ကျွန်တော့်နာမည်........ ထိန်လင်း

ကျွန်တော့်နာမည် ထိန်လင်းပါ။ ဒါပေမယ့် ဒီရွာလေးကတော့ ကျွန်တော့်ကို ကိုကြီးလို့ပဲသိကြပါတယ်။ကျွန်တော့်မှာ မိသားစု ဆိုလို့ ညီမလေး တစ်ယောက်ပဲရှိတော့တယ်။ အဖေရယ် အမေရယ် ညီငယ်လေးရယ်ကတော့ ကံကြမ္မာရဲ့ စေခိုင်းမှုကြောင့် ကျွန်တော်တို့ကို ထားခဲ့ပြီး အဝေးကို ထွက်သွားကုန်ပါပြီ။အဲဒီအချိန်တုန်းက ကျွန်တော်က (၁၁)နှစ်။ ညီမလေးက (၈)နှစ်။ ဆွေမရှိ မျိုးမရှိနဲ့ မောင်နှမနှစ်ယောက်တည်း လောကအလယ်မှာ ကျန်ခဲ့တာပေါ့။ ကျွန်တော်က ဒီရွာဇာတိမဟုတ်ပါဘူး။
နာဂစ်မုန်တိုင်းအပြီးမှာ ဒီရွာလေးရဲ့ ဘဘုန်းကြီး မေတ္တာကြောင့် ဇာတိကို စွန့်ခွာခဲ့ရတာလေ။ မောင်နှမနှစ်ယောက်လုံး ဘဘုန်းကြီးရဲ့ သွန်သင်ဆုံးမမှုအောက်မှာ အမေ့ရင်ခွင်ကို တမ်းတရင်း အဖေ့ရင်ခွင်ကို မှန်းဆရင်း ကြီးပြင်းလာခဲ့ကြတယ်။ညစဉ်ညတိုင်း အမေကို တမ်းတနေတဲ့ ညီမလေးရဲ့ဘေးမှာ  အမေလိုတစ်မျိုး အဖေလိုတစ်သွယ် စောင့်ရှောက်ခဲ့ရတယ်။ တွယ်တာစရာ သွေးရင်းသားရင်းဆိုလို့ ဒီညီမလေးပဲရှိတာမဟုတ်လား။ညီမလေးကလဲ ကျွန်တော့်ကို မျက်စိအောက်က အပျောက်မခံခဲ့ပါဘူး။ အမေ့လိုမျိုး ညတိုင်း ချော့သိပ်ပေးရင်း အဖေ့လိုမျိုး နေ့တိုင်း ရေချိုးပေးရင်း မိဘကို လွမ်းလို့ ကျလာတဲ့ မျက်ရည်တွေကို ညီမလေးအပါအ၀င် တခြားဘယ်သူ့ကိုမှ မသိစေခဲ့ရဘူး။အထူးသဖြင့် စိုးရိမ်စိတ်နဲ့ ညတိုင်း လာရောက် ကြည့်ရှုရင်း သက်ပြင်းချတတ်တဲ့ ဘဘုန်းကြီးပေါ့။
     ညီမလေးက တဖြည်းဖြည်းနဲ့ အရွယ်ရောက်လာတော့ ဘဘုန်းတို့ကျောင်းနဲ့ မသင့်တော်ဘူးဆိုတာ သဘောပေါက်လာတယ်။ဒါနဲ့ ရွာထဲမှာ နေဖို့ဆုံးဖြတ်ရင်း သူကြီးရဲ့ခွင့်ပြုချက်နဲ့ ရွာနောက်က ဟင်းလင်းပြင်မှာ တဲထိုးနေခဲ့တယ်။စားဝတ်နေရေးအတွက် ရွာထိပ်က ကန်ရေကို အိမ်တိုင်ရာအရောက် လိုက်ပို့ပေးတဲ့ ရေရောင်းတဲ့ အလုပ် လုပ်ခဲ့တယ်။ ညီမလေးအပေါ် လိုလေးသေးမရှိ ထားချင်တဲ့ ဖခင်ရဲ့ စိတ်မျိုးနဲ့လေ။ ပြီးတော့ အမေလိုလဲ တေးဆိုချော့သိပ်ရင်း အနားမှာ အားပေးနေခဲ့တယ်။အမေလိုမျိုး ပြုစုစောင့်ရှောက်တယ် ဆိုပေမယ့် ကျွန်တော်ကိုယ်တိုင် နားမလည်တဲ့ သဘာဝတရားတွေကို ညီမလေးကို ဘယ်လိုသင်ပေးရမလဲ အမေရယ် လို့ တိုင်တည်ရင်း  ငိုကြွေးခဲ့တဲ့နေ့တွေ ရက်တွေလည်း မနည်းပါဘူးဗျာ။
