ကြောက်စိတ်ကို အနိုင်ယူခြင်း

ကျနော်တို့ မသင်ယူရဘဲ၊ အတွေ့အကြုံမလိုဘဲနဲ့ မွေးကတည်းက ပါလာတဲ့အရာတစ်ခုရှိပါတယ်။
အဲဒါကတော့ ကြောက်စိတ် ပါပဲ။
ကြောက်စိတ်ကြောင့် သင် မလုပ်ချင်တဲ့အရာတစ်ခုကို လုပ်မိတာ၊ ကြောက်စိတ်ကြောင့် သင် လုပ်ချင်တဲ့အရာတစ်ခုကို မလုပ်ဖြစ်တာ။
ဒါမှမဟုတ် ကြောက်စိတ်ကြောင့် သင်လိုချင်တဲ့ ဆက်ဆံရေးတစ်ခုကို မရလိုက်တာ၊ အဲဒါမျိုးတွေ ဖြစ်ဖူးမှာပါပဲ။
ကျနော်တို့ဟာ ဘာမှန်းမသိတဲ့အရာတွေကို ကြောက်ကြတယ်။
ရှုံးနိမ့်မှာကို ကြောက်တယ်။
ကြိုးစားရမှာကို ကြောက်တယ်။ ပြောင်းလဲရမှာကို ကြောက်တယ်။
လူတွေ ကိုယ့်အပေါ် အမြင်မှားမှာကို ကြောက်တယ်။
ဒါမှမဟုတ် အောင်မြင်မှုကို ကြောက်နေတာလည်း ဖြစ်နိုင်တာပါပဲ။
ကြောက်စိတ်ဟာ နေရာတိုင်းမှာ ရှိနေပါတယ်။ ပြီးတော့ ထာဝရတည်ရှိနေမယ့် အရာတစ်ခုလည်း ဖြစ်တယ်။

ဒါပေမဲ့ ကျနော်တို့ဟာ စံပြပုဂ္ဂိုလ်တွေ ဟုတ်သည်ဖြစ်စေ၊ မဟုတ်သည်ဖြစ်စေ၊ ကျနော်တို့ရဲ့ ကြောက်စိတ်တွေကို အနိုင်ယူနိုင်ပါတယ်။
ဘယ်သူမှ လုံးဝ သူရဲဘောကြောင်တဲ့သူဆိုတာ မရှိပါဘူး။ အဲဒီလိုပဲ ကြောက်စိတ်လုံးဝကင်းတဲ့လူဆိုတာလည်း မရှိပါဘူး။
အောင်မြင်မှုရဲ့ လျှို့ဝှက်ချက်၊ ခေါင်းဆောင်မှု (Leadership) ရဲ့ လျှို့ဝှက်ချက်ကတော့ သင့်မှာရှိနေတဲ့ကြောက်စိတ်ကို အနိုင်ယူနိုင်ခြင်းပါပဲ။
လူတစ်ယောက်မှာ ကြောက်စိတ်ရှိနေတယ်ဆိုရင် သူဟာ သူ့စိတ်ရဲ့ အရှင်သခင် မဖြစ်နိုင်ပါဘူး။ သူဟာ တကယ့်အဆုံးအဖြတ်အခြေအနေတစ်ချို့မှာ ဘ၀ကို အရှုံးပေးသွားနိုင်ပါတယ်။
ပြီးတော့ လူတိုင်းလူတိုင်းမှာ ငုပ်နေတဲ့ သတ္တိတွေ ရှိပါတယ်။ ဒါတွေကို ဖွံ့ဖြိုးအောင် လုပ်လို့ရပါတယ်။
သတ္တိရှိစေတဲ့ စာတွေကို ဖတ်နိုင်တယ်။ ရဲရင့်တဲ့လူတွေရဲ့ အတ္ထုပ္ပတ္တိတွေကို ဖတ်နိုင်တယ်။
