မြန်မာစကားပုံများဧ။်အဓိပ္ပာယ်နှင့်သုံးနည်းအပိုင်း(၁) ( က)စကားပုံများ

၈။ကြွက်မနိုင် ကျီမီးနှင့်ရှို့

ကျီတွင်နေသော ကြွက်များကို နှိမ်နင်းမနိုင်သည်နှင့် ကြွက်များ ပျက်စီးစေလို သဖြင့် ကျီတစ်ခုလုံးကို မီးနှင့်ရှို့သည်ဟု ဆိုလိုသည်။ သက်ဆိုင်သူအားလျှင် ထိခိုက် နစ်နာစေမည်မဟုတ်မှန်း အသိုင်းအ၀ိုင်းအားလုံးကို သိမ်းကြုံးထိပါးအောင် ပြုလုပ်သည့် အခါတွင်လည်းကောင်း၊ မိမိရည်ညွှန်းသူအား ရန်တုံ့မူရန် ပြုလုပ်သည့်အခါ လက်စား ချေလိုစိတ် ပြင်းပြသည်နှင့် အခြားမသက်ဆိုင်သူများကိုပါ သိမ်းရုံး၍ အန္တရာယ်ပြုခြင်း မျိုးကိုလည်းကောင်း တင်စား၍ သုံးသည်။ အသေးအဖွဲ ကြွက်တစ်ကောင်အမှုမျှနှင့် ကျီတစ်ခုလုံးကို ဆုံးရှုံးပျက်စီးစေသည်ဟု ဆိုလိုသည်။

နီးစပ်သောစကားပုံများ

မစားရတဲ.အမဲသဲနဲ.ပက်

၉။ကိုယ်ကကျူး၊ ကိုယ့်ဒူးမှ မယုံရ

မိမိကိုယ်တိုင်ကလွဲလျှင် အခြားသူကို မပြောထားဘိ၊ မိမိ၏ ဒူးကိုသော်မျှပင်လျှင် ယုံကြည်စိတ်ချ၍ မရနိုင်ဟု ဆိုလိုသည်။

သူတစ်ပါးကို ယုံကြည်စိတ်ချမိမှား၍ နစ်နာဆုံးရှူံးမှုများ ဖြစ်လေ့ဖြစ်ထ ရှိပေ သည်။ ထို့ကြောင့် လောက၌ စိတ်သီးခြား၊ ကိုယ်သီးခြားရှိနေသော အခြားသူများကို ယုံကြည် စိတ်ချဖို့ရန်မှာ များစွာခဲယဉ်းလှသည်ဟု ပညာရှိတို့က သတိပေးလေသည်။ လောက၌ ယုံကြည်စိတ်ချရမည့်တစ်ပါးသူမရှိကြောင်းကိုမဟောသဓဇာတ်တော်၌လည်း လျှို့ဝှက်ချက်ကို မည်သူ့အားမျှ မပြောကြားသင့်ကြောင်းအဆို အရေးသာပုံကို ၀တ္တုသက်သေဖြင့် တင်ပြထား သည်။ ထို့ကြောင့် အခြားသူတစ်ပါးကို မဆိုထားနှင့်၊ မိမိကိုယ်အင်္ဂါ အစိတ်အပိုင်းဖြစ်သော ဒူးကိုမျှပင် စိတ်ချယုံကြည်နိုင်ဖွယ်မရှိဟု ဆိုသည်။
လူသည် မသွားတော့ဟုဆုံးဖြတ်ထားသည့်နေရာသို့ အမှတ်မထင် သွားမိတတ် သည်။ ထိုသို့ဖြစ်ခြင်းမှာ ဒူးကိုစိတ်မချရခြင်းပင်ဖြစ်သည်။ ဒူးမနာနိုင်ဟု မှတ်ယူနေသော်လည်း ဒူလာ ရောဂါကြောင့် အမှတ်မထင်သောအခါ၌ နာကျင်ကိုက်ခဲ၍ လာတတ်၏။ သွေးသား ၃၂ ကောဌာသနှင့် ဓာတ်လေးပါး၏ ဖောက်ပြန်ပြောင်းလဲမှုကို လူသည် ပြုပြင်ဖန်တီး၍ အလုံးစုံရမြဲ မဟုတ်ပေရာ ဒူးသည်အကြောင်းအဖက်ဖက်၌ စိတ်မချရသော မိမိကိုယ်အင်္ဂါအစိတ်အပိုင်း တစ်ခုပင် ဖြစ်သည်။ ထို့ကြောင့် မိမိဒူးကိုမျှ မိမိမပိုင်နိုင်၊ အစိုးမရလျှင် သူတစ်ပါးကို မိမိဆန္ဒ အတိုင်းဖြစ်မည်ဟု ယုံကြည်စိတ်ချဖို့ရန် မဖြစ်နိုင်ကြောင်းထင်ရှားစေသည်။

