"တန်ဆောင်မုန်းလ"
တန်ဆောင်မုန်းလသည်. မြန်မာလများတွင် ရှစ်လမြောက်ဖြစ်ပြီး အောက်တိုဘာလနှင့် နိုဝင်ဘာလတွင် ကျရောက်သည်. . . ဤလတွင် "ကထိန်အလှူပွဲတော်၊ မသိုးသင်္ကန်းရက်လှူပွဲ၊ ပံ့သကူပစ်ပွဲ၊ ကြာသင်္ကန်းကပ်လှူပွဲ၊ တန်ဆောင်တိုင်မီးထွန်းပွဲတော်၊ သာမညဖလ အခါနေ့ပွဲတော် "တို့ကို ကျင်းပကြသည်.......။
"တန်ဆောင်မုန်းလပွဲတော်"
လှူကထိန်သင်္ကန်းနှင့်၊ မဂ်လမ်းတဲ့ ဆုပန်ရွယ်။
သည်ချိန်ကို ၀တ်မှုန်ကြဲလို့၊ ခ၀ဲရွှေညှာရင်းမှာ၊
သင်းရနံ့ကြွယ်။
ကောင်းကင်လယ်၊ ထက်ဝယ်ဘုံဦး။
ရွှေလစန္ဒာနှင့် ကြတ္တိကာ ကြယ်ရောင်စွန်းတယ်၊
ထွန်းထိန်လို့မြူး။
(ဘိုးသူတော်ဦးမင်း)
ငွေစန်းရယ်တဲ့၊ ပုဏ္ဏမီ။
ရွေကျီးညို တာရာနှင့်
ကြိတ္တိကာ ယှဉ်ပြိုင်လျှမ်းတယ်
ချမ်းစ ရာသီ။
လှူကထိန် ခါပွဲတော်ငယ်နှင့်
ခ၀ဲပွင့် ၀ါစီစီ
သာကြည်လဲံ မြူရှင်း။
လတန်ဆောင်မှာ
ကြွပြောင်ပြောင် အသရေ တင့်ပါဘိ
ရွှေမြင်းမိုရ် ၀ါထိန်ထိန်နှင့်
ခါအချိန် မြောက်လေ သွေးတယ်
အေးတဲ့ ငွေနှင်း။
တန်ဆောင်မုန်းလကို စန်းလသော်တာ ၀ိုင်းစက် ပြည့်ဝန်းသော လ၊ ကြိတ္တိကာနှင့် ယှဉ်၍ နက္ခတ်တာရာ အစုံအလင်တို့ဖြင့် တန်ဆာဆင်ယင်သော လ၊ ဟေမန္တ ဆောင်းကာလကို စတင် ချဉ်းနင်း ၀င်ရောက်သော လ၊ ကထိန်ပွဲတော်ကို ကျင်းပသော လ၊ ရာသီပန်းဖြစ်သော အ၀ါရောင် ခ၀ဲပန်းများ အစီအရီ ပွင့်လန်းသော လ၊ မြူတိမ်မီးခိုးတို့ ကင်းစင်ပြီး ကြည်ကြည်လင်လင် ကျက်သရေတင့်စွာ အဇဋာတစ်ခွင်လုံး ရှုမဆုံးသော လ၊ မြောက်လေ သွေးသဖြင့် အအေးဓာတ်ကို စတင် ခံစားရသော လဟု ကဗျာစာဆိုရှင်များက ဖွဲ့နွဲ့ စပ်ဆိုခဲ့ကြသည်။
ကထိန်ပွဲ ခေါ် ကထိန်သင်္ကန်းကပ်လှူပွဲတော်
ကထိန်ပွဲ ခေါ် ကထိန်သင်္ကန်းကပ်လှူပွဲ ဓလေ့ကို မြန်မာနိုင်ငံသို့ ဗုဒ္ဓသာသနာ စတင်ရောက်ရှိသော ပုဂံခေတ်(ဘီစီ-၁၆၇-
၁၂၈၇) ကပင် အထူးတလည်ကျင်းပခဲ့ကြပါသည်။“ကထိန်” ဟူသော ဝေါဟာရသည် ပါဠိဘာသာ
စကား“ကထိန” မှ ဆင်းသက်လာခဲ့သည်။“မြဲမြံခိုင်ခန့် ခြင်း” -ဟူသော အနက်ရှိပါသည်။မြတ်စွာဘုရား
ရှင်သည် ၀ါတော်(၃၇)၀ါ အကျော်တွင် ၊ သာဝတ္ထိပြည် ဇေတ၀န်ကျောင်းတော်၌ သီတင်းသုံးနေတော်
မူစဉ် ၊ ၀ါကျွတ်အခါ၌ ပါဝါမြို့ မှ လာရောက်ဖူးမြော်ကြသော ဘဒ္ဒ၀ဂ္ဂီ ညီနောင် ရဟန်းသုံးကျိပ်(ခေါ်)
ဓုတင်ဆောင် ရဟန်းတော်အပါး သုံးဆယ်တို့ ၏ သင်္ကန်းနှင့်ပတ်သက်သော ဆင်းရဲ့ ချို့ တဲ့မှုကို တွေ့ 
မြင်ရသဖြင့် ၊ ကထိန်ခင်း(ကထိန်ပြုလုပ်ကျင်းပခြင်း)ခွင့် ပြုတော်မူခဲ့ပါသည်။ရဟန်းတို့ ဝတ်ရုံအပ်သော
သင်္ကန်း(၃)ထည် ဖြစ်သည့် သင်းပိုင်(ခါးဝတ်) ၊ ဧကသီ(ကိုယ်ရုံ) နှင့် သင်္ကန်းကြီး(ကိုယ်ရုံ အထူ)တို့ 
တွင် ၊ မည်သည့် သင်္ကန်းနှင့်မဆို ကထိန်ခင်းနိုင်သည်။မြန်မာဗုဒ္ဓဘာသာဝင်တို့ သည် “ဘုရားမှာစိန်၊