ပျော့ညံ့တဲ့လူတွေကို ရှောင်ရှားပါ။
သင် ကြောက်တဲ့အရာကို လုပ်ပါ။
ကြောက်စိတ်ကို အနိုင်ယူဖို့ အကောင်းဆုံးနည်းလမ်းတစ်ခုကတော့ အဲဒီအရာကို ပြုလုပ်ခြင်းပါပဲ။
သင် ကြောက်တဲ့အရာတစ်ခုကို ရှောင်ပြေးနေမယ်ဆိုရင် အဲဒါက သင့်အတွက် ပိုပြီး ကြောက်စရာကောင်းလာမှာပါပဲ။
ကျောင်းသားတစ်ယောက်ဟာ ဘာသာရပ်တစ်ခုကို ကြောက်တယ်။ သင်္ချာကို ကြောက်တယ်ပေါ့။
သူဟာ သင်္ချာဘာသာရပ်ကို ကြောက်တဲ့အတွက် အဲဒီဘာသာရပ်ကို ရှောင်ပြေးမယ်။ အဲဒီအချိန်တွေမှာ အတန်းမတက်ဘူး။
ဒါဆိုရင် သူဟာ သင်္ချာကို ပိုကြောက်လာပါလိမ့်မယ်။
ကြောက်စိတ်ကို အနိုင်ယူဖို့ဆိုရင် သူဟာ သူကြောက်တဲ့အရာကို လုပ်ရပါလိမ့်မယ်။
သင်္ချာကို ကြောက်တဲ့အတွက် သူဟာ အဲဒီဘာသာရပ်ကို ပိုပြီး လုပ်မယ်။ ပိုပြီး ကြိုးစားမယ်ဆိုရင် ကြောက်စိတ်ကို တဖြည်းဖြည်းနဲ့ အနိုင်ယူနိုင်လာပါလိမ့်မယ်။
ရှောင်ပြေးနေမယ်ဆိုရင်တော့ ကြောက်စိတ်ဟာ ပိုပြီး ကြီးထွားလာမှာပဲ ဖြစ်ပါတယ်။
သင်ကြောက်တဲ့အရာတစ်ခုကို လုပ်ပါ။
သင်ဟာ ကြောက်စိတ်ကို အနိုင်ယူနိုင်ပါလိမ့်မယ်။
ဒါမှမဟုတ် သင်ဟာ မဖြစ်သေးတဲ့ အခြေအနေတစ်ခုခုကို ကြောက်နေတာလည်း ဖြစ်နိုင်ပါတယ်။
သင့်ကိုယ်သင် မေးပါ။
” ဒီအခြေအနေကနေ အဆိုးဆုံး ဘာဖြစ်နိုင်မလဲ”
” ဆင်းရဲခြင်းလား။ ဟုတ်ပါပြီ။ ဒီတော့..။ ငါဟာ အခု ကြီးကျယ်မြင့်မြတ်ပါတယ်ဆိုတဲ့ပုဂ္ဂိုလ်ကြီးတွေ ဆင်းရဲခဲ့တာထက် ပိုပြီး ဆင်းရဲသွားမှာလား ”
” ထောင်သွင်းအကျဉ်းချခံရခြင်းလား။ အင်း.. အဲဒါကိုတော့ စဉ်းစားတောင် မကြည့်ရဲဘူး။ မီလ်တန် တို့ ဂယ်လီလီယိုတို့ဟာ ထောင်မကျခဲ့ဘူးလား။ ပြီးတော့ ဆာဗန်တီးစ်၊ ကိုလံဘတ်စ်၊ ပြီးတော့ ကမ္ဘာမှာ အမြင့်မြတ်ဆုံးဆိုတဲ့ ပုဂ္ဂိုလ်ကြီးတွေရော ?”
