ဉာဏ်ပညာထဲမှာ နှလုံးသား ထည့်ပေါင်းဖို့

ဉာဏ်ပညာထဲမှာ နှလုံးသား ထည့်ပေါင်းဖို့

By 7Day News Originally posted 16/03/2012 11:08AM

 


ပညာ ပြည့်ဝ နှလုံး လှသော်
ကိစ္စကြီးငယ် ဆောက်သဖွယ်လျှင်
ကျဉ်းကျယ် ထွင်းဖောက်
ဖြတ်တောက်လိုရာ ပြီးနိုင်စွာ၏။

လူတိုင်းနှင့် ရင်းနှီးတဲ့ ကဗျာ ကောက်နုတ်ချက်ကလေး  ဖြစ်ပါတယ်။
စာမျက်နှာ တစ်နေရာရာ ဒါမှမဟုတ် ရုံးခန်း၊ ဧည့်ခန်း၊ အစည်းအဝေး ခန်းမနံရံ တစ်နေရာရာတို့၌ သည်ကဗျာကောက်နုတ်ချက် ကလေးကို အများပြည်သူ မြင်သာစေရန် သပ်သပ်ရပ်ရပ် ရေးသားချိတ်ဆွဲ ထားသည်များကို မကြာခဏ တွေ့ရတတ်ပါသည်


ငယ်ငယ်တုန်းကတော့ သည်ကဗျာ ကောက်နုတ်ချက် အတိုကလေးပေါ်မှာ ဘာမှ အလေးအနက် မရှိလှ။ နောက်တော့ ကြီးလာလေလေ တစိမ့်စိမ့် တွေးမိလေလေ အောင်မြင်ခြင်း၏ သော့ချက်ကို ရိပ်စားမိလေ ဖြစ်လာရသည်ကို ဝန်ခံလိုပါသည်။ လောကကို လိုသလို ထုဆစ်ပိုင်းဖြတ် ပုံဖော်နိုင်ဖို့အတွက် နှစ်ခုပဲ လိုပါသတဲ့။

တစ်ခုက ပညာ။ တစ်ခုက လှသောနှလုံးသား။ ဒါက ကဗျာကောက်နုတ်ချက်၏ ဆိုလိုရင်း။ သည်ကဗျာ ကောက်နုတ်ချက်က ‘မဃဒေဝလင်္ကာသစ်’ ထဲက ကောက်နုတ်ချက် ဖြစ်ပါတယ်။

ကဗျာစာဆိုက မန်လည် ဆရာတော်ဘုရား။

“မာန်မလုပ်ချင်ဘု၊ မာန်လုပ်လျှင် လွယ်သည်သာပ၊ ငယ်မည်မှာနကို သက်ရုံပဲ” ဟု ဆရာတော်ကိုယ်တိုင် ဖဲစပ်ဖူးခဲ့လေရာ ငယ်နာမည်ကို နသတ်ရုံနှင့် မာန်ဖြစ်သွားမည်ဟု ဆိုတာကတော့ ထင်ရှားပါသည်။

