ မရှိပါဘူး။ တဖွဲ့ချင်းအနေနဲ့ တင်ချင်တဲ့ အနေအထားမျိုးရှိတယ်ဆိုရင်တောင်မှ UNA နဲ့ မဆိုင်ဘူးပေါ့နော်”
UNA အဖွဲ့ဟာ ၁၉၉၀ ရွေးကောက်ပွဲတုန်းက လူထုထောက်ခံအားပေးမှုကို ရခဲ့တဲ့ တိုင်းရင်းသား နိုင်ငံရေးပါတီ ၁၃ ခုနဲ့ စုပေါင်းဖွဲ့စည်းထားတဲ့ အဖွဲ့ဖြစ်ပါတယ်။ ဒါပေမဲ့ SNLD ရှမ်းတိုင်းရင်းသားများ ဒီမိုကရေစီ အဖွဲ့ချုပ်အနေနဲ့ကတော့ ခေါင်းဆောင်တွေ မလွတ်မြောက်သေးတဲ့အတွက် ပါတီ မှတ်ပုံတင်ဖို့ စဉ်းစားမှာမဟုတ်ကြောင်းနဲ့ NLD ပါတီ မှတ်ပုံတင်ခြင်း - မတင်ခြင်းကိစ္စပေါ် SNLD ရဲ့ သဘောထားကို အခုလို ပြောခဲ့ပါတယ်။
“ကျနော်တို့ကတော့ တင်ဖို့ မစဉ်းစားပါဘူး။ ဘာဖြစ်လို့လည်းဆိုတော့ ကျနော်တို့ရဲ့ ခေါင်းဆောင်တွေဖြစ်တဲ့ ဥက္ကဌ ခွန်ထွန်းဦးနဲ့ အတွင်းရေးမှူး စိုင်းညွန့်လွင်က အကျဉ်းကျနေဆဲမို့လို့ သူတို့တွေ လွတ်မြောက်လာခြင်းမရှိသေးပဲနဲ့ မှတ်ပုံတင်ဖိုိ့ကစ္စကို ကျနော်တို့ စဉ်းစားဦးမှာမဟုတ်ပါဘူး။ ကျနော်တို့ SNLD တခုတည်းရဲ့ သဘောထားဆိုရင်တော့ - NLD ရဲ့ ဆုံးဖြတ်ချက်ကို ဘာမှ ၀င်ရောက် ပြီး ဝေဖန်ချက် မပေးလိုပါဘူး။ ထိုက်သင့်သလို သူတို့လမ်းကြောင်းနဲ့ သူတို့ သွားမှာဖြစ်တဲ့အတွက်ကြောင့် ကျနော်တို့ကတော့ တူတာရှိရင် ပေါင်းလုပ်မယ်။ မတူတာရှိရင် ခွဲလုပ်မယ်ဆိုတဲ့ အနေအထားပဲရှိပါတယ်”
SNLD ပြောခွင့်ရသူ ဦးစိုင်းလိတ် ဖြစ်ပါတယ်။ SNLD ဥက္ကဋ္ဌ ဦးခွန်ထွန်းဦး ကတော့ ပူတာအို အကျဉ်းထောင်မှာ ထောင်ဒဏ် ၉၃ နှစ် ကျခံ နေရပြီး အတွင်းရေးမှူး စိုင်းညွန့်လွင်ကိုလည်း ထောင်ဒဏ် ၈၃ နှစ်ချမှတ်ခံထားရတာပါ။ ဒါကြောင့် ဒီခေါင်းဆောင်တွေရဲ့ အမှုကို ပြန်လည်သုံးသပ်စစ်ဆေးပြီး သူတို့ လွတ်မြောက်ရေး မိသားစုဝင်တွေကနေ - မကြာသေးခင်ကပဲ - မြန်မာနိုင်ငံ အမျိုးသား လူ့အခွင့်အရေး ကော်မရှင်ကို လက်မှတ်ရေးထိုး တောင်းဆိုထားတာဖြစ်ပါတယ်။
ဟဲဗီးဝိတ်ချန်ပီယံဟောင်း ဂျိုဖရေဇီယာ ကွယ်လွန်
By ဗွီအိုအေ(မြန်မာဌာန)
ကမ္ဘာ့ Heavy weight လက်ဝှေ့ချန်ပီယံ Joe Frazier ဟာ အသက် ၆၇ နှစ်အရွယ်မှာ အသည်း ကင်ဆာရောဂါနဲ့ ကွယ်လွန်သွားပါတယ်။ သူ့ရဲ့ အသည်းကင်ဆာရောဂါ အခြေအနေ တော်တော် ဆိုးနေပြီဆိုတာကို ပြီးခဲ့တဲ့လကမှ စစ်ဆေးသိခဲ့တာဖြစ်ပါတယ်။
Joe Frazier ဟာ နောက်ထပ် လက်ဝှေ့ အကျော်အမော် Muhammad Ali နဲ့ ၁၉၇၀ ပြည့်လွန်နှစ် တွေတုန်းက ယှဉ်ပြိုင်ထိုးကြိတ်ခဲ့တဲ့ ပွဲတွေအတွက် လူသိများခဲ့ပါတယ်။ ၁၉၇၁ ခုနှစ်မှာ သူက Muhammad Ali ကို အလဲထိုးနိုင်ခဲ့တဲ့အတွက် ပထမဆုံး Muhammad Ali ကို အနိုင်ထိုးနိုင်ခဲ့သူ အဖြစ် Joe Frazier ဟာ လက်ဝှေ့သမိုင်းမှာ မှတ်တမ်းတင်စရာဖြစ်ခဲ့ပါတယ်။ ဒီပွဲကို ရာစုနှစ်ရဲ့ ပွဲကြီး ပွဲကောင်းတခုလို့တောင် တင်စားခေါ်ဝေါ်ကြပါတယ်။
၁၉၇၅ ခုနှစ်က ဖိလစ်ပိုင်နိုင်ငံမှာလုပ်ခဲ့တဲ့ Thrilla in Manila ဆိုတဲ့ နာမည်ကြီးပွဲအပါအဝင် မိုဟာမက်အလီနဲ့ ထိုးခဲ့တဲ့ ၂ ပွဲမှာတော့ Frazier ရှုံးနိမ့်ခဲ့ပါတယ်။ Joe Frazier ဟာ ၁၉၆၄ ခုနှစ်မှာ အမေရိကန်ပြည်ထောင်စုအတွက် အိုလံပစ် ရွှေတံဆိပ်ဆု ဆွတ်ခူးပေးခဲ့ပြီးနောက်မှာ ကြေးစား လက်ဝှေ့သမား ဖြစ်လာခဲ့တာပါ။
Joe Frazier ဟာ ၁၉၇၆ ခုနှစ်မှာ လက်ဝှေ့လောကကနေ အနားယူခဲ့ပါတယ်။ သူအနားယူချိန်မှာ ပွဲပေါင်း ၃၂ ပွဲနိုင်၊ ၄ ပွဲရှုံးနဲ့ ၁ ပွဲသရေ ထိုးကြိတ်ခဲ့ပါတယ်။
မြန်မာ အာဆီယံ ဥက္ကဌ ဖြစ်လာဖွယ်ရှိ
လာမည့် ၂၀၁၄ ခုနှစ်တွင် မြန်မာက အာဆီယံ အလှည့်ကျ ဥက္ကဌ တာဝန်ယူရန်အတွက် ကြိုးပမ်းမှုကို အာဆီယံ ခေါင်းဆောင်များက ထောက်ခံ အားပေးဖွယ်ရှိကြောင်း အင်ဒိုနီးရှား နိုင်ငံခြားရေး ၀န်ကြီး မာတီ နာတာလီဂါဝါက ယနေ့ ပြောဆိုလိုက်သည်။ ယင်း ကိစ္စသည် ပြီးခဲ့သည့်မေလ အာဆီယံထိပ်သီး စည်းဝေးပွဲနှင့် ဇူလိုင်လ အာဆီယံ နိုင်ငံခြားရေး ၀န်ကြီးများ အစည်းအဝေးကတည်း က အစီအစဉ်ရှိပြီးဖြစ်ကြောင်း၊ နောက်တပတ်အတွင်း၌ အမေရိကန် သမ္မတ အိုဘားမား တက်မည့် အင်ဒိုနီးရှားနိုင်ငံ ဘာလီကျွန်း တွင် ကျင်းပမည်ဖြစ်သော အာဆီယံ အရှေ့အာရှ ထိပ်သီးစည်းဝေးပွဲ၌ မြန်မာသည် အာဆီယံ နိုင်ငံများကိုယ်စားပြု၍ မိန့်ခွန်းပြော ရန်ရှိကြောင်းလည်း AFP သတင်းတွင် ပါရှိသည်။
ပျဉ်းမနားမြို့ ပန်းချီပြပွဲ ပိတ်ပင်ခံရ
ပျဉ်းမနားမြို့၌ ယခုလ ၅ ရက်တွင် ကျင်းပရန် စီစဉ်ထားသည့် “ထူးချွန် ထင်ရှား ပေါင်းလောင်းသား” ပန်းချီပြပွဲကို ဒေသခံ အာဏာ ပိုင်များက ခွင့်ပြုမိန့်မပေးခဲ့ကြောင်း ပါဝင်ပြသမည့် ပန်းချီဆရာတဦးက ပြောသည်။ မူလက နိုဝင်ဘာ ၁ ရက်တွင် ပြပွဲကျင်းပ ရန် စီစဉ်ထားသော်လည်း အာဏာပိုင်များက ရက်ရွှေ့ဆိုင်းရန်ပြောသည့်အတွက် ၅ ရက်သို့ ပြောင်းလဲခဲ့ရ။
08.11.2011 နေ့ဖတ်ရန်သတင်းများ
by Myanmar Journal
လူထုက ထောက်ခံ အားပေးမှု ရနေတဲ့တရုတ် အနုပညာရှင်Ai Wei Wei ကိုလူထုက ထောက်ခံကြောင်းပြသ
တရုတ်အစိုးရကို ဝေဖန်သူ အနုပညာရှင် Ai Wei Wei ကိုအမြတ်ခွန်ဒေါ်လာ နှစ်သန်းခွဲ ပေးဆောင်ဖို့ အစိုးရက ချမှတ် လိုက်တဲ့အပေါ် သူ့ကိုထောက်ခံ သူတွေက အလှူငွေပေးပို့ တုန့်ပြန် လျက်ရှိတယ်လို့ သူကပြောပါတယ်။
ဒေါ်လာ၅သိန်းလောက် အင်တာနက်နဲ့ ဘဏ်တွေကတဆင့် လွှဲပြောင်းပေးပြီး အချို့ ထောက်ခံသူတွေက နေအိမ်အတွင်းကို စက္ကူလေယဉ်လုပ်ပြီး ပစ်ပေးခဲ့ကြပါတယ်။ နိုင်ငံရေး ရည်ရွယ်ချက်နဲ့အစိုးရရဲ့ ဆောင်ရွက်ချက်ကို လူထုက စည်းလုံးစွာ ထောက်ခံတာ အံ့သြ လောက်တယ်လို့ ဘီဘီစီကို ပြောပါတယ်။
ဒါ့အပြင်သူ့ကို လူသောင်းချီပြီး ငွေတွေပို့ပေးနေကြောင်၊သူ့ကို ထောက်ခံနေတယ်ဆိုတာ အားလုံးသိဖို့နဲ့ အစိုးရရဲ့ စွပ်စွဲချက်တွေဟာ မမှန်မကန်လုပ်ကြံမှုတွေ ဖြစ်တယ်ဆိုတာ သိအောင် လုပ်တာလို့ ထောက်ခံသူတွေက ပြောကြောင်း Ai Wei Wei ကဆိုပါတယ်။
ရွေးကောက်ပွဲ မဝင်လို့ NLD လူထု ထောက်ခံမှုပိုရNLD ပါတီအနေနဲ့ ၂၀၁၀ ရွေးကောက်ပွဲ မဝင်တာဟာ မှန်တဲ့ဆုံးဖြတ်ချက်ဖြစ်ပြီး လူထုထောက်ခံမှု ပိုရတယ်လို့ ပါတီ ဒုတိယဥက္ကဌ ဦးတင်ဦးက ဘီဘီစီကို ပြောပါတယ်။
လက်ရှိနိုင်ငံရေး အခြေအနေနဲ့ပတ်သက်လို့ အစိုးရသစ်နဲ့ ဒေါ်စုတို့တွေ့ဆုံမှုဟာ အရင်လက်ထက်ကနဲ့စာရင် ပိုအပြုသဘော ဆောင်ပြီး လိုက်လျောမှု တချို့ရှိတယ်လို့ဆိုပါတယ်။
အဓိကအားဖြင့် ပြောထားတဲ့အတိုင်း သီတင်းကျွတ်မှာ နိုင်ငံရေးအကျဉ်းသားတချို့ ပြန်လွှတ်တာ၊ နိုင်ငံရေးကြောင့် အကျဉ်းကျသူတွေ နိုင်ငံရေးလုပ်ခွင့် ရွေးချယ်ခံခွင့် ရှိတာတွေဟာ လိုက်လျောမှု ဖြစ်တယ်လို့ပြောပါတယ်။
ဒါ့အပြင် ၂၀၀၈ခုနှစ် အခြေခံဥပဒေဟာ ဒီမိုကရေစီအတွက် အငြင်းပွားစရာ အချက်တွေ ပါရှိပေမဲ့ ညှိနှိုင်းအဖြေရှာယူရင် ရနိုင်တယ်လို့ သူယူဆကြောင်း ရွေးကောက်ပွဲ နှစ်ပတ်လည်နေ့မှာ လက်ရှိနိုင်ငံရေး အခြေအနေကို ဦးတင်ဦးက သုံးသပ်သွားပါတယ်။
နိုင်ငံရေး ပြောင်းလဲမှု အကြီးအမား လုပ်ခဲ့လို့ ဆိုစစ်တပ် ကိုယ်စားလည် က လွှတ်တော် မှာ ၂၅ ရာခိုင်နှုန်း နေရာ ကို ယူတဲ့ ဥပဒေ ကို ပြဌာန်းထား
ရွေးကောက်ပွဲ တနှစ် တာ ကာလ အတွင်း နိုင်ငံရေး အရ ပြောင်းလဲမှု တွေ အကြီး အမား ဖြစ်ပေါ် ခဲ့ကြောင်း မြန်မာ အစိုးရ အကြီးအကဲ ရဲ့ နိုင်ငံရေး အကြံပေး တဦး ဖြစ်တဲ့ ဒေါက်တာ နေဇင်လတ် က ဘီဘီစီ ကို ပြော ပါတယ်။
နိုင်ငံရေး နောက်က စီးပွားရေး ပြုပြင် ပြောင်းလဲ ရေး တွေ၊ လူမှုရေး ဆိုင်ရာ ပြောင်းလဲရေး တွေ တဖြည်းဖြည်း နဲ့ လိုက် လာပြီ လို့လည်း သူ က ဆိုပါတယ်။
အစိုးရ ရဲ့ ပြောင်းလဲမှု တွေ ဟာ အရင်အစိုးရ ရဲ့ လွှမ်းမိုးမှု အောက်က ရုန်းမထွက် နိုင် သေးဘူး လို့ မြင်ကြတဲ့ သူတွေ ကို တော့ အရင် မြန်မာ့ ဆိုရှယ်လစ် လမ်းစဉ် ခေတ် ၂၆ နှစ်၊ နောက် စစ်အစိုးရ အုပ်ချုပ်တဲ့ ခေတ် ၂၃ နှစ် စတဲ့ နှစ်ပေါင်းများစွာ ယဉ်ကျေးမှု တခု လို စွဲကျန် နေတဲ့ တွေးမြင်ပုံ စဉ်းစားပုံ တွေ ဟာ နေရာတိုင်း မှာ ရှိနိုင်သေး ပြီး ချက်ချင်း ပြောင်းလဲ ဖို့ ကတော့ မလွယ် သေးဘူး လို့ သမ္မတ အကြံပေး က တုန့်ပြန် ပြောဆိုပါတယ်။
ဒါပေမယ့် ပြောင်းလဲမှု တွေ ဟာ ရေရှည် တည်တံ့နိုင်တဲ့ အပြောင်းအလဲ တွေ လား၊ အခြေခံ လူထုတွေ နိုင်ငံရေး အရ၊ စီးပွားရေး အရ၊ လူမှုရေး အရ အခွင့် အရေး တွေ ခံစား နိုင်ကြ ပါ့မလား စတဲ့ အပေါ် တွေ မှာ တော့ မယုံကြည် နိုင်သူတွေ အများအပြား ရှိနေ ကြပါတယ်။
၂၀၁၀ ရွေးကောက်ပွဲ နေ့ ကရွေးကောက်ပွဲ ဝင်ခဲ့ သူတွေရဲ့ ရွေးကောက်ပွဲ တနှစ်တာ သုံးသပ်ချက်ရွေးကောက်ပွဲ ဝင်ပြီး ဒီမိုကရေစီဘောင်ကို တဖြည်းဖြည်း ချဲ့ယူမယ်ဆိုတဲ့ အမြင် နဲ့ ရွေးကောက်ပွဲ ဝင်ခဲ့ကြသူတွေ အခု ရွေးကောက်ပွဲ အပြီး တနှစ် ကြာလာတဲ့ အချိန်မှာ မျှော်မှန်းချက် တွေ ဘယ်လောက် အကောင်အထည် ပေါ်ခဲ့ ပြီလဲ။
၂၀၁၀ ရွေးကောက်ပွဲကြောင့် တချို့အပိုင်း တွေမှာ အတိုင်းအတာတခုအထိ အကျိုး ရလာဒ်တွေ ထွက်ခဲ့ပေမယ့် သူတို့ မျှော်လင့် သလောက်တော့ ခရီး မရောက်သေးဘူး လို့ သူတို့ က ဆိုကြ ပါတယ်။
ရွေးကောက်ပွဲ ဝင်ခဲ့တဲ့ ဒီမိုကရက်တစ် ပါတီ (မြန်မာ) ရဲ့ ဥက္ကဌ ဦးသုဝေ က အခုအခါ လွှတ်တော် ထဲကိုရောက်လာတဲ့ နိုင်ငံရေး ပါတီ ကိုယ်စားလှယ်တွေကို ပြောဆို ပိုင်ခွင့်တွေ ပေးတာ၊ အစိုးရဖက်က ပြုပြင် ပြောင်းလဲမှုတွေ လုပ်ပြ လာတာ တွေကို ကြည့်ရင်၊ ရွေးကောက်ပွဲ မတိုင်ခင် က သူတို့တွက်ချက် ခဲ့သလို စစ်တပ် ဟာ နိုင်ငံရေး ကနေ တဖြည်း ဖြည်း ဆုတ်ခွာ နေတယ် လို့ ဦးသုဝေ က ရှုမြင်ပြီး၊ အပြောင်းအလဲ ကို လိုလားသူ တွေ က ဒီမိုကရေစီရေး အတွက် ကိုယ်တိုင် ဝင်တိုးပြီး လုပ်ဖို့ လိုတယ် လို့ ဆိုပါတယ်။
ရွေးကောက်ပွဲ ဝင်ခဲ့တဲ့ နောက်ထပ် ပါတီတခု ဖြစ်တဲ့ ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ် ရဲ့ ဥက္ကဌ ဦးအေးလွင် ကတော့၊ ရန်ကုန်တိုင်း ဒေသကြီး လွှတ်တော်မှာ ပါဝင်တဲ့ ၈၈ မျိုးဆက် ကျောင်းသားလူငယ်များ (ပြည်ထောင်စုမြန်မာနိုင်ငံ) ပါတီ ကိုယ်စားလှယ်ရဲ့ အတွေ့အကြုံနဲ့ နှိုင်းယှဉ် ထောက်ပြရင်း လွှတ်တော် ဟာ ဟန်ပြသာ ဖြစ်တယ် လို့ ဆိုပါတယ်။
ဒါပေမယ့် စစ်တပ် အုပ်ချုပ်တဲ့စံနစ် ကနေ ဖွဲ့စည်းပုံ ဥပဒေ ကို မူတည်တဲ့ အရပ်ဖက် အုပ်ချုပ်ရေး စံနစ် ဆီကို ဦးတည်ပြောင်းလဲ လာစေဖို့ ဆိုတဲ့ သူတို့ရဲ့ နိုင်ငံရေး ရည်မှန်းချက် ကတော့ အောင်မြင် ခဲ့တယ် လို့ ဦးအေးလွင် က ပြောပါတယ်။
တခါ တိုင်းရင်းသားတွေ ဖက်ကို ကြည့်ရင်လည်း ၂၀၁၀ ရွေးကောက်ပွဲကြောင့် ပေါ်ပေါက် လာတဲ့ ပြည်ထောင်စု နဲ့ ပြည်နယ် လွှတ်တော်တွေ ထဲမှာ သူတို့ အခွင့်အရေး အတွက် ပြောဆို ပိုင်ခွင့်တွေ အရင်က ထက် ပိုရ လာ ခဲ့ပါတယ်။
ဒါပေမယ့် တကယ်တမ်း သူတို့ ဒေသတွေ ရဲ့ ဖွံ့ဖြိုး တိုးတက်ရေး အတွက် ဆောင်ရွက်နိုင်တဲ့ အခြေအနေ ကိုတော့ မတွေ့ ရသေးပါဘူး။
တဖက်မှာလည်း တိုင်းရင်းသား လက်နက်ကိုင် တွေကို နယ်ခြား စောင့်တပ်ဖွဲ့ အဖြစ် ပြောင်းလဲဖို့ အစိုးရ ရဲ့ ဆောင်ရွက်ချက် တွေကြောင့် ငြိမ်းချမ်း ရေး ဖြစ်မလာဘဲ ရွေးကောက်ပွဲ ပြီး တနှစ် တာ ကာလ မှာ သေနတ်သံ တွေသာ ပိုကြား လာရပြီး ပြည်တွင်း စစ်မီး ပြန်တောက် ခဲ့ တယ်လို့ တိုင်းရင်းသား တွေ ဘက် က ပြောနေ ကြ ပါတယ်။
ရွေးကောက်ပွဲပြီး ကချင်မှာ မတိုးတက်သေးလို့ ဆိုကတုတ်ကျင်းပြင်နေတဲ့ KIA တပ်သားများ