ကျောင်းမှာသိမ် ၊ သင်္ကန်းမှာ ကထိန်”- ဟူ၍ ဆိုရိုးပြုကာ ၊ “ ကထိန်သင်္ကန်း ကပ်လှူခြင်း”-ကို အထွဋ်
အမြတ်ထားလေ့ ရှိကြပါသည်။
မြန်မာ့ရိုးရာ အလှူဒါနပွဲများတွင် ၊ ကထိန်သင်္ကန်း အလှူပွဲ သည် အကြီးကျယ်ဆုံးဖြစ်ပါသည်။မြို့ 
နယ်၊ ရပ်ကွက်၊ ကျေးရွာ ၊ အလုပ်ဌာန ၊စက်ရုံ ၊ကျောင်း စသည်တို့ အလိုက် ၊ ပုဂ္ဂလိကနှင့်နိုင်ငံတော်
အစိုးရ အဖွဲ့ အစည်းများအလိုက် ၊ ကထိန်သင်္ကန်းကပ်လှူပွဲ ကိုကြီးကျယ်ခမ်းနားစွာ ပြုလုပ်လေ့ရှိကြ
ပါသည်။ပဓာန ကထိန်လျာ(ကထိန်ခင်းမည့်)သင်္ကန်း (ခေါ်) ညတ်(သတ်မှတ်ထားသော)သင်္ကန်းနှင့် အခြား အရံလှူဖွယ် သင်္ကန်း ၊ ပစ္စည်း ၊၀တ္ထုမျိုးစုံတို့ ကို ပဒေသာပင် (ခေါ်) သစ်သားတိုင်စင်တစ်ခုတွင် စီရီချိတ်ဆွဲ၍ ၊ လှူဖွယ် ပဒေသာပင်ပေါင်းများစွာတို့ ကို စီတန်းလျက် ၊ မြို့ တွင်း ရွာတွင်း သို့ ဝမ်း
မြောက်ဖွယ် လှည့်လည်ကာ ၊ ကထ်ိန်ကျရာ ကျောင်းတိုက်သို့  ပို့ ဆောင်လှူဒါန်းလေ့ရှိကြပါသည်။
နှစ်စဉ် ကထိန်အလှူပွဲများ ဖြစ်မြောက်နိုင်ရေးအတွက် ၊ နေရာဌာနအလိုက် ကထိန်တော်အသင်းများ
ဖွဲ့ စည်းထားကြသည်။
မိုးရေသည် မည်သူ၏ လုံ့ လ ပယောဂမျှမပါပဲ ကောင်းကင်မှ သူ့ အလိုလိုကျလာသကဲ့သို့ ၊ ဒါယ
ကာ -ဒါယိကာမတို့ ၏ ကိုယ်ပိုင်သဒ္ဓါတရားဖြင့် လှူဒါန်းလာသော ကထိန်သင်္ကန်းဖြင့် ၊ ရဟန်းတော်
များ သည် ၀ိနည်း ဓမ္မကံအရ သိမ်အတွင်း၌ ကထိန်ခင်းခြင်းကို ၊ “မိုးပေါ်ကျကထိန်”-ဟု တင်စားသုံး
နှုံးကြပါသည်။ကထိန်သင်္ကန်း အလှူခံရခြင်းဖြင့် ရဟန်းတော်များမှာ ကထိန်အာနိသင်(ခေါ်) ၀ိနည်း
ပြစ်ချမ်းသာခွင့် အကျိုး(၅)မျိုးတို့ ကို ၊ တပေါင်းလပြည့်နေ့ အထိ ရရှိခံစားနိုင်ကြရပါသည်။လှူဒါန်းသူ
တို့ တွင်လည်း
(၁)ဘေးရန်ကင်းစွာ ခရီးသွားလာနိုင်ခြင်း၊
(၂)လုပ်ငန်းကိစ္စများ လွယ်ကူပေ့ါပါးစွာ ဆောင်နိုင်ခြင်း၊
(၃) အစားအသောက်များမှ ဘေးရန်မကျရောက်ခြင်း ၊
(၄)သိုမှီးသိမ်းဆည်းထားသော
ပစ္စည်းဥစ္စာများ မပျက်မစီးနိုင်ခြင်း နှင့် ၊
(၅) မိမိကိုယ်ပိုင်ပစ္စည်းများကို အနှောက်အယှက်မဲ့ ကိုယ်တိုင်
သုံးစွဲနိုင်ခြင်းအကျိုး(၅)မျိုးကို ရရှိနိုင်ပါသည်။
ကထိန်သင်္ကန်းလှူဒါန်းနိုင်သောကာလမှာ သီတင်းကျွတ်
လပြည့်ကျော်(၁)ရက်နေ့ မှ တန်ဆောင်မုန်းလပြည့်နေ့ ညဉ့် ယံကုန်ဆုံးချိန်အထိ ၊(၂၉)ရက်အတွင်း
သာဖြစ်သည်။တန်ဆောင်မုန်းလပြည့်နေ့  မှ နောက်တစ်ရက်မကူးမီအချိန်ထိ ယက်လုပ်ချုပ်ငင်ရသော
သင်္ကန်းကို “မသိုးသင်္ကန်း” -ဟုခေါ်ပါသည်။မြန်မာနိုင်ငံရှိ အထင်ကရစေတီတော်ကြီးများတွင် ၊နိုင်ငံ
တော်အစိုးရမှ ကြီးမှူးလျက် မသိုးသင်္ကန်းယက်ပြိုင်ပွဲများကို နှစ်စဉ်ကျင်းပပြုလုပ်ကာ ၊ ရရှိလာသော