အဖ သစ်ကုန်သည် ဦးထင်ညိုနှင့် အမိ ဒေါ်ဖြေတို့၏ သား။ မန်လည်မြို့ ဇာတိ။ ရဟန်းအမည် ရှင်ဇဝန။ မြန်မာနှစ် ၁၂၀၃ တွင် မွေး၍ ၁၂၈၂ တွင် ပျံလွန်တော်မူ။ သက်တော် ၇၉ နှစ် ဝါတော် ၅၆ ဝါ။ အင်္ဂလိပ် အစိုးရလက်ထက်၌ အဂ္ဂမဟာပဏ္ဍိတ ဘွဲ့တဆိပ်ကို အဆက်ကပ်ခံတော်မူခဲ့ရသူ။ မဃဒေဝ လင်္ကာသစ်က ဆရာတော်၏ နာမည်ကျော် လက်ရာ။ အခုအထက် တစ်နေရာတွင် ကောက်နုတ်ဖော်ပြခဲ့သော ကဗျာ တစ်ပိုင်းတစ်စက ထိုမဃဒေဝ လင်္ကာထဲက ကောက်နှုတချက်ဖြစ်ပြီး လူဆိုသည်မှာ ပညာတတ်နေရုံမျှနှင့် မပြီး။ စိတ်ထား ကောင်းနေရုံမျှနှင့်လည်း မပြီး။ နှစ်ခုပေါင်းတော့မှ ဘဝကို လိုသလို ပုံဖော်ထုဆစ်နိုင်မည်ဖြစ်ကြောင်း ဆိုလိုရင်းဖြစ်ပေရာ လောကက လွှမ်းခြုံကြည့်လိုက်တော့သည်အတိုင်း ဖြစ်နေသည်ကို ထင်လင်းစွာ တွေ့မြင်ရပါသည်။

ဆိုကြပါစို့။ အယ်လ်ဘတ် အိုင်းစတိုင်း (Albert Einstein) ဂျာမနီနိုင်ငံ ဂူတင်ဘာ့ဂ်မြို့သား။ ရူပဗေဒဆိုင်ရာ နိုဗယ်ဆုရှင်၊ E=mc2 ဟူသည့် စွမ်းအင်ဆိုင်ရာ ညီမျှခြင်း၏ ဖခင်၊ ၂၀ ရာစုနှစ်၏ စံပြလူသား (Man of The Century For 20th Century)၊ ရူပဗေဒ ပညာရပ်နယ်ပယ်မှာ ကြယ်ပွင့်ကြီး တစ်လုံး၊ ဒါက အယ်လ်ဘတ်အိုင်းစတိုင်း၏ ပညာဉာဏ် ကိစ္စ၊ထား။ သူ့ပညာဉာဏ်ကိစ္စကို အသာထားကာ စိတ်နေစိတ်ထားကို လှမ်းကြည့်လိုက်တော့ နှလုံးသားအလှကလည်း ထင်းထင်းကြီး။ အဝတ်အစားကို ဘယ်တော့မှ တောက်တောက်ပြောင်ပြောင် ခံ့ခံ့ထည်ထည်နဲ့ ကိန်းကြီးခန်းကြီး မဝတ်မဆင်ပါလေတဲ့။

ရိုးရိုးကုပ်ကုပ် စုတ်စုတ်ချာချာ သာမန်နေ့စဉ် လူထုဘဝလိုသာ ဝတ်ဆင်ပါလေသတဲ့။ အစ္စရေး သမ္မတ အဖြစ် ကမ်းလှမ်းလာတော့ သူ့အလုပ် မဟုတ်ဘူးဟုဆိုကာ ငြင်းဆန်ပါလေသည်။ ကိုယ်နှင့်မဆိုင်တာကို ဝင်မရှုပ်။ ဒေါ်လာ ၁၅၀၀ တန် ချက်လက်မှတ်ကို ဖတ်လက်စ စာအုပ်ညှပ်ဖို့လောက်သာ စိတ်ဝင်စားလေသတဲ့။

ငွေက သူ့စိတ်ကို မလွှမ်းမိုးနိုင်။ သို့နှယ် ထို့နှယ်သော စိတ်ထားသဘောထား အလှများက သူ့ပညာဉာဏ်ကြီးမှုဆီမှာ သွားရောက် ပေါင်းစပ်လေသောအခါ ချစ်မြတ်နိုးဖွယ်ရာ အယ်လ်ဘတ် အိုင်းစတိုင်းအဖြစ် ကမ္ဘာကျော်သွားလေတော့သည်။