ရွေးကောက်ပွဲပြီးနောက်ပိုင်း ကချင် ပြည်နယ်တွင်းမှာ နိုင်ငံရေးရော၊ တိုင်းရင်းသား အရေးတွေမှာပါ အခြေအနေတွေ ပိုဆိုးလာ တယ်လို့ ကချင်လွတ်လပ်ရေး တပ်မတော် (KIA) ဘက်က ပြောပါတယ်။
ရွေးကောက်ပွဲ မစခင်ကတည်းက မြန်မာအစိုးရကနေ နယ်ခြားစောင့်တပ်ထဲ ဝင်ခိုင်းတဲ့ အပေါ် မြန်မာအစိုးရစစ်တပ်နဲ့ ကေအိုင်အေတပ်တွေကြား တင်းမာမှုတွေ ရှိခဲ့ရာက ဇွန်လ ၉ ရက်နေ့က စလို့ တိုက်ပွဲတွေ ပြင်းထန် လာခဲ့ပါတယ်။
တိုက်ပွဲတွေ တဖြည်းဖြည်းများလာပြီး အောက်တိုဘာလ တလအတွင်းမှာပဲ ပစ်ခတ် တိုက်ခိုက်မှုဖြစ်ရပ်ပေါင်း ၁၈၀ လောက် ရှိတယ်လို့ (KIA) က ဒုတိယစစ်ဦးစီးချုပ် ဗိုလ်မှူးချုပ် ဂွမ်မော်က ဘီဘီစီကို ပြောပါတယ်။
ကချင် ပြည်နယ် အစိုးရဘက်နဲ့ KIO/KIA တို့ကြား အစပိုင်းမှာ ဆွေးနွေး မှုတွေ ရှိခဲ့ပေမယ့် လတ်တလောကာလမှာတော့ ဆွေးနွေးပွဲတွေ မရှိတော့ပါဘူး။
တိုးတက်မှုတွေ မရှိသေးတဲ့ အကြောင်းရင်းတွေထဲမှာ ပြည်ထောင်စုအရေး၊ တိုင်းရင်းသားတွေရဲ့တန်းတူအခွင့်အရေး တွေအပေါ် အစိုးရဘက်က သဘောထား နဲ့ နှစ်ဘက် အပြန်အလှန် အသိအမှတ်ပြုရေးကိစ္စတွေမှာ ရှင်းရှင်း လင်းလင်း မရှိတဲ့ ကိစ္စ တွေလည်း ပါဝင်တယ်လို့ ဗိုလ်မှူးချုပ် ဂွမ်မော်က ပြောပါတယ်။
လက်နက်ကိုင် တိုင်းရင်းသား ကိစ္စဟာ နိုင်ငံရေးပြဿနာဖြစ်လို့ နိုင်ငံရေး နည်းနဲ့ ဖြေရှင်းဖို့ လိုအပ်နေပြီး အဲဒီလို မဖြေရှင်း နိုင်သေးရင်တော့ အပစ်အခတ် ရပ်စဲကြရင်တောင် ယာယီအပစ်ရပ်တာမျိုးပဲ ဖြစ်နိုင်မယ်လို့ သူက ပြောပါတယ်။
ရွေးကောက်ပွဲ တနှစ်ပြည့်ဒီနေ့ဟာ ဆိုရင် မြန်မာ နိုင်ငံမှာ အထွေထွေ ရွေးကောက်ပွဲ ကြီး ကျင်းပခဲ့တာတနှစ်ပြည့် တဲ့နေ့ ဖြစ်ပါတယ်။ မနှစ်က ဒီလို အချိန်မှာ နှစ်ပေါင်း ၂၀ အတွင်းမှာ ပထမဆုံး အကြိမ် အဖြစ် မဲ ပေးသူ ပေါင်း ၂၉ သန်း က မဲဆန္ဒ တွေ ပေးနိုင် ခဲ့ကြပါတယ်။
အဲဒီ ရွေးကောက် ပွဲနဲ့ ပတ်သက်လို့ မဲ မသမာ မှုတွေ ရှိခဲ့ တယ် ဆိုပြီး ပြောခဲ့ ကြသလို ထင်ရှား တဲ့ လူထု ခေါင်းဆောင် ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ် ကလဲ ဝင်ရောက် ယှဉ် ပြိုင် ခြင်းမရှိ ခဲ့ပါဘူး ။
အဲဒီ ရွေးကောက် ပွဲမှာတော့ ကြံ့ခိုင်ရေး ပါတီက အနိုင်ရခဲ့ပါတယ်။ ရွေးကောက်ပွဲ အပြီးမှာ တက်လာတဲ့ အစိုးရသစ် က လွန်ခဲ့တဲ့ တနှစ် ကျော်လောက် က မဖြစ်နိုင် လောက်ဘူး လို့ ထင်ရတဲ့ အတိုက်အခံ တွေနဲ့ ဆက်ဆံ မှုတွေ ပြုလုပ် လာတာတွေ စတဲ့နိုင်ငံရေး ပြောင်းလဲမှု တွေကို တော့ ပြီးခဲ့တဲ့ လပိုင်းတွေ အတွင်းမှာ တွေ့လာ ခဲ့ရပါတယ်။
ရွေးကောက်ပွဲ တနှစ်ပြည့်ခဲ့ပြီ ဖြစ်လို့ ရှမ်းပြည်နယ်၊ သစ်တောနဲ့ သတ္တုတွင်း ဝန်ကြီးဌာန ဝန်ကြီး၊ သိန္နီ မြို့နယ် မဲဆန္ဒနယ် မှ လွှတ်တော် ကိုယ်စားလှယ် လည်းဖြစ်တဲ့ စိုင်းအိုက်ပေါင်း ကို ရှမ်းပြည်နယ် ဖွံ့ဖြိုးရေး ပိုင်းဆိုင်ရာ မှာ အားရ ကျေနပ်မှု၊ လုပ်ပိုင်ခွင့် ရှိမရှိ မေးရာမှာ၊ မူလတန်း အခမဲ့ ကျောင်းပညာရေး နဲ့ စီးပွားရေး အသင့်အတင့် ကောင်းပေမယ့် လမ်းပန်း ဆက်သွယ်ရေး မကောင်းသေး တဲ့ အကြောင်း ဘီဘီစီ ကို ပြောပါတယ်။
ဝန်ကြီးတဦး အနေနဲ့တော့ သစ်တောနဲ့ ပတ်သက်လို့ သဘာဝ ပတ်ဝန်းကျင် ထိန်းသိမ်းရေး နဲ့ ရှမ်းပြည် လူထုအနေနဲ့ ပြည်နယ်ထွက် သတ္တုတွင်း တွေမှာ ရင်းနှီးမြှုပ်နှံရေး အပိုင်းမှာ အကူအညီ ပေးနိုင်ပုံ တွေ ဘီဘီစီ ကို ရှင်းပြပါတယ်။
ကြံ့ခိုင်ဖွံ့ဖြိုးရေး အစိုးရ ဦးဆောင်တဲ့ အစိုးရ ဆိုပေမယ့် ရှမ်းဝန်ကြီး တဦး အပေါ်မှာ လုပ်ဖေါ် ကိုင်ဖက်လို သဘောထားပုံ၊ ခွဲခြား လုပ်ဆောင်မှု မရှိတဲ့ အကြောင်းလည်း ပြောပြပါတယ်။
ဘဏ္ဍာရေးဆိုင်ရာ ဆွေးနွေးပွဲ ဒေါ်အောင်ဆန်းစုကြည် တက်ရောက်
2011-11-07
အီးယူ ဥရောပ သမဂ္ဂနဲ့ ပူးတွဲပြီး မြန်မာ့ ဘဏ္ဍာရေးနဲ့ အခွန်ဝန်ကြီးဌာနက ဒီကနေ့ ဦးစီး ကျင်းပတဲ့ ဘဏ္ဍာရေး ဆိုင်ရာ ဖွံဖြိုးတိုးတက်မှု အလုပ်ရုံ ဆွေးနွေးပွဲကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အထူး ဧည့်သည်တော် အဖြစ် တက်ရောက်ခဲ့ပါတယ်။
အခုလို အစိုးရရဲ့ မူဝါဒပိုင်းဆိုင်ရာ ဆွေးနွေးပွဲတွေကို ဒေါ်အောင်ဆန်းစုကြည် တက်ရောက်လာတဲ့ အတွက် သမ္မတ ဦးသိန်းစိန် အစိုးရအဖွဲ့နဲ့ ဒေါ်အောင်ဆန်းစုကြည် အကြား နားလည်မှုတွေ ပိုပြီး တည်ဆောက်လာနိုင်တာ တွေ့မြင်နေရတယ်လို့ ဆွေးနွေးပွဲ တက်ရောက်ခဲ့သူ ရန်ကုန် မီဒီယာအဖွဲ့ ဥက္ကဋ္ဌ ဦးကိုကို (စက်မှုတက္ကသိုလ်) က အာအက်ဖ်အေကို ပြောပါတယ်။“ဒေါ်စုကို ရှေ့ဆုံးတန်းမှာ နေရာပေး ပါတယ်။ အားလုံးက လှိုက်လှိုက်လှဲလှဲ ကြိုပါတယ်။ ဘဏ္ဍာရေးနှင့် အခွန်ဝန်ကြီး ဌာန ပြည်ထောင်စု ဝန်ကြီး ဦးလှထွန်းကလည်း အဖွင့်မိန့်ခွန်းမှာ ကျွန်တော်တို့ရဲ့ အမကြီး ဒေါ်အောင်ဆန်းစုကြည်ကိုလည်း ကျေးဇူးတင်ပါတယ်လို့ ပြောပါတယ်။ နောက်ပြီး ဝန်ကြီးနဲ့ ဒေါ်စု ရင်းရင်းနှီးနှီး စကားပြောဆိုနေတာ တွေ့ရပါတယ်"ဒါ့အပြင် မြန်မာနိုင်ငံမှာ စီးပွားရေး နိုင်ငံရေး ပြုပြင် ပြောင်းလဲမှုတွေ လုပ်နေတာနဲ့ အချိန်ကိုက် ဘဏ္ဍာရေး ဆိုင်ရာ ကိစ္စတွေမှာ တိုးတက်မှုတွေ ရှိလာအောင် မူဝါဒတွေ ချမှတ်နိုင်ဖို့ ဒီဆွေးနွေးပွဲကို ကျင်းပတာလို့ ဦးကိုကိုက ပြောပါတယ်။ စီးပွားရေး လုပ်ငန်းရှင်တွေ အနေနဲ့လည်း မြန်မာနိုင်ငံမှာ ခိုင်မာတဲ့ ငွေကြေး လည်ပတ်မှု စနစ်တစ်ရပ် ဥပဒေနဲ့အညီ ဖြစ်ပေါ်လာဖို့ မျှော်လင့်နေကြတယ်လို့ သိရပါတယ်။ဒီကနေ့ ရန်ကုန်မြို့ Chatrium ဟိုတယ်မှာ ကျင်းပတဲ့ ဘဏ္ဍာရေး ဆိုင်ရာ ဆွေးနွေးပွဲကို ဂျာမန် စီးပွားရေးပညာရှင် Dr. Hans Dieter Seibel နဲ့ မြန်မာ့စီးပွားရေး ပညာရှင်လည်းဖြစ် သမ္မတ အကြံပေးလည်း ဖြစ်တဲ့ ဒေါက်တာဦးမြင့်တို့ အပြင် ဘဏ်လုပ်ငန်းရှင်တွေ စီးပွားရေးပညာရှင်တွေ တက်ရောက် ဆွေးနွေးခဲ့ကြပါတယ်။
မလေးရှားမှာ တရားမ၀င် မြန်မာအလုပ်သမားတွေ နိုင်ငံကူး လက်မှတ် အခက်တွေ့
2011-11-07
တရားမဝင် နိုင်ငံခြားသား အလုပ်သမားတွေကို မလေးရှား အစိုးရက လွတ်ငြိမ်း ချမ်းသာခွင့် ပေးလိုက်ပြီးတဲ့နောက် မြန်မာသံရုံးမှာ နိုင်ငံကူး လက်မှတ် ပတ်စပို့ လျှောက်တဲ့အခါ မြန်မာအလုပ်သမားတွေ အခက်တွေ့နေရကြောင်း သိရပါတယ်။
မြန်မာသံရုံးမှာ ပတ်စပို့ လျှောက်တဲ့အခါ ပထမဦးဆုံး ကိုယ်ရေး ရာဇဝင် ပုံစံဖြည့်စွက် တင်ပြရပြီး သံရုံးက အမှတ်စဉ် နံပါတ် ထုတ်ပေးပါတယ်။ အမှတ်စဉ် အလိုက် ခေါ်ယူရာမှာ မိမိတို့ အလှည့် ရောက်မရောက် ဖုန်းဆက်မေးရင် သံရုံးက မဖြေကြားတဲ့ အတွက် အကြိမ်ကြိမ် ကိုယ်တိုင် သွားရောက် ကြည့်ရှုကြရတာကြောင့် အချိန်ကုန် အလုပ်ပျက်ကြရတယ်လို့ အလုပ်သမားများ အရေး ဆောင်ရွက်နေတဲ့ မြန်မာ့ ဒီမိုကရေစီရေး လှုပ်ရှားမှုအဖွဲ့  Burma Campaign Malaysia တာဝန်ခံ ကိုထွန်းထွန်းက ပြောပါတယ်။အားလုံး ပြီးစီးလို့ ပတ်စပို့ စာအုပ် ထုတ်ယူတဲ့ အခါမှာလည်း စာရွက် စာတမ်းကြေး ဆိုပြီး ပြေစာမရဘဲ ရင်းဂစ် တစ်ဆယ် ပေးခဲ့ရတယ်လို့လည်း မြန်မာ အလုပ်သမားတွေက ပြောပါတယ်။ဒါပေမဲ့ အဲဒီလို မြန်မာ သံရုံးမှာ ဒုက္ခမခံနိုင်တဲ့သူတွေက မြို့ထဲက လက်ခွဲ အလုပ်သမား အေးဂျင့်တွေဆီမှာ ဝန်ဆောင်ခ ရင်းဂစ် ခုနစ်ရာ ရှစ်ရာပေးပြီး ပတ်စပို့တွေ လွယ်လွယ် ကူကူ ရနေကြောင်းလည်း ကိုထွန်းထွန်းက ပြောဆိုပါတယ်။နိုင်ငံကူး လက်မှတ် ပတ်စပို့ စာအုပ်တစ်အုပ် အတွက် မလေးရှား ရင်းဂစ် ၄၈၀ ပေးရပေမဲ့ တခြား နိုင်ငံတွေကို သွားလာခွင့် ရှိကြောင်း စာအုပ်မှာ ထပ်ဆင့် ထောက်ခံစာ ထည့်မပေးဘူးလို့ ကိုထွန်းထွန်းက ပြောပါတယ်။မလေးရှား အစိုးရရဲ့အဆိုအရ မှတ်ပုံတင်သူ တရားမဝင် မြန်မာ အလုပ်သမား နှစ်သိန်း သုံးသောင်းလောက် ရှိပါတယ်။ ပတ်စပို့ လျှောက်ထားသူတွေကို မြန်မာသံရုံးက တစ်နေ့ ဦးရေ (၂၅၀) နှုန်းနဲ့ ထုတ်ပေးနေတယ်လို့ သိရပါတယ်။
၂ဝ၁၈ ကမ္ဘာ့ဖလားဘောလုံး ခြေစစ်ပွဲတွေမှာ မြန်မာအသင်း ပါဝင် ယှဉ်ပြိုင် ခွင့်ပြု
2011-11-07
မြန်မာနိုင်ငံဘောလုံး အဖွဲ့ချုပ်ရဲ့ အသနားခံစာနဲ့ ပတ်သက်လို့ တချို့ကို လက်ခံလိုက်ပြီး မြန်မာ အသင်းကို ခြေစစ်ပွဲတွေမှာ ပြန်လည် ယှဉ်ပြိုင်ခွင့် ပြုလိုက်ကြောင်း FIFA ရဲ့ ထုတ်ပြန်ချက်မှာ ဖော်ပြထားပါတယ်။
မြန်မာနိုင်ငံ ဘောလုံး အဖွဲ့ချုပ်အပေါ် ချမှတ်ထားတဲ့ ဒဏ်ငွေကိုတော့ ပေးဆောင်ရမှာ ဖြစ်ပါတယ်။ပြီးခဲ့တဲ့ ဇူလိုင်လ ၂၉ ရက်က ရန်ကုန်မြို့ သုဝဏ္ဏ အားကစားကွင်းမှာ ပြုလုပ်တဲ့ မြန်မာနဲ့ အိုမန် ခြေစစ်ပွဲမှာ မြန်မာအသင်း ရှုံးနိမ့်နေတာကို မကျေနပ်တဲ့ ပရိသတ်က ကွင်းထဲကို ဖိနပ်တွေ ခဲတွေ ရေပုလင်းတွေနဲ့ ပစ်ပေါက်ခဲ့ကြတဲ့ အတွက် ပွဲပျက်သွားခဲ့ရ ပါတယ်။အဲဒီနောက် စည်းကမ်းမဲ့ အားပေးမှုနဲ့ ၂ဝ၁၈ ကမ္ဘာ့ဖလား ခြေစစ်ပွဲမှာ မြန်မာအသင်း ပါဝင် ယှဉ်ပြိုင်ခွင့် ပိတ်ပင်လိုက်ပြီး ဒဏ်ငွေ အဖြစ် ဆွစ်စ်ဖရန့် ၂ သောင်းခွဲ ပေးဆောင်ဖို့လည်း FIFA က ချမှတ်ခဲ့ ပါတယ်။
မြန်မာ့နိုင်ငံရေး ပြောင်းလဲနေပြီလို့ အီးယူပြောဆို
2011-11-07
မြန်မာနိုင်ငံမှာ နိုင်ငံရေး အပြောင်းအလဲတွေ ဖြစ်နေပြီလို့ မြန်မာ၊ ထိုင်း၊ ကမ္ဘောဒီးယားနဲ့ လော နိုင်ငံဆိုင်ရာ ဥရောပသမဂ္ဂ အီးယူ သံအမတ် David Lipman က ပြောပါတယ်။
ရန်ကုန်မြို့မှာ ဒီကနေ့နဲ့ မနက်ဖြန် ၂ ရက်ကြာ ကျင်းပနေတဲ့ ငွေကြေး ဈေးကွက် ဆိုင်ရာ ပြုပြင်ပြောင်းလဲရေးနဲ့ ဆင်းရဲနွမ်းပါးမှု လျှော့ချရေး အလုပ်ရုံ ဆွေးနွေးပွဲမှာ တက်ရောက်နေတဲ့ အီးယူ သံအမတ် မစ္စတာ David Lipman က သတင်းထောက်တွေကို ပြောခဲ့တာပါ။ရန်ကုန်မြို့မှာ ကျင်းပနေတဲ့ ငွေကြေး ဈေးကွက်ဆိုင်ရာ အလုပ်ရုံ ဆွေးနွေးပွဲမှာ မြန်မာကျပ်ငွေနဲ့ အမေရိကန်ဒေါ်လာ ငွေလဲနှုန်း တစ်မျိုးတည်းဖြစ်ရေး လုပ်ဆောင်သင့်တဲ့ အချက်တွေကို အဓိကထား ဆွေးနွေးနေကြောင်း ဗဟုဖွံ့ ဖြိုးရေး အဖွဲ့ဝင် ဦးအောင်သူငြိမ်းက ပြောပါတယ်။ဒီကနေ့ စတင်ကျင်းပတဲ့ စီးပွားရေးဆိုင်ရာ အလုပ်ရုံ ဆွေးနွေးပွဲကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်လည်း တက်ရောက်ခဲ့ ပါတယ်။ဒါ့အပြင် ဗဟု ဖွံ့ ဖြိုးရေးအဖွဲ့  အကြီးအကဲ ဒေါက်တာ ဇော်ဦး အပြင် အမေရိကနိုင်ငံ Brooking သုတေသန ဌာနက စီးပွားရေး ပညာရှင်တွေလည်း ပါဝင်တယ်လို့ ဆိုပါတယ်။အခုကျင်းပတဲ့ အလုပ်ရုံ ဆွေးနွေးပွဲကို အီးယူအဖွဲ့က ငွေကြေးထောက်ပံ့ ကူညီပေးတာလို့ သိရပါတယ်။လက်ရှိ အီးယူရဲ့ မြန်မာနိုင်ငံဆိုင်ရာ မူဝါဒနဲ့  ပတ်သက်ပြီး ဦးအောင်သူငြိမ်းက အခုလို မြင်ပါတယ်။“မြန်မာနိုင်ငံဘက်က အခြေအနေတွေ တိုးတက်လာတယ်၊ တကယ့်ကို ပူးပေါင်း ဆောင်ရွက်မှုတွေ ကောင်းလာတယ် ဆိုရင် ဥရောပ သမဂ္ဂနိုင်ငံတွေ ဘက်ကလည်း ပြောင်းလာနိုင်စရာ ရှိတယ်လို့ ထင်ပါတယ်။”အမေရိကန်နဲ့ အီးယူ ဥရောပ သမဂ္ဂတို့ဟာ မြန်မာအစိုးရ အဆက်ဆက် လူ့အခွင့်အရေး ချိုးဖေါက်မှုတွေကြောင့် မြန်မာနိုင်ငံ အပေါ် ပိတ်ဆို့ အရေးယူမှုတွေ ချမှတ်ထားဆဲ ဖြစ်ပါတယ်။
အစိုးရက အကျဉ်းသားကိစ္စ အမှန်တကယ် ဆောင်ရွက်မယ်ဆိုရင် AAPP ပူးပေါင်း ကူညီမည်
2011-11-07
အမျိုးသား ပြန်လည် သင့်မြတ်ရေး လုပ်ငန်းစဉ်တွေကို နိုင်ငံရေး အကျဉ်းသားတွေ အားလုံး ချွင်းချက်မရှိ လွှတ်ပေးတာနဲ့ စတင်ဖို့ နိုင်ငံရေး အကျဉ်းသားများ ကူညီ စောင့်ရှောက်ရေး အသင်း AAPP က အစိုးရကို ဒီကနေ့ ကြေညာချက် ထုတ်ပြန် တောင်းဆိုလိုက် ပါတယ်။