သင်္ကန်းတော်ဖြင့် စေတီတော်မှရုပ်ပွားတော်မြတ် ဗုဒ္ဓဘုရားရှင်အား နေ့ မကူးမီ ပူဇေါ်လှူဒါန်းလေ့ရှိ
ကြပါသည်။အချို့ အရပ်ဒေသများတွင်မူ ၊ ပဒုမ္မာကြာပန်းမှ ကြာမျှင်များကို ထုတ်ယူ၍ ကြာသင်္ကန်း
တော် ယက်လုပ်ပြီး ဘုရားရှင်အား ကပ်လှူပူဇေါ်ကြပါသည်။ကြာသင်္ကန်းတော် ဆက်ကပ်လှူဒါန်းခြင်း
အလေ့အထမှာ ၊ ဘုရားအလောင်းတော် တောထွက်တော်မူစဉ်အခါက ၊ ဗြဟ္မာကြီးက ကြာသင်္ကန်း
ဆက်ကပ်လှူဒါန်းခဲ့ခြင်းကို အကြောင်းပြု၍ ဖြစ်ပေါ်လာခဲ့ကြောင်း ဆိုကြပါသည်။
ပံ့သကူပစ်ပွဲတော်
ရှေးအခါက ဓုတင်ဆောင်ရဟန်းတော်များသည်၊ဒါယကာများ လှူဒါန်းသော သင်္ကန်းကို မ၀တ်ရုံပဲ၊
စွန့် ပစ်သည့် အမှိုက်ပုံ ၊သုဿန် -စသည်တို့ မှ ဖုံလူး ပေကျံနေသော အထည်စကို ၊သင်္ကန်းချုပ်ဆိုး
ဝတ်ရုံကြသည်။ထိုရဟန်းတော်များ သွားလာတတ်သောနေရာများ၌၊လူဒါယကာတို့ က သင်္ကန်းများ ကို
ဖုံလူးပေကျံဟန် စီမံ၍ ပစ်ထားလှူဒါန်းကာ ကုသိုလ်ယူကြသည်။ဤဓလေ့မှ“ ပံ့သုကူဝှက်ခြင်း”(ခေါ်)
“ပံ့သုကူပစ်ခြင်း”များ ဖြစ်ပေါ်လာခဲ့သည်။ယခုအခါ၌ ဘုရားဝင်းစသည်တို့ တွင် သွားရောက်ပစ်ချထား
၍ ၊“ပံ့ သုကူ အလှူဒါန” ကိုပြုလေ့ရှိကြသည်။လပြည့်နေ့ ညအခါတွင် ၊ပံ့သုကူပစ္စည်း အရှာထွက်သော ကလေး၊လူငယ်လူရွယ်တို့ ပေါများလှပါသည်။
ကြာသင်္ကန်းကပ်လှူပွဲတော်
အချို့ အရပ်ဒေသများတွင်မူ ၊ ပဒုမ္မာကြာပန်းမှ ကြာမျှင်များကို ထုတ်ယူ၍ ကြာသင်္ကန်း
တော် ယက်လုပ်ပြီး ဘုရားရှင်အား ကပ်လှူပူဇေါ်ကြပါသည်။ကြာသင်္ကန်းတော် ဆက်ကပ်လှူဒါန်းခြင်း
အလေ့အထမှာ ၊ ဘုရားအလောင်းတော် တောထွက်တော်မူစဉ်အခါက ၊ ဗြဟ္မာကြီးက ကြာသင်္ကန်း
ဆက်ကပ်လှူဒါန်းခဲ့ခြင်းကို အကြောင်းပြု၍ ဖြစ်ပေါ်လာခဲ့ကြောင်း ဆိုကြပါသည်။
တန်ဆောင်တိုင်မီးထွန်းပွဲတော်
တန်ဆောင်မုန်းလကို ပုဂံခေတ်အခါက “တန်ဆောင်မှုန်” ဟူ၍ ရေးခဲ့ကြသည်။အင်းဝခေတ်(ဘီစီ-
၁၃၆၄-၁၅၅၅)မှစ၍၊ “တန်ဆောင်မုန်း” ဟု ရေးသားလာကြကြောင်း ဆိုကြပါသည်။အဓိပ္ပါယ်မှာ“မီးရှူး၊
မီးတိုင် ၊ဆီမီးများထွန်းလင်းစေသောလ (၀ါ) အမိုက်အမှောင်ကို မီးအလင်းရောင်ဖြင့် ပျောက်လွင့်စေ
သောလ” -ဟု ၊ဆိုလိုပါသည်။“တန်ဆောင်တိုင်”-ဟူသည် “အလင်းရောင်ကို ဆောင်ယူသောတိုင်(၀ါ)
မီးရှူးတိုင် ၊ အလင်းတိုင်” ကို ခေါ်ဆိုခြင်းဖြစ်ပါသည်။
ရှေးသုတေသီတို့ အဆိုအရ မြန်မာနိုင်ငံတွင် ဗုဒ္ဓသာသနာ မထွန်းကားမီ တန်ဆောင်တိုင် ပွဲတော်ကို မီးနက္ခတ်နှင့် ဗိဿနိုးနတ်မင်းကြီးကို ပူဇော်သော ပွဲတော်မျှသာ ဖြစ်သည်ဟု ဆိုကြသည်။ ထိုနတ်မင်းကြီးသည် ၀ါဆိုလဆန်း ၁၂-ရက်နေ့မှ စတင်၍ အိပ်ရာဝင်ခဲ့ရာ တန်ဆောင်မုန်းလဆန်း ၁၂-နေ့ (၄-လတိုင်တိုင် အိပ်ပြီး) မှ နိုးထလာသည်ဟု အဆိုရှိသည်။ သို့ဖြစ်၍လည်း