တစ်ခါတုန်းက
လယ်သမား သားအဖ နှစ်ဦးဟာ လယ်လုပ်ငန်းလုပ်ဖို့ လယ်တောကို သွားတယ်။
မကြာခင်မှာပင် သားဖြစ်သူဟာ မြွေကိုက်ပြီးသေဆုံးသွားပါတယ်။
ဖခင်က သားသေမှန်းသိလျက် လုပ်စရာကို ဆက်လုပ်ပါတယ်။
ပြီးမှ ကျန်မိသားစုအဖွဲ့ဝင်တွေကို လူကြုံနဲ့အခေါ်လွှတ်လိုက်တယ်။
အားလုံးစုရုံးမိတော့ သားသေကို မီးသင်္ဂြုလ်ကြတယ်။
ဘယ်သူမှ မငိုကြွေးကြဘူး။
လယ်သမားမိသားစုဟာ သားသေဆုံးသွားပေမယ့်လည်း
ဝမ်းနည်းကြေကွဲတာ မရှိတော့
လူတစ်ယောက်က အံ့သြပြီးမေးကြည့်ရာ…
ဖခင်က
“ မြွေဟာ အရေလဲသလိုပဲ သေတဲ့သားဟာလည်း
မိမိကိုယ်ကို စွန့်ပြီးဘဝသစ် တမလွန်ဘဝကို သွားတာဖြစ်ပါတယ်။
ဒါကြောင့် ဝမ်းမနည်းပါ။
မိဘမောင်ဖွားတွေ ၊ ဆွေမျိုးတွေ ငိုတာကိုလည်း သေသူသားက မသိပါ။
သူ့ကံအတိုင်း သူသွားပါပြီ ”
မိခင်က
“ မခေါ်ဘဲနဲ့ လာပြီး နူတ်ဆက်ခွင့်မပြုဘဲ သွားသလိုပါပဲ။
သတ္တဝါတွေဟာ အိမ်သူအိမ်သား အသိုင်းအဝိုင်းမှာ
အလိုအလျောက်လာပြီး ခွင့်မလွှတ်ပေမယ့်လည်း
ဘဝတစ်ပါးကို သွားတဲ့အတွက် ငိုကြွေးစရာမလိုပါ ”
ညီမငယ်က
“ သေသူအတွက် ငိုကြွေးတာဟာ မျက်ရည်ကုန်ခမ်း
လူပင်ပန်းပြီး ပိန်သွားဖို့ပဲဖြစ်တယ်။
အကျိုးမရှိပါ။ ဒါကြောင့်မငိုပါ ”
ဇနီးသည်က
“ သေတဲ့သူကိုတောင့်တပြီး စိုးရိမ် ငိုကြွေးတဲ့သူဟာ
လပြည့်ဝန်းကို မြင်ပြီး ပေးပါ၊ ပေးပါ
တစာစာ ငိုကြွေးတဲ့သူငယ်လိုပဲ မဖြစ်နိုင်ဖွယ်ရာသာ ဖြစ်တယ် ”
ကျွန်မက
“ သေတဲ့သူကို တမ်းတပြီး စိုးရိမ်ငိုကြွေးတဲ့သူဟာ
ကွဲသွားတဲ့အိုးကို ပြန်လည်ဆက်သလိုပါပဲ
မဖြစ်နိုင်ဖွယ်ရာသာ ဖြစ်တယ်။
ဒါကြောင့် မငိုပါ။
မိသားစုအားလုံးရဲ့အဖြေတွေကို အနှစ်ချုပ်ကြည့်လိုက်တော့
သေတဲ့သူဟာ
မိဘ၊ဆွေမျိုး၊ ညီအစ်ကို၊ မောင်နှမတို့ရဲ့ စိုးရိမ်ပူဆွေး၊
ငိုကြွေးနေတာကို မသိနိုင်ပါ။
ဘဝတစ်ပါးကို သွားပြီးဖြစ်တဲ့အတွက် ဝမ်းမနည်း၊
မငိုကြွေးကြတာကိုတွေ့ရပါတယ်။
Ref; (ဥရဂဇာတ်မှ.)
No comments:
Post a Comment