အဲဒီလို ဆောင်ရွက်ရာမှာ နိုင်ငံရေး ယုံကြည်ချက်ကြောင့် အကျဉ်းကျနေသူ အားလုံးကို နိုင်ငံရေး အကျဉ်းသား အဖြစ် အသိအမှတ် ပြုပေးရမယ်လို့လည်း ကြေညာချက်မှာ ပါရှိပါတယ်။ဒါ့အပြင် နိုင်ငံရေး အကျဉ်းသား စာရင်းကို အစိုးရ အနေနဲ့ ထုတ်ပြန်ပေးဖို့၊ ပြန်လွတ်လာတဲ့ နိုင်ငံရေး အကျဉ်းသားတွေကို လွတ်လပ်စွာ နိုင်ငံရေး လှုပ်ရှား ခွင့်ပြုဖို့လည်း တောင်းဆိုထားပါတယ်။လက်ရှိ မြန်မာ အစိုးရက နိုင်ငံရေး အကျဉ်းသား မရှိဘူးလို့ ဆက်လက် ငြင်းဆန် နေပေမဲ့ နိုင်ငံတကာကိုတော့ နိုင်ငံရေး အကျဉ်းသား (၃၀၀) လောက် လွှတ်ပေးပြီးပြီလို့ ပြောဆိုတာတွေ ရှိနေတယ်လို့လည်း ရေးသားထား ပါတယ်။ဒါ့အပြင် သမ္မတ အကြံပေး အရာရှိ ဦးကိုကိုလှိုင်က အစိုးရရဲ့ နိုင်ငံရေး အကျဉ်းသား စာရင်းနဲ့ AAPP ခေါ် နိုင်ငံရေး အကျဉ်းသားများ ကူညီစောင့်ရှောက်ရေး အသင်းရဲ့ စာရင်းဟာ ကွဲပြားနေတယ်လို့ ပြောခဲ့တာနဲ့ ပတ်သက်ပြီး အဓိပ္ပာယ် ဖွင့်ဆိုချက် မတူတဲ့ အတွက် ကွဲပြားနေတာလို့ AAPP အဖွဲ့ အလုပ် အမှုဆောင် ကိုဇော်ထွန်းက အာအက်ဖ်အေကို ပြောပါတယ်။“လက်နက်ကိုင် တော်လှန်ရေး လုပ်တယ်။ ဗုံးတွေ ခွဲတယ်ဆိုတဲ့ စွပ်စွဲချက်တွေနဲ့ နိုင်ငံရေး အကျဉ်းသား စာရင်းထဲကို ထည့်မထားတာတွေ ရှိပါတယ်။ ကျွန်တော်တို့ကတော့ နိုင်ငံရေး အကျဉ်းသားလို့ သတ်မှတ်ပါတယ်။”မြန်မာအစိုးရ အနေနဲ့ နိုင်ငံတကာ ကြက်ခြေနီ အသင်း ICRC အပါအ၀င် နိုင်ငံတကာ အဖွဲ့အစည်းတွေ၊ ကုလသမဂ္ဂ လူ့အခွင့်အရေး စုံစမ်း စစ်ဆေးရေး ကော်မရှင် စတာတွေနဲ့ ပူးတွဲပြီး နိုင်ငံရေး အကျဉ်းသား လွတ်မြောက်ရေး ဆောင်ရွက်သွားမယ်ဆိုရင် AAPP အနေနဲ့လည်း ပူးပေါင်း ဆောင်ရွက်သွားမယ်လို့ ကြေညာချက်မှာ ဖော်ပြထားပါတယ်။
ယဉ်ကျေးမှုဆိတ်သုဉ်းအောင် တရုတ်အစိုးရလုပ်နေကြောင်း ဒလိုင်းလားမားဝေဖန်
By ဗွီအိုအေ (မြန်မာဌာန)
တရုတ်အစိုးရရဲ့ တင်းကျပ်တဲ့မူဝါဒတွေဟာ ယဉ်ကျေးမှုတခုလုံး ကွယ်ပျောက်သွားအောင် လုပ်နေတယ်လို့ ဆိုပြီး တိဘက် ဗုဒ္ဓဘာသာရဟန်းတွေနဲ့ သီလရှင်တွေ ကိုယ့်ကိုယ်ကိုအဆုံးစီရင်မှုတွေ ဆက်တိုက်ဆိုသလို ဖြစ်ခဲ့တဲ့ဖြစ်ရပ်တွေအတွက် တိဘက်ဘုန်းတော်ကြီး ဒလိုင်းလားမား က တရုတ်အစိုးရကို ပြစ်တင်ပြောဆို လိုက်ပါတယ်။
အနောက်တောင်ပိုင်း Sichuan ပြည်နယ်မှာ ပြီးခဲ့တဲ့ကြာသပတေးနေ့က အသက် ၃၅ နှစ်အရွယ် မယ်သီလရင်တစ်ပါး ကိုယ့်ကိုယ်ကို အဆုံးစီရင်ခဲ့တာဖြစ်သလို ဒါဟာ မကြာသေးခင်လတွေအတွင်း ရဟန်းနဲ့သီလရှင်တွေ ကိုယ့်ကိုယ်ကို အဆုံးစီရင်ပြီး တရုတ်အစိုးရ မူဝါဒတွေကို ဆန့်ကျင်ဆန္ဒပြကြတဲ့ (၁၁) ကြိမ်မြောက် ဖြစ်ရပ်ပဲဖြစ်ပါတယ်။
တိဘက်ကိုလာရောက် လည်ပတ်ကြတဲ့ တရုတ်ခရီးသွားတွေတောင်မှ တိဘက်မှာ အခြေအနေ ဘယ်လောက်ဆိုးရွားနေတယ် ဆိုတာကို သတိထားမိကြတယ်လို့ ဘုန်တော်ကြီးဒလိုင်းလားမားက ဂျပန်နိုင်ငံမှာ ဒီကနေ့ ပြောလိုက်တာပါ။ ယဉ်ကျေးမှုတစုံလုံး ပျက်သုန်းအောင် လုပ်တာမျိုးတွေ ဖြစ်ပွားနေတယ်လို့လည်း သူက ဆိုပါတယ်။
လွန်ခဲ့တဲ့ ၁၀ နှစ်ကျော် ၁၅ နှစ်တာကာလအတွင်း တိဘက်ဒေသကို အုပ်ချုပ်ဖို့အတွက် ခေါင်းမာတဲ့ တရုတ်အစိုးရအရာရှိတွေကို စေလွှတ်ထားတယ်လို့ ဆိုပြီး ဒီလူတွေကြောင့်ပဲ အခုလို ရဟန်းတွေနဲ့ သီလရှင်တွေ အဆုံးစီရင်တဲ့ဖြစ်ရပ်တွေ ဖြစ်ရတာလို့ ဘုန်းတော်ကြီး ဒလိုင်းလားမားက ပြောပါတယ်။
တရုတ်အစိုးရကတော့ ကိုယ့်ကိုယ်ကို အဆုံးစီရင် ဆန္ဒပြမှုတွေလုပ်ဖို့ ဘုန်းတော်ကြီး ဒလိုင်းလားမားက တိုက်တွန်းနေတယ်လို့ဆိုပြီး အရင်က အခုလို ဖြစ်ရပ်တွေဖြစ်ခဲ့တာတွေမှာ ဘုန်းတော်ကြီးဒလိုင်းလားမားက ပြစ်တင်ဝေဖန်တာမျိုး မရှိခဲ့ဘူးလို့ စွပ်စွဲပြောဆိုထားပါတယ်။
တရုတ်ပြည်က ဗုဒ္ဓစွယ်တော် နေပြည်တော် ရောက်ရှိ
တရုတ်ပြည်မှ ဗုဒ္ဓစွယ်တော်သည် ယမန်နေ့က နေပြည်တော်ရှိ ဥပ္ပါတသန္တိ စေတီတော်သို့ ရောက်ရှိလာသည်။ ယင်းစွယ်တော် ကြိုဆို ပင့်ဆောင်သည့် အခမ်းအနားကို နေပြည်တော်လေဆိပ်မှ စတင်၍ စည်းကားသိုက်မြိုက်စွာ ကျင်းပပြီး နိုင်ငံတော် သံဃ မဟာ နာယကအဖွဲ့ ဥက္ကဌ မန္တလေးမြို့ ဗန်းမော်ကျောင်းတိုက် ပဓာန နာယက ဆရာတော် ဒေါက်တာ ဘဒ္ဒန္တ ကုမာရာဘိဝံသ သမ္မတ ဦးသိန်းစိန် ၊ ဒု သမ္မတ သီဟ သူရ ဦးတင်အောင်မြင့်ဦး၊ ဒု သမ္မတ ဒေါက်တာ စိုင်းမောက်ခမ်း အပါအ၀င် အစိုးရအဖွဲ့ဝင်များက ပူဇော် ဖူးမြော်ကြကြောင်း ယနေ့ထုတ် အစိုးရ သတင်းစာများတွင် ဖော်ပြထားသည်။ ယခုပင့်ဆောင်လာသည့် စွယ်တော်မှာ ဗုဒ္ဓ ၏ အထက် ၀ဲဘက် စွယ်တော်ဖြစ်သည်ဟုလည်း ပါရှိသည်။
အစိုးရစစ်တပ် အဓမ္မပြုကျင့်မှု မှတ်တမ်း ဗီဒီယိုခွေဖြန့်
ကချင်၊ ကရင်နှင့် ရှမ်းပြည်နယ်များ၌ ဖြစ်ပွားနေသော စစ်ပွဲများအတွင်း ဒေသခံ အမျိုးသမီးများအား အစိုးရစစ်တပ်က လိင်ပိုင်း ဆိုင်ရာ အဓမ္မ ပြုကျင့်မှုများနှင့် ပတ်သက်ပြီး “အမျိုးသမီးများအတွက် တရားမျှတမှုကို ဆောင်ကြဉ်းပါ”အမည်ရှိ မှတ်တမ်း ဗီဒီယို အခွေ ထုတ်ဝေ ဖြန့်ချိသည့်အခမ်းအနားကို အမျိုးသမီးများအဖွဲ့ချုပ်(WLB) က ထိုင်းနိုင်ငံ ချင်းမိုင်မြို့ရှိ(IC)ခန်းမတွင် ယနေ့ကျင်း ပ သည်။ ယင်း မှတ်တမ်းဗီဒီယိုသည် အစိုးရ စစ်တပ်၏ စစ်ရာဇ၀တ်မှု ကျူးလွန်မှုများ၊ လူသားမျိုးနွယ်အပေါ် ကျူးလွန်သည့် ရာဇ၀တ်မှုများကို အထောက်အထား ခိုင်လုံစွာဖြင့် ရိုက်ကူးထားခြင်းဖြစ်ကြောင်း WLB က ထုတ်ပြန်ထားသည်။
ရွေးကောက်ပွဲ တနှစ်အကြာ ဘာတွေ ပြောင်းလဲသွားလဲ
ခင်ဦးသာ on November 7, 2011
နှစ်ပေါင်း ၂၀ ကျော်အတွင်း ပထမဆုံးအကြိမ် ကျင်းပပြုလုပ်ခဲ့သော ရွေးကောက်ပွဲ တနှစ်ပြည့်ချိန်တွင် ဗဟိုအဆင့် ပြောင်းလဲမှု တချို့ရှိခဲ့သော်လည်းအောက်ခြေ အုပ်ချုပ်ရေးအဆင့်၌ ဒီမိုကရေစီဆန်သော ပြောင်းလဲမှု တစုံတရာ မတွေ့ရ သေးကြောင်း နိုင်ငံရေးခေါင်းဆောင် တချို့က ပြောသည်။
၂၀၁၀ ခုနှစ် ရွေးကောက်ပွဲ ကာလ၌ မဲဆွယ်နေသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဝင်များ (ဓာတ်ပုံ - Reuters)
“လွှတ်တော်တွေမှာတော့ အပြန်အလှန် ပြောဆိုဆွေးနွေးမှု တွေ့ရပါတယ်၊ ဒါဟာ တိုးတက်မှုတရပ်လို့ ပြောရမှာပါ။ ဒါပေမယ့် ပြည်နယ်အစိုးရအဖွဲ့ လုပ်လို့ ပြောင်းလဲသွားတာ ဒီနေ့အထိ မတွေ့ရသေးပါဘူး။ ပြည်သူတွေဟာ ထမင်းနပ်မှန်ဖို့ မနည်း ကြိုးစားနေရတာ တွေ့ရတယ်” ဟု မွန်ဒေသလုံး ဆိုင်ရာ ဒီမိုကရေစီပါတီ၏ ဥက္ကဋ္ဌ နိုင်ငွေသိန်းက ဆိုသည်။
အမျိုးသားဒီမိုကရေစီ အဖွဲ့ချုပ် (NLD) ခေါင်းဆောင် ဦးဝင်းတင်ကလည်း မြို့ပြနှင့် ကျေးလက်ဒေသများရှိ ပြည်သူများအကြား ဒီမိုကရေစီစံအရ အပြောင်းအလဲ မမြင်တွေ့ရသေးကြောင်း၊ ရပ်ကွက်၊ ကျေးရွာအုပ်ချုပ်ရေး စနစ်များမှာ ယခင် နအဖ အုပ်ချုပ်ရေး ကာလ ပုံစံအတိုင်း ဖြစ်နေသေးကြောင်း ပြောသည်။
“တနှစ်ပြည့်မှာ ပထမဆုံး ပြောချင်တာကတော့ လူထုဆန္ဒမပါဘဲ မဲလိမ်၊ မဲခိုးပြီး ပေါက်ဖွားလာတဲ့ အစိုးရဖြစ်တော့ ပြောရမယ် ဆိုရင် အင်္ဂါမစုံ၊ ဦးနှောက် မပြည့်ဘဲ မွေးလာတဲ့ ကလေးလိုပါပဲ။ ဒီလို ကလေးက ကြီးပြင်းဖို့ မလွယ်သလို ဒီ အစိုးရ ဟာလည်း အရည်အချင်း အပြည့်နဲ့ လုပ်ဆောင်နိုင်ဖို့ အတော်ကြိုးစား ရဦးမှာပါ” ဟု သူက ဆိုသည်။
၂၀၁၀ ပြည့်နှစ် နိုဝင်ဘာလ ၇ ရက်နေ့တွင်ကျင်းပခဲ့သော ရွေးကောက်ပွဲသည် ယနေ့ တနှစ်ပြည့်မြောက်ပြီဖြစ်သည်။ ရွေးကောက်ပွဲ ရလဒ်အဖြစ် သမ္မတဦးသိန်းစိန် ခေါင်းဆောင်သော အစိုးရသစ် တရပ်နှင့် လွှတ်တော် အသီးသီးလည်း ပေါ်ပေါက်နေပြီ ဖြစ်သည်။
ဦးသိန်းစိန်အစိုးရ တာဝန်ထမ်းဆောင်ပြီး တနှစ်နီးပါး ရှိလာသည့်တိုင် အောက်ခြေပြည်သူလူထု၏ လူမှုရေး၊ စီးပွားရေး၊ စား ၀တ်နေရေး အပြောင်းအလဲ တစုံတရာ တိုးတက်ပြောင်းလဲမှု မရှိကြောင်း၊ တိုးတက်ပြောင်းလဲ လာသည့်အရာသည် လျှပ်စစ်မီးခွန်၊ ရေခွန် စသည့် အခွန်ကောက်ခံမှု နှုန်းထားများသာ ဖြစ်ကြောင်း ရခိုင်တိုင်းရင်းသားများ တိုးတက်ရေးပါတီ (RNDP) ၏ ပြောခွင့်ရသူ ဦးခိုင်ပြည်စိုးက ပြောသည်။
၎င်းက “ပြည်နယ်အစိုးရသစ် တက်လာပြီးတဲ့နောက် လျှပ်စစ်မီး အချိန်ပို ပေးလာတာတွေ့ရပါတယ်။ ဒါပေမယ့် ၁၀ ယူနစ်အောက် ဆိုရင် တယူနစ် ၂၅ ကျပ်ဆိုပေမယ့် ၁၀ ယူနစ် ထက် ကျော်သွားရင် တယူနစ်ကို ၄၀၀ ကျပ်ကနေ ၇၀၀ ကျပ်အထိ နေရာအလိုက် ပေးနေကြရပါတယ်။ တနိုင်ငံလုံးမှာ မရှိတဲ့ မီတာနှုန်းထားခကို ရခိုင်ပြည်သူတွေက ပေးနေရတယ်” ဟု ဆိုသည်။
အောက်ခြေအဆင့် ပြုပြင် ပြောင်းလဲမှုများ မတွေ့ရသော်လည်း ဗဟိုအဆင့်၌ ပြောင်းလဲမှု တချို့ ရှိခဲ့သည်ကို အသိအမှတ်ပြု ကြောင်း ဦးဝင်းတင်က ပြောသည်။
“အပေါ်ပိုင်းမှာတော့ အပြောင်းအလဲတချို့ တွေ့ရပါတယ်။ ကျေနပ်စရာ ကောင်းလောက်တဲ့ အပြောင်းအလဲ မဟုတ်ပေမယ့် အသိအမှတ်ပြုရမှာပါ။ ဒီလိုဖြစ်လာရတာတွေဟာလည်း ဒေါ်အောင်ဆန်းစုကြည်ရဲ့ ၀န်းရံမှုကြောင့်လို့ ပြောရမှာပါပဲ” ဟု သူက ဆိုသည်။
ဦးသိန်းစိန် အစိုးရသည် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ နိုင်ငံတကာ သံတမန်များ၊ နိုင်ငံတကာအဖွဲ့ အစည်းများနှင့် ထိတွေ့ဆွေးနွေးခြင်း၊ စာပေစိစစ်ရေး မူဝါဒ အနည်းငယ် ဖြေလျှော့ပေးခြင်း၊ နိုင်ငံရေးအကျဉ်းသားတချို့ လွှတ်ပေးခြင်း၊ တိုင်းရင်းသား လက်နက်ကိုင် အဖွဲ့တချို့နှင့် အပစ်အခတ် ရပ်စဲခြင်း စသည့် ပြုပြင်ပြောင်းလဲရေး တချို့ လုပ်ဆောင်ခဲ့သည်။
သမ္မတ ဦးသိန်းစိန်သည် ပြည်တွင်း၊ ပြည်ပ ရှိမြန်မာနိုင်ငံသားများ၏ ဆန့်ကျင် ကန့်ကွက်မှုကြောင့် တရုတ်နိုင်ငံနှင့်စာချုပ် ချုပ်ဆိုကာ တည်ဆောက်နေသော ကချင်ပြည်နယ်အတွင်းရှိ မေခ၊ မေလိခ တို့ဆုံစည်းရာ ဧရာဝတီ မြစ်ဆုံဆည် တည်ဆောက်ရေး စီမံကိန်းအား ၎င်းအစိုးရသက်တမ်း အတွင်း ဆိုင်းငံ့ပေးခဲ့သည်။
ထို့အပြင် နိုင်ငံခြားငွေလဲလှယ်ရေး ဆိုင်ရာ ပြုပြင်ပြောင်းလဲနိုင်ရန် နိုင်ငံတကာ ငွေကြေးရန်ပုံငွေအဖွဲ့ (IMF)၊ ကမ္ဘာ့ဘဏ် စသည့် နိုင်ငံတကာအဖွဲ့အစည်းများ၏ အကူအညီများ ရယူခြင်း၊ ပြည်တွင်းပြည်ပ ပညာရှင်များပါဝင်သည့် စီးပွားရေး ဆွေးနွေးပွဲများ မကြာခဏ ကျင်းပပေးခြင်း တို့လည်း ပြုလုပ်ခဲ့သည်။
သို့ရာတွင် သာမန် လက်လုပ်လက်စား၊ လယ်သမားများနှင့် အလုပ်သမားများ၏ စားဝတ်နေရေး အခြေအနေမှာမူ တိုးတက်မှုကို မမြင်ရသေးကြောင်း၊ သာမန်ပြည်သူများသည် စားဝတ်နေရေးအတွက် တနိုင်တပိုင် လုပ်ကိုင်ရာတွင် ဒေသဆိုင်ရာ အာဏာပိုင်များ၏ ခေါင်းပုံဖြတ် အမြတ်ထုတ်မှုကို ခံနေရခြင်း၊ ခြိမ်းခြောက်ခြင်းများရှိနေပြီး တိုင်ကြားသော်လည်း အရေးယူမှု မရှိခြင်းများကြောင့် အခက်အခဲ တွေ့နေရကြောင်း နိုင်ငံရေးခေါင်းဆောင်များက ပြောသည်။
အောက်ခြေ အုပ်ချုပ်ရေးယန္တယား၌ ဒီမိုကရေစီစနစ် ကျင့်သုံးနိုင်ရန် ဗဟိုအစိုးရ၏ ဒီမိုကရေစီဆန်သော ဦးဆောင် လမ်းညွှန်မှုသည် အရေးတကြီး လိုအပ်နေကြောင်း ဦးဝင်းတင်က ဆိုသည်။
၎င်းက “မတရားတဲ့နည်းနဲ့ အစိုးရ ဖြစ်လာတော့ လူစဉ်မမီတဲ့ အစိုးရလို့ ပြောရမှာပါပဲ။ ဗဟိုအစိုးရ အဖွဲ့ထဲမှာကိုက အရည်အချင်း မပြည့်ဝသူတွေ၊ အဂတိလိုက်စားသူတွေ များတော့ အောက်ခြေအဆင့်ကို လမ်းညွှန်တာတွေက လွဲနေတယ်။ အောက်ခြေကလည်း ထင်သလို အုပ်ချုပ်နေတော့ ဒီမိုကရေစီဆိုတာနဲ့ အလှမ်းဝေးနေတဲ့ သဘောပါ” ဟု ဆက်ပြောသည်။