ရှေးက ဤလကို “နတ်နိုးလ” ဟု ခေါ်ကြသည်။ နိုးထလာသည့် နတ်မင်းကြီးကို ဆီမီးတို့ဖြင့် ထွန်းညှိပူဇော်ခြင်း ဖြစ်သည်။ ဤအစဉ်အလာသည် ဟိန္ဒူဘာသာတို့၏ ထုံးတမ်းစဉ်လာ ဖြစ်ပုံ ရသည်။ အဘယ့်ကြောင့်ဆိုသော် ဒီပါဝလီ (သို့မဟုတ်) ဒီဝလီ (မီးထွန်း) ပွဲတော်ကို အိန္ဒိယတွင် ဤခတ္တိကာ (Kartika) လ၌သာ ကျင်းပနေဆဲ ဖြစ်သောကြောင့်တည်း။ အိန္ဒိယ၏ယဉ်ကျေးမှုကို လက်ခံရယူခဲ့သည့် မြန်မာတို့ကလည်း ဤထုံးတမ်းကို ဆက်လက် ကျင့်သုံးကြဟန် တူသည်။ သို့သော် ဗုဒ္ဓဘာသာကို လက်ခံကျင့်သုံးပြီးနောက် ခေတ်ပြောင်း လာသည့်အလျှောက် မီးထွန်းခြင်း၏ အနှစ်သာရ အနည်းငယ် ပြောင်းလဲကောင်း ပြောင်းလဲ သွားပေလိမ့်မည်။ နတ်မင်းကြီးကို ပူဇော်မည့်အစား ဗုဒ္ဓမြတ်စွာကို ပြောင်းလဲ ပူဇော်လာကြခြင်း ဖြစ်တန်ရာသည်။
ဤအချိန်ကာလတွင် ရာသီဥတု ကြည်လင်သောကြောင့် ၊ လူအများတို့  သည် တောင်မြင့် ၊တောင်ထွတ် တို့ သို့ မီးတုတ်များ ၊ မီးတိုင်များ စုဝေးကိုင်ဆောင်ကာ တက်ရောက်
၍ ၊“တောင်ထိပ်ပွဲ” (ခေါ်)“ နက္ခတ်ပွဲ ”ကျင်းပလေ့ရှိခဲ့ကြပါသည်။“တောင်ထိပ်နတ်ပွဲသဘင်” ဟူ၍ လည်း ခေါ်ဆိုခဲ့ကြပါသည်။ဘုရားပွင့်တော်မူပြီးကာလတွင်မူ ၊ တာဝတိံသာနတ်ပြည်ရှိ ဘုရား
အလောင်းတော်၏ ဆံတော်ကိန်းဝပ်ရာ စူဠာမဏိစေတီတော် သို့ ရည်မှန်းလျက် ၊မီးပုံးပျံများ ကို ပုံပန်း
သဏ္ဍာန် အမျိုးမျိုးပြုလုပ်၍ ပို့ လွှတ်ပူဇေါ်လေ့ရှိကြပါသည်။ မြန်မာပြည်အထက်ပိုင်း ရှမ်းပြည်နယ်တွင်၊
“မီးပုံပျံလွှတ်ပူဇေါ်ပွဲများ ”ကြီးကျယ်ခမ်းနားစွာ ပြုလုပ်လေ့ရှိကြပါသည်။ မြစ်၊ချောင်း၊အင်း၊အိုင် နီးသော
အရပ်ဒေသများကမူ ၊ ဤလအခါတွင် “ရှင်ဥပဂုတ္တပူဇေါ်ပွဲ”ပြုလုပ်၍ ၊ ဆီမီးများကို ရေမျှောပူဇေါ်လေ့
ရှိကြပါသည်။ပိဋကကျမ်းစာများတွင် မပါဝင်သော်လည်း ၊တောင်ဖက်သမုဒ္ဒရာတွင် ကြေးပြာဿာဒ်(၀ါ)
ကြေးကျောင်းဆောင်တော်ဖြင့် သီတင်းသုံးစံနေတော်မူသည် -ဟု ၊ ယူဆယုံကြည်လျက် ရည်မှန်းပူဇေါ်
ကြခြင်းဖြစ်ပါသည်။
ဆေးပေါင်း ခသောည
တန်ဆောင်မုန်းလအခါတွင် ဆေးပင်အပေါင်းကို စေါင့်သောနတ်တို့ သည် မယ်ဇလီပင်စေါင့်နတ်
မင်းအား တစ်ညီတစ်ညွတ်တည်း လာရောက်ခစားကြသည်။မယ်ဇလီဖူးကို စားသုံးခဲ့သော် ၊(၉၆)ပါး
သော ရောဂါများကင်းရှင်း၍ ဘုန်းကြီးအသက်ရှည်နိုင်သည် ဟု ၊“သာရကောမုဒိ” ဆေးကျမ်း ကပြဆို
ပါသည်။ထို့ ကြောင့် ၊ မြန်မာ့ရှေးရိုးအစဉ်အလာအရ တန်ဆောင်မုန်းလပြည့် အခါသမယတွင် ၊မယ်ဇ
လီဖူး ကိုအဆာစုံစွာသုပ်၍ မိသားစုဝင်များအားလုံးစားသုံးကာ ၊ ပတ်ဝန်းကျင် အိမ်နီးချင်းများအား
လည်း ၊ မယ်ဇလီဖူးသုပ်အထုပ်ငယ်များကို ဆေးဝါးအဖြစ်ပေးဝေလျက် ဒါနပြုလေ့ရှိကြပါသည်။နက္ခတ်၊