ထပ်ဆင့်၍ ဆိုကြပါဦးစို့။ အိန္ဒိယနိုင်ငံ၏ ၁၁ ဆက်မြောက် သမ္မတကြီးအဖြစ် ၂၀၀၂ မှသည် ၂၀၀၇ အထိ တာဝန် ထမ်းဆောင်သွားခဲ့လေသော အဗ္ဗဒူကလမ် (Abdul Kalam) ၏ အကြောင်း။ ပညာဉာဏ်နယ်ပယ်တွင် သူက သိပ္ပံနှင့် နည်းပညာသမား။ ဒုံးပျံအင်ဂျင်နီယာ။ Anna Univer-sity Chennai တွင် PH.D သင်တန်းများ ပို့ချပေးသူ။ ပညာကြီးသည်ကဖြင့် အများသိပြီးပင် ဖြစ်ပါသည်။

သူ့စိတ်နေ သဘာဝကရော။ ၂၀၀၇ ခုနှစ် ဇူလိုင် ၂၄ တွင် သမ္မတသက်တမ်းကုန်ဆုံးတော့ နောက်တစ်နေ့ ဇူလိုင် ၂၅ မှာ သမ္မတ အိမ်တော်ပေါ်က ဆင်းသွားသည်။ သမ္မတအဖြစ် သေတ္တာနှစ်လုံးနှင့် ရောက်လာခဲ့ကာ ထိုသေတ္တာနှစ်လုံးနှင့်ပဲ ပြန်ဆင်းသွားလေသတဲ့။

သူ့ကိုယ်ပိုင် ပစ္စည်းက သူပိုင်ငွေကြေးနှင့် ဝယ်ယူထားသည့် စာအုပ်များသာ။ ဘဝတလျှောက်လုံး ဘာလက်ဆောင်ကိုမှ သူမယူ။ သူ သမ္မတ တာဝန် ထမ်းဆောင်နေစဉ် ၂၀၀၆ ခုနှစ် မေလကြီးထဲ ဆွေမျိုးဉာတိ စုစုပေါင်း ၅၂ ယောက်တို့ နယူးဒေလီသို့ ရောက်လာကြလေသောအခါ သမ္မတ အိမ်တော်၌ မထားဘဲ နယူးဒေလီ တစ်ဝိုက်က တည်းခိုခန်းများ၌သာ နားခို ကြစေသည်။

အစိုးရ ကားကို မသုံး။ ကိုယ့်ကားနှင့်ကိုယ်သာ မြို့လုံးအနှံ့ လိုက်လံပို့ဆောင်ပြသကာ ကျွေးမွေးနေထိုင် စားသောက်စရိတ် ရူပီးငွေ သုံးသိန်းခွဲ ဝန်းကျင်ကို ကိုယ်ပိုင်ငွေကြေးများထဲမှသာ သုံးစွဲ ကျခံခဲ့သည်။

အော်... ဤသို့သော စိတ်နေစိတ်ထား အလှအပများက သမ္မတကြီး၏ ဉာဏ်ပညာကြီးမှုဆီမှာ သွားရောက် ပေါင်းစပ်လေသော အခါ ကမ္ဘာ့ ခေါင်းမော့ငေးကြည့်ရသည့် အဗ္ဗဒူကလမ် ဖြစ်သွားပါတော့သည်။

ထပ်ဆင့်၍ တစ်ဖန်ဆိုကြပါဦးစို့။ ဘီလ်ဂိတ် (Bill Gates) ကမ္ဘာကျော် မိုက်ကရိုဆော့ဖ် (Microsoft) ကွန်ပျူတာ ကုမ္ပဏီကို တည်ထောင်သူ ဘီလ်ဂိတ်။ ဉာဏ်သမား။ ဉာဏ်ဖြင့် အသက်မွေးဝမ်းကျောင်းသူ။ သူပိုင် ဓန ဥစ္စာ ဒေါ်လာ ၅၈ ဘီလီယံကို ပရဟိတ ကိစ္စများ ဆောင်ရွက်ရန်အတွက် ကမ္ဘာသို့ လှူဒါန်းထားလေသတဲ့။