ယခင် စစ်အစိုးရ ဦးဆောင်ကျင်းပခဲ့သော ရွေးကောက်ပွဲ၌ နိုင်ငံရေးပါတီပေါင်း ၃၇ ခု ၀င်ရောက်ယှဉ်ပြိုင်ခဲ့ရာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) သည် ၈၂ ရာခိုင်နှုန်းကျော်ဖြင့် အနိုင်ရခဲ့ကြောင်း အစိုးရထုတ် သတင်းစာများက ဖော်ပြခဲ့သည်။
07.11.2011 နေ့ဖတ်ရန်သတင်းများ
by Myanmar Journal on Monday, November 7, 2011 at 8:12am
လက်ဝှေ့ကျော် ဂျိုးဖရေဇီယာ အသည်းအသန်ဖြစ်
By ဗွီအိုအေ (မြန်မာဌာန)
ကမ္ဘာ့လက်ဝှေ့ချန်ပီယံဟောင်း ဂျိုးဖရေဇီယာ (Joe Frazier) ဟာ အသည်းကင်ဆာရောဂါဝေဒနာ အပြင်းအထန် ခံစားနေရတာကြောင့် သေဆုံးလုနီးပါးဖြစ်နေပြီ ဖြစ်ပါတယ်။
အသက် (၆၇) နှစ်အရွယ် ဖရေဇီယာဟာ လွန်ခဲ့တဲ့သီတင်းပတ် လေးငါးပတ်လောက်ကစပြီး ဆေးကုသမှုတွေ ခံနေရပြီး နာတာရှည်ဆေးရုံးမှာ နေနေတာဖြစ်တယ်လို့ သူ့ရဲ့ မန်နေဂျာက ပြောပါတယ်။
ဖရေဇီယာဟာ ၁၉၆၄ ခုနှစ် အိုလံပစ်ပြိုင်ပွဲမှာ အမေရိကန်နိုင်ငံအတွက် ရွှေတံဆိပ် ဆွတ်ခူးပေးခဲ့သူပါ။ အဲဒီနောက် ကြေးစားလက်ဝှေ့လောကကို ၀င်ရောက်ပြီး အောင်မြင်မှုတွေ ရခဲ့ပါတယ်။
ဖရေဇီယာဟာ မိုဟာမက်အလီကို ပထမဆုံး အလဲထိုးနိုင်ခဲ့တဲ့သူ ဖြစ်ပါတယ်။ ၁၉၇၁ ခုနှစ်တုန်းက မိုဟာမက်အလီနဲ့ ထိုးခဲ့တဲ့ အဲဒီပွဲဟာ ပြီးခဲ့တဲ့ရာစုနှစ်ရဲ့ အကောင်းဆုံးပွဲလို့ ဆိုကြပါတယ်။ သူဟာ ၁၉၇၅ ခုနှစ် ဖိလစ်ပိုင်နိုင်ငံ မနီလာမှာထိုးခဲ့တဲ့ “Thrilla in Manila” ပွဲအပါအ၀င် မိုဟာမက် အလီကို နှစ်ကြိမ် ပြန်ပြီးရှုံးခဲ့ပါတယ်။
ဖရေဇီယာဟာ ၁၉၇၆ ခုနှစ်မှာ လက်ဝှေ့လောက ကနေ အနားယူခဲ့ပြီး သူ့ရဲ့ လက်ဝှေ့သက်တမ်းတလျှောက်မှာ ၃၂ ပွဲနိုင်၊ ၁ ပွဲ သရေကျပြီးတော့ ၄ ပွဲ ရှုံးခဲ့ပါတယ်။
SEA Games ဘောလုံးပွဲ မြန်မာအသင်း ၄ မှတ် ရထားပြီး
By ဗွီအိုအေ (မြန်မာဌာန)
အင်ဒိုနီးရှားနိုင်ငံ ဂျကာတာမြို့မှာ ကျင်းပနေတဲ့ အရှေ့တောင်အာရှ အားကစားပြိုင်ပွဲရဲ့ စနေနေ့က ကစားသွားတဲ့ အုပ်စု B ဘောလုံးပွဲမှာ မြန်မာအသင်းဟာ ဗီယက်နမ်ကို ၁၀ ယောက်နဲ့ ကစားပြီး ဂိုးမရှိသရေကျသွားခဲ့ပါတယ်။ ဒီပွဲ ပထမပိုင်းမှာ ဗီယက်နမ်အသင်းက ၁ ဂိုးသွင်းခဲ့ပေမဲ့လည်း စည်းကြပ်ဒိုင်က လူကျွံဘော သတ်မှတ်တဲ့အတွက် မြန်မာအသင်း ဂိုးမပေးခဲ့ရပါဘူး။
ဒုတိယပိုင်းမှာတော့ မြန်မာနောက်တန်းက မိုးဝင်းက ဗီယက်နမ်ရှေ့တန်းလူကို အလွတ်တားခဲ့တဲ့အတွက် တိုက်ရိုက်အနီကတ်ပြပြီး အထုတ်ခံခဲ့ရပါတယ်။ မြန်မာအသင်း ၁ ယောက် အထုတ်ခံခဲ့ရတဲ့အတွက် ဗီယက်နမ်အသင်းက ဂိုးရဖို့ ဖိကစားခဲ့ပေမဲ့ မြန်မာဂိုးသမား သီဟစည်သူနဲ့ နောက်တန်းတွေက ဂိုးမပေးရအောင် ခံကစားသွားနိုင်ခဲ့ပါတယ်။
ဗီယက်နမ်နည်းပြကတော့ မြန်မာအသင်းရဲ့ ခံစစ်ကစားပုံကို ချီးကျူးပြောဆို သွားခဲ့ပါတယ်။ မြန်မာအသင်းဟာ အုပ်စု B မှာ ဗီယက်နမ် နဲ့အတူ ၄ မှတ်ရထားပြီး ဗီယက်နမ်က ဂိုးကွာခြားချက်နဲ့ ဦးဆောင်နေပါတယ်။ မြန်မာအသင်းဟာ အဲဒီအုပ်စု B မှာ တီမော၊ ဖိလစ်ပိုင်၊ ဘရူနိုင်း တို့နဲ့ ၃ ပွဲကစားဖို့ ကျန်ပါသေးတယ်။
ဒေါ်အောင်ဆန်းစုကြည် ကြားဖြတ်ရွေးကောက်ပွဲ ၀င်နိုင်ခြေရှိ
By မသင်းသီရိ
အမျိုးသားဒီမိုကရေစီအဖွဲ့ချုပ် (NLD) ပါတီအနေနဲ့ နိုင်ငံရေးပါတီအဖြစ် မှတ်ပုံတင်ရေး မတင်ရေးကို လာမယ့်နိုဝင်ဘာ ၈ ရက်၊ အင်္ဂါနေ့ကျရင် ဆုံးဖြတ်မယ်လို့ NLD ပါတီက ပြောပါတယ်။ NLD ဟာ နိုင်ငံရေးပါတီအဖြစ် မှတ်ပုံတင်ဖို့ အလားအလာများသလို ကျင်းပဖို့ရှိတဲ့ ကြားဖြတ်ရွေးကောက်ပွဲတွေမှာ ဒေါ်အောင်ဆန်းစုကြည် ၀င်ရောက် ယှဉ်ပြိုင်နိုင်ခြေ ရှိတယ်လို့လည်း NLD ပါတီ ပြောရေးဆိုခွင့်ရှိသူက ဗွီအိုအေက ပြောပါတယ်။ ဒီအခြေအနေ အပြည့်အစုံကိုတော့ မသင်းသီရိ က တင်ပြထားပါတယ်။
နိုဝင်ဘာလ ၄ ရက်နေ့စွဲနဲ့ နိုင်ငံတော်သမ္မတ ဦးသိန်းစိန် ထုတ်ပြန်လိုက်တဲ့ နိုင်ငံရေးပါတီ မှတ်ပုံတင်ခြင်း ဥပဒေပြင်ဆင်ချက်ဟာ အမျိုးသားဒီမိုကရေစီအဖွဲ့ချုပ် (NLD) ပါတီက တောင်းဆိုထားတဲ့ အချက်တွေနဲ့ ကိုက်ညီတာမို့ NLD ပါတီဟာ နိုင်ငံရေးပါတီအဖြစ် မှတ်ပုံတင်ဖို့ အလားအလာ အများကြီးရှိတယ်လို့ NLD ပါတီ ခေါင်းဆောင်တွေက ပြောပါတယ်။
ဒါကြောင့် လာမယ့်နိုဝင်ဘာလ ၈ ရက်၊ အင်္ဂါနေ့မှာ ရန်ကုန် ဗဟန်း ရွှေဂုံတိုင်က NLD ပါတီရုံးချုပ်မှာ NLD ပါတီခေါင်းဆောင်တွေ ဒီကိစ္စအတွက် အစည်းအဝေးလုပ်ပြီး ဆုံးဖြတ်ချက်ချမှာမို့ NLD ပါတီက ပြောခွင့်ရသူ ဦးဉာဏ်ဝင်းကို ဆက်သွယ်ပြီး နိုင်ငံရေးပါတီအဖြစ် မှတ်ပုံတင်ရေး အလားအလားကို မေးကြည့်တော့ ဦးဉာဏ်ဝင်းက အခုလို စဖြေပါတယ်။
“ဟုတ်ပါတယ်။ မှတ်ပုံတင်ဖို့ အလားအလာ ပိုကောင်းပါတယ်။ ဒီကိစ္စကို ဘယ်သူတွေနဲ့ စဉ်းစားသုံးသပ်မယ်၊ ဘယ်သူတွေနဲ့ ဆုံးဖြတ်ချက်ယူမယ်၊ အဲဒီအဆင့်ကစပြီးတော့ စဉ်းစားရမှာ။ တင်ဖြစ်ဖို့အလားအလာ အများကြီးရှိတယ်လို့ ကျနော်တော့ မြင်ပါတယ်။”
မှတ်ပုံတင်ပြီးပြီဆိုရင် NLD ပါတီက မကြာခင်လုပ်မယ်ဆိုတဲ့ ရွေးကောက်ပွဲတွေမှာ ၀င်ပြီးတော့ပြိုင်မှာလားရှင့်။ -
“ဥပဒေသဘောအရကို ၀င်ကိုပြိုင်ရမယ်၊ မပြိုင်လို့မရဘူး။”
ဥပဒေကြောင်းနဲ့ကိုက်ညီအောင် NLD က ကြားဖြတ်ရွေးကောက်ပွဲတွေမှာ ၀င်မယ်ပေါ့။ -
“ဟုတ်ပါတယ်။”
အန်ကယ်တို့ ဘယ်နေရာလောက်အထိ ဘယ်လောက်အထိ ၀င်ပြိုင်ဖို့ အဆင်သင့် ဖြစ်နေပါပြီလဲရှင့်။ -
“ကျနော်တို့ အဲဒီ ကြားဖြတ်ရွေးကောက်ပွဲ vacancy တွေ၊ ၀င်ရမယ့်နေရာတွေအတွက် မစဉ်းစားနိုင်သေးဘူး။ ကျနော်တို့က မှတ်ပုံတင်မလား မတင်ဘူးလား ဆိုတာကို ကျနော်တို့ ပါတီတွင်း ညှိနှိုင်းဖို့ အရင်လုပ်ရမှာပါ။ အဲဒါပြီးမှ ခုနကဟာကို စဉ်းစားလို့ရပါမယ်။”
မှတ်ပုံတင်ဖို့နဲ့ ကြားဖြတ်ရွေးကောက်ပွဲ ၀င်ဖို့ကိစ္စ တခါတည်း အင်္ဂါနေ့မှာ ဆွေးနွေးမှာလား။ -
“မဟုတ်ပါဘူးခင်ဗျ။ မှတ်ပုံတင်ဖို့ကိစ္စကို စဉ်းစားသုံးသပ်မယ်။ ဘယ်သူတွေနဲ့ ဆုံးဖြတ်ချက်ယူမယ် ဆိုတာ စတင်ပြီးတော့ စဉ်းစားရမှာ။”
ဆိုတော့ အခု နိုင်ငံရေးပါတီအဖြစ် မှတ်ပုံတင်မယ်။ မှတ်ပုံတင်ဖြစ်ပြီဆိုရင် ဥပဒေကြောင်းအရ ဥပဒေသဘောအရ ကြားဖြတ်ရွေးကောက်ပွဲတွေမှာ NLD က ၀င်ရောက်ယှဉ်ပြိုင်ခဲ့မယ်ဆိုရင် ဒါဟာ ၂၀၀၈ ဖွဲ့စည်းပုံကို လက်ခံတယ်ဆိုတဲ့သဘောလားရှင့်။ -
“ကျနော်တို့က ၂၀၀၈ ဖွဲ့စည်းပုံကိုရော အခုရှိနေတဲ့ လွှတ်တော်ရော၊ အခုရှိနေတဲ့ အစိုးရအဖွဲ့ကိုရော အရှိအတိုင်း ကျနော်တို့ လက်ခံပါတယ်။ ကျနော်တို့ ကြိုက်တယ်မကြိုက်တယ် ဆိုတဲ့သဘောမျိုးနဲ့ လက်ခံတာမဟုတ်ပါဘူး။ အရှိအတိုင်း လက်ခံရမှာပဲ။ ရှိလည်းရှိနေတာကိုး။”
ဒီလိုမျိုး ကြားဖြတ်ရွေးကောက်ပွဲ ၀င်ဖြစ်မယ်ဆိုရင် ဒီကြားဖြတ်ရွေးကောက်ပွဲမှာ ဒေါ်အောင်ဆန်းစုကြည် ၀င်ပြိုင်ဖို့ အစီအစဉ် ရှိပါသလားရှင့်။ -
“အဲဒါလည်း ဖြစ်နိုင်ချေအများကြီး ရှိပါတယ်။ ဒါ ဆုံးလည်း မဆုံးဖြတ်ရသေးဘူး။ ကျနော်တို့ ညှိနှိုင်းကြရဦးမှာ။”
အန်တီ ဒေါ်အောင်ဆန်းစုကြည်က ဘယ်နေရာမှာ ၀င်ရောက်ယှဉ်ပြိုင်မယ်လို့ အန်ကယ် ခန့်မှန်းပါလဲရှင့်။ -
“၀င်ဖို့တောင် ဆုံးဖြတ်ရဦးမှာဆိုတော့ အဲဒီနေရာကလည်း ကျနော်တို့ မသိပါဘူး။ နောက် ရွေးကောက်ပွဲ ကော်မရှင်ကနေ vacancy တွေကို ကြေညာမှာ။ ကြားဖြတ်ရွေးကောက်ပွဲ ကျင်းပမယ့်နေရာတွေကို ကြေညာမှာ။ ကျနော်တို့ ဒီစာရင်းလည်း မရသေးပါဘူး။”
ဒါပေမဲ့ ဒေါ်အောင်ဆန်းစုကြည်က ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်ဖို့ အလားအလာတော့ ရှိနိုင်တယ်လို့ အန်ကယ် ပြောတာလား။ -
“ဟုတ်ပါတယ်။ ဟုတ်ပါတယ်။ အလားအလာ ရှိပါတယ်။”
NLD ပါတီရဲ့ ပြောခွင့်ရသူ ဦးဉာဏ်ဝင်းကို ဆက်သွယ်မေးမြန်းခဲ့တာ ဖြစ်ပါတယ်။
နိုင်ငံရေးပါတီများမှတ်ပုံတင်ခြင်း ဥပဒေပြင်ဆင်ချက် အချက်သုံးချက်ထဲမှာ နိုင်ငံရေးပါတီဝင်အဖြစ် အရည်အချင်းဖွင့်ဆိုထားတဲ့ ပုဒ်မ (၁၀) ထဲက အကျဉ်းသားဖြစ်သွားပြီဆိုရင် နိုင်ငံရေးပါတီဝင်အဖြစ်က နုတ်ထွက်ပေးရမယ် ဆိုတာနဲ့ အကျဉ်းသားဟောင်းဆိုရင် ရွေးကောက်ပွဲမှာ ၀င်ရောက်ယှဉ်ပြိုင်ခွင့် မရှိဘူးလို့ ပြဌာန်းထားတဲ့ ပုဒ်မခွဲ (င) ကို ပယ်ဖျက်တယ်ဆိုတဲ့ အချက်ရယ်၊ ဖွဲ့စည်းပုံအခြေခံဥပဒေကို ထိန်းသိမ်း စောင့်ရှောက်ရမယ် ဆိုတဲ့နေရာမှာ လေးစားလိုက်နာရမယ်လို့ ပြောင်းလဲလိုက်တာ ပါဝင်သလို မှတ်ပုံတင်ခွင့်ရတဲ့ နိုင်ငံရေးပါတီတွေအနေနဲ့ ကြားဖြတ် ရွေးကောက်ပွဲတွေမှာ အနည်းဆုံး သုံးနေရာ ပါဝင်ယှဉ်ပြိုင်ရမယ် ဆိုတဲ့ အချက်တွေပါဝင်ပါတယ်။
အာရပ်အဖွဲ့ချုပ် ဆီးရီးယားကို သတိပေးအကြမ်းဖက်မှုအများဆုံးကတော့ ဟုမ်းစ်မြို့မှာ ဖြစ်ပွားနေတာ ဖြစ်ပါတယ်
ဆီးရီးယားနိုင်ငံမှာ အခုနောက်ဆုံး ဖြစ်ပွားခဲ့တဲ့ နိုင်ငံရေး အကြမ်းဖက်မှုတွေ အတွင်း အရပ်သား ၄ ဦး သေဆုံးသွား တယ်လို့ ဒီမိုကရေစီရေး တက်ကြွ လှုပ်ရှား သူတွေက ပြောပါတယ်။
အာရပ်နိုင်ငံများ အဖွဲ့ချုပ်ရဲ့ ငြိမ်းချမ်းရေး အစီအစဉ်ပါ အချက်တွေ အရ လူနေရပ်ကွက် တွေ ကနေ သူတို့ တပ်ဖွဲ့တွေကို ပြန်ဆုတ်ပေးမယ် လို့ အစိုးရ ဘက် က ပြောပြီး နောက်ပိုင်း အကြမ်းဖက်မှုတွေဟာ အခုဆိုရင် ၄ ရက်မြောက် နေ့ အဖြစ် ရှိလာ နေပြီ ဖြစ်ပါတယ်။
အကြမ်းဖက်မှု အများဆုံးကတော့ ဟုမ်းစ်မြို့မှာ ဖြစ်ပွားနေတာ ဖြစ်ပါတယ်။
အာရပ်အဖွဲ့ချုပ်ရဲ့ ငြိမ်းချမ်းရေး အစီအစဉ် ပျက်ပြားသွားခဲ့မယ်ဆိုရင် ဒေသတွင်းမှာ ကြီးမားတဲ့ ဆိုးကျိုးတွေ ဖြစ်လိမ့်မယ်လို့ အဖွဲ့ချုပ်ရဲ့ အတွင်းရေးမှူးချုပ်က သတိပေး ထား ပါတယ်။
အရှေ့ အလယ်ပိုင်းဒေသ ဘီဘီစီ သတင်းထောက် ပြောတာကတော့ အာရပ်နိုင်ငံများ အဖွဲ့ချုပ်ကနေ ဆီးရီးယားကို ထုတ်ပယ်တော့မယ့် အခြေအနေမျိုး ရှိလာ နေတယ်လို့ ဆို ပါတယ်။
ချင်းပြည်နယ် ဆင်းရဲမှု လျော့ကျရေး တင်ပြမယ်ချင်းပြည်နယ် ဆင်းရဲမှုကိစ္စ ပြည်နယ် လွှတ်တော်မှာ ဦးဇိုဇမ်း တင်ပြ ဆွေးနွေးဖို့ ရှိ
မြန်မာနိုင်ငံမှာ ဆင်းရဲ မွဲတေမှု အမြင့်ဆုံး ပြည်နယ်ဖြစ်တဲ့ ချင်းပြည်နယ်မှာ ဆင်းရဲ မွဲတေမှု လျော့ကျသွားစေရေးနဲ့ ပတ်သက် လို့ ချင်းပြည်နယ် လွှတ်တော် အစည်း အဝေးမှာ ထည့်သွင်း တင်ပြဆွေးနွေးဖို့ ရှိတယ်လို့ ပြည်နယ် လွှတ်တော် ကိုယ်စား လှယ် တဦးက ပြောပါတယ်။
လာမယ့် အင်္ဂါနေ့မှာ ကျင်းပမယ့် ချင်းပြည်နယ် လွှတ်တော် အစည်းအဝေးကို တက်ရောက်ဖို့ လွှတ်တော် ကိုယ်စားလှယ်တွေ ဟားခါးမြို့မှာ ရောက်ရှိနေကြပြီ ဖြစ်ပါတယ်။
ချင်းပြည်နယ် လွှတ်တော် ကိုယ်စားလှယ် ချင်းအမျိုးသား ပါတီ ဥက္ကဌ ဦးဇိုဇမ်းကတော့ တွန်းဇံ မြို့နယ်မှာ ဘိန်းထုတ်လုပ်နေမှုကိစ္စ စုံစမ်း အရေးယူရေး၊ ကန်ပက်လက်မြို့နယ်မှာ လက်ဝါးကားတိုင်တွေ မီးရှို့ ဖျက်ဆီးခံခဲ့ရတဲ့ ကိစ္စကို အထက်လူကြီးတွေ သိမသိ၊ အိန္ဒိယ အစိုးရက ပေးတဲ့ အကူအညီငွေ ဒေါ်လာ ၆ သန်းဟာ ချင်းပြည်နယ် အတွက်လား၊ ဗဟို အစိုးရအတွက်လားဆိုတာ ကွဲကွဲပြားပြား သိနိုင်ဖို့နဲ့ လာမယ့် ၂၀၁၅ ခုနှစ်မတိုင်ခင် ချင်းပြည်နယ်မှာ ဆင်းရဲ မွဲတေမှု ၃၅ ရာခိုင်နှုန်း အထိ လျှော့ချနိုင်ရေး အစိုးရ စီမံကိန်း ကိစ္စစတာတွေအကြောင်း မေးမြန်း တင်ပြမယ်လို့ ဘီဘီစီကို ပြောပါတယ်။
ချင်းပြည်နယ်ဟာ စားနပ် ရိက္ခာ စိုက်ပျိုး ထုတ်လုပ်မှုတွေ မလုပ်နိုင်တဲ့ အတွက် ဖွံ့ဖြိုး တိုးတက်မှု နှေးကွေး နောက်ကျနေကြောင်းနဲ့ ချင်းကလေးငယ်တွေဆိုရင် ပိန်လှီပြီး ဗိုက်ပူ နံကားလေးတွေ ဖြစ်နေကြောင်း ဒါ့ကြောင့် အစိုးရအနေနဲ့ ချင်းပြည်နယ်ကို အထူးဇုံအဖြစ် သတ်မှတ်ပြီး ဖွံ့ဖြိုး တိုးတက်အောင် ဆောင်ရွက်ပေးသင့်ကြောင်း ဦးဇိုဇမ်းက ပြောပါတယ်။