ကြယ်တာရာ စုံညီစွာပေါ်ထွန်းသောကြောင့် ၊ဆေးအာနိသင်များ နိုးကြွထက်မြက်စေ၍ “ဆေးပေါင်းခ
သည့်ည” -ဟုလည်း ၊ယုံကြည်ကြသည်။ဤညအခါ၌ ၊ခူး ဆွတ် တူးဖေါ်ရရှိသော ဆေးပင် ၊ဆေးရွက်၊
အမြစ် ၊ အဖု ၊အဥ တို့ ကို အထူးသိမ်းဆည်းထားကာ အလိုရှိရာအခါ၌ ၊အသုံးပြုကြသည်။လပြည့်နေ
ညဥ့်လယ် လမွန်းတည့်အချိန်၌ ၊ လရိပ်သည် ရေအပြင်ပေါ်ကျရောက်သောအခါ ၊ “လမွန်းတည့်ရေ”
ကို သောက်သုံး၍ ၊ဆေးအာနိသင်များပြည့်ဝလျက် ကျန်းမာရေးကို ကောင်းမွန်စေသည်-ဟု ယူဆကြ
သည်။ဤအခါ၌ ၊ လက်လှမ်းမီရာ ဆေးပင် ၊ဆေးရွက်တို့ ကို ခူးဆွတ်ကာစားသုံးလေ့ရှိကြသည်။
“ကျီးမနိုးပွဲ” (ခေါ်)“သူခိုးကြီးည”
တန်ဆောင်မုန်းလတွင် ထွက်ပေါ်သော“ကြတ္တိကာနက္ခတ်”ကို နက္ခတ်ပညာရှင်တို့ က၊ “စောရ
နက္ခတ်(ခေါ်) သူခိုး နက္ခတ်” ဟု ၊ဆိုလေ့ရှိကြသည်။ထို့ ကြောင့် လပြည့်နေ့ ညအခါတွင် “ကျီးမနိုးပွဲ”
(ခေါ်)“သူခိုးကာလ” အဖြစ် ကလေး ၊ လူငယ်များ ပျော်ရွှင်စွာ ဆော့မြူးလေ့ရှိကြသည်။တစ်ညလုံး
နံနက်ကျီးမနိုးမီတိုင်အောင်၊ အိမ်ရှင်မသိစေပဲ အလွယ်တစ်ကူ တွေ့ ရှိချီမနိုင်သောပစ္စည်းများကိုယူ၍
လမ်းမတွင် စုပုံထားခြင်း ၊ပုဆိုး ထမီ ရရာတို့ ကို အလံထူ၍ထားခြင်း စသည်တို့ ဖြင့် ၊နံနက်အခါ၌ လူ
ရယ်ဖွယ်ဖြစ်အောင် ဖန်တီးထားတတ်ကြသည်။တစ်ညနေခင်းလုံး အိမ်ပေါက်စေ့လိုက်ကာ အလှူငွေ
နှင့်စားစရာများ အလှူခံကြပြီး၊ တစ်ညခင်းလုံး ချက်ပြုပ်၊စားသောက်ကာ မြူတူး ပျော်ရွှင်ကြသည်။ငွေ
ကြေးပြည့်စုံသူတို့ ကမူ ၊ လပြည့်နေ့ ညတွင် “မခေါ်မုံ့ လုံး”(ခေါ်)မုံ့ လုံးရေပေါ်များကျွေးခြင်း၊ ကြက်
သားဆန်ပြုပ် တိုက်ကျွေးခြင်း ၊ မယ်ဇလီဖူးသုပ်ဝေခြင်းနှင့် ပိုက်ဆံကြဲခြင်း တို့ ကို ပြုကာ ၊ ကုသိုလ်
ယူလေ့ရှိကြသည်။
တန်ဆောင်မုန်း လပြည့်ညတွင် ဗုဒ္ဓမြတ်စွာ သမညဖလသုတ်ကို ဟောကြားခဲ့သဖြင့် သာမည ဖလ အခါတော်နေ့ဟုလည်း ဗုဒ္ဓဘာသာတို့က သတ်မှတ်ကြသည်။ သာမညဖလ အခါတော်နေ့ အကြောင်းကို ပြောရလျှင် လွန်ခဲ့သော နှစ်ပေါင်း ၂၆၀၀ နီးပါးက အကြောင်းအရာ တစ်ရပ်ကို ပြောရပါမည်။ ဗုဒ္ဓမြတ်စွာ လက်ထက်တော်က ဖြစ်သည်။ ရာဇဂြိုဟ်ပြည့်ရှင် အဇာတသတ်မင်းသည် သာယာကြည်နူးဖွယ်ကောင်းသည့် တန်ဆောင်မုန်း လပြည့် ည၏အလှအပကို ကြည့်ပြီး-၁။ ရမဏီယာ ဝတ= မွေ့လျော်ဖွယ်ကောင်းသော ညပါတကား။
၂။ အဘိရူပါ ဝတ= အလွန်လှပသော ညပါတကား။
၃။ ဒဿနီယာ ဝတ = ရှုချင်စဖွယ်ကောင်းသော ညပါတကား။
၎။ ပါသာဒိကာ ဝတ=ကြည်လင်ရွှန်းပသော ညပါတကား။
၅။ လက္ခညာ ဝတ= မေ့မရနိုင်သော ညပါတကား - ဟု ရင်တွင်းဖြစ် စကားငါးခွန်းဖြင့် ထုတ်ဖော် ချီးမွမ်းတော်မူပါသည်။