ပညာကောင်းကောင်း စိတ်ထားကောင်းကောင်းနှင့် ဘီလ်ဂိတ်ကို ကမ္ဘာက အလေးအနက်ထားတာ ဘာမှမဆန်း။ အိန္ဒိယနိုင်ငံ၏ နေတစ်ပွင့် လတစ်ပွင့် မဟတ္တမ ဂန္ဒီ (Gandhi) ဆိုလျှင်လည်း အင်္ဂလန်နိုင်ငံ၌ ဥပဒေပညာ သွားရောက် သင်ယူခဲ့သူ ပညာတတ်။ သည်မျှအထိဖြင့်တော့ ဂန္ဒီ ဆိုတာ ဘာမှမဟုတ်။

သို့သော် သူက အကြမ်းမဖက် လမ်းစဉ်သမား။ သူ့တရားက ခန္တီစတရား။ ရထားပေါ်သို့ အတက်ဖိနပ် တစ်ဖက် ကျွတ်ကျ သွားစဉ် နောက်တစ်ဖက်ကို ထပ်ချွတ်ချကာ ကောက်ရသော သူတစ်ရန် အပြည့်စီးလို့ ရဖို့လုပ်ပစ်ခဲ့သူ။ မီးရထားကို စတုတ္ထတန်း မရှိလို့ တတိယတန်းက စီးပါတယ်ဟု ဆိုသူ။ ပြည်တွင်းဖြစ်ကိုသာ ခြိုးခြံချွေတာစွာဖြင့် ဝတ်ဆင်သူ။ သည်မှာတွင် မဟတ္တမ ဂန္ဒီ ဆိုသော နာမည်ကြီးက ကမ္ဘာပေါ်မှာ ဟိန်းသွားပါတော့သည်။

ဆိုကြပါစို့။ ဆိုကြပါစို့ဟူသော စကားဖြင့် တစ်ယောက်ပြီး တစ်ယောက် ထုတ်ပြရသော် ပညာပြည့်ဝနှလုံးလှသော သူတို့ ဆုံးနိုင်ဖွယ် မမြင်ပါ။ ‘ဒေါက်တာ နော်မန်ဗက်သွန်း’ လည်း ပါနိုင်ပါသည်။ ဗိုလ်ချုပ်အောင်ဆန်းလည်း ပါနိုင်ပါသည်။ သခင် ကိုယ်တော်မှိုင်းလည်း ပါနိုင်ပါသည်။ တဂိုးလည်း ပါနိုင်ပါသည်။

ထိုထိုသော ပုဂ္ဂိုလ်အပေါင်းတို့က ပညာတွင် နှလုံးသား ထည့်ပေါင်းဖို့ သာဓက ပြခဲ့ကြခြင်းပင် ဖြစ်ပါသည်။ ဒါကိုလည်း ကုန်းဘောင်ခေတ် ရဟန်းစာဆို တစ်ပါးဖြစ်သော မန်လည် ဆရာတော် ဘုရားက ခပ်စောစော ကတည်းကပင်လျှင် “ပညာပြည့်ဝ၊ နှလုံးလှသော်” ဟု ထည့်သွင်း စပ်ဆိုခဲ့ခြင်း ဖြစ်ပါသည်။

စာမေးပွဲမှာ အမှတ်တွေ အများကြီးရဖို့၊ ဂုဏ်ထူးတွေ အများကြီးထွက်ဖို့၊ သင်တန်းဆင်း လက်မှတ်တွေ တစ်ခုပြီးတစ်ခု ရဖို့ အမောတကော ကြိုးစားနေကြသော ခေတ်လူငယ်ရဲ့ အနေနှင့်စိတ်ကိုလည်း တန်ဆာဆင်ဖို့ မမေ့အပ်ကြောင်း တင်ပြလိုခြင်း ဖြစ်ပါသည်။

မောင်သာချို