နီးစပ်သောစကားပုံများ

• လူရိုး သင်္ချိုင်းမှာသာရှိသည်။
• ကျွန်ယုံတစ်ဖက်ကမ်း၊ သားသမီးယုံ စုံလုံးကန်း။

၁၀။ကံယုံ၍ ဆူးပုံမနင်းနှင့်

ဖြစ်လာမည့် အကျိုးအပြစ်ကို ရှောင်လွှဲ၍မရ။ အကြောင်းပြုသလို အကျိုးဖြစ်ပေါ်ရမည်။ အကြောင်းကြောင့်ဖြစ်သော အပြစ်ကို မည်သည့်နည်းနှင့်မျှ ရှောင်လွှဲ၍ မရဟူ၍ ဆိုလိုသည်။

မိမိကိုယ်အား ကံအလွန်ကောင်းလှသည်ဟု ယုံကြည်ရင်း ရှိစေကာမူ ဆူးပုံကိုနည်း လျှင် စူးမည်သာ ဖြစ်သည်။ ကံကောင်း၍ ဆူးကိုနင်းသော်လည်း မစူးဟူ၍မရှိ၊ ဆူးမည်သည် မှာ မိမိလောက်မာကျော သိပ်သည်းမှုမရှိသောအရာကို ဖိနှိပ်သောအားနှင့် အချိုးအစားညီမျှစွာ စူးဝင်ထိုးဖောက်မည်မှာ နိယာမတရားသာလျှင် ဖြစ်သည်။ ထို့ကြောင့် အကြောင်းနှင့်အကျိုး၊ အပြုနှင့်အဖြစ် ဆက်သွယ်သော ဟေတုပစ္စည်း၊ ကြောင်းကျိုးဆက်စပ်မှု နိယာမတရားကို မည်သည့်နည်းနှင့်မျှ ရှောင်လွှဲ၍မရ။ ကံကိုယုံကိုးနေ၍ နိယာမသဘောမှ လွတ်ကင်းနိုင်ခြင်းမရှိ။ ၀ီရိယစွမ်းဖြင့်၊ ဉာအစွမ်းဖြင့် ဆူးကိုရှောင်၍ နင်းလျှင်သော်လည်း ကောင်း၊ မစူးမဖောက်နိုင်သော အကာအကွယ်ပစ္စည်းဝတ်ဆင်၍ နင်းလျှင်သော်လည်းကောင်း စူးခြင်းမှ ကင်းလွတ် ပေလိမ့်မည်။

ကံကိုချည်း ယိုးမယ်ဖွဲ့ ယုံကြည်စွဲလမ်းလွန်းကာ ဖြစ်လာမည့် ကိစ္စကို မဖြစ်တန်ရာဟူ ၍ အထင်သေးပေါ့ဆစွာ သဘောမထားရာ။ အကျိုးအပြစ်သည် ပြုလုပ်သော အကြောင်းအားလျော်စွာ ဖြစ်ပျက်မည်ဟူ၍ ကံယုံတတ်သူများအား သတိပေး ပုံခိုင်းသောစကား ဖြစ်သည်။

နီးစပ်သောစကားပုံများ

• ကံမရှိ ဉာဏ်ရှိတိုင်းမွဲ။

၁၁။ကိုယ့်စိတ်နှင့်နှိုင်း မရိုင်း

သူတစ်ပါး၏အလိုဆန္ဒကို သိလိုမှု ကိုယ့်အလိုဆန္ဒဖြင့် နှိုင်းစာဆင်ခြင်ခြင်းပြုအပ်သည်။ ထိုသို့ပြုလုပ်ခြင်းသည် မဆိုးဝါး၊ မမှားယွင်းနိုင်သော နည်းဖြစ်သည်ဟု ဆိုလိုသည်။

မိမိကိုယ်တိုင်မနှစ်သက်သော အနိဌာရုံကို သူတစ်ပါးနှစ်သက်မည်မဟုတ်။ မိမိလိုလား တပ်မက်သော ဣဋ္ဌာာရုံကို သူတစ်ပါးလည်း တပ်မက်နှစ်သက်မည် စသည်ဖြင့် သူတစ်ပါး ထားရှိမည့် စိတ်အလိုဆန္ဒကို ကိုယ်ချင်းစာနာစိတ်ဖြင့် နှိုင်းယှဉ်တွေးဆ သဘောထားခြင်း သည် မှန်ကန်သည်ဟု ဆိုလိုသည်။ မိမိကိုယ်တိုင် မနှစ်သက်၊ မခံချိသောအရာကို သူတစ်ပါး အား ခံယူစေခြင်းမပြုသင့်။ သူတစ်ပါးသည်လည်း မိမိကဲ့သို့ပင် ခံစားသိမှတ်တတ်သူဖြစ်သည် ဟု အစဉ်နှလုံးသွင်းရန် ရည်ညွှန်း၍သုံးသည်။
သို့ရာတွင် တစ်ဦးအဖို့ အကောင်းသည် အခြားတစ်ဦးအဖို့ အဆိုးဖြစ်၍ တစ်ဦးအတွက် စေတနာသည် အခြားတစ်ဦးအဖို့တွင် ဝေဒနာဖြစ်နိုင်သည်ကို သတိပြုသင့်သေးသည်။

၁၂။ကိုယ့်ရှူးကိုယ်ပတ်

ကိုယ့်ပယောဂကြောင့်ပင်လျှင် ကိုယ့်အပေါ်၌ အပြစ်ကျ၍ ရောက်ရသည်ဆိုလို သည်။

ကလေးသူငယ်များသည် မြွေကြီး၊ လင်းမြွေကစားနည်းကို ကစားသောအခါ ရှေ့ဆုံးမှ ခေါင်သူကြီးသည် မြွေ၏ဦးခေါင်းပမာပြု၍ ကြီးစဉ်ငယ်လိုက် ခါးကို တစ်ဆင့်စီ ဆက်တွဲထား သော ငယ်သားအတန်းကြီးသည် မြွေ၏ကိုယ်နှင့်အမြီးပမာ လှုပ်ရှားကြလေသည်။ ခေါင်သူကြီး သည် မြွေတွန်သံကဲ့သို့ ရှူးဟု အော်ဟစ်လျက် ၀ဲဘက်မှဖြစ်စေ၊ ယာဘက်မှဖြစ်စေ လူတန်း နောက်ဆုံးလူကို မိမိအမြီးဖျားကို ပေါက်ဟန်ဖြင့် လက်အုပ်နှင့် ထိတို့ရလေသည်။ နောက်တန်း လူများသည် မြွေဦးခေါင်းလှည့်သည် ဘက်နှင့် လွတ်အောင်ရှောင်၍ ဘေးသို့ ဖယ်ရမ်းကြ လေသည်။ လူအတန်းလိုက် ခါးတွဲ မပြုတ်စေရဘဲ ၀ဲယာရှောင်တိမ်းရသည်မှာ ပျော်ရွှင်ဖွယ် ဖြစ်လေသည်။ သို့ရာတွင် လူတန်းရှည်သောအခါ မိမိက ရှူးဟုအော်၍ ရမ်းခြင်းကြောင့် ငယ်သားတို့ အလန့်တကြားကွေ့ရှောင်ရာမှ လူတန်းကြီးက မြွေဦးခေါင်း ခေါင်သူကြီးကို ၀ိုင်းပတ်မိလျက် သားဖြစ်၍ လှုပ်လှည့်မရ။ အမြီးကို လှမ်းပေါက်မမီ ဖြစ်ရတတ်လေသည်။ ထိုအခါမျိုးတွင် ကိုယ့်ရှူးနှင့်ကိုယ် ပတ်သည်ဟု ဆိုသည်။ ကိုယ့်အတတ်နှင့် ကိုယ်ပြန်ထိခိုက်ရ သောအခါတွင် ပုံခိုင်းသုံးသည်။