အဇာတသတ်မင်းသည် ဖခမည်းတော် ဗိမ္ဗိသာရကို သတ်မိသည့် ကြီးလေးသော အပြစ်ကံကြောင့် ကြည်နူးသာယာဖွယ် အတိပြီးသည့် တန်ဆောင်မုန်း လပြည့်ည၏ အလှအပကို အပြည့်အ၀ မခံစားနိုင်ပါ။ ခမည်းတော်အပေါ် ကျူးလွန်မိသည့် အဖသတ်ကံ ဖြစ်ရပ်နောက်ပိုင်း ကျိန်းစက်လိုက်တိုင်း ထိတ်လန့် ကြောက်မက်ဖွယ်ကောင်းသော အိပ်မက်က ခြောက်လှန့်နေသည်။ ကျုးလွန်ခဲ့သည့် မကောင်းမှု ဖြစ်ရပ်ဆိုးတွေကို တ၀ိုးတ၀ါး ပြန်မြင်ယောင်လေလေ ကျိန်းစက် မရလေလေ ဖြစ်သည်။ သို့ဖြင့် တန်ဆောင်မုန်း လပြည့်ညတွင် ညီလာခံတစ်ရပ် ခေါ်ယူလိုက်ပြီး မှူးမတ်ဗိုလ်ပါတို့အား အထက်ပါ စကားအတိုင်း မိန့်ကြားခဲ့သည်။
မင်းကြီး၏သဘောထားကို အကင်းပါကြသော မှူးမတ်ဟူးရာတို့က မင်းကြီးစကား၏ နောက်ကွယ်တွင် ဘာကို ဆိုလိုမှန်း သိလိုက်ကြသည်။ ထိုကြောင့်လည်း မိမိတို့၏ သက်ဆိုင်ရာ ဘာသာရေး ဂိုဏ်းဆရာကြီးများတို့၏ ဂုဏ်ကျေးဇူးတော်ကို အသီးအသီး ထုတ်ဖော် ချီးကျူးကာ လျှောက်တင်ကြသည်။ တစ်ဆက်တည်း ထိုဂိုဏ်းဆရာကြီးတို့ကို ချဉ်းကပ်ခြင်းဖြင့် မင်းကြီး ခံစားနေရသည့် ဝေဒနာဆိုး အိပ်မက်ဆိုးမှ နိုးထလာမည် အမှန်မသွေဟုလည်း အာမခံကြသည်။
အမတ်အများစု ထုတ်ဖော်ကြသည့် သူတို့ဂိုဏ်းဆရာများ၏ ဂုဏ်ကျေးဇူးကို အဇာတသတ်မင်း စိတ်ဝင်းစား၍ မရနိုင်။ ထင်ရှားကျော်ကြားနေသည့် ဆရာကြီးခြောက်ဆူဖြစ်သော ပူရဏကဿပ၊ မက္ခလိ ဂေါသာလ၊ ကေသကမ္ဗလ၊ ပကုဓ ကစ္စာယန၊ မဟာဝီရ၊ သဉ္စယ-တို့၏အကြောင်းကို မင်းကြီး ကောင်းစွာ သိနှင့်နေပြီ ဖြစ်သည်။ လတ်တလော ခံစားနေရသည့် သူ၏ ကုရာနနတ္ထိ ဆေးမရှိသည့် စိတ်ရောဂါကို ဤဆရာကြီးတို့က ပျောက်ကင်းအောင် မကုသနိုင်မှန်း စိတ်တွင်းမှနေ မင်းကြီး အလိုလို သိရှိနေသည်။ ထိုကြောင့်လည်း စိတ်ဝင်စား၍ မရနိုင် ဖြစ်နေသည်။
ဘာမှ လျှောက်ထားခြင်း မပြုသည့် ဇီဝကအမတ်ဘက်ကို မင်းကြီး လှည့်ကာ “ဘာကြောင့် တိတ်ဆိတ်နေသလဲ” ဟု မိန့်သည်။ ခွင့်ရလျှင်ရချင်း ဇီဝကအမတ်က မြတ်စွာဘုရား ရှိရာအရပ်ကို လက်အုပ်ချီ ကန်တော့ပြီးနောက် မင်းကြီးကို ဤသို့ လျှောက်တင်ခဲ့သည်-
“အရှင်မင်းကြီး ..ဘုန်းတော်ခြောက်ပါးနဲ့ ပြည့်စုံတော်မူတဲ့ ဗုဒ္ဓအရှင် ဘုရားသခင်ဟာ ကျွန်ုပ်တို့ရဲ့ သရက်ဥယျာဉ်မှာ ရဟန်းတော် တစ်ထောင့်နှစ်ရာ့ငါးဆယ်နဲ့ အတူ သီတင်းသုံး နေတော်မူတယ်။ ဗုဒ္ဓမြတ်စွာ ဟောကြားတဲ့ တရားတော်ဟာ အစ၊ အလယ်၊ အဆုံး ကောင်းခြင်း သုံးဖြာ၊ အင်္ဂါ ခြောက်သွယ်နဲ့ ပြည့်စုံတဲ့ တရားတော် ဖြစ်တယ်။ ဗုဒ္ဓရဲ့ တပည့်သာဝကတွေဟာ ဖြောင့်မတ်ခြင်း စတဲ့ အင်္ဂါကိုးတန်၊ ငြိမ်းအေးသည့် နိဗ္ဗာန်နန်းကို အာရုံပြုတဲ့ ပုဂ္ဂိုလ်များ ဖြစ်တယ်။ ဗုဒ္ဓမြတ်စွာကိုသာ ချဉ်းကပ်ခွင့်ရပါမူ အရှင်မင်းကြီး ခံစားနေရတဲ့ ဝေဒနာများ သက်သာ ပျောက်ကင်းပါလိမ့်မယ်။ စိတ်ကြည်ရွှင် လာပါလိမ့်မယ်” ဟု လျှောက်တင်သည်။ ဗုဒ္ဓဟူသော စကားကို ကြားရရုံဖြင့် အဇာတသတ်မင်း၏ စိတ်တို့သည် လှုပ်ရှား လာသည်။ ဤပုဂ္ဂိုလ်ဆီသို့ သွားရန် သူ ဆုံးဖြတ်လိုက်သည်။
