ကလေးစာတတ်ခြင်းအစ လက်ဦးဆရာ မိဘက

ကလေးတစ်ယောက် ယဉ်ကျေးသိမ် မွေ့ခြင်း/ကြမ်းတမ်းခြင်း၊ ပညာ ထူးချွန် ခြင်း/ညံ့ဖျင်းခြင်း၊ စည်းကမ်းကောင်း ခြင်း/စည်းကမ်းမဲ့ခြင်း၊ အဖိုးတန်ခြင်း/ အဖိုးမဲ့ခြင်း စတာတွေဟာ သူ့ရဲ့ ပင်ကိုဗီဇအပြင် ငယ်စဉ်ကတည်းက မိဘရဲ့ဆုံးမသွန်သင်မှုအပေါ် များစွာ မူတည် တယ်လို့ အများကလက်ခံကြပါတယ်။

မြန်မာမှာဆိုရင် 'လက်ဦးဆရာ၊ မည်ထိုက်စွာ၊ ပုဗ္ဗာစရိယ၊ မိနှင့် ဖ' လို့ တောင် ဆိုစကားရှိကြတာပါ။

 ဒီစကား မမှားပါဘူး။
မမှားကြောင်းကို ပညာရှင်အတော်များများက သူတို့ ရဲ့ လေ့လာဆန်းစစ် ချက်တွေမှာ ဖော်ပြထားကြပါတယ်။
ကလေးရဲ့ စာဖတ် ၀ါသနာထုံမှု၊ ကျောင်းမှာ စာလိုက်နိုင်မှုဟာ မိဘရဲ့ လွှမ်းမိုးမှုနဲ့ အဓိကသက်ဆိုင်တယ်လို့ သူတို့ရဲ့အဖြေတွေမှာ တွေ့ရှိ ရပါတယ်။

ဒါဟာ လူတစ်ယောက်ရဲ့ ငယ်စဉ်ဘ၀မှာ ပတ်ဝန်းကျင်ရဲ့ ပြုစုပျိုးထောင်မှု ဘယ်လောက်အဓိက ကျသလဲဆိုတာ ပြဆိုတာပါပဲ။
'အဖယုတ်တော့ ကိုယ်ကြမ်း၊ အမိယုတ်တော့ နှုတ်ကြမ်း'ရယ်လို့ ယေဘုယျ ဆိုကြတယ်ဆိုရင် ကလေးတွေရဲ့ စာဖတ်ခြင်း အလေ့ အထကို သူတို့မိဘ နဲ့ သူတို့ရှင်သန်ကြီးပြင်းရာ ပတ်ဝန်းကျင်တွေက ပြဋ္ဌာန်းတယ်ဆိုတာကိုလည်း လက်ခံကြမှာပါ။ စာဖတ်ခြင်းကို တန်ဖိုးထားတဲ့မိဘဟာ ကလေးငယ်တွေကို စာအုပ်စာပေနဲ့ နီးစပ်အောင် ၀န်းကျင်လေးတစ်ခု ဖန်တီးပေးထားတတ်ပါတယ်။

ကလေးတွေကို စာအုပ် ထဲမှာပါတဲ့ အရုပ်တွေ ကြည့်ခိုင်းမယ်၊ စာနည်းနည်း ဖတ်တတ်တဲ့သူဆိုရင် ပုံတိုပတ်စလေးတွေ ဖတ်ခိုင်းပြီး ပြန် ပြောပြခိုင်းမယ်။ မိဘတွေကိုယ်တိုင်က စာဖတ်ပြီး ကိုယ့်ကလေးတွေကိုလည်း စာဖတ်ပြတတ်တဲ့၊ ကလေးတွေ ဖတ်နိုင်အောင် လည်း ထွေထွေရာရာ ဖတ်စရာလေးတွေ ထားပေးထားတတ်တဲ့ မိသားစုက ပေါက်ဖွားလာတဲ့ကလေးတွေမှာ စာဖတ်ခြင်းနဲ့မွေ့လျော် တတ်တဲ့ ၀ါသနာက ပိုစွဲပါလာတတ်ပါတယ်။
စာဖတ်တာကို မွေ့လျော်ဖွယ်တစ်ခု အဖြစ်ရှုမြင်ပြီး စာဖတ်ရာမှာလည်း ဝေါဟာရတွေရဲ့ ရင်းမြစ်ထိကိုပါ မြင်အောင် ဖတ်ပြတတ်တဲ့ မိဘတွေကနေ စာဖတ်ကျွမ်းကျင်တဲ့၊ စာဖတ်ဝါသနာ ထုံတဲ့ ကလေးတွေကို မွေးထုတ်ပေးပါတယ်။ စာဖတ်ချင်လာအောင် ဖန်တီး ထားပေးတဲ့ အိမ်မှာနေရတဲ့ ကလေးတွေဟာ ပညာသင်ဖို့ ပိုမိုလိုလားထက် သန်သူတွေ ဖြစ်ပါတယ်။
အိမ်မှာ ဖတ်စရာစာအုပ် တစ်အုပ်မှမရှိ၊ ဒါမှမဟုတ် အနည်းငယ်သာရှိတဲ့ မိသားစုတွေ၊ ဒါမှမဟုတ် ကလေးတွေကို စာမဖတ်ပြနိုင် လောက်အောင် အလုပ်များတဲ့မိဘ၊ ဒါမှမဟုတ် ကလေးအတွက် ဖတ်စရာတွေ ၀ယ်ဝယ်ပေးဖို့ အရေးကြီးမှန်းမသိတဲ့ မိဘတွေဟာ ကလေးတွေကို စာဖတ် ပြဖို့နဲ့ စာဖတ်ချင်လာအောင် နှိုးဆော်ဖို့ အခွင့်အလမ်း နည်းသွားပါတယ်။