လောလောဆယ် ချင်းပြည်နယ် အစိုးရက အုပ်စုလိုက် မွေးမြူရေး လုပ်ငန်းတွေ လုပ်ပေးတာ မျိုး၊ ဘဏ်တွေကနေ ငွေချေးပေးတာမျိုးတွေ လုပ်နေပေမယ့် ရွာလူကြီးတွေရဲ့ အဂတိ လိုက်စားမှုတွေ ရှိနေပြီး အကူအညီတွေကို သူတို့ ကိုယ်ပိုင်အိတ်ထဲ ထည့်လေ့ရှိတာကြောင့် ချင်းပြည်နယ် လူထုအနေနဲ့ လိုအပ်တဲ့ အကူအညီတွေ မရပဲ ဖြစ်နေတယ်လို့လည်း ပြောပါတယ်။
ဒါ့ကြောင့် ချင်းပြည်နယ်မှာ ဆင်းရဲ မွဲတေမှု ဖျက်သိမ်းနိုင်ဖို့ ပထမ ခြေလှမ်း အနေနဲ့ ပြည်သူရွေးကောက်တင်မြှောက်တဲ့ ရွာလူကြီးတွေကိုသာ အစားထိုး ခန့်ထားသင့်တယ်လို့ ချင်းပြည်နယ် လွှတ်တော် ကိုယ်စားလှယ် ချင်းအမျိုးသား ပါတီ ဥက္ကဌ ဦးဇိုဇမ်းက ပြောပါတယ်။
ဗေဒါကျောင်းရဲ့ အထက်မြန်မာပြည် သင်တန်းအခု သင်တန်းမှာ ဘာသာရပ် ၁၁ ခု ပို့ချမှာ ဖြစ်ပါတယ်
လူမှုရေးသိပ္ပံနဲ့ နိုင်ငံရေးသိပ္ပံ ဘာသာ ရပ်တွေကို အခမဲ့ သင်ကြားပို့ချပေးနေတဲ့ ဗေဒါသင်တန်းကျောင်းရဲ့ အထက် မြန်မာ ပြည် အတွက် ပထမဆုံး အကြိမ် ၄၅ ရက် ကြာ သင်တန်းတခုကို မန္တလေးမြို့မှာ အင်္ဂါနေ့ ဖွင့်လှစ်မှာ ဖြစ်ပါတယ်။
မြန်မာပြည်က လူငယ်တွေရဲ့အရည်အသွေးကို မြှင့်တင်တဲ့အနေနဲ့ ဖွင့်လှစ်သင်ကြားမယ့် ဒီသင်တန်းကို ပြည်ကြီးတံခွန်မြို့နယ်က အန်အယ်ဒီ မြို့နယ်စည်းအဖွဲ့ဝင် ဦးကိုကြီးရဲ့ အိမ်မှာ နိုဝင်ဘာ ၇ ရက်ကစပြီး ဖွင့်လှစ်မှာ ဖြစ်ပါတယ်။
ရန်ကုန်မြို့မှာ ဗေဒါသင်တန်းကျောင်းရဲ့ သင်တန်းအမှတ်စဉ် ၈ ခု သင်ကြားပို့ချခဲ့ပြီး အခု မန္တလေးမှာ ဖွင့်မယ့် သင်တန်းဟာ အထက်မြန်မာပြည်အတွက် ပထမဆုံး ဖြစ်တယ်လို့ သိရပါတယ်။
မြန်မာပြည် အထက်ပိုင်းက လူငယ်တွေက ရန်ကုန်ကိုဆင်းလာပြီး ကျောင်းတက်တဲ့ အခါမှာ ခရီးသွားလာရ အခက်အခဲရှိတာကြောင့် အခုလို မန္တလေးမှာ အထက်မြန်မာပြည် ကျောင်းခွဲ ကို ဖွင့်လှစ်ရခြင်း ဖြစ်ကြောင်း ဗေဒါကျောင်း ဒါရိုက်တာအဖွဲ့ဝင် ကိုမျိုးရန်နောင်သိမ်းက ရှင်းပြပါတယ်။
အခုသင်တန်းမှာ ဖွဲစည်းပုံအခြေခံဥပဒေ၊ လူ့အခွင့်အရေးအကြောင်းနဲ့ နိုင်ငံရေးအပါအဝင် ဘာသာရပ် ၁၁ ခု ပို့ချမှာ ဖြစ်တယ်လို့လည်း သူက ပြောပါတယ်။
ရန်ကုန်မှာဖွင့်တဲ့ သင်တန်းတွေတုန်းကတော့ အာဏာပိုင်တွေဘက်က ဧည့်စာရင်း တိုင်ခွင့် မပေးတာ အပြင် အိမ်ရှင်ကို ဖိအားပေးတာမျိုးတွေ လုပ်ခဲ့လို့ အခက်အခဲ ရှိခဲ့ပေမယ့်၊ အခု သင်တန်းမှာတော့ အားလုံး အဆင်ပြေ ချောမွေ့နေတယ်လို့ ပြောပါတယ်။
ဒီသင်တန်းကို တက်ရောက်မယ့် သင်တန်းသား အယောက် ၃၀ ဟာလည်း မန္တလေးကို အဆင်သင့် ရောက်နေကြပြီလို့ သိရပါတယ်။
ဒီသင်တန်းကို တက်ရောက်ပြီးစီးသွားတဲ့ သင်တန်းသားတွေဟာ ကိုယ့်ဒေသတွေကို ပြန်ရောက်ရင် မိမိတို့သင်လာတဲ့ နိုင်ငံရေး ဗဟုသုတတွေကို ပြန်လည် ဖြန့်ဝေ သင်ကြားပေး ဖို့ သဘောတူထားကြတယ်လို့လည်း သိရပါတယ်။
ထိုင်းနိုင်ငံရေကြီးမှု သေဆုံးသူ ၅၀၀ ရှိပြီဘန်ကောက်မြို့ မြောက်ဘက်မှာ ရေကျဖို့ ကြိုးစား လုပ်ဆောင် နေရဆဲဖြစ်ပါတယ်
ထိုင်းနိုင်ငံမှာ နှစ်ပေါင်း ၅၀ အတွင်း အဆိုးဝါးဆုံး ဖြစ်ပွားခဲ့တဲ့ ရေကြီးမှု တွေကြောင့် သေဆုံး ရသူ အရေအတွက် ၅၀၀ ရှိပြီဖြစ်ပါတယ်။
အခုအချိန်အထိ ရေတွေဟာ မြို့တော် ဘန်ကောက်ကို ဖြတ်သန်းစီးနေဆဲ ဖြစ်ပါတယ်။
ဘန်ကောက်မြို့မှာ အစားအသောက်နဲ့ တခြားပစ္စည်းတွေရနိုင်ပေမယ့် သွားလာဖို့က အတော့်ကို ခက်ခဲနေကြောင်း ဒေသခံတဦးက ပြောပြပါတယ်။
မကြာသေးခင် ရက်ပိုင်းတွေ အတွင်းမှာတော့ ရာသီဥတု အခြေအနေ ကောင်းလာတာကို တွေ့ရပါတယ်။
ဒါပေမယ့်လည်း အာဏာပိုင်တွေဟာ ဘန်ကောက်မြို့ မြောက်ဘက်ပိုင်းမှာ မြင့်တက်လာ နေတဲ့ ရေပမာဏကို လျှော့ချဖို့ အတွက်ကတော့ ကြိုးစား လုပ်ဆောင် နေရဆဲဖြစ်ပါတယ်။
လယ်လုပ်သူ လယ်ပိုင်ခွင့် ပါတီတွေ ဆွေးနွေးဒီမိုကရေစီ မိတ်ဆွေ ပါတီများက ၁၀ ပါတီ စုပေါင်းပြီး လယ်သမားတွေ အရေးနဲ့ ပတ်သက်ပြီး တနင်္ဂနွေနေ့တုန်းက ရန်ကုန်မြို့မှာ ဆွေးနွေး ခဲ့ကြ ပါတယ်။
လယ်လုပ်သူ လယ်ပိုင်ရေးကိစ္စ၊ လယ်သမားတွေ လယ်သိမ်း ခံနေရတဲ့ကိစ္စ၊ ပဲတောင်သူတွေ အရှုံးပေါ်နေတဲ့ ကိစ္စတွေနဲ့ပတ်သက်ပြီး ဆွေးနွေးခဲ့ကြ တယ်လို့ ဒီမိုကရက်တစ် ပါတီ (မြန်မာ) က အတွင်းရေးမှူးချုပ် ဒေါ်သန်းသန်း နုက ဘီဘီစီကို ပြောပါတယ်။
ဒီမိုကရေစီမိတ်ဆွေပါတီများအဖွဲ့မှာ ဒီမိုကရက်တစ်ပါတီအပြင် အမျိုးသား ဒီမိုကရေစီ အင်အားစု (NDF)၊ ရှမ်း၊ ရခိုင်၊ ချင်း စတဲ့ တိုင်းရင်းသား ပါတီတွေလည်း ပါဝင်ကြပါတယ်။
တောင်သူ လယ်သမားတွေရဲ့ အခွင့်အရေးတွေနဲ့ပတ်သက်ပြီး မိတ်ဆွေ ပါတီများ အဖွဲ့ကနေ အစိုးရဆီကို အကြံပြုတင်ပြသွားဖို့ ရှိတယ်လို့ ဒေါ်သန်းသန်းနုက ပြောပါတယ်။
တောင်သူတွေအနေနဲ့လည်း သူတို့ဆီကို လာပြီး တိုင်တန်းမယ်ဆိုရင် ပါတီတွေ စုပေါင်းပြီး ဆောင်ရွက်ပေးဖို့ ရှိတယ်လို့လည်း သူက ပြောပါတယ်။
ဒေါ်အောင်ဆန်းစုကြည် ပါတီမှတ်ပုံတင်ရင် NDF ပူးပေါင်းဆောင်ရွက်လို
2011-11-06
ဒေါ်အောင်ဆန်းစုကြည် ဦးဆောင်တဲ့ ပါတီသစ် တရပ်ကသာ ပါတီမှတ်ပုံတင်ပြီး ရွေးကောက်ပွဲ ဝင်မယ်ဆိုရင် အမျိုးသား ဒီမိုကရေစီအင်အားစု NDF ပါတီ အနေနဲ့ မဟာမိတ်ပါတီအဖြစ် ပူးပေါင်းဆောင်ရွက်သွားဖို့ အသင့်ရှိကြောင်း NDF ပါတီ ခေါင်းဆောင်တဦး ဖြစ်သူ ဦးခင်မောင်ဆွေက RFA ကို ဒီကနေ့ ပြောကြားလိုက်ပါတယ်။
“ကျနော်တို့ ပါတီခေါင်းဆောင်ပိုင်းမှာ အကြမ်းဖျင်း ဆွေးနွေးထားတာ ရှိပါတယ်။ ဘာပဲဖြစ်ဖြစ် ဒေါ်အောင်ဆန်းစုကြည် ခေါင်းဆောင်မယ် ဆိုရင် ကျနော်တို့တတွေ နောက်ကလိုက်ဖို့ ဝန်မလေးကြပါဘူး။ သူကသာ ဦးဆောင်မယ်ဆိုရင် Joint Action ပဲဖြစ်ဖြစ်၊ ကျယ်ပြန့်တဲ့ မဟာမိတ်အဖွဲ့ကြီးပဲ ဖြစ်ဖြစ် ကျနော်တို့က ပါတီတခုအနေနဲ့ ဒေါ်စုနောက်က လိုက်ဖို့ပဲ ရှိပါတယ်။ ဒေါ်အောင်ဆန်းစုကြည်နဲ့ ပူးပေါင်း ဆောင်ရွက်ဖို့ဆိုတာ ကျနော်တို့ အင်မတန် လိုလား မျှော်လင့်နေတဲ့ အချက်ကြီးပါပဲ။ တကယ်တမ်းကျတော့ အဆုံးအဖြတ် ပေးမယ့် ပုဂ္ဂိုလ်က ဒေါ်အောင်ဆန်းစုကြည်ပဲ ဖြစ်ပါတယ်” လို့ ဦးခင်မောင်ဆွေက ပြောပါတယ်။
NLD ပါတီ အနေနဲ့ မှတ်ပုံတင်ပြီး ရွေးကောက်ပွဲ ဝင်လိမ့်မယ်ဆိုတဲ့ သတင်းတွေ ထွက်ပေါ်နေတာနဲ့ ပတ်သက် ပြီး NDF ပါတီရဲ့ သဘောထားကို RFA က မေးမြန်းစဉ်မှာ ဦးခင်မောင်ဆွေက အခုလို ဖြေကြားလိုက်တာ ဖြစ်ပါတယ်။
၂ဝ၁ဝ ရွေးကောက်ပွဲ ဝင်ရေး မဝင်ရေးနဲ့ ပတ်သက်ပြီး NLD ပါတီအတွင်း သဘောထားကွဲလွဲရာက ရွေးကောက်ပွဲ ဝင်လိုတဲ့ NLD ပါတီခေါင်းဆောင် တချို့က NDF ပါတီကို ၂ဝ၁ဝ ခုနှစ်အတွင်း တည်ထောင်ခဲ့တာ ဖြစ်ပါတယ်။ NLD ပါတီကတော့ ၂ဝ၁ဝ ရွေးကောက်ပွဲကို သပိတ်မှောက်ခဲ့ပါတယ်။
မြန်မာအကြိုက် ကားတွေ ဂျပန်နိုင်ငံမှာ ဈေးအဆမတန် ထိုးတက်နေ
2011-11-06
မြန်မာနိုင်ငံမှာ လူကြိုက်များတဲ့ ကားအမျိုးအစားတွေ ဂျပန်နိုင်ငံက လေလံဈေးကွက်မှာ ဈေး အဆမတန် ထိုးတက်နေတယ်လို့ ကားဈေးကွက် တင်သွင်းရောင်းချသူတွေက ပြောပါတယ်။
မြန်မာအကြိုက် ဂျပန်ကားတွေဖြစ်တဲ့ ဒီဇယ်ဆီပါ သုံးနိုင်တဲ့ ပါဂျဲရိုး လို Four Wheel Drive အမျိုးအစား ကားတွေနဲ့ တိုယိုတာ Mark II အမျိုးအစား ကားတွေကို ၁၉၉၅ ခုနှစ်ကနေ ၂ဝဝ၂ ခုနှစ်အတွင်း ထုတ်လုပ်တဲ့ ကားတွေကိုသာ အကန့်အသတ်နဲ့ တင်သွင်းခွင့် မြန်မာအစိုးရက သတ်မှတ်ခဲ့ပါတယ်။ ဒါ့ကြောင့် အရင်က ဂျပန်လေလံမှာ အမေရိကန် ဒေါ်လာ ၃ ထောင်လောက်သာ တန်ဖိုးရှိတဲ့ အဲဒီ ကားအမျိုးအစားတွေဟာ အခုဆိုရင် အမေရိကန်ဒေါ်လာ ၂ သောင်းကနေ ၃ သောင်းအထိ ဈေးထိုးတက်နေတယ်လို့ ကားအရောင်းအဝယ် လုပ်ကိုင်သူ ဦးကျော်ခိုင်က ပြောပါတယ်။
အဲဒီလို ကားအဟောင်းတွေကို ဂျပန်လေလံမှာ ဈေးကြီးပေးပြီး တင်သွင်းနေရတဲ့အတွက် မြန်မာနိုင်ငံသားတွေ နစ်နာရသလို အစိုးရအတွက်လည်း အခွန်ငွေ အထွေအထူး တိုးပြီး မရရှိဘူးလို့ ပြောပါတယ်။ တကယ်လို့ အစိုးရက မြန်မာနိုင်ငံမှာ လူကြိုက်များပြီး ဒီဇယ်ဆီနဲ့လည်း သုံးလို့ရတဲ့ ကားအမျိုးအစားတချို့မှာ တင်သွင်းခွင့် ပေးထားတဲ့ ထုတ်လုပ်နှစ် အကန့်အသတ်ကို ၂ဝဝ၂ ခုနှစ်အထိ မဟုတ်ဘဲ ၂ဝဝ၆ အစရှိသဖြင့် တိုးပေးလိုက်မယ်ဆိုရင် လေလံဈေး သိသိသာသာ ထိုးကျသွားမှာ ဖြစ်တဲ့အပြင် မြန်မာနိုင်ငံက ကားဝယ်စီးသူတွေလည်း ဈေးနှုန်း သက်သက်သာသာနဲ့ ဝယ်စီးနိုင်မယ်လို့ ပြောပါတယ်။
အစိုးရက ကားအဟောင်းနဲ့ အသစ် လဲလှယ်ခွင့်ပါမစ်တွေ ထုတ်ပေးတဲ့အတွက် ပြည်တွင်းဈေးကွက်မှာလည်း ကားအဟောင်းဈေးတွေ အတက်အကျ မြန်ဆန်ပြီး မတည်မငြိမ် ဖြစ်နေတယ်လို့ သိရပါတယ်။
ကုလားတန်မြစ်စီမံကိန်းကြောင့် ကမ်းခြေအလှပျက်ရ
2011-11-05
မြန်မာနဲ့ အိန္ဒိယ နှစ်နိုင်ငံအစိုးရ ပူးတွဲ အကောင်အထည် ဖော်နေတဲ့ ကုလားတန်မြစ် စီမံကိန်းအတွက် ကန်ထရိုက်ရရှိထားတဲ့ Essar ကုမ္ပဏီ က စစ်တွေမြို့ဆိပ်ကမ်း တည်ဆောက်နေရာမှာ မြို့ ကျက်သရေဆောင် စစ်တွေပွိုင့်ကမ်းခြေမှာ သဲတွေ တိုက်ယူနေတယ်လို့ သိရပါတယ်။
ဒီ့အတွက် ကမ်းခြေ တဖြည်းဖြည်း နိမ့်ဆင်းလာပြီး နောင်မှာ ပင်လယ်လှိုင်းဒဏ်ကို အကာအကွယ် မပေးနိုင်တော့မယ့် အရေးအတွက် ရင်လေးစရာ ဖြစ်နေပြီလို့ ဒေသခံတွေက ပြောပါတယ်။ စစ်တွေဒေသခံ တယောက်ကတော့ ကမ်းခြေသဘာဝ ပျက်သွားပြီလို့ ပြောပါတယ်။
စစ်တွေမြို့ ပြည်သူ့ဆေးရုံကြီး အရှေ့ဘက်တည့်တည့်မှာ ဆိပ်ကမ်း တည်ဆောက်နေတာ ဖြစ်ပြီး ဆိပ်ကမ်း မြေဖို့ဖို့အတွက် ပွိုင့်ကမ်းခြေ၊ စစ်တွေဟိုတယ် တဝိုက်နဲ့ ဘာဆာရွာ ရေချိုးဆိပ်က သဲတွေကို ကားအစီး ၄ဝ လောက်နဲ့ တနေ့ကို ၈ ခေါက်ကနေ ၁ဝ ခေါက်အထိ ခေါက်တုန့်ခေါက်ပြန် သယ်နေတယ်လို့ သိရပါတယ်၊
အခုလို သဲတွေတူးတဲ့အတွက် သောင်တွေ ပျက်စီးပြီး ကမ်းခြေရွာတွေ ပင်လယ်လှိုင်းဒဏ် မခံနိုင်ဘဲ တရွာလုံး ပျောက်သွားမယ့် အန္တရာယ်ကို ဒေသခံတချို့က စိုးရိမ်နေကြပါတယ်။
ကမ်းခြေမှာ Back foe ကားကြီးတွေနဲ့ သဲတွေတူးပြီး ကားတွေနဲ့ သယ်သွားတဲ့ လမ်းတလျှောက် ဖုံတွေ အလိမ်းလိမ်းထနေတာကို ကုမ္ပဏီက ရေလိုက်ဖြန်းတာတွေ ရှိပေမယ့် နိုင်နိုင်နင်းနင်း မဖြန်းနိုင်ဘူးလို့လည်း ဆိုပါတယ်။
အိန္ဒိယ-မြန်မာ နှစ်နိုင်ငံကုန်သွယ်မှု တိုးတက်ရေးအတွက် အမေရိကန်ဒေါ်လာ သန်း ၁၂ဝ အကုန်အကျခံပြီး ရခိုင်ပြည်နယ် စစ်တွေမြို့နဲ့ အိန္ဒိယနိုင်ငံ မီဇိုရမ်ပြည်နယ်ကို ဆက်သွယ်မယ့် ကုလားတန်မြစ် စီမံကိန်းကို ၂ဝ၁၃ ခုနှစ်မှာ အပြီးသတ် အကောင်အထည်ဖော်ဖို့ လျာထားတယ်လို့ သိရပါတယ်။
ဆန္ဒပြ နိုင်ငံရေးအကျဉ်းသားများ အစားအစာ ပါဆယ်ထုတ် ပြန်လည်ရရှိ
2011-11-06
အကျဉ်းထောင်လက်စွဲ ဥပဒေပါ အကျဉ်းသားခံစားခွင့်တွေ ရရှိဖို့အတွက် အစာငတ်ခံ ဆန္ဒပြတောင်းဆိုနေတဲ့ နိုင်ငံရေးအကျဉ်းသားတွေအတွက် အစားအသောက် ပါဆယ်ထုတ်တွေကို သက်ဆိုင်ရာ အာဏာပိုင်တွေက ပြန်လည် ခွင့်ပြုလိုက်ပြီလို့ သိရပါတယ်။
အစာငတ်ခံ ဆန္ဒပြရာမှာ ပါဝင်တဲ့ နိုင်ငံရေးအကျဉ်းသားတွေကို ပြီးခဲ့တဲ့ နိုဝင်ဘာလ ၄ ရက်နေ့အထိ ထောင်ဝင်စာ တွေ့ခွင့်ရော အစားအသောက် ပို့ဆောင်ခွင့်ပါ ပိတ်ပင်ထားရာက မနေ့က အစားအသောက် ပါဆယ်ထုတ်တွေကို စတင် ခွင့်ပြုလိုက်ကြောင်း ‘နိုင်ငံရေးအကျဉ်းသား မိသားစုကွန်ရက်’ က ကိုအောင်ဇော်ထွန်း က ပြောပါတယ်။