အဇာတသတ်မင်း ဘုရားရှင်ကို အဖူးအမျှော် သွားရောက်သည့် အချိန်ကား တန်ဆောင်မုန်းလပြည့် ညချမ်းချိန်ခါ ဖြစ်ပါသည်။ ထိုအချိန်တွင် မြတ်စွာဘုရားက ရာဇဂြိုဟ် မြို့နှင့် မနီးမဝေး သမားတော်ကြီး ဆရာဇီဝက လှူဒါန်းထားသည့် သရက်ဥယျာဉ်တွင် သီတင်းသုံးစဉ် ကာလ ဖြစ်သည်။
ဗုဒ္ဓဘုရား ရှိရာသို့ ဘုရင် ထွက်ခွါသည့်အခါ နန်းမြို့တော် အရှေ့ဘက် တံခါးမှ ထွက်ရသည်။ ဤတံခါးထွက်ပေါက်သည် တောင်ရိပ်နှင့် သစ်ပင် အရိပ်အ၀ါသများ ထူထပ်သဖြင့် လူသွားလမ်းပေါ် အမှောင်ရိပ် ကျရောက်နေသည်။ ပတ်ဝန်းကျင် တစ်ခုလုံး မဟူရာရောင် အမှောင်ရိပ်တို့ကသာ ဖုံးအုပ် လွှမ်းခြုံးထားသည်။ ထိုကြောင့် ရဲမက်အပါအ၀င် လိုက်ပါသူတွေ အားလုံးတုိ့က မီးရှူး မီးတိုင်တို့ကို ထွန်းညှိ ကိုင်ဆောင်၍ သွားရောက်ခဲ့ကြရသည်။ (ဤကို အကြောင်းပြု၍ တန်ဆောင်တိုင် ရောက်တိုင်း မီးထွန်းပွဲတော်ဖြင့် ဘုရားရှင်ကို ပူဇော်ပွဲ ကျင်းပသည့် အလေ့အထ စတင် ဖြစ်တည်ခဲ့သည်ဟု ဆိုကြပါသည်။)
ဘုရားရှင်က အဇာတသတ်မင်းနဲ့တကွ စုရုံး ရောက်လာကြသည့် ရာဇဂြိုဟ်၏ အထင်ကရ ပုဂ္ဂိုလ်နှင့် ပြည်သူ ပြည်သားတို့ကို သာမညဖလ သုတ္တန် ဒေသနာတော်ကို ဟောကြားတော် မူသည်။ အလွန်သာယာ လှပ၍ တောတောင်ရိပ်တို့ဖြင့် အေးချမ်း ဆိတ်ငြိမ်နေသည့် လပြည့်ညမှာ ဗုဒ္ဓ ဟောကြားသည့် ဤတရားတော်သည် နောင်တတစ်ဖန် ပူပန်မှုတွေဖြင့် ဆူပွက်လောင်မြိုက် နေသည့် အဇာတသတ်မင်း၏ နှလုံးသားကို အေးချမ်းသာယာမှုကို ဆောင်ကျဉ်း ပေးနိုင်စွမ်း ရှိခဲ့ပါသည်။
သာမညဖလသုတ္တန် တရားတော်သည် ရဟန်းပြုခြင်း၏ အကျိုးကျေးဇူးကို ပေါ်လွင်အောင် ဟောကြားထားသည့် တရားတော် ဖြစ်သည်။ ဤတရားတော်သည် သုတ္တန္တပိဋကတ်၊ ဒီဃနိကာယ်၊ သီလက္ခန္ဓဝဂ္ဂ ပါဠိတော်မှ လာသော တရားတော် တစ်ပုဒ်ဖြစ်သည်။ သာမညဖလ (သာမည-ရဟန်း၊ ဖလ- အကျိုးကျေးဇူး) - ရဟန်းပြုသောသူတိုင်း ရဟန်းပြုခြင်းကြောင့် ရရှိခံစားရသည့် လက်ငင်း အကျိုးကျေးဇူးများ အကြောင်း ဖြစ်သည်။
ယင်းအကျိုးကျေးဇူးများမှာ-
၁။ မင်းခစားဘဝနှင့် မင်းပြစ် မင်းဒဏ်မှ လွတ်ကင်းခြင်း အကျိုး။
၂။ အခွန်ထမ်းဆောင်မှုမှ လွတ်ကင်းခြင်း အကျိုး။
၃။ ပါတိမောက္ခ သံဝရသီလနှင့် ပြည့်စုံသဖြင့် အပါယ်ဘေးမှ ကင်းဝေးခြင်း အကျိုး။
၎။ ဒုစရိုက်ကို ရှောင်သဖြင့် ဒုစရိုက် ဒုက္ခ မှ ကင်းလွတ်၍ စူဠသီလနှင့် ပြည့်စုံခြင်း အကျိုး။
၅။ ပွဲလမ်းသဘင် အမျိုးမျိုး၊ ကစားပွဲ အမျိုးမျိုး၊ မကောင်းသော စကားအမျိုးမျိုးတို့မှ ရှောင်ကြဉ် သဖြင့် ထိုဒုက္ခများမှ ကင်းလွတ်၍ မဇ္ဈိမသီလနှင့် ပြည့်စုံခြင်း အကျိုး။