နီးစပ်သောစကားပုံများ

• ကိုယ့်အတတ်နှင့်ကိုယ်စူး။
• ကိုယ်တင်တဲ့စစ်ကဲ ကိုယ်မချနိုင်။
• ကိုယ်မွေးတဲ့မျောက် ကိုယ့်ပြန်ခြောက်။

၁၃။ကျားနေမြဲ ပိုနေမြဲ

ကျားလည်း ကျားနေရာ၊ မောင်ပိုလည်း မောင်ပိုနေမြဲနေရာ အသီးသီး မူလအတိုင်းပင် ရှိသည်ဟု ဆိုလိုသည်။

ကျားကို လှောင်အိမ်မှ ဖွင့်ပေးသော မောင်ပိုကို ကျားက စားသင့်သည်ဟုဆိုရာ၌ ယုန်က ဖြန်ဖြေရာတွင် မူလအတိုင်း ပြန်၍ နေပြရန် ပြောကြားပြီး ကျားကို မူလလှောင်အိမ်၌ ပိတ်ထားခဲ့၍ မောင်ပိုလည်း လယ်ထွန်မြဲ ထွန်နေစေဟု ဆုံးဖြတ်ပေးသည့်ပုံပြင်မှ စကားဖြစ်သည်။ မူလရင်းစား အခြေအနေမှ မတိုးမလျှော့ ရှိနေသည့်အခါတွင် သုံးနှုန်းသည်။

နီးစပ်သောစကားပုံများ

ရှည့်လဲ လျှောက်သာ ပျားလဲ စွဲသာ

“ပိုနေမြဲ၊ ကျားနေမြဲ”၊ “ဗိုနေမြဲ၊ ကျားနေမြဲ” ဆိုတဲ့ မူကွဲရှိပါတယ်။ အဓိပ္ပာယ်ကတော့ အတူတူပါပဲ။
ဆရာမကြီး ကြည်ဦး ရေးသားတဲ့ စကားပုံအလင်းပြကျမ်းမှာ “ဗိုနေမြဲ ကျားနေမြဲ” လို့ ဖော်ပြထားတာ တွေ့ရပါတယ်။ ဝိစိတြာလင်္ကာရ စကားပုံဆုံးမစာမှ ကိုးကားရေးသားကြောင်း ဖော်ပြထားပါတယ်။

၁၄။ကျူပင်ခုတ် ကျုငုတ်မှ မကျန်ရ

ကျုပင်ကို ဖယ်ရှင်းခုတ်ထွင်သည်ဆိုလျှင် ကျူအငုတ်တစ်ခုတစ်လေမှ မကျန်စေ ရအောင် ခုတ်ထွင်ရှင်းလင်းရမည်ဟု ဆိုလိုသည်။

ကျူပင်သည် အငုတ်မှ အညှောင့်သစ်၊ အစို့သစ်များပေါက်ကာ ပြန်၍ ဝေစည် ကြီးပွား တတ်သော အပင်မျိုးဖြစ်သဖြင့် ကျူပင်ကို အလိုမရှိလျှင် အငုတ်ပါမကျန် ရှင်းခုတ်ပစ်မှ ကျူမျိုးပြုတ်နိုင်သည့်အတိုင်း အလိုလား၍ ဖျက်ဆီးရှင်းလင်းသောအရာတို့တွင် တဖန်ပြန်၍ အစထွက်သော အန္တရာယ်ကို ဖြစ်စေမည့်အရေးကို ကြိုတင်တားဆီးသောအားဖြင့် ပြီးပြီး ပြတ်ပြတ် အစမကျန်အောင် ရှင်းလင်းပြီးပြတ်စေရမည်ဟု သတိ ပေးခိုင်းနှိုင်းသည်။