“အစာငတ်ခံ ဆန္ဒပြမှုမှာ ပါတဲ့ ကို ဉာဏ်ထွန်းလင်း မိသားစုရယ်၊ ကိုစိုးမိုးထွန်း၊ ကိုညီညီထွန်း၊ ကိုသော်ဇင်တို့ မိသားစု ၄ ဦး မနေ့က သွားတွေ့တယ်။ သွားတွေ့တော့ လူတွေ့ ထောင်ဝင်စာတွေ့ခွင့်တော့ မရှိဘူး၊ အစားအသောက် ပါဆယ်ချည်းပဲ သပ်သပ် ပေးသွင်းချင်ရင် ပေးသွင်းလို့ ရပါတယ် ဆိုတဲ့အတွက် မိသားစုတွေက ပေးခဲ့တယ်။ လူချင်း မတွေ့ခဲ့ရတဲ့အတွက် အထဲက အခြေအနေကိုတော့ ခုချိန်အထိ သေသေချာချာ မသိရသေးဘူး”
အကျဉ်းသား ခံစားခွင့်တွေအတွက် နိုင်ငံရေးအကျဉ်းသား ၁၅ ဦးဟာ အောက်တိုဘာလ ၂၆ ရက်နေ့ ကစပြီး အစာငတ်ခံ ဆန္ဒပြခဲ့ကြပါတယ်။ သူတို့ကို ဆန္ဒပြချိန် ၄၈ နာရီ မပြည့်ခင်မှာ အာဏာပိုင်တွေဘက်က ရေဖြတ်လိုက်ပြီး ထောင်ဝင်စာလည်း ပိတ်ပင်ခဲ့ပါတယ်။
သူတို့ထဲက ၂ ဦးဟာ ကျန်းမာရေး အခြေအနေကြောင့် ထောင်တွင်း ဆေးရုံကို တင်ထားရကြောင်း သိရပေမယ့် နောက်ဆက်တွဲ အခြေအနေ တွေကိုတော့ မသိရသေးပါဘူး။
NLD ပါတီ မှတ်ပုံတင်ရေး အင်္ဂါနေ့ ဆွေးနွေးမည်
2011-11-05
နိုင်ငံရေးပါတီများ မှတ်ပုံတင်ခြင်း ဥပဒေကို ပြင်ဆင်တဲ့ ဥပဒေ ပြဋ္ဌာန်းချက်တရပ် ၂ဝ၁၁ ခုနှစ် နိုဝင်ဘာလ ၄ ရက် နေ့စွဲနဲ့ သမ္မတ ဦးသိန်းစိန်က လက်မှတ်ရေးထိုး ထုတ်ပြန်လိုက်ပါတယ်။
အခု ပြဋ္ဌာန်းလိုက်တဲ့ ဥပဒေမှာ အဓိက ဥပဒေ ၂ ရပ်ကို ပြင်ဆင်ထားပြီး နောက်ထပ် ဥပဒေ တခုကို ဖြည့်စွက် ထားပါတယ်။ အခုလို ပြင်ဆင် ထုတ်ပြန်လိုက်တာနဲ့ ပတ်သက်ပြီး NLD ပါတီ ပြောခွင့်ရပုဂ္ဂိုလ် ရှေ့နေ ဦးဉာဏ်ဝင်းက အခုလို ပြောပြပါတယ်။
“အခုပြင်လိုက်တာက ‘ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ရမယ်’ လို့ အရင် သုံးနှုန်းထားတာကို ‘လေးစားလိုက်နာရမယ်’၊ နောက်တခုက ကျနော်တို့ ပါတီဝင်တွေဟာ အကျဉ်းကျ မဖြစ်ရဘူး၊ အကျဉ်းကျရှိရင်လည်း ထုတ်ပယ်ရမယ် ဆိုတာ အဲဒါ ဖြုတ်လိုက်တယ်”
ဒီ ပြင်ဆင်ချက်ဥပဒေဟာ NLD ပါတီ မှတ်ပုံတင်ခွင့်ရအောင် ပြင်ဆင်ပေးလိုက်တာ ဖြစ်တယ်လို့ အေအက်ဖ်ပီ သတင်းဌာနက ဖော်ပြထားပါတယ်။ NLD ပါတီ ပြောခွင့်ရပုဂ္ဂိုလ် ဦးဉာဏ်ဝင်းက... ပါတီအနေနဲ့ ရွေးကောက်ပွဲ ကော်မရှင်မှာ မှတ်ပုံတင်သင့် မတင်သင့် ကိစ္စနဲ့ ပတ်သက်ပြီး လာမယ့် အင်္ဂါနေ့မှာ စတင် ဆွေးနွေးပြီး ဆုံးဖြတ်ချက်ချမှာ ဖြစ်တယ်လို့ RFA ကို ပြောပါတယ်။
ဂျပန် - အာဆီယံ စီးပွားရေး ဆွေးနွေးပွဲ ရန်ကုန်တွင်ကျင်းပ
၃၇ ကြိမ်မြောက် အာဆီယံ - ဂျပန် စီးပွားရေးလုပ်ငန်းဆိုင်ရာ ဆွေးနွေးပွဲကို ရန်ကုန် ဆီဒိုးနာဟိုတယ်တွင် တတိယမြောက်နေ့ အဖြစ် ကျင်းပရာ ဂျပန်၊ အာဆီယံနိုင်ငံများနှင့် မြန်မာနိုင်ငံမှ စီးပွားရေးလုပ်ငန်းရှင်များ ၄၀၀ ခန့် တက်ရောက်သည်ဟု သတင်းရရှိသည်။ ငါးလုပ်ငန်း အဖွဲ့ချုပ်မှ လုပ်ငန်းရှင် ဦးလှမောင်ရွှေက ယခုဆွေးနွေးပွဲသည် နှစ်၂၀ တွင် တကြိမ်သာ မြန်မာနိုင်ငံ၌ ကျင်းပခွင့် ရရှိခြင်း ဖြစ်ကြောင်း၊ ယခုလက်ရှိထိုင်းနိုင်ငံ ရေဘေးကြောင့် ဂျပန်နိုင်ငံမှ ရင်းနှီးမြှုပ်နှံထားသည့် စက်ရုံများ ရေနစ်နေသဖြင့် မြန်မာပြည်အတွက် စီးပွားရေး ဈေးကွက်နှင့် ပြည်ပရင်းနှီးမြှုပ်နှံမှုများ အလားအလာ ကောင်းမွန်မည်ဖြစ်ကြောင်း ပြောသည်။
တရုတ်ကုမ္ပဏီကို ရခိုင်ဒေသခံများ လျော်ကြေးတောင်း
ရခိုင်ပြည်နယ်၊ ကျောက်ဖြူမြို့နယ် ပဒေးကျွန်းတွင် လယ်မြေအသိမ်းခံရသူများက တရုတ်နိုင်ငံ CNPC စွမ်းအင် ကုမ္ပဏီထံမှ လျော်ကြေးရလိုကြောင်း ယမန်နေ့က တောင်းဆိုလိုက်သည်။ ပြည်နယ်အစိုးရထံသို့ မိတ္တူပေးပို့သော တောင်းဆိုစာတွင် CNPC ကုမ္ပဏီ ပါဝင်ပတ်သက်နေသည့် ထိုဒေသရှိ ရေနက်ဆိပ်ကမ်း နှင့် ဓာတ်ငွေ့ပိုက်လိုင်းစီမံကိန်း တို့ကြောင့် လယ်မြေအသိမ်းခံရသည့် မိသားစုတို့၏ နှစ် ၃၀ စာ စားဝတ်နေရေးအတွက် ကုန်ကျမည့် ငွေပမာဏ အတိုင်း လျော်ကြေး ရလိုကြောင်း ဖော်ပြထားသည်။
မြန်မာအစိုးရသစ်အပေါ် ကုလသမဂ္ဂ မျှော်လင့်ချက် ကြီးစွာထား
မြန်မာအစိုးရသစ်၏ ပြုပြင်ပြောင်းလဲမှုများ အပေါ် ကုလသမဂ္ဂအနေဖြင့် မျှော်လင့်ချက် ကြီးစွာ ထားရှိကြောင်း ကုလသမဂ္ဂ အထူးကိုယ်စားလှယ် မစ္စတာဗီ ဂျေ နမ်ဘီယာက မြန်မာပြည်မှ မထွက်ခွာမီ ရန်ကုန် အပြည်ပြည်ဆိုင်ရာ လေဆိပ် သတင်းစာရှင်းလင်းပွဲတွင် ပြောသည်။
မစ္စတာ ဗီ ဂျေ နမ်ဘီယာ ရန်ကုန် အပြည်ပြည်ဆိုင်ရာ လေဆိပ်တွင် သတင်းစာ ရှင်းလင်းပွဲ ပြုလုပ်စဉ် (ဓာတ်ပုံ - ဧရာဝတီ)
“တိုးတက်မှုတွေ တွေ့ရပါတယ်။ ကျနော့်အနေနဲ့ ဒီမိုကရေစီ ပြုပြင်ပြောင်းလဲမှုတွေနဲ့ ပတ်သက်လို့ အများကြီး မျှော်လင့် ပါတယ်” ဟု သူက ပြောသည်။
ဆက်လက်၍ ၎င်းက မြန်မာအစိုးရသစ် အနေနှင့် နယ်စပ်ဒေသတွင် ငြိမ်းချမ်းရေးနှင့် ဖွံ့ဖြိုးရေးအတွက် လုပ်ဆောင်ပေးခြင်း၊ နိုင်ငံရေး အကျဉ်းသားများအား လွှတ်ပေးခြင်းနှင့် နိုင်ငံရေး ပါတီမှတ်ပုံတင်ခြင်း ဥပဒေကို ပြန်လည် ပြင်ဆင်ခြင်းများအား
ဦးစားပေး လုပ်ဆောင်ခြင်းဖြင့် မြန်မာပြည်သူလူထု၏ လိုလားတောင့်တမှုကို ဖြည့်ဆည်းပေးရမည်ဟု ဆိုသည်။
မြန်မာနိုင်ငံတွင် ဒီမိုကရေစီပြုပြင်ပြောင်းလဲမှု များနှင့်ပတ်သက်ပြီး ကုလသမဂ္ဂက အပြည့်အ၀ ထောက်ခံကြောင်း၊ နိုင်ငံတကာ အသိုင်းအဝန်းနှင့် မြန်မာ့အတိုက်အခံ နိုင်ငံရေး အသိုင်းအ၀န်း၏ အသိအမှတ်ပြုမှု၊ ယုံကြည်မှုကို ရရှိရန် မြန်မာအစိုးရ အနေဖြင့် ပြုပြင်ပြောင်းလဲမှုများအား စနစ်တကျနှင့် စဉ်ဆက်မပြတ် လုပ်ဆောင်သွားရမည် ဖြစ်ကြောင်း မစ္စတာ နမ်ဘီယာက ဆက်ပြောသည်။
အထူးသဖြင့် ပြုပြင်ပြောင်းလဲမှု လုပ်ဆောင်ရာတွင် တွေ့ဆုံဆွေးနွေးမှုများဖြင့် နယ်စပ်ဒေသများတွင် ငြိမ်းချမ်းရေးနှင့်ဖွံ့ဖြိုးရေး ရရှိရန်၊ အမျိုးသားပြန်လည် စည်းလုံးညီညွတ်မှု ရရှိရန်၊ နိုင်ငံရေးအကျဉ်းသားများ အားလုံး လွှတ်ပေးရန်၊ နိုင်ငံရေးပါတီ မှတ်ပုံတင်ခြင်း ဥပဒေကို ပြန်လည်ပြင်ဆင် ပြဌာန်းရန် စသည်တို့သည် အရေးကြီး ဦးစားပေးလုပ်ဆောင်ရမည့် ကိစ္စများ ဖြစ်သည်ဟု ဆိုသည်။
ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်းသည် အင်ဒိုနီးရှားနိုင်ငံ ဘာလီကျွန်းတွင် ကျင်းပပြုလုပ်မည့်
အာဆီယံ – ကုလသမဂ္ဂ အစည်းအဝေးများ၌ သမ္မတ ဦးသိန်းစိန်နှင့် တွေ့ဆုံသွားမည် ဖြစ်ကြောင်းလည်း ၎င်းက ပြောသည်။
မစ္စတာ နမ်ဘီယာက ရန်ကုန်လေဆိပ်တွင် သတင်းစာရှင်းလင်းပွဲ ကျင်းပနေချိန်၌ ဒေါ်အောင်ဆန်းစုကြည်က အမေရိကန် အစိုးရ၏ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ ဒဲရက် မစ်ချယ်၊ ဒီမိုကရေစီ၊ လူ့အခွင့်အရေးနှင့် အလုပ်သမားရေး ဆိုင်ရာ အမေရိကန် လက်ထောက် နိုင်ငံခြားရေးဝန်ကြီး မစ္စတာ မိုက်ကယ် ပို့စနာ တို့နှင့် သူ၏ နေအိမ်တွင် တွေ့ဆုံခဲ့ပြီး တစုံတရာ သတင်း ထုတ်ပြန်ခြင်း မပြုခဲ့ကြောင်း သိရသည်။
06.11.2011 နေ့ဖတ်ရန်သတင်းများ
ရွေးကောက်ပွဲ စည်းရုံးရေး တရားဟော အပြီး မစ်ဘူတို လုပ်ကြံခံလိုက်ရတာပါဘနာဇီရာဘူတိုကို သတ်ဖြတ်မှုနဲ့ လူ ၇ ဦးကို စွဲချက်တင်
ပါကစ္စတန်နိုင်ငံမှာ
တာလီဘန် ၅ ဦးနဲ့ ထိပ်တန်း ရဲအရာရှိ ၂ ဦးကို ၂၀၀၇ ခုနှစ် တုန်းက
ဝန်ကြီးချုပ်ဟောင်း ဘနာဇီရာ ဘူတိုကို လုပ်ကြံ သတ်ဖြတ်ခဲ့မှုနဲ့ လုံခြုံရေး
ဆိုင်ရာ တရားရုံး တခုက စွဲချက်တင်လိုက် ပါတယ်။
မစ်ဘူတိုဟာ
ရာဝဲလ်ပင်ဒီ မြို့မှာ ရွေးကောက်ပွဲ စည်းရုံးရေး တရားဟောပြီးနောက်၊
ဗုံးခွဲပြီး သေနတ်နဲ့ ပစ်ခတ်တိုက်ခိုက်ခံရတာကြောင့် သေဆုံးသွားခဲ့တာပါ။
တရားစွဲ ခံထားရသူ တဦးဖြစ်တဲ့ ဆော့အာဇစ် ဆိုသူဟာ အဲဒီအချိန်တုန်းက ရာဝဲလ်ပင်ဒီမြို့ ရဲမှူးကြီး ဖြစ်ပါတယ်။
နောက်ပြီးသူဟာ မစ်ဘူတိုကို လုံခြုံရေးပေးဖို့ ပျက်ကွက်ခဲ့တယ်ဆိုပြီးလည်း စွပ်စွဲခံထား ရတာ ဖြစ်ပါတယ်။
အဲဒီအချိန်တုန်းက မစ်ဘူတိုဟာ သမ္မတ ပါဗက် မူရှာရက်ဖ်ကို ယှဉ်ပြိုင် အရွေးခံဖို့ အတွက် စည်းရုံးလုပ်ဆောင် နေခဲ့တာ ဖြစ်ပါတယ်။
အခုစွဲချက်တင်ခံထားရသူ ၇ ဦးစလုံးက စွပ်စွဲချက်တွေ အပေါ် မဟုတ်မှန်ကြောင်း ငြင်းဆို ထားပါတယ်။
လယ်လုပ်သူ လယ်ပိုင်ခွင့် ပါတီတွေ ဆွေးနွေး
ဒီမိုကရေစီ
မိတ်ဆွေ ပါတီများက ၁၀ ပါတီ စုပေါင်းပြီး လယ်သမားတွေ အရေးနဲ့ ပတ်သက်ပြီး
တနင်္ဂနွေနေ့တုန်းက ရန်ကုန်မြို့မှာ ဆွေးနွေး ခဲ့ကြ ပါတယ်။
လယ်လုပ်သူ
လယ်ပိုင်ရေးကိစ္စ၊ လယ်သမားတွေ လယ်သိမ်း ခံနေရတဲ့ကိစ္စ၊ ပဲတောင်သူတွေ
အရှုံးပေါ်နေတဲ့ ကိစ္စတွေနဲ့ပတ်သက်ပြီး ဆွေးနွေးခဲ့ကြ တယ်လို့ ဒီမိုကရက်တစ်
ပါတီ (မြန်မာ) က အတွင်းရေးမှူးချုပ် ဒေါ်သန်းသန်း နုက ဘီဘီစီကို ပြောပါတယ်။
ဒီမိုကရေစီမိတ်ဆွေပါတီများအဖွဲ့မှာ
ဒီမိုကရက်တစ်ပါတီအပြင် အမျိုးသား ဒီမိုကရေစီ အင်အားစု (NDF)၊ ရှမ်း၊
ရခိုင်၊ ချင်း စတဲ့ တိုင်းရင်းသား ပါတီတွေလည်း ပါဝင်ကြပါတယ်။
တောင်သူ
လယ်သမားတွေရဲ့ အခွင့်အရေးတွေနဲ့ပတ်သက်ပြီး မိတ်ဆွေ ပါတီများ အဖွဲ့ကနေ
အစိုးရဆီကို အကြံပြုတင်ပြသွားဖို့ ရှိတယ်လို့ ဒေါ်သန်းသန်းနုက ပြောပါတယ်။
တောင်သူတွေအနေနဲ့လည်း သူတို့ဆီကို လာပြီး တိုင်တန်းမယ်ဆိုရင် ပါတီတွေ စုပေါင်းပြီး ဆောင်ရွက်ပေးဖို့ ရှိတယ်လို့လည်း သူက ပြောပါတယ်။
ဘန်ကောက်မှာ ရေဆက်ကြီးနေဘန်ကောက် မဟာချိုင်မှာ ရေကြီးနိုင်
ထိုင်းနိုင်ငံ
ဘန်ကောက်မြို့မှာ ရေကြီး နေသလို ဘန်ကောက်အနီးက မဟာချိုင်အရပ်မှာလည်း
ရေကြီးနိုင်တဲ့ အတွက် ဒေသခံတွေ ကြိုဆင် ပြင်ဆင်ကြဖို့ အာဏာပိုင်တွေက
သတိပေးကြေငြာချက် ထုတ်ပြန် လိုက်ပါတယ်။
မဟာချိုင်အရပ်မှာ
မြန်မာနိုင်ငံသား သိန်းနဲ့ချီပြီး တော့လည်း နေနေကြပါတယ်။ အဲဒီက
စက်မှုဇုံတွေနဲ့ ငါးလုပ်ငန်းတွေမှာ ဝင်ရောက် လုပ်ကိုင်နေကြပြီး အများစုက
မွန်နဲ့ ထားဝယ်တွေ ဖြစ်ပါတယ်။
နောက်ရက်ပိုင်းအတွင်းမှာ ရေကြီးလာဖို့
ရှိတယ်လို့ အာဏာပိုင်တွေက မဟာချိုင်က ရပ်ကွက်တွေထဲကို ကားနဲ့ လှည့်လည်ကာ
အသံချက်စက်နဲ့ အော်ဟစ်သတိပေးနေတယ်လို့ ဒေသခံ မြန်မာတစ်ဦးက ပြောပါတယ်။
အသက်အရွယ်ကြီးသူတွေနဲ့ ကိုယ်ဝန်ဆောင်တွေ ရွေးပြောင်းနေကြဖို့နဲ့ မြေမြင့်ရာကို ပြောင်းရွေ့နေကြဖို့ သတိပေးထားပါတယ်။
ဒါပေမယ့် မြန်မာအများစု အနေနဲ့ ပြောင်းစရာ နေရာမရှိသေးသလို တချို့ကလည်း မြန်မာပြည်ကို ပြန်ဖို့ လုပ်နေကြတယ်လို့လည်း သိရပါတယ်။
နိုင်ဂျီးရီးယား နိုင်ငံနိုင်ဂျီးရီးယားမှာ အကြမ်းဖက်မှုတွေ ဖြစ်
နိုင်ဂျီးရီးယား
နိုင်ငံ ရဲ့ အရှေ့မြောက်ပိုင်း မှာ အစ္စလာမ်မစ် စစ်သွေးကြွ အဖွဲ့ တခု
ဖြစ်တဲ့ ဘိုကိုဟာရမ် အဖွဲ့က သေနတ်နဲ့ ပစ်ခတ် တာတွေ၊ ဗုံးခွဲ တိုက်ခိုက်
တာတွေ လုပ်ခဲ့ကြောင်း ပြောလိုက်ပါတယ်။
ဒီတိုက်ခိုက် မှုတွေကြောင့်
လူပေါင်း၁၀၀ လောက် သေဆုံးခဲ့ ရပါတယ်။ ဒီ အဖွဲ့ရဲ့ ပြောခွင့်ရသူက နောက်ထပ်
တိုက် ခိုက်မှုတွေ ကိုလဲ ဆက်လုပ်သွား ဦးမှာ ဖြစ်တယ်လို့ ဆိုပါတယ်။
အခုသေဆုံး ခဲ့ရသူတွေ ထဲက အများစုဟာ ဒါမာတူရူ မြို့ က ဖြစ်ပါတယ်။
အဲဒီ
မြို့မှာ အသေခံ ဗုံးသမား က ရဲ ဌာနချုပ်ကို ဝင်ပြီး ဗုံးခွဲ တိုက်ခိုက်
ခဲ့တာ ဖြစ်ပါတယ်။ နောက်တခါ ခရစ်ယာန် ဘုရား ရှိခိုး ကျောင်းတွေကိုလဲ
လက်ပစ်ဗုံးတွေ နဲ့ တိုက်ခိုက် ခဲ့ ကြတယ်လို့ သိရပါတယ်။
ဒီလို
တိုက်ခိုက်မှု တွေဟာ ပြီးခဲ့ တဲ့ သောကြာနေ့က အဲဒီ မြို့အနားက မိုင်ဒုဂရီ
မြို့တော် မှာ စတင်ခဲ့တာ ဖြစ်ပါတယ်။ အဲဒီ မြို့က စစ် အခြေစိုက် စခန်း
တခုကို လဲ အသေခံ ဗုံး သမား တွေက တိုက်ခိုက် ခဲ့ကြတာ ဖြစ်ပါတယ်။
နိုင်ဂျီးရီးယား
သမ္မတ ဂွတ်လပ်ခ် ဂျွန်နသန် ရဲ့ ပြောခွင့်ရသူ ကတော့ အစိုးရ ဘက်က ဒီ