"အကြောင်းအမျိုးမျိုးကြောင့် စာ မဖတ်တဲ့ မိဘတွေရှိတဲ့အိမ်မှာ ကြီးပြင်းတဲ့ ကလေးတွေဟာ စာဖတ်ခြင်းအပေါ် မနှစ်မြို့တတ် ပါဘူး"လို့ ဖလင့်ဆိုတဲ့ ပညာရှင်က ပြောပါတယ်။

မီလာဆိုတဲ့ ပညာရှင်ကလည်း "ပုံမှန် စာဖတ်တတ်တဲ့ မိဘကိုမြင်ရတဲ့ကလေး တစ်ယောက်အတွက် စာဖတ်ခြင်းဟာ အရေးကြီးလာ ပါတယ်။ အကြောင်းက သူ့ဘ၀ရဲ့ အရေးကြီးဆုံးပုဂ္ဂိုလ်(တွေ) ဟာ စာဖတ်နေလို့ပါပဲ"လို့ ဆိုပါတယ်။

မိဘတွေဟာ ကလေးတွေ ကိုယ့်အနားနားရှိချိန်မှာ အချိန်ယူပြီး စာဖတ်ပြနေသင့်ပါတယ်။ ဒါမှ ကလေးက ကိုယ့်ကို နမူနာယူမှာပါ။ မိဘတွေဟာ ကလေးတွေကို တစ်ပတ်ကို အနည်းဆုံး လေးကြိမ်၊ တစ်ကြိမ်မှာ ၁၀ မိနစ်ခန့် ပုံမှန် ဖတ်ပြသင့်ပါတယ်။ ကလေးတွေကို စာဖတ်ပြခြင်းဟာ ကလေးရဲ့ အက္ခရာတွေ မှတ်မိနိုင်စွမ်း၊ ဝေါဟာရ နားထောင်နိုင်စွမ်း၊ စကားပြောရာမှာ ၀ါကျရှည်ရှည် ပြောဆိုနိုင် စွမ်းနဲ့ ခြုံငုံ သုံးသပ် နားလည်နိုင်စွမ်းတွေကိုပါ တိုးတက်စေပါတယ်။
ကလေးတစ်ယောက် ငယ်ရွယ်စဉ်မှာ စာရေးတတ်ဖတ်တတ်ဖို့၊ တစ်ဆင့်တက်ပြီး ခက်ခဲတဲ့စာတွေကို အဓိပ္ပာယ် ဖမ်းတတ်လာဖို့၊ ဝေဖန်ပိုင်းခြား စဉ်းစားတတ်လာဖို့၊ ပရိယာယ်ကြွယ်ဝလာဖို့ တွေအတွက် မိဘတွေက အဓိကကျတဲ့ အခန်းက ပါဝင်ပါတယ်။ မိဘနဲ့ ကလေး အတူတူစာဖတ်တဲ့အခါ ကလေးရဲ့ စာဖတ်နိုင်စွမ်းကိုသာမက မိဘနဲ့ ကလေးကြား ရင်းနှီးတဲ့ချည်နှောင်မှု တစ်ခုကိုပါ ပေါ်ပေါက်စေပါတယ်။