    တဖြည်းဖြည်းနဲ့ လှသွေးကြွယ်လာတဲ့ ညီမလေးကို ပိပိရိရိ သိုသိုသိပ်သိပ်နေတတ်အောင် သင်ပေးခဲ့ရပြန်တယ်။ ဒီအချိန်မှာပဲ ကံကောင်းချင်လို့လား ကံဆိုးချင်လို့လား မသိ။ ရွာက သူဌေး အရီးလေးတို့က ကျွန်တော်တို့မောင်နှမနှစ်ယောက်ကို သနားကရုဏာသက်ပြီး စောင့်ရှောက်ခဲ့တယ်။ဒုတိယအကြိမ် မွေးဖွားပေးခဲ့တဲ့ ဘဘုန်းကြီး ပြီးရင် အရီးလေးတို့က ကျွန်တော်တို့ ရိုသေရမယ့်ကျေးဇူးရှင်တစ်ယောက်ဖြစ်လာပါတော့တယ်။
     ဒီလိုပဲ ဘ၀ကိုအေးအေးဆေးဆေး ဖြတ်သန်းသွားရတော့မယ်လို့ စိတ်ချမယ့်ဆဲဆဲမှာ ဘ၀မုန်တိုင်းက ကျွန်တော်တို့   မောင်နှမနှစ်ယောက်ကို တိုက်ခတ်ပြန်တယ်။ ဖြစ်ပုံကတော့ မြို့ကနေ ပညာသင်ပြန်လာတဲ့ အရီးလေးရဲ့သားနဲ့ ညီမလေးတို့ရဲ့ သတင်းကြောင့်လေ။ပတ်ဝန်းကျင်က ပြောသံတွေမကြားချင်မှ အဆုံးပဲဗျာ။ ကျွန်တော် ညီမလေးကို နှမြောပေမယ့် အရီးလေးသားဆိုတဲ့ အချက်ရယ် ညီမလေးကို စိတ်ချမ်းသာစေချင်တဲ့ အချက်ရယ်ကြောင့် ထိထိရောက်ရောက် မဆုံးမခဲ့ပါဘူး။အဲဒါကပဲ ကျွန်တော့်ရဲ့အမှား တစ်ခု ဖြစ်သွားပါတယ်။ ညီမလေးကတော့ သူ့ကိုစိတ်ပူနေတဲ့ သူ့အစ်ကို ကို သတိမရအားပါဘူး ။ အရီးလေးကလဲ သိပေမယ့် ထူးခြားဟန်မပြတော့ အလကား သက်သက် စိတ်ပူနေသလားလို့ ပြန်တွေးမိပါတယ်။
    ဒီအချိန်မှာပဲ ရွာကို အရီးလေးသားရဲ့ ချစ်သူဆိုပြီးရောက်လာတော့ တစ်ရွာလုံး စိတ်ဝင်စားစရာ ဖြစ်ခဲ့ကြတယ်။ မြို့သူ ပညာတတ် ဥစ္စာပေါ ရုပ်ချော နဲ့ ကျွန်တော့် ညီမလေးလို ဆွေမရှိ မျိုးမရှိ ရေထမ်းရောင်းတဲ့ကောင်ရဲ့ညီမ ဘယ်လိုမှ ယှဉ်နိုင်စရာမရှိခဲ့ပါဘူး။ အားလုံးမျှော်လင့်ထားတဲ့အတိုင်း အရီးလေးက သူ့သားရဲ့ မင်္ဂလာပွဲကို ကြီးကျယ်ခမ်းနားစွာ ကျင်းပဖို့ပြင်ဆင်နေပါပြီ။ ညီမလေးကတော့ အမေနဲ့ အဖေတို့ ဆုံးစဉ်ကအတိုင်း ကျွန်တော့်ရင်ခွင်ထဲမှာ ငိုနေလေရဲ့ဗျာ။ အဖေ့အစားနွေးထွေးပေးခဲ့တဲ့ ကျွန်တော်၊ အမေ့အစား အားပေးခဲ့တဲ့ ကျွန်တော် အခု...... ချစ်သူအတွက် ပူဆွေးနေတဲ့ ညီမလေးရဲ့ မျက်ရည်တွေကို ဘာပြောပြီး သုတ်ပေးရမလဲ နှစ်သိမ့်ပေးရမလဲ။ ကျွန်တော်နှစ်သိမ့်ပေးလို့ကော ညီမလေးက မျက်ရည်တိတ်မှာတဲ့လား ။
   မနက်ဖြန်....... မင်္ဂလာဆောင် ကျင်းပမယ့်ရက်။ အားလုံးက သနားတဲ့မျက်လုံး အစုံနဲ့ ၀ိုင်းကြည့်ခြင်းခံနေရတဲ့ ကျွန်တော်။ တဖြည်းဖြည်း အနေအထိုင် ပျက်ယွင်းလာတဲ့ ညီမလေး ။ ကျွန်တော့်ကို အမေတို့နဲ့ တစ်ခါတည်း တူတူခေါ်သွားပါတော့လား ကံကြမ္မာရယ်..... ဘာကြောင့်များ ဒီအချိန်ထိ အသက်ရှင် နေထိုင်ခဲ့ရတာလဲ.... သူများတွေ သနားတာခံရဖို့လား ...... ညီမလေး မျက်ရည်ကျတာကို စောင့်ကြည့်နေရဖို့လား..... ညရောက်တော့ ထုံးစံအတိုင်း ညီမလေးကို ချော့သိပ်နေခဲ့သည်။ တဖြည်းဖြည်းရှိုက်သံစဲသွားသည်.... အိပ်ပျော်သွားပြီ။ ဒါနဲ့ မရောက်တာကြာပြီဖြစ်သော ဘဘုန်းဆီသို့သွားခဲ့သည်။ လာမည်ကို ကြိုသိနေသည့်အလား...... ဘဘုန်းက ဆုံးမစကားများပြောကြားပြီး အေးငြိမ်းချမ်းသာစေရာတရားဓမ္မများဖြင့် လမ်းညွှန်ပြသပေးခဲ့သည်။
      တည်ငြိမ်သွားသော စိတ်ဖြင့် အိမ်ပြန်လာခဲ့ရာ.... အိပ်ယာထဲမှာ ညီမလေးက ရှိမနေ။ နောက်ဖေးများသွားသလားလို့ ခေါ်သော်လဲ အသံမကြား။ဒါနဲ့ စိတ်ပူသွားသည်။ ခြံဝန်းတစ်ခုလုံး ပတ်ရှာကြည့်သော်လဲ မတွေ့။ ညီမလေး ဘယ်သွားနိုင်လဲ...........  သူများတွေပြောနေသော ကန်ဘေးနားမှာလား......... ဘာပဲဖြစ်ဖြစ် သွားကြည့်လိုက်မည်..။ ကန်နားရောက်သော် မြင်လိုက်ရသော ၀ိုးတ၀ါးမြင်ကွင်းကြောင့် ထိတ်ကနဲဖြစ်သွားမိသည်။ မြင်ရသော အရိပ်နှစ်ခုအနက် တစ်ခုမှာ မြေပြင်ပေါ်တွင် လှဲနေသည်။ တစ်ခုမှာကား မတ်မတ်ရပ်လျှက်..... ဆံနွယ်ကေသာတို့က တဖါးဖါးလွင့်လျှက်...... ညီမလေး ဘာတွေလုပ်လိုက်ပြီလဲ.........