တိုက်ခိုက် မှုတွေ အတွက် တာဝန် ရှိသူ အားလုံးကို အရေးယူ သွား မယ်လို့
ပြောပါတယ်။
ဂရိ ဝန်ကြီးချုပ် ဂျော့ခ်ျ ပါပန်ဒရေးယူဂရိ မှာ ညွန့်ပေါင်း အစိုးရဖွဲ့မယ်
အကြွေး
တွေကြောင့် ဒုက္ခ တွေ ကြုံနေတဲ့ ဂရိ နိုင်ငံမှာ အမျိုးသား စည်းလုံး ညီညွတ်
ရေး အတွက် စကား ပြောကြ ဖို့ နိုင်ငံရေး ပါတီ အားလုံး က ခေါင်းဆောင်
တွေနဲ့ တွေ့ဆုံ နိုင်ဖို့ ဂရိ သမ္မတ ခါရာလာပ်စ် ပါပုလီယပ်စ် က ဆင့်ခေါ်
လိုက်တယ် လို့ ဂရိ ကက်ဘိနက် အဖွဲ့က ပြော ပါတယ်။
ဘယ်တော့ တွေ့ဆုံ
ကြမလဲ ဆိုတဲ့ အချိန်အတိ အကျတော့ ထွက်မလာ ပေမယ့် တချို့ သတင်း တွေမှာတော့
အစောဆုံး အဖြစ် တနင်္ဂနွေနေ့ မှာပဲ စတင် တွေ့ဆုံ စည်းဝေး ကြမှာ ဖြစ်တယ် လို့
ဆိုပါတယ်။
ဂရိ ဝန်ကြီးချုပ် ဂျော့ခ်ျ ပါပန်ဒရေးယူ ကတော့
တိုင်းပြည်ရဲ့ အကြွေး ပြဿနာ တွေ ကို ဖြေရှင်း ရေး အတွက် ညွန့်ပေါင်း
အစိုးရ တခု အမြန်ဆုံး ဖွဲ့စည်း နိုင်ရေး အတွက် အတိုက် အခံ ပါတီတွေနဲ့
ဆွေးနွေး သွားမှာ ဖြစ်တယ်လို့ ဆိုလိုက် ပါတယ်။
အဲဒီ အုပ်ချုပ်ရေး
အဖွဲ့သစ် ကနေ ပထမဆုံး လုပ်သွား ရမှာ ကတော့ အီးယူ နဲ့ သဘောတူညီ မှုရယူ
ထားခဲ့တဲ့ ချိုးခြံခြွေတာ ရေး အစီအမံတွေ နဲ့ အကူ ရန်ပုံငွေ ကိစ္စတွေ အမြန်
အကောင် အထည် ဖော်နိုင်ရေး ဖြစ်ပါတယ်။
အာဏာရ ဆိုရှယ်လစ် တွေဘက်က ဒီ
သဘော တူညီချက် တွေကို အမြန် ဖော်ဆောင် လိုနေ ကြ ပါတယ်။ ဒါပေမယ့် အတိုက်
အခံ ဗဟို လက်ယာ ယိမ်းသမား တွေကတော့ ရွေးကောက် ပွဲ စောစီးစွာ ကျင်းပရေးနဲ့
ဝန်ကြီးချုပ် ဂျော့ခ်ျ ပါပန်ဒရေးယူ ဝန်ကြီးချုပ် အဖြစ် ဆက်ပြီး မလုပ်ရေး
တွေကို တောင်းဆို နေကြပါတယ်။
ပါတီမှတ်ပုံတင်ခြင်း ပြင်ဆင်သည့်ဥပဒေ အတည်ပြု
NLD အနေနဲ့ ပါတီမှတ်ပုံတင်/မတင် ကိစ္စကို လာမယ့် အင်္ဂါနေ့မှာ ဆွေးနွေးဖို့ရှိ
နိုင်ငံရေးပါတီများ
မှတ်ပုံတင်ခြင်း ဥပဒေ ကို ပြင်ဆင်သည့် ဥပဒေကို သမ္မတ ဦးသိန်းစိန်
လက်မှတ်ရေးထိုးပြီး ပြည်ထောင်စုလွှတ်တော်ကနေ သောကြာနေ့ က
ထုတ်ပြန်လိုက်ပါတယ်။
ပြင်ဆင်လိုက်တဲ့ အချက်တွေထဲမှာ ဖွဲ့စည်းပုံ
အခြေခံဥပဒေကို ထိန်းသိမ်းစောင့်ရှောက် ရမယ်ဆိုတဲ့ စကားရပ်အစား '' လေးစား
လိုက်နာရေး'' နဲ့ အစားထိုးထားပြီး၊ ထောင်ဒဏ် ကျခံနေသူများ နိုင်ငံရေး
ပါတီဝင် မဖြစ်ရဆိုတဲ့ ကန့်သတ်ချက်များကို ပယ်ဖျက်ထား ပါတယ်။
နောက်ပြီး
ကြားဖြတ်ရွေးကောက်ပွဲတွေမှာ နိုင်ငံရေးပါတီအနေနဲ့ အနည်းဆုံး မဲဆန္ဒနယ်
သုံးခုမှာ ဝင်ရောက် ယှဉ်ပြိုင်ရမယ် ဆိုတဲ့ အချက်ကိုလည်း ဖြည့်စွက်ထားပါတယ်။
ပါတီမှတ်ပုံတင်ခြင်းဥပဒေကို
ပြင်ဆင်သည့်ဥပဒေ အတည်ဖြစ်လာပြီဖြစ်တဲ့အတွက် အမျိုးသားဒီမိုကရေစီ
အဖွဲ့ချုပ် NLD အနေနဲ့ ပါတီမှတ်ပုံတင် - မတင်ကိစ္စကို လာမယ့် အင်္ဂါနေ့
ဗဟိုအလုပ်အမှုဆောင် အစည်းအဝေးမှာ ထည့်သွင်း ဆွေးနွေးဖို့ရှိပါတယ်။
NLD ပါတီ မှတ်ပုံတင်ရေး အင်္ဂါနေ့ ဆွေးနွေးမည်
2011-11-05
နိုင်ငံရေးပါတီများ
မှတ်ပုံတင်ခြင်း ဥပဒေကို ပြင်ဆင်တဲ့ ဥပဒေ ပြဋ္ဌာန်းချက်တရပ် ၂ဝ၁၁ ခုနှစ်
နိုဝင်ဘာလ ၄ ရက် နေ့စွဲနဲ့ သမ္မတ ဦးသိန်းစိန်က လက်မှတ်ရေးထိုး
ထုတ်ပြန်လိုက်ပါတယ်။
အခု ပြဋ္ဌာန်းလိုက်တဲ့ ဥပဒေမှာ အဓိက ဥပဒေ ၂ ရပ်ကို
ပြင်ဆင်ထားပြီး နောက်ထပ် ဥပဒေ တခုကို ဖြည့်စွက် ထားပါတယ်။ အခုလို ပြင်ဆင်
ထုတ်ပြန်လိုက်တာနဲ့ ပတ်သက်ပြီး NLD ပါတီ ပြောခွင့်ရပုဂ္ဂိုလ် ရှေ့နေ
ဦးဉာဏ်ဝင်းက အခုလို ပြောပြပါတယ်။
“အခုပြင်လိုက်တာက
‘ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ရမယ်’ လို့ အရင်
သုံးနှုန်းထားတာကို ‘လေးစားလိုက်နာရမယ်’၊ နောက်တခုက ကျနော်တို့ ပါတီဝင်တွေဟာ
အကျဉ်းကျ မဖြစ်ရဘူး၊ အကျဉ်းကျရှိရင်လည်း ထုတ်ပယ်ရမယ် ဆိုတာ အဲဒါ
ဖြုတ်လိုက်တယ်”
ဒီ ပြင်ဆင်ချက်ဥပဒေဟာ NLD ပါတီ
မှတ်ပုံတင်ခွင့်ရအောင် ပြင်ဆင်ပေးလိုက်တာ ဖြစ်တယ်လို့ အေအက်ဖ်ပီ သတင်းဌာနက
ဖော်ပြထားပါတယ်။ NLD ပါတီ ပြောခွင့်ရပုဂ္ဂိုလ် ဦးဉာဏ်ဝင်းက... ပါတီအနေနဲ့
ရွေးကောက်ပွဲ ကော်မရှင်မှာ မှတ်ပုံတင်သင့် မတင်သင့် ကိစ္စနဲ့ ပတ်သက်ပြီး
လာမယ့် အင်္ဂါနေ့မှာ စတင် ဆွေးနွေးပြီး ဆုံးဖြတ်ချက်ချမှာ ဖြစ်တယ်လို့ RFA
ကို ပြောပါတယ်။
ပါတီမှတ်ပုံတင်ဥပဒေပြင်ဆင်ချက် NDF ဘ၀င်မကျ
By မသင်းသီရိ
နိုင်ငံတော်သမ္မတက
ထုတ်ပြန်လိုက်တဲ့ နိုင်ငံရေးပါတီမှတ်ပုံတင်ခြင်း ဥပဒေပြင်ဆင်ချက်ဟာ
ထူးထူးခြားခြား မရှိဘူးလို့ အမျိုးသားဒီမိုကရေစီအင်အားစု (NDF) ပါတီက
ပြောပါတယ်။ ၂၀၁၀ ရွေးကောက်ပွဲ မတိုင်ခင်တုန်းက နိုင်ငံတော်ပုန်ကန်မှုနဲ့
ပြစ်ဒဏ်ကျခံထားရသူတွေဟာ ရွေးကောက်ပွဲဝင်ဖို့ အသနားခံစာ တင်ရမယ်ဆိုတဲ့အချက်
ထုတ်ပြန်ထားတာမို့ အခုပြင်ဆင်ချက်ထဲမှာ အကျုံးဝင်မှုရှိမရှိ
ရှင်းရှင်းလင်းလင်း မရှိသေးဘူးလို့လည်း NDF ပါတီက ဦးခင်မောင်ဆွေက
ပြောပါတယ်။ ဒီအခြေအနေ အပြည့်အစုံကို မသင်းသီရိက တင်ပြထားပါတယ်။
နိုဝင်ဘာ
၎ ရက်နေ့စွဲနဲ့ နိုင်ငံတော်သမ္မတ ဦးသိန်းစိန်က
နိုင်ငံရေးပါတီမှတ်ပုံတင်ခြင်း ဥပဒေပြင်ဆင်ချက်ဟာ နိုင်ငံပါတီတွေအဖို့
လှုပ်သာလူးသာအခြေအနေတစ်ခု ရှိလာတာကလွဲရင် ထူးခြားတဲ့အချက်တွေ မပါဘူးလို့
အမျိုးသားဒီမိုကရေစီအင်အားစု (NDF) ပါတီက ဦးခင်မောင်ဆွေက ပြောပါတယ်။
“မထူးလှပါဘူးခင်ဗျာ။
ဘာဖြစ်လို့လဲဆိုတော့ ဒါကတော့ လုပ်နိုင်ကိုင်နိုင်ချေရှိတယ်၊ ပွင့်လင်းလာတာ
ရှိတယ်လေ။ သိပ်ပြီးတော့ထင်ရှားတဲ့ အပြောင်းအလဲကြီးတစ်ခုတော့
မဟုတ်သော်လည်းပဲ ၀င်ချင်တဲ့သူတွေ ၀င်နိုင်အောင် လမ်းကြောင်းပေးထားတာကတော့
ထူးခြားပါတယ်။ အကျဉ်းကျဖူးတဲ့ ပုဂ္ဂိုလ်တွေကတော့ လွတ်လပ်စွာ
ဝင်ခွင့်ရှိသွားပြီပေါ့။ ကျန်တဲ့နှစ်ချက်ကတော့ သိပ်ပြီးမထူးလှပါဘူး။ ၂၀၁၀
တုန်းကလည်း ပါတီတစ်ပါတီမှာ လူ ၃ ယောက်ဝင်ရမယ်ဆိုတာ၊ နေရာသုံးနေရာပေါ့
ပြည်သူ့လွှတ်တော်၊ အောက်လွှတ်တော်၊ တိုင်းဒေသကြီးလွှတ်တော်ပေါ့။ ဒါက
သိပ်မထူးပါဘူး။ နောက်ပြီး ကျနော်တို့ တင်လိုက်တဲ့ အခြေခံဥပဒေကို
လေးစားလိုက်နာရမယ်ဆိုတာနဲ့ ကာကွယ်စောင့်ရှောက်ရမယ် ဆိုတဲ့ ကိစ္စကတော့
ကာကွယ်စောင့်ရှောက်ရမယ် ဆိုတာက စစ်တပ်မဟုတ်တဲ့အခါကျတော့
ကာကွယ်စောင့်ရှောက်လို့ မရပါဘူး။ လေးစားလိုက်နာရမယ်ဆိုတာကတော့ တော်တော်ကြီး
ဆီလျော်တာဖြစ်ပါတယ်။ ၂၀၀၈ ခုနှစ် အခြေခံဥပဒေမှာ ပုဒ်မ (၄၀၅/ခ) မှာ
နိုင်ငံရေးပါတီအခန်းကဏ္ဍမှာ “နိုင်ငံရေးပါတီတိုင်းသည် အခြေခံဥပဒေနဲ့
တည်ဆဲဥပဒေများကို လေးစားလိုက်နာရမည်” ဆိုပြီးတော့ ပုဒ်မ (၄၀၅/ခ) မှာ
ပါပြီးသားဖြစ်ပါတယ်။ အဲဒီတော့ ဒါကို သမ္မတကြီးက ရွေးကောက်ပွဲဥပဒေမှာ ပြန်
ပြင်ပေးတာပဲဖြစ်လို့ ကျနော်တို့အတွက်ကတော့ သိပ်ပြီး မထူးလှပါဘူး။”
NDF
ပါတီထဲကဆိုရင် ဦးခင်မောင်ဆွေ အပါအ၀င် ဦးစိန်လှဦး၊ ဦးတင်အောင်အောင် နဲ့
ဦးသာဆန်းတို့ လေးဦးဟာ နိုင်ငံတော်ပုန်ကန်မှုတွေနဲ့ အရင်က
ပြစ်ဒဏ်ကျခံထားဖူးတာမို့ ၂၀၁၀ ရွေးကောက်ပွဲဝင်မယ် ဆိုရင် အသနားခံစာတင်ရမယ်
ဆိုတဲ့အတွက် သူတို့လေးဦးစလုံးဟာ ပြီးခဲ့တဲ့ရွေးကောက်ပွဲမှာ မ၀င်ခဲ့ကြတာပါ။
အခုပြင်ဆင်လိုက်တဲ့ ဥပဒေထဲမှာ ပုဒ်မ (၁၀)၊ ပုဒ်မခွဲ (င) ကို
ဖျက်ပစ်လိုက်တာမို့ အရင်က ပြစ်ဒဏ်ကျထားဖူးတဲ့သူတွေ ရွေးကောက်ပွဲဝင်ခွင့်
ရှိတယ်ဆိုပေမဲ့ အယူခံဝင်ပြီးမှ ရွေးကောက်ပွဲဝင်ရမယ် ဆိုတဲ့သူတွေအတွက်
အကျုံးဝင်သွားပြီလား၊ ဒါမှမဟုတ် မသက်ဆိုင်တော့ဘူးလား ဆိုတဲ့အချက်တွေကလည်း
ရှင်းရှင်းလင်းလင်း မရှိသေးဘူးလို့ ပြောပါတယ်။
“အဲဒါကတော့ နောက်ထပ်
ကျနော်တို့ အမိန့်ကြော်ငြာစာတို့၊ ငြိမ်းဥပဒေတို့ ထုတ်ဦးမလား
မသိဘူးပေါ့ဗျာ။ ဒါပေမဲ့ သိပ်တော့ မရှင်းသေးဘူးပေါ့ဗျာ။ ကျနော်တို့က
အထူးသဖြင့် ရွေးကောက်ပွဲကော်မရှင်ကနေ စာပို့ထားတာကိုး။
နိုင်ငံတော်အကြီးအကဲကို အဲဒီတုန်းကတော့ ဗိုလ်ချုပ်သန်းရွှေကို
အသနားခံစာတင်ရမယ် ဆိုပြီးတော့ ပါတယ်လေ။ ပါတော့ အဲဒီတုန်းကတော့ ကျနော်တို့
မတင်လိုက်ပါဘူး။ အခုကျတော့ ဒါက အကျုံးဝင်တယ် မ၀င်ဘူးဆိုတာကတော့
ကော်မရှင်ကိုပဲ ကျနော်တို့ ပြန်မေးမှသိမှာပါ။”
NDF ပါတီအနေနဲ့ကတော့
လာမယ့်ကြားဖြတ် ရွေးကောက်ပွဲမှာ နေရာ ၂၀ လောက်ထိ ၀င်ရောက်ယှဉ်ပြိုင်ဖို့
စီစဉ်ထားတယ်လို့လည်း ဦးခင်မောင်ဆွေက ပြောပါတယ်။
“နေရာ ၂၀
လောက်ကိုပြိုင်ဖို့ ကျနော်တို့ စဉ်းစားပြီးပါပြီ။ ပြိုင်မယ့်ပုဂ္ဂိုလ်များ
တန်းစီထားတဲ့ စာရင်းဇယားတွေလည်း ရုံးမှာရောက်နေပါပြီ။ ကျနော်တို့
ရွေးချယ်ရေးကော်မရှင်ဖွဲ့ပြီးရင်တော့ နံမည်နဲ့ နေရာတွေနဲ့ ထွက်လာမှာပါ။
အဲဒီထဲကတော့ ၀င်ချင်တဲ့သူရှိရင်တော့ ၀င်နိုင်ပါတယ်။ ကိုယ့်ကိုယ်ကိုကတော့
မစဉ်းစားပါဘူး။ သို့သော်လည်း ၀င်မယ့်သူတွေကတော့ ၀င်နိုင်ချေရှိပါတယ်။”
NDF
ပါတီကို ဦးဆောင်နေသူထဲက တစ်ဦးဖြစ်တဲ့ ဦးခင်မောင်ဆွေ ဖြစ်ပါတယ်။ အခု
နိုင်ငံရေးပါတီ မှတ်ပုံတင်ခြင်း ဥပဒေပြင်ဆင်ချက် ထွက်လာတဲ့အပေါ် ၂၀၀၈
ဖွဲစည်းပုံကို လက်မခံလို့ နိုင်ငံရေးပါတီအဖြစ် မှတ်ပုံမတင်တဲ့
အမျိုးသားဒီမိုကရေစီအဖွဲ့ချုပ် (NLD) ကတော့ အကောင်းမြင်တယ်လို့ ပြောပေမဲ့
နိုင်ငံရေးပါတီအဖြစ် မှတ်ပုံတင်ရေး မတင်ရေးကတော့ NLD ပါတီတွင်း
ဆွေးနွေးဆုံးဖြတ်ရဦးမယ်လို့ NLD ပါတီ ထိပ်ပိုင်း တာဝန်ရှိသူတစ်ဦးဖြစ်တဲ့
ဦးဝင်းတင်က ပြောပါတယ်။
အမေရိကန်အဆင့်မြင့်အရာရှိ ၂ ဦးရဲ့ မြန်မာပြည်ခရီး
By David Gollust/ မအေးသန္တာကျော်
မြန်မာနိုင်ငံမှာ
အရပ်သားအစိုးရသစ်ရဲ့ခေါင်းဆောင်တွေ၊ မြန်မာစစ်ဘက်ဆိုင်ရာ
ခေါင်းဆောင်တွေနဲ့ အပြုသဘောဆောင် ဆွေးနွေးမှုတွေ ကျင်းပနိုင်ခဲ့တယ်လို့
မြန်မာနိုင်ငံကို ပြီးခဲ့တဲ့သီတင်းပတ်တွင်းမှာ သွားရောက်ခဲ့တဲ့
အမေရိကန်နိုင်ငံခြားရေး ၀န်ကြီးဌာနရဲ့ အဆင့်မြင့်အရာရှိတွေက
ပြောကြားသွားပါတယ်။ ဒီလို မြန်မာဘက်က ပြုပြင်ပြောင်းလဲရေးတွေ
လုပ်ဆောင်လာတာကို အမေရိကန်တို့ဘက်ကလည်း ထိန်းချုပ်မှုတွေ
လျှော့ပေါ့ပေးခြင်းအားဖြင့် အပြုသဘောနဲ့ တုံ့ပြန်ဖို့စီစဉ်ထားတယ်လို့
သူတို့က ပြောပါတယ်။ ဒီသတင်းနဲ့ပတ်သက်လို့ ဗွီအိုအေ သတင်းထောက် David
Gollust က နိုင်ငံခြားရေးဝန်ကြီးဌာနကနေ သတင်းပေးပို့ထားပါတယ်။
အမေရိကန်
လက်ထောက်နိုင်ငံခြားရေးဝန်ကြီး မိုက်ကယ်ပေါ့စနာနဲ့ မြန်မာနိုင်ငံဆိုင်ရာ
အထူးကိုယ်စားလှယ် ဒဲရက်မစ်ချဲလ်တို့ရဲ့ သုံးရက်ကြာ မြန်မာနိုင်ငံခရီးစဉ်ဟာ
အမေရိကန်နဲ့ မြန်မာနိုင်ငံကြားမှာ ပြောဆို ဆွေးနွေးမှုတွေ ဖြစ်ပေါ်စေဖို့
လုပ်ဆောင်ချက်တစ်ခုဖြစ်ပြီး မြန်မာအစိုးရသစ် လုပ်ဆောင်နေတဲ့
ပြုပြင်ပြောင်းလဲရေးတွေနဲ့ ပတ်သက်ပြီး အားရမိပါတယ်လို့ သူတို့နှစ်ဦးက
ပြောသွားတာပါ။
အရင်ကတော့ နှစ်ပေါင်းများစွာ စစ်အုပ်ချုပ်မှုအောက်ကနေ
ပြီးခဲ့တဲ့မတ်လမှာ အရပ်သားအစိုးရအဖြစ် ပြောင်းလဲလာတာဟာ အဓိပ္ပါယ်ပြည့်ဝတဲ့
ပြောင်းလဲမှုတွေ ဖော်ဆောင်ပေးနိုင်ပါ့မလားဆိုပြီး အမေရိကန်ပြည်ထောင်စုဘက်က
စိုးရိမ်နေခဲ့တာဖြစ်ပါတယ်။ ဒါပေမဲ့ မြန်မာအာဏာပိုင်အဖွဲ့သစ်ရဲ့
ပြုပြင်ပြောင်းလဲရေး လုပ်ဆောင်မှုတွေဟာ အမေရိကန်ပြည်ထောင်စုက ကြိုဆိုတဲ့
အသွင်ကူးပြောင်းမှု ပုံစံမျိုးရဲ့အစ ဖြစ်တယ်ဆိုတာ တွေ့ရတယ်လို့
ရန်ကုန်မြို့က မြန်မာသံရုံးမှာ သောကြာနေ့က ကျင်းပတဲ့
သတင်းစာရှင်းလင်းပွဲမှာ မစ္စတာ မစ်ချဲလ်နဲ့ မစ္စတာ ပေါ့စနာတို့က
