ဘာအရေးကြီးဆုံးလဲ (၀င်ငွေ၊ အသိဥာဏ်၊ ခွန်အား၊ နည်းပညာ၊ လူသားဆန်မှု)

ဝင်ငွေ၊ အသိဥာဏ်၊ ခွန်အား၊ နည်းပညာ၊ လူသားဆန်မှု

သင်ဟာ အရွယ်ရောက်ပြီးသူတစ်ဦးဖြစ်ပြီဆိုတာနဲ့ အရေးကြီးဆုံးသိသင့်တာ နှစ်ခုရှိပါတယ်။ ပထမအချက်က ယခုရှိနေတဲ့ ဘ၀ကို ဘယ်လိုအသုံးချမယ်ဆိုတာရယ်၊ နောက်လူ့ဘ၀မှာ ဘာတွေကအရေးကြီးတယ်ဆိုတာတွေဖြစ်ပါတယ်။ လူ့ဘ၀ဟာတန်ဖိုးရှိပါတယ်။ လူသားတွေအတွက် လူ့ဘ၀ဆိုတာက တစ်ဆင့်ပြီးတစ်ဆင့်မြင့်တက်ပြီး မိမိရှင်သန်ခွင့်ရတဲ့အချိန်အတွင်းမှာ အပြည့်ဝဆုံး အခြေအနေကို ရောက်ရှိသွားရန် ဖြစ်ပါတယ်။ ဒါကြောင့် ဘ၀ကို ဘယ်နေရာကပဲစရစရ တစ်နေ့ထက်တစ်နေ့ ပိုသိလာအောင်၊ ပိုနားလည်လာအောင် အချိန်နဲ့အမျှကျိုးစားသွားရမှာဟာ လူသားတစ်ဦးချင်းစီရဲ့တာဝန်သာဖြစ်ပါတယ်။ Purposeful လို့ခေါ်တဲ့ ရည်ရွယ်ချက် အပြည့်အ၀ရှိရန်လိုပါတယ်။ အင်္ဂလိပ်လိုနဲ့ပြောရင်တော့ လူသားတွေအားလုံးလက်ကိုင်ထားစဉ်းစားရမှာက Change for the better ဖြစ်ပါတယ်။ တစ်နေ့ထက်တစ်နေ့ ပိုမိုကောင်းမွန်အောင် ကြိုးစားသွားရမှာဖြစ်ပါတယ်။ ဒီနေ့ဟာ မနေ့ကထက် ကောင်းအောင် ကြိုးစားရမလို၊ မနက်ဖြန်ဟာလည်း ဒီနေ့ထက် ပိုကောင်းအောင် ကြိုးစားနေကြရမှာဖြစ်ပါတယ်။
လျှပ်စစ်ပစ္စည်းတွေကို ထုတ်လုပ်တဲ့ နယ်သာလန်နိုင်ငံက Phillips ကုမ္ပဏီရဲ့ Motto (ဆောင်ပုဒ်) ကလေးတစ်ခုရှိပါတယ်။ ဒီဆောင်ပုဒ်ကလေးကတော့ let make things better ဖြစ်ပါတယ်။ ဆိုလိုတာက ကောင်းသထက်ကောင်းအောင် လုပ်သွားမယ် ဆိုတဲ့ အနက်ရပါတယ်။ လူ့ဘ၀ဟာလည်းဒီအတိုင်း ပါပဲ၊ ဘယ်နေရာကပဲစရစရ ကောင်းသထက် ကောင်းအောင်ကျိုးစားမယ်ဆိုတဲ့ စိတ်လိုပါတယ်။ တစ်နေရာမှာရပ်တော့မယ်ဆိုတာနဲ့ ဒီလူဟာ ကျဆုံးရပါတော့တယ်။
ဆင်းရဲတဲ့ဘ၀က စရတဲ့လူတွေလည်း ရှိတယ်။ အလယ်အလတ်အဆင့်ကစရတဲ့လူတွေလည်း ရှိတယ်။ ပြည့်စုံတဲ့မိသားစုတွေကစရတဲ့ ဘ၀တွေလည်းရှိတယ်။ သြဇာတိက္ကမ ကြီးမားတဲ့ မိသားစုများမှာ ကြီးပြင်းလာရသူများလည်းရှိပါတယ်။ မိန်းကလေးတွေလည်း ဖြစ်နိုင်သလို၊ အမျိုးသားတွေလည်းဖြစ်နိုင်ပါတယ်။ ဘယ်လိုဘဲစရစရ မိမိရဲ့ ဘ၀ကို တစ်စစ တိုးတက်ဖွံ့ဖြိုးသွားအောင် လုပ်သွားရမှာဖြစ်ပါတယ်။ ဒီလိုနဲ့ အမြင့်မားဆုံးဖြစ်တဲ့ (Realization) ကို ရောက်သွားကြရမှာ ဖြစ်ပါတယ်။ ဒါကဘ၀ ရှင်သန်ရေး ရည်ရွယ်ချက် ဖြစ်ပါတယ်။
လူသားတစ်ဦးဖြစ်လာရင် အရေးကြီးဆုံးလိုအပ်တာ (၅) ခုရှိပါတယ်။  ပထမဆုံးက ၀င်ငွေ (Income) ဖြစ်ပါတယ်။ ဒုတိယ လိုအပ်ချက်က ဗဟုသုတ(knowledge) ဖြစ်ပါတယ်။ တတိယလိုအပ်ချက်က ခွန်အား (Strength) ဖြစ်ပါတယ်။ စတုတ္ထ အချက်က နည်းပညာ (Technology) နဲ့ ပဉ္စမအချက်က လူသားဆန်မှု (Humanity) တို့ဖြစ်ပါတယ်။ ဒီလိုအပ်ချက် (၅)ခုမှာ တစ်ခုခု ချွတ်ယွင်းနေပြီဆိုရင် နောက်လိုက်ပါလာမှာက ဆင်းရဲခြင်းဖြစ်ပါတယ်။ ဆင်းရဲခြင်းဟာ ကူးစက်တတ်ပါတယ်။ မိမိက ဆင်းရဲပြီဆိုတာနဲ့ မိမိရဲ့ သားစဉ်မြေးဆက်တွေအထိ ဆင်းရဲသွားတော့မှာဖြစ်ပါတယ်။ ဆင်းရဲပြီဆိုတာနဲ့ အနှိပ်အစက်ခံရတော့ မယ်သာ အောက်မေ့ပေတော့။ နောက်တော့ အသက်ရှင်နေရက်နဲ့ ငရဲကျနေတဲ့ (Living Hell) အထိရောက်သွားမှာ ဖြစ်ပါတယ်။
ဒါကြောင့် အခုရနေတဲ့ဘ၀ ဆိုတာ တစ်ဆင့်ပြီးတစ်ဆင့် မြင့်မားသွားအောင်ကြိုးစားသွားကြရမှာဖြစ်တယ်။ ၀င်ငွေ၊ ဗဟုသုတ၊ ခွန်အား၊ နည်းပညာ၊ လူသားဆန်မှု ဒီ (၅) ခုကို မပျက်မယွင်း နှလုံးသာသွင်းကြပေတော့လို့  သူငယ်ချင်းအားလုံးကို တိုက်တွန်းလိုက်ချင်ပါတယ်။