၆။ နက္ခတ်ဗေဒင်၊ ယတြာ၊ လက္ခဏာ၊ ဆေးကုခြင်း စသည်တို့မှ ရှောင်ကြဉ်သဖြင့် အာဇီဝ ပါရိသုဒ္ဓိ သီလနှင့် ညီညွတ်၍ မဟာသီလနှင့် ပြည့်စုံခြင်းအကျိုး။
၇။ ဣနြေ္ဒ ၆-ပါးတို့၌ အကုသိုလ် မဖြစ်အောင် စောင့်စည်းနိုင်ခြင်း အကျိုး။ (ဤသည်တို့ကား အခြေခံသီလများ ဖြစ်ကြပါသည်)။
၈။ သတိ နှင့် ပြည့်စုံခြင်း အကျိုး။
၉။ သမ္ပဇဉ် (ဆင်ခြင်တုံ ) တရားနှင့်ပြည့်စုံခြင်း အကျိုး။
၁၀။ သန္တောသ ( ရောင့်ရဲခြင်း) အကျိုး။
အခြေခံသီလ ၊သတိ၊ သမ္ပဇဉ် ၊ သန္တုဋ္ဌီ တရားများနှင့် ပြည့်စုံသော ရဟန်းသည် သမထ ဝိပဿနာ တရားကို ဆက်လက်အားထုတ်ပါက အေက်ပါ အကျိုးများကို လက်တွေ့ ခံစား ရရှိနိုင်ပါသေးသည်။
၁၁။ နီဝရဏ ငါးပါးမှ လွတ်ကင်းခြင်း အကျိုး
၁၂။ ဈာန်တရား ရနိုင်ခြင်း အကျိုး
၁၃။ ဝိဇ္ဇာရှစ်ပါး နှင့် ပြည့်စုံ၍ မဂ် ဖိုလ် ရနိုင်ခြင်း အကျိုး-တို့ ဖြစ်ပါသည်။
ဗုဒ္ဓမြတ်စွာ သူ့အတွက် ဟောကြားသည့် အခရာ အကျဆုံးမှာ- “မင်းကြီး အကြင်သူသည် အပြစ်ကို အပြစ်ဟု သိမြင်သဖြင့် အကြောင်းအားလျော်စွာ ကုစားသည်။ နောင်အခါ စောင့်စည်းသည်။ ထိုသူ၏ ကုစား စောင့်စည်းခြင်းသည် အရိယာ၏ ဝိနည်း အဆုံးအမ၌ ကြီးပွားခြင်းပင်တည်း” ဟု ဟောကြားချက် ဖြစ်သည်။ ဤမိန့်ဆိုချက်ကို ကြားနာပြီးနောက် မင်းကြီး၏ ပူပန်သောကစိတ်တို့သည် သက်သာရာကို ရစေခဲ့ပါသည်။ စိတ်ကို ကြည်လင် စေခဲ့ပါသည်။
ထိုအချိန်မှ စ၍ အဇာတသတ်မင်းသည် ဗုဒ္ဓဘာသာဝင် တစ်ဦး ဖြစ်လာသည်။ ဗုဒ္ဓကို လည်းကောင်း၊ ဗုဒ္ဓဟောကြား တရားဓမ္မကို လည်းကောင်း၊ ဗုဒ္ဓ၏တပည့်သာဝကတို့ကို လည်းကောင်း အကြည်ညိုဆုံး ပုထုဇဉ်မင်းတစ်ပါး ဖြစ်ခဲ့သည်။ ထိုကြောင့် ဗုဒ္ဓဘုရား (မရှိသည့်နောက်) ပရိနိဗ္ဗာန် စံပြီးနောက် ပထမသင်္ဂါယနာ တင်ပွဲကြီး ဖြစ်မြောက်အောင် သာသနာ့ ဒါယကာအဖြစ် ခံယူကာ သံဃာတော်တို့အား ကူညီခဲ့ပါသည်။ သံဃာတော်၏ ဂုဏ်တော်များကို မင်းကြီးက ခရေစေ့တွင်းကျ နားလည်သဘောပေါက်ထားသဖြင့် သူ့ဘ၀တစ်လျှောက်လုံး သံဃာ့ကို အလုပ်အကျွေး ပြုခြင်းဖြင့် ကုန်လွန်စေခဲ့ပါသည်။
သံဃာ့ဂုဏ်တော် (၉) ပါး ကဗျာ
(၁) ကျင့်ကောင်း (၈) ပါး၊
(၂) ဖြောင့်ငြားတသွယ်၊
(၃) ရည်ရွယ်နိဗ္ဗာန်၊
(၄) ရိုသေရန်နှင့်၊
(၅) လှူခံဆောင်ဝေး၊
(၆) ထိုက်သေးဧည့်ကောင်း၊
(၇) မြတ်လှူ လောင်း၍၊
(၈) အပေါင်း လက်ချီ၊
(၉) လယ်ကောင်းမည်၊ ကိုးလီ သံဃာ့ဂုဏ်။
ဤသို့ဖြင့် တန်ဆောင်မုန်းလသည် တန်ဆောင်တိုင် ပွဲတော် ကျင်းပရာလ အဖြစ်၊ ဆေးပေါင်း ခသောည အဖြစ်၊ မဟာသမယ အခါတော်နေ့ အဖြစ် ဖြစ်စဉ်အကျဉ်းကို တင်ပြလိုက်ရပါသည်။
ကျမ်းအကိုးအကား-
ဒီဃနိကာယ်၊ သီလက္ခန္ဓဝဂ္ဂ ပါဠိတော်
ဒီဃနိကာယ်၊ သီလက္ခန္ဓဝဂ္ဂ အဋ္ဌကထာ
မြန်မာ့ဆယ့်နှစ်လအကြောင်း၊ တန်ဆောင်မုန်းလ (မောင်ထင်)
No comments:
Post a Comment