ပြောသွားပါတယ်။ သူတို့နှစ်ဦးဟာ နေပြည်တော်မှာ မြန်မာစစ်ဦးစီးချုပ် အပါအ၀င်
အစိုးရ ထိပ်တန်းအရာရှိတွေနဲ့ တွေ့ဆုံခဲ့သလို ရန်ကုန်မြို့မှာလည်း
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တခြား
နိုင်ငံရေးသမားတွေ၊ လူ့အခွင့်အရေး လှုပ်ရှားသူတွေနဲ့ တွေ့ဆုံခဲ့တာပါ။
မစ္စတာ
ပေါ့စနာက နိုင်ငံရေးအကျဉ်းသားအားလုံး လွှတ်ပေးရေးအတွက် ဖိအားပေးခဲ့ကြောင်း
နိုင်ငံခြားရေး ၀န်ကြီးဌာန ပြောရေးဆိုခွင့်ရှိသူ ဗစ်တိုးရီးယား နျူလန်
(Victoria Nuland) က ၀ါရှင်တန်က သတင်းစာရှင်းလင်းပွဲမှာ ပြောကြားသွားပါတယ်။
“နိုင်ငံရေးအကျဉ်းသားအားလုံး
ပြန်လွှတ်ပေးသင့်ပါတယ်။ ဘယ်သူ့ကို ဆက်ဖမ်းထားမယ်၊ ဘယ်သူ့ကို
လွှတ်ပေးမယ်ဆိုတဲ့ ကိစ္စမှာ မြင်သာထင်သာ မရှိလှတာကို တွေ့ရပါတယ်။ မစ္စတာ
ပေါ့စနာဟာ သူ့ရဲ့ ပထမဦးဆုံး ခရီးစဉ်မှာ အာဏာပိုင်တွေနဲ့
ကိုယ်တိုင်တွေ့ဆုံပြီး သူတို့ ဘယ်သူတွေကို လွှတ်ပေးတယ် ဆိုတာလည်း သိခဲ့ရသလို
နိုင်ငံရေးအကျဉ်းသားအားလုံး လွှတ်ပေးဖို့လိုတယ် ဆိုတာကိုလည်း ပြောခဲ့ပါတယ်။
တချို့ ကိစ္စရပ်တွေကို သီးသန့်ဆွေးနွေးခဲ့တာမျိုးတွေ ရှိပါတယ်။” - လို့
မစ္စ် နျူလန်က ပြောသွားခဲ့ပါတယ်။
အောက်တိုဘာလ အစောပိုင်းကပဲ
မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ကို အမေရိကန် ပြည်ထောင်စုကို
လာရောက်ခွင့်ပေးတာဟာ အမေရိကန်အစိုးရက ထိန်းချုပ်မှုတွေကို လျှော့ပေါ့ပေး
လာတယ်ဆိုတဲ့ လက္ခဏာဖြစ်ပါတယ်။
အမေရိကန်အစိုးရဟာ မြန်မာနိုင်ငံမှာ
လယ်ယာစိုက်ပျိုးရေးနဲ့ အသေးစားချေးငွေ အကူအညီပေးရေး အစီအစဉ်တွေကို
တိုးချဲ့လုပ်ဆောင်ဖို့ စဉ်းစားနေပါတယ်။ ဒါပေမဲ့ ရှေ့ဆက်
ဆက်ဆံရေးခိုင်မာဖို့က မြန်မာအစိုးရဆီက ခိုင်မာတဲ့ ပြုပြင်ပြောင်းလဲရေးကို
မြင်ရမှဖြစ်ပါမယ်။ မြန်မာနိုင်ငံရဲ့ ပြုပြင်ပြောင်းလဲရေး ကြိုးပမ်းမှုမှာ
အမေရိကန်အစိုးရကလည်း လက်တွဲပါဝင်သွားမှာဖြစ်ကြောင်း မြန်မာနိုင်ငံဆိုင်ရာ
အထူးကိုယ်စားလှယ် မစ္စတာ မစ်ချဲလ်က ပြောကြားသွားပါတယ်။
လက် ၁၂ ချောင်း၊ ခြေ ၁၄ ချောင်းနှင့် မြန်မာကလေး ကမ္ဘာကျော်ပြီ
စင်္ကာပူရောက် ဖေဖေကို ဖုန်းဆက်နေသလား။
ခြေချောင်းလက်ချောင်း အများအပြားရှိသည့် မြန်မာကလေးသတင်း ကို နိုင်ငံတကာရှိ သတင်းဌာနပေါင်း ၁၀၀ ကျော်က ရေးသား ထုတ်လွှင့်နေကြသည်။
ထိုကလေးမှာ ရန်ကုန်မြို့တွင် နေထိုင်သူ ၁ နှစ် ၄ လအရွယ် လဲ့ရတီမင်း ဖြစ်သည်။
လက်
၁၂ ချောင်းနှင့် သမီးလေးက အရာဝတ္ထုများကို ဆုပ်ကိုင်ရာတွင် “ပိုတောင်
မြဲနေသေးတယ်” ဟု အသက် ၂၆ နှစ်အရွယ် မိခင် မမင်းမင်းစိုးက AP သတင်းဌာနကို
ပြောသည်။
ကလေးဖခင် ကိုညီညီထွန်းသည် စင်္ကာပူရှိ
သင်္ဘောကျင်းတခုတွင် ရှိနေပြီး အလုပ်အကိုင် စာချုပ် သက်တမ်း ကုန်ဆုံးမည့်
၂၀၁၂ ဧပြီလ ကျော်မှ အိမ်ပြန်မည်ဟု AP သတင်းက ဆိုသည်။
ခြေချောင်း
လက်ချောင်း အများအပြား ပါဝင်သည့် လဲ့ရတီမင်းကို
ဂင်းနစ်ကမ္ဘာ့စံချိန်စာရင်းတွင် ပါဝင်နိုင်ရန် မိသားစုက ကြိုးစားနေသည်ဟု
ဆိုသည်။
AP သတင်းဌာနက ဤကလေးနှင့် ပတ်သက်ပြီး နိုင်ငံတကာတွင် ထင်ရှားသည့် ခွဲစိတ်ပါရဂူ ဒေါက်တာ Craig Camasta ကို ဆက်သွယ်မေးမြန်းခဲ့သည်။
မိဘတချို့က
၎င်းတို့၏ ကလေးများနှင့် တခြား ကလေးများ မတူကွဲပြားနေခြင်း မလိုလားကြောင်း၊
ကလေးတွင် ခြေချောင်း၊ လက်ချောင်း အပို ပါရှိပါက တနှစ်အရွယ် ရောက်လျှင်
ခွဲစိတ် ဖြတ်တောက်လိုကြကြောင်း သူက ပြန်လည် ဖြေကြားခဲ့သည်။
လန်ဒန်အခြေစိုက် ဂင်းနစ်က အသိအမှတ်ပြုပါက ဆုငွေ ပေးမည် မဟုတ်သော်လည်း အသိအမှတ်ပြု မှတ်တမ်းလွှာ ပေးမည် ဖြစ်သည်။
သမီး နှင့် တွေ့ရသော မိခင် မမင်းမင်းစိုး။
သူ၏ ၃ နှစ်ကျော်အရွယ် သမီးကြီးမှာ ခြေချောင်းလက်ချောင်း အရေအတွက် ပုံမှန် ပါရှိသည်ဟု ဆိုသည်။
လဲ့ရတီမင်း၏ သတင်းကို လွန်ခဲ့သည့် ၆ လ ခန့်ကပင် ရန်ကုန်အခြေစိုက် မြန်မာပို့စ်တွင် ဖော်ပြပြီး ဖြစ်သည်။
၁ မိနစ်ကျော်ကြာ AP ရုပ်သံသတင်းတွင် တွေ့ရသော မိခင်။
(မှတ်ချက်။ စက္ကန့် ၃၀ စာ ကြော်ငြာကို ဦးစွာ ကြည့်ရှုရမည်)
ဓာတ်ပုံများ - AP
ကမ္ဘာတစ်ဝန်းလုံး လက်ချောင်း ခြေချောင်း အများဆုံး လူသား မြန်မာနိုင်ငံမှ မလဲ့ရတီမင်း ကို
လူ အများ စိတ်ဝင်စား
ကိုကိုလတ် (အမရပူရ) Myanmar Post ဂျာနယ်၊ သြဂုတ် ၃၁၊ ၂၀၁၀
မလဲ့ရတီမင်းသည်
၂၀၁၀ပြည့်နှစ်၊ သြဂုတ် ၁၈ရက်တွင် အသက် ကိုးလ တင်းတင်းပြည့်ခဲ့ပြီး
ဖြစ်သည်။ သူမ၏ ဘယ်ညာ လက်တစ်ဖက် စီတွင် လက်ချောင်း ခြောက်ချောင်း စီပါ၍
စုစုပေါင်း လက်ချောင်း ၁၂ ချောင်း ပါရှိသည်။ သူမ၏ ဘယ်ညာ ခြေတစ်ဖက်စီတွင်
ခြေချောင်း ခုနစ်ချောင်းစီပါ၍ စုစုပေါင်း ခြေချောင်း ၁၄ ချောင်း ရှိပါသည်။
သူမ တွင် လက် ချောင်း ခြေချောင်း အားလုံး စုစုပေါင်း ၂၆ ချောင်း ရှိသည်။
၂၀၁၀
ပြည့်နှစ် ကမ္ဘာ့ ဂင်းနစ် စံချိန်ရှင် အိန္ဒိယ နိုင်ငံသား ဟာနေး (၁၅နှစ်)
တွင် လက်ချောင်း ခြေချောင်း အားလုံး စုစုပေါင်း၂၅ချောင်းသာ ရှိသည်။ မြန်မာ
နိုင်ငံသူ မလဲ့ ရတီမင်းက ဘယ်ခြေ၌ ခြေချောင်း တစ်ချောင်း ပိုသည်။
၂၀၁၁
ခုနှစ် ကမ္ဘာ့ ဂင်းနစ် မှတ်တမ်းတွင် လက်ချောင်း ခြေချောင်း အများဆုံး
လူသား အဖြစ် မြန်မာနိုင်ငံမှ မလဲ့ရတီမင်းဖြစ်လာရေး နှင့်စပ်လျဉ်း၍ လူအများက
စိတ်ဝင်စားနေကြ သည်။
မလဲ့ရတီမင်းကို တောင်ဥက္ကလာပ မြို့နယ်၊
အမျိုးသမီးနှင့် ကလေးဆေးရုံ ကြီး၌ ဒေါက်တာ ဒေါ်မြတ်သန္တာအောင် က ၂၀၀၉
ခုနှစ်၊ နိုဝင်ဘာ ၁၈ ရက် (ဗုဒ္ဓဟူးနေ့) နံနက် ၄၅ မိနစ် တွင် အောင်မြင်စွာ
မွေးဖွား ပေးနိုင်ခဲ့သည်။ ဖခင် ဦးညီညီထွန်း (ခေတ္တစင်ကာပူ) နှင့်
မိခင်ဒေါ်ဖြိုးမင်းမင်းစိုး တို့တွင် သမီးကြီး မကေဇင်သန့် (သုံးနှစ် သုံးလ)
နှင့် သမီးငယ် မလဲ့ရတီမင်း (ကိုးလ ကျော်) သမီး နှစ်ဦးသာ ရှိသည်။
မြန်မာနိုင်ငံ
သည် ယခင်က ကမ္ဘာ့ဂင်းနစ်မှတ်တမ်း နှစ်ကြိမ် ၀င်ခဲ့ဖူးသည်။ ပထမ ကမ္ဘာ့
အံ့ဖွယ်မြတ်ရွှေတိဂုံနှင့် ဒုတိယ ပိဋ ကတ်သုံးပုံ အာဂုံဆောင်
ရွတ်ဆိုနိုင်သည့် ကမ္ဘာ့ အံ့ဖွယ် မင်းကွန်း ဆရာတော်ဦးဝိစိတ္တ သာရာဘိဝံသ
(ပျံတော်မူပြီး) တို့ ဖြစ်သည်။ ယခု တတိယအကြိမ် ကမ္ဘာ့ အံ့ဖွယ် လူသား
မလဲ့ရတီမင်း အလှည့်ပင်။ မလဲ့ရတီမင်းသည် မွေးဖွားပြီးချိန်တွင် ကိုယ်ခန္ဓာ
အလေးချိန် ခုနစ်ပေါင် ခြောက်အောင် စရှိပြီး ထူးခြားမှုမှာ အများတကာ
မိခင်များကဲ့သို့ ရေမြွှာပေါက်ပြီး မွေးဖွား လာသည့် ကလေး မဟုတ်ပါ။ သမင်မများ
သားမွေး သကဲ့သို့ သန့်ရှင်းစွာ အခြောက် မွေးဖွားခဲ့သည်။ မွေးစမှ ယခု
ကိုးလကျော်ထိ ကျန်းမာသည်။ လက်ချောင်း၊ ခြေချောင်း များသည် အချိုးကျပြီး
ပုံမှန်အတိုင်း ဖွံ့ဖြိုးလျက် ရှိသည်။
ယခုအခါ မလဲ့ရတီမင်း
သည် မိခင်ဖြစ်သူ ဒေါ်ဖြိုးမင်းမင်းစိုးနှင့် အတူ အိမ်အမှတ် ၇၃၇၊ ၁၆ လမ်း၊ ၆
ရပ်ကွက်၊ တောင်ဥက္ကလာပမြို့၌ ကျန်းမာ ပျော်ရွှင်စွာ နေထိုင်လျက် ရှိသည်။
အံ့ဖွယ် သမီးငယ်နှင့် စပ်လျဉ်း၍ သိလိုသည့် အချက်များ ရှိခဲ့ပါလျှင်
မိခင်ဖြစ်သူ၏ ဖုန်းနံပါတ် - ၇၃၀၁ ၃၅၃၉ သို့ ဆက်သွယ် မေးမြန်း နိုင်ပါသည်။
ပြည်ထောင်စုဝန်ကြီးဦးအောင်ကြည်နှင့် ဒေါ်အောင်ဆန်းစုကြည် ၄ ကြိမ်မြောက်တွေ့ဆုံ
ပြည်ထောင်စု ၀န်ကြီး ဦးအောင်ကြည် တို့သည် စိမ်းလဲကန်သာ အစိုးရ ဧည့်ဂေဟာတွင်
အောင်တို့ဘာ ၃၀ရက်နေ့က တွေ့ဆုံခဲ့ကြောင်း သိရသည်။
ဒေါ်အောင်ဆန်းစုကြည်နှင့် ပြည်ထောင်စုဝန်ကြီး ဦးအောင်ကြည်တို့သည် မွန်းလွဲတစ်နာရီမှ ၁နာရီ ၅၅ ထိ တွေဆုံခဲ့သည်။ ယင်းသို့တွေ့ဆုံရာတွင် ယခင်ဆွေးနွေးခဲ့မှုများအပေါ် နိုင်ငံတော်က လိုအပ်သည်များ ကူညီဆောင်ရွက်ပြီး လုပ်ပေးနေသည့် အခြေအနေ၊ တိုင်းပြည်၏စီးပွားရေး ဖွံ့ဖြိုးတိုးတက်လာစေရန်အတွက် လွတ်လပ်စွာကုန်သွယ်ခွင့်၊ ကူးသန်းရောင်းဝယ်ခွင့်ရရှိရေးနှင့် လွတ်လပ်စွာငွေကြေး လည်ပတ်သုံးစွဲခွင့်ရရှိရေးတို့ အရေးကြီးမှုနှင့် ပတ်သက်ပြီး အမြင်ခြင်း ဖလှယ်ဆွေးနွေးခဲ့ကြပါသည်။
ထို့အပြင် တိုင်းရင်းသား လက်နက်ကိုင် အဖွဲ့အစည်း များ နှင့် ထာဝရငြိမ်းချမ်းရေးရရှိရန် နိုင်ငံတော်က ဆောင်ရွက်ပေးနေမှုများ တိုးတက်ဖွံ့ဖြိုးမှုအခြေအနေ များနှင့် လွတ်ငြိမ်းချမ်းသာခွင့်ပေးရန် ကိစ္စကိုလည်းဆွေးနွေးခဲ့ကြပါသည်။ တွေ့ဆုံဆွေးနွေးမှု
များကို ဆက်လက် ပြုလုပ်သွားရန် သဘောတူညီခဲ့ကြပါသည်။
ဦးအောင်လှထွန်း(ရိုက်တာသတင်းဌာန)
ဒေါ်အောင်ဆန်းစုကြည်ကိုမေးချင်ပါတယ်။ လက်ရှိနိုင်ငံရေးအခင်းအကျင်းမှာ နှစ်ဦးသဘောဆောင်ရွက်တိုးတက်မှုတွေကို မကြာသေး
ခင်က သိရှိခဲ့ရပါတယ်။ ဥပမာပြောရရင် နိုင်ငံရေးအကျဉ်းသားလွှတ်ပေးတာ၊ လေဘာယူနီယံ
ကို မှတ်ပုံတင် ထိုးပေးတာ၊ ဆန္ဒပြခွင့်ပေးတယ်၊ နောက်ဆုံးကတော့ နိုင်ငံရေးအကျဉ်းသားတွေ
လွှတ်ပေးတာ ဒါတွေက ပါတီမှတ်ပုံတင်ဖို့ လုံလောက်တဲ့ လိုအပ်ချက်များရှိပါသေးလား။
ဒေါ်အောင်ဆန်းစုကြည်- ကျမတို့ကဒီ ပါတီမှတ်ပုံတင်ရေးကိစ္စဟာ ဥပဒေပေါ်မူတည်ပါတယ်။ ဒီဥပဒေအတည်ပြုပြီး ထွက်လာတဲ့ အထိစောင့်ပြီးမှ ပြောနိုင်မယ့် ကိစ္စဖြစ်ပါတယ်။ ကျမတို့က ဥပဒေကအထက်မှာ မရှိဘူးဆိုရင် အစည်းအဝေးခေါ်ရမယ်။ ပါတီရဲ့အစည်းအဝေး ဆုံးဖြတ်
ချက်ကို ယူကြမယ်။ ကျမတို့က တိကျတယ်လေ။ ဥပဒေကို မကြည့်ရ သေးဘူး။ကျမ မမြင်ရသေးလို့မပြောသေးတာပါ။
ဦးတင်မောင်အေး(အစာအိရှင်ဘွန်း)
ဦးအောင်ကြည်နဲ့ ဒေါ်အောင်ဆန်းစုကြည်တွေ့တာလေးကြိမ်ရှိပြီလို့သိရပါတယ်။ အဲတော့ ပူပေါင်းဆောင်ရွက်မယ်ဆိုတာ တွေကို အများအားဖြင့်သိရပါတယ်။ ဘယ်အရာတွေမှာ
ဘယ်လိုပေ့ါ အသေးစိတ်ပြောလို့ရတာရှိပါသလား။ ပြောလို့ ရရင် ပြောပေးပါ။
ဦးအောင်ကြည်- ကျွန်တော်တို့ သြဂုတ်လတုန်းက ထုတ်ပြန်ခဲ့တဲ့ သတင်းထုတ်ပြန်ချက်လေး
ရှိပါတယ်။ အဲထဲမှာ ကျွန်တော် တို့ ဒီမိုကရေစီဖြစ်ပေါ်တိုးတက်မှုလုပ်ငန်းစဉ်သာမက
နိုင်ငံရေး၊ စီးပွားရေး၊ လူမှုရေးနယ်ပယ်အသီးသီးမှာ ပူပေါင်း ဆောင်ရွက် ကြမယ်လို့ ကျွန်တော်တို့သဘောတူညီထားခဲ့ပြီး ဖြစ်ပါတယ်။ ဒါဟာ တော်တော်လေး ပြည့်စုံ လုံလောက်
တဲ့ အဖြေဖြစ်မယ်လို့ ကျွန်တော်မျှော်လင့်ပါတယ်။
ဦးကျော်စွာမင်း( ရန်ကုန်တိုင်းဂျာနယ်)
ဦးအောင်လှထွန်းမေးတဲ့မေးခွန်း နောက်ဆက်တွဲမေးခွန်းလေးပါ။တွေ့ဆုံမေးမြန်းမှုမှာ ဦးအောင်ကြည်နှင့် ဒေါ်အောင်ဆန်းစုကြည်တို့ဟာ ပါတီမှတ်ပုံတင်ဖို့ကိစ္စအတွက်ရယ်။ နောက်ကနိုင်ငံရေးအကျဉ်းသာေးတွဆက်လက်လွှတ်ပေးရေးကိစ္စ နောက်တစ်ခါ အန်တီစုအနေနဲ့ နိုင်ငံတော်သမတကြီးနဲ့တွေ့ဆုံဖို့ကိစ္စတွေ ဆွေးနွေးခဲ့တာများရှိပါ
သလား။
ကျမတို့ ဒီကိစ္စတွေကို အားလုံးခြုံပြီးရှင်းလင်းပါတယ်။ အမြဲပဲတိုင်းပြည်ကိစ္စတွေကိုဆွေး
နွေးရှင်းလင်းပါတယ်။ ။ ပူပေါင်းဆောက်ရွက်တဲ့ကိစ္စ၊ ဆက်လုပ်နေတဲ့ကိစ္စတွေ စကားပြော
ပါတယ်။
နိုင်ငံရေးအကျဉ်းသားများဆက်လွှတ်ဖို့ရှိပါသေးလား။ကျွန်တော်တို့က လုပ်ငန်းစဉ်တစ်
ရပ်ကိုလုပ်တဲ့အခါမှာ ကျွန်တော်တို့တစ်လှမ်းပြီးတစ်လှမ်းဆောင်ရွက်တက်တဲ့
သဘာဝရှိပါတယ်။ အားလုံးလဲ သိပြီးသားဖြစ်မှာပါ။ ကျွန်တော်တို့စုံလဲမခုန်ဘူး၊ ရပ်လဲရပ်
အနေပါဘူး။ အားလုံးကျေးဇူးတင်ပါတယ်။
ဇော်တူး
(လူထုအော်သံ) ဘလော့
http://luthuorthan.blogspot.com/2011/10/blog-post_1405.html