” ကဲ့ရဲ့အပြစ်တင်ခံရခြင်းလား။ ငါဟာ ကလိဗ်၊ ဒါမှမဟုတ် ဂျော့ အီးလိယော့တ် ဒါမှမဟုတ် အင်္ဂလန်ရဲ့ ရှင်ဘုရင်ကြီးတစ်ချို့ ကြောက်ရွံ့ခဲ့ရတာတွေထက် ပိုဆိုးတာတွေကို ကြုံတွေ့ရမှာလား”
” သေခြင်းတရားလား။ ဟုတ်ပါပြီ၊ ဒီတော့ .. ။ သေခြင်းတရားဆိုတာ ဘ၀ရဲ့ သဘာဝတရားမဟုတ်ဘူးလား။ လူတိုင်းကြုံတွေ့ရမယ့်အရာတစ်ခု မဟုတ်ဘူးလား။
သေခြင်းတရားက ငါ့ဆီကို ရောက်မလာဘူးဆိုမှသာ နှစ်ဆပိုပြီး ကြောက်စရာကောင်းလာမှာ မဟုတ်ဘူးလား။ ဒါဆို သေခြင်းတရားလိုမျိုး ရှောင်လွှဲလို့မရတဲ့အရာတစ်ခုကို ကြောက်နေတာနဲ့ပဲ ငါ့ဘ၀ရဲ့ တန်ဖိုးရှိတဲ့အချိန်တွေကို ကုန်ဆုံးစေတော့မှာလား”
တစ်ခုခုကို ကြောက်နေခြင်းဟာ အဲဒီအရာကို ကောင်းစွာ နားမလည်လို့ပဲ ဖြစ်ပါတယ်။
အဆိုးဆုံး အခြေအနေကို ရှင်းရှင်းလင်းလင်းသိထားမယ်ဆိုရင် အဲဒီအရာတွေကို သင် မကြောက်တော့ပါဘူး။
ပြီးတော့ အထက်မှာပြခဲ့တဲ့ ဥပမာတွေဟာ ထင်ရှားတဲ့ ဥပမာတွေကို ပြလိုက်တာပါ။
သင့်ရဲ့ အခြေအနေဟာ အဲဒီဥပမာတွေလောက်တော့ မဆိုးရွားနိုင်ဘူးဆိုတာ သေချာပါတယ်။
ကျနော်တို့ကို အောင်မြင်မှု၊ ပျော်ရွှင်မှုနဲ့ ဝေးအောင်လုပ်နေတဲ့အရာဟာ ကြောက်စိတ်ပါပဲ။
ကြောက်စိတ်ကြောင့် ကျနော်တို့ မလုပ်ဖြစ်ခဲ့တာတွေ၊ လွတ်သွားတဲ့ အခွင့်အရေးတွေ အများကြီးပါပဲ။
ကျနော်တို့ဟာ ရှုံးနိမ့်မှာကိုကြောက်တယ်၊ ကြိုးစားရမှာကိုကြောက်တယ်။ ပြောင်းလဲရမှာကို ကြောက်တယ်။
ဒါမှမဟုတ် အောင်မြင်မှုကို ကြောက်နေတာလည်း ဖြစ်နိုင်တာပါပဲ။
သင် ဘာကို ကြောက်သလဲ။
အဲဒီအရာကို လုပ်ပါ။
ကြောက်စိတ်ကို အနိုင်ယူနိုင်ပါလိမ့်မယ်။
သင့်ကိုယ်သင် ယုံကြည်မှု ပိုရှိလာပါလိမ့်မယ်။
ပြီးတော့ သင်ဟာ  အောင်မြင်ခြင်း၊ ပျော်ရွှင်ခြင်း၊ ချစ်ခြင်းမေတ္တာနဲ့ အခြား သင်လိုချင်သမျှ အရာတိုင်းကို ပိုင်ဆိုင်နိုင်ပါလိမ့်မယ်။
Ref: How to Understand Human Nature by Herbert N. Casson

yourlifesuccess.blog.com