ကလေးတွေဟာ မေးခွန်းမေးဖို့ မရှက် မကြောက်တော့သလို စာထဲမှာ မိဘနဲ့ အတူ နစ်ဝင်စီးမျောဖို့လည်း လွယ်ကူ သွားပါတယ်။ ဒါဟာ ကလေးသဘာဝ စပ်စုချင်တဲ့စိတ်ကိုလည်း အားပေးရာ ရောက်သလို ဖတ်ထားတာကို ပြန်ပြော ပြနိုင်စွမ်း၊ စာလုံးတွေ ခွဲခြားသိမြင်နိုင် စွမ်းတွေကိုပါ တိုးတက်စေပါတယ်။
မိဘ၊ သို့မဟုတ် လူကြီးတစ်ဦးဦးက မကြာခဏ စာဖတ်ပြတာခံရတတ်တဲ့ ကလေးဟာ ကျောင်းမှာစာသင်ဖို့ ပိုပြီး အဆင်သင့် ဖြစ်နေ တတ်ပါတယ်။ ကျောင်းမှာလည်း စာဖတ်စွမ်းရည် အမှတ် အမြဲမြင့်နေတတ်ပါတယ်။ စာဖတ်ပြရင်း ကိုယ့်ကို မိဘက စကား စမြည်ပါ ပြောတတ်တယ်ဆိုရင် အဲဒီ ကလေးဟာ ကျောင်းမှာ စာဖတ်စွမ်း ဆောင်မှု စစ်တမ်းတိုင်းမှာ အမြဲရှေ့က ပြေးနေတတ်ပါတယ်။
ဝင်ငွေနိမ့်မိသားစုကလာတဲ့၊ ဒါမှမဟုတ် အိမ်မှာစာအုပ်စာတမ်းတွေ စုဆောင်းပေးမထားတတ်၊ ကလေးကိုလည်း စာဖတ်အလေ့အထ မပြုစု မပျိုးထောင်ပေးတတ်တဲ့ မိဘတွေရဲ့ ကလေးတွေကျတော့ သူတို့ရဲ့ စာဖတ်စွမ်းဆောင် ရည်ပိုင်းမှာ အတော်ကို အားနည်းသွား တာကို တွေ့ရပါတယ်။

ကလေးတွေကို စာဖတ်ပြခြင်းဟာ ကလေးကို ဝေါဟာရ တွေကြွယ်ဝစေသလို ၀ါကျတည်ဆောက်မှု၊ စကားပရိယာယ်ကြွယ်မှုနဲ့ လောကကြီးနဲ့ဆိုင်တဲ့ အထွေထွေဗဟု သုတဆိုင်ရာ သိမှုအဆောက်အအုံကြီး တည်ဆောက်မှုတွေမှာ အလွန်ကို အထောက်အကူပြု ပါတယ်။
"မိဘတစ်ယောက်အနေနဲ့ ကိုယ့်ကလေး ကျောင်းမှာရော အပြင်မှာပါ ပညာရည်အဆင့်မနိမ့်သူအဖြစ် ရပ်တည်နိုင်အောင် ဘယ်လို ပျိုးထောင်ရမလဲဆိုတဲ့ စာအုပ်တစ်အုပ် လိုပါတယ်" လို့ ၀ိုင်နာအမည်ရှိ ပညာရှင်က ဆိုပါတယ်။
စာသင်ခန်းထဲမှာ ဆရာ တစ်ယောက်ဟာ ကလေးတွေအများကြီးကို ကိုင်တွယ်ရတဲ့အတွက် တစ်ဦးချင်းစီရဲ့ စာဖတ်စွမ်းရည်အပေါ် အသေးစိတ် အာရုံမစိုက်နိုင်တာမို့ မိဘသည်သာလျှင် ကလေးစာဖတ်တတ်ဖို့ အဓိကပံ့ပိုးသူ ဖြစ်လာပါတယ်။
အိမ်နဲ့ ကလေးရဲ့ ပတ်ဝန်းကျင်တွေဟာ ကလေးအတွက် စာဖတ် လက်တွေ့စမ်းသပ်ခန်းတွေ ဖြစ်လာပါတယ်တဲ့။
အိမ်မှာ စာအုပ်များများရှိလေ ကလေးဟာ စာဖတ်နာသူ၊ စာဖတ် ၀ါသနာထုံသူဖြစ်လေပဲလို့ လေ့လာမှု တစ်ခုက ဆိုပါတယ်။
စာဖတ်ရာမှာလည်း တစ်ဖက်တည်းကချည်း အသေ ဖတ်သွားတာမျိုးမဟုတ်ဘဲ ကလေးနဲ့ မိဘကြား အပြန်အလှန်ဆွေးနွေးရင်း ဖတ်သွားတာမျိုးက ကလေးရဲ့ ဖွံ့ဖြိုးမှု ဖြစ်စဉ်တစ်ခုလုံးအတွက် အလွန်အမင်း အရေးကြီးပါတယ်။
လူကြီးနဲ့ကလေး အတူတူစာဖတ်တဲ့အခါ ကလေးတွေဟာ မေးခွန်းတွေအလိုအလျောက် ရှိလာတတ်ပြီးတော့ သူတို့စိတ်ထဲမှာရှိတာ တွေကိုလည်း ပြောပြတတ်ပါတယ်။