   အနီးနားရောက်တော့ သွေးအိုင်ထဲလဲနေသော အရီးလေးသား........... မြင်ကွင်းကို ကြောင်ကြည့်နေသော ညီမလေး....... ဘုရားတလိုက်မိသော ကျွန်တော်...... လျှက်တပြက် ဆုံးဖြတ်လိုက်ရင်း ညီမလေး လက်ထဲမှ ဓါးကိုယူလိုက်သည်...... တုန်လှုပ်နေသော ညီမလေးကို ထွေးပွေ့ပိုက်ထွေးရင်း အဆက်မပြတ် ချော့မော့နေမိသည်။ အခြေအနေက အားလုံး လွန်ကုန်ပြီဖြစ်သည်။ 
သေချာဆုံးဖြတ်ထားပြီး ဖြစ်သော်လည်း လက်တွေ့မြင်ကွင်းကြောင့် တုန်လှုပ်နေဟန်ရှိသည့် ညီမလေးက ကျွန်တော့်အကြံကို မငြင်းဆန်ပါ....... ငြင်းဆန်ဖို့ သတိရဟန်လည်းမတူ....... ဒီအခြေအနေက ကျွန်တော့်ကို အနည်းငယ် သက်သာစေသည်... ဒါပေမယ့် ကျွန်တော် နံရံလေးဘက်ထဲမှာ ရောက်နေချိန် ညီမလေး ဘယ်လိုနေရှာမလဲ တွေးမိရင်တော့  စိတ်ပူမိပါသည်............။
    ထိုစဉ်မှာပင် အလည်လွန်နေသည့် သူတို့သားလောင်းအား ရှာဖွေသော သူတို့သမီးလောင်း စေလွှတ်လိုက်သည့် အဖွဲ့က  ကျွန်တော်တို့ဘက်ကို ရောက်လာခဲ့သည်။ လက်တစ်ဖက်က ဓါး တစ်ဖက်က ညီမလေးကို ထွေးပိုက်ထားသော ကျွန်တော်နှင့် သွေးအိုင်ထဲလဲနေသော သူတို့သားလောင်းကို မြင်လိုက်ရသည့်အခါ ... ကျွန်တော် ဘာမှပြောရန် မလိုတော့ပါ.........။ ညီမလေး အချုပ်အနှောင်ခံရသည်ကို အပြင်မှ စိတ်ပူနေရသည်နှင့်ယှဉ်လျှင် ယခု ကျေးဇူးကန်းသူဟု ပြောသည့် အရီးလေး၏ ဒေါသသံများ.... လူသတ်သမားအဖြစ် အားလုံးက ပြစ်တင်ကြသံများသည် ကျွန်တော့်အတွက် ခံရသက်သာပါသည်.......။
   တရားဥပဒေရဲ့ ဆုံးမမှုကို ခံယူဖို့ စောင့်နေဆဲမှာပဲ အပြင်မှ သတင်းတစ်ခုရောက်လာပါတော့တယ်........ လုပ်ရက်လိုက်တာ ညီမလေးရယ်...... ညီမလေးအတွက် အနစ်နာခံဖို့သွားတဲ့ ကိုကြီးကိုတောင်မှ မငဲ့ကွက်တော့ဘဲ လုပ်ရက်လိုက်တာ...... သူချစ်ရဆုံး အားထားရဆုံး တွယ်တာရဆုံး ကိုကြီး ဒီလိုဖြစ်တာကို မကြည့်ရက်လို့တဲ့လား...... ညီမလေးရယ်.....
  ကျွန်တော် ချစ်သော ညီမလေးက သူ့ကြောင့် ကျွန်တော် ဒုက္ခရောက်ရပါတယ် ဆိုပြီး ကန်ထဲကို ခုန်ဆင်းသတဲ့ဗျာ...... နောက်ကျမှ သိပြီး ဆယ်ခွင့်ရခဲ့ပေမယ့် ကယ်ခွင့်တော့မရတော့ပါဘူး...... နောက်ဆုံးတော့ ကျွန်တော့်ကို ညီမလေးကပါ ထားခဲ့ပါပြီ......... ကျွန်တော့်ကို လောကအလယ်မှာ နာကျင်မှုတွေခံစားဖို့ ထားရစ်ခဲ့ပါပြီ............။ဟုတ်ကဲ့ ..... ကျွန်တော့်နာမည် ထိန်လင်းပါ..... ညီမလေးကတော့ ကိုကြီး......... တဲ့။

posted by အိစံ