 ကလေးရဲ့ ရှေးဦးစာတတ်မြောက်မှုဟာ မိဘရဲ့ပညာရည်အဆင့်အတန်းနဲ့ ဆိုင်တယ်လို့ ယေဘုယျဆိုလို့ရပေမယ့် မိဘက ပညာ အဆင့်အတန်း မမြင့်ရင်တောင် ကလေးရဲ့ စာတတ်မြောက်ရေး ကြိုးပမ်းအားထုတ်မှုမှာ ပါဝင်ပတ်သက်တဲ့မိဘတွေမှာ စာဖတ်ခြင်းကို လိုလိုလားလား နှစ်ခြိုက်တတ်ပြီးတော့ အိမ်မှာလည်း စာအုပ်တွေ များများစားစား ထားရှိ တတ်ပါတယ်။
စာဖတ်ရာမှာ မိဘဆီက အကူအညီ ရတတ်တဲ့ကလေးတွေဟာ မရတဲ့ကလေးတွေထက် စာဖတ်စွမ်းရည်မှာ ပိုမိုပြောင်မြောက်တတ် ပါတယ်။ မိဘတွေ ကလေးရဲ့စာဖတ်စွမ်းရည် တိုးအောင် ကူညီနိုင်တဲ့ နည်းလမ်းတွေ ရှိပါတယ်။ အဲဒါတွေကတော့ (၁) အိမ်မှာ စာဖတ်စရာတွေ ထားရှိပေးခြင်း၊ (၂) 'ဖတ်၊ ခြုံငုံယူ၊ မှတ်၊ ပြန်ပြော' ခိုင်းခြင်း၊ (၃) ၃-၂-၁ နည်းစနစ် (ကလေးနဲ့ အတူဖတ်တဲ့ စာ တစ်ပုဒ်တည်းကနေ ကလေးအဓိကထားမိတဲ့အချက် သုံးခု၊ သူ စိတ်ဝင်စားတဲ့အရာနှစ်ခု၊ မေးချင် လာမိတဲ့ မေးခွန်းတစ်ခု)ကို သုံးခြင်းတို့ပဲ ဖြစ်ပါတယ်။


နိုင်ငံသားချင်းမတူတဲ့ မိဘနှစ်ပါးက မွေးဖွားတဲ့ကလေးဟာ နိုင်ငံသားတူ မိဘက မွေးတဲ့ကလေးနဲ့ယှဉ်ရင် (စာဖတ်တာကို အားပေး တာချင်း တူတယ်ဆိုရင်တောင်) စာဖတ်စွမ်းရည်ပိုင်းမှာ အားနည်းတတ်ပါတယ်တဲ့။
မိခင်နဲ့ ဖခင်မှာတောင် ကလေးရဲ့စာဖတ်ခြင်းအပေါ် မိခင်က ပိုမိုလွှမ်းမိုးပါတယ်။ မိခင်ဟာ အထက်တန်းထက် ပိုမြင့်တဲ့ ပညာအဆင့် ရှိထားရင် စာဖတ်တဲ့ အလေ့အထပိုများပြီး စာဖတ်ရတာကို ပိုနှစ်ခြိုက်တတ်သလို ကလေးကိုလည်း စာအုပ် ပိုများများဝယ်ပေးလေ့ ရှိသူဖြစ်တယ်လို့ ဆိုပါတယ်။
ပညာတတ်တဲ့ အမေရဲ့ ကလေးတွေဟာ စာဖတ်မှုပိုင်းမှာ ပိုပြီး ရလဒ်ကောင်းတတ်ပါတယ်။
မိဘတွေဟာ ကိုယ့်ရဲ့ကလေးကို လိမ္မာရေးခြားရှိပြီး ထူးချွန်ထက်မြက်တဲ့ လူတွေ ဖြစ်လာစေချင်ကြပါတယ်။
ပညာရှင်တွေရဲ့ လေ့လာချက်တွေအရတော့ 'ကလေးပညာရေးအစ မိဘက' လို့ပဲ ပြောရမှာပါ။


ဝေယံဘုန်း
အတွဲ ၂၆၊ အမှတ် ၅၀၆ (၁၈ - ၂၄ ၊ ၂ ၊ ၂၀၁၁)
မြန်မာတိုင်း(မ်)