ကျနော် ရေလိုစီးခဲ့ပါသည်။
အကွေ့အကောက်များစွာကို ဖြတ်သန်းခဲ့ပါသည်။ ကြည်လင်စွာစီးခဲ့ပါသည်။
သို့သော်… ကျနော့်ကျောပေါ်တွင် အမှိုက်သရိုက် တချို့လည်း ပါလာနိူင်ပါသည်။
/\♥/\♥/\♥/\♥/\♥/\♥/\
ခွက်လွတ်တစ်လုံးကို ကျနော်ကြည့်သည်။
အထဲမှာ ဘာမှမရှိသောကြောင့် သူ ခွက်လွတ်ဖြစ်နေသည်။
ထိုဘာမှမရှိသော နေရာကပင် အသုံးဝင်လှသည်။
ကျနော်လည်း “ဘာမှမရှိသော နေရာ” ဖြစ်ချင်သည်။
ဘယ်ခွက်ထဲသို့ ၀င်ရမည်နည်း။
/\♥/\♥/\♥/\♥/\♥/\♥/\
“လောကသစ္စာ” ကို ကျနော်တွေ့ချင်ပါသည်။
သူ့နောက်ကို ကျနော်လိုက်၏။ သို့သော် သူ့မှာ “ကျော” မရှိချေ။
သူ့ကို ကျနော်ရင်ဆိုင်၏။ သို့သော် သူ့မှာ “ရင်ဘတ်” မရှိချေ။
“လောကသစ္စာ” ကို ကျနော် လိုက်မရှာတော့ပါ။
နေရာမှာ ပဲရပ်နေလိုက်ပါသည်။
အကယ်၍ သူက ကျနော့်ကို လာရှာလျှင် လွယ်ကူရန်ဖြစ်ပါသည်။
/\♥/\♥/\♥/\♥/\♥/\♥/\
ကျနော်သည် ပညာရှင်ကြီး မဖြစ်ချင်ပါ။
အလွမ်းတွေထဲမှာ ပညာနှင့်ယှဉ်၍ ဖြစ်ပေါ်သော အလွမ်းသည် အဆိုးဝါးဆုံး ဖြစ်ပါသည်။
/\♥/\♥/\♥/\♥/\♥/\♥/\
အိပ်မက်များစွာကို ကျနော်မက်ဖူးပါသည်။
ထိုအိပ်မက်များကို ဖမ်းဆုပ်ကိုင်တွယ်၍ မရပါ။ ကျနော် ကြိုးစားဖူးပါသည်။ ဖမ်းဆုပ်ကိုင်တွယ်၍ ရဖူးပါသည်။
သို့သော် … ထိုဖြစ်ရပ်ကပင်လျှုင် နောက်ဆုံးမှာ အိပ်မက်ဖြစ်နေပါသည်။
/\♥/\♥/\♥/\♥/\♥/\♥/\
ကျနော် ထွက်သွားဖူးပါသည်။ ဝေးရာကို ထွက်သွားဖူးပါသည်။
ပို၍ဝေးရာကို ထွက်သွားဖူးပါသည်။
မူလနေရာသို့ပင် ပြန်ရောက်လာပါသည်။ “မေမေ” ဟု ကျနော် အော်ခေါ်လိုက်ပါသည်။
/\♥/\♥/\♥/\♥/\♥/\♥/\
အချို့သူများသည် ကြိုးနှင့်ချည်နှောင်တတ်၏။
အချို့သူများက ကြိုးမပါဘဲ ချည်နှောင်တတ်သည်။ ကျနော် ခံခဲ့ရဖူးသည်။
/\♥/\♥/\♥/\♥/\♥/\♥/\
အခြားသူများကို နားလည်တတ်ရန်ထက် ကိုယ့်ကိုယ်ကိုယ်နားလည်ရန် ခက်၏။
ကျနော့်ကိုယ် ကျနော် မကြာခဏ ပြောဖူးပါသည်။
“မင်းက.. ဘာကောင်လဲ ?…”
/\♥/\♥/\♥/\♥/\♥/\♥/\
အသီးအတွက် နေထိုင်သူသည် အပွင့်အတွက် မဟုတ်ချေ။
ပန်းသီးပင်ရှေ့မှာ ကျနော် တွေဝေစဉ်းစားနေပါသည်။
/\♥/\♥/\♥/\♥/\♥/\♥/\
အကျယ်ပြန်ဆုံးသော နေရာသည် ထောင့်ချိုးများ မရှိ…။
ကျနော်၏ ကိုယ်ရေးကိုယ်တာ ထောင့်ချိုးများသည်…
ကျနော့်မကျယ်ပြန့်မှုကြောင့်ပဲ ဖြစ်ပါလိမ့်မည်။
/\♥/\♥/\♥/\♥/\♥/\♥/\
ကျွန်တော် မက်ခဲ့ဖူးသော အိပ်မက်တို့ များလှပါပြီ။
လူငယ်တစ်ယောက်အတွက် လုံလောက်ပါပြီ။
တော်ပါပြီ။ ကျနော် ပြောသော်လည်း သူတို့မကြားကြ။
အိပ်မက်များစွာ လာမြဲလာ သည်။
/\♥/\♥/\♥/\♥/\♥/\♥/\
ကျနော့်မှာ ရှိသမျှအကုန်လုံး ပျောက်ဆုံးသွားဖူး၏။
သတင်းစာထဲမှာ ကြော်ငြာမထည့်ဖြစ်ပါ။ ကျနော် ငြိမ်းချမ်းသွားပါသည်။
ဘာမှမရှိသဖြင့် ဘာမှလုပ်စရာမလိုတော့။
/\♥/\♥/\♥/\♥/\♥/\♥/\
ကျနော် မုဆိုးမဟုတ်ပါ။ လေးနှင့်မြှားကို မထုတ်လုပ်ပါ။
အချို့နေရာများတွင် ရှိကြသော “ပစ်မှတ်” များသည် ကျနော့်အတွက်မဟုတ်ကြပါ။
/\♥/\♥/\♥/\♥/\♥/\♥/\
လိုချင်သောအခါ ကောက်ယူရ၏။ မလိုချင်တော့သောအခါ ပြန်လွှင့်ပစ်ရ၏။
အစကတည်းက မယူခဲ့လျှင် အကောင်းသား။
အခုတော့ “အား” နှစ်ခါ ကုန်ရသည်။
/\♥/\♥/\♥/\♥/\♥/\♥/\
ကျနော့်ကို ဘယ်သူချည်နှောင်ခဲ့သည် မသိ။
ဘယ်တုန်းက ချည်နှောင်ခဲ့သည် မသိ…။
ကျနော့်မှာ ဖြည်လိုက်ရတာ။ ( ခုတိုင်… မလွတ်မြောက်သေး )
/\♥/\♥/\♥/\♥/\♥/\♥/\
အစွန်းမရောက်အောင်တော့ ကိုယ့်ကိုယ်ကိုယ် ထိန်းနိူင်ပါပြီ။
သူများအစွန်းနှင့် လွတ်အောင်တော့ ကိုယ်မနေတတ်သေး......။
ကောင်းကင်နှင့် မြေကြီး ကြားညပ်နေသော ကောင်လေးကို ဆွဲထုတ်ပေးကြပါ။
/\♥/\♥/\♥/\♥/\♥/\♥/\
ကိုယ့်ကိုယ်ကိုယ် ဒိုင်းနှင့်ကာထားပြီးမှ သူတစ်ပါးကို ဓါးနှင့် ရွယ်ရဲသူ၊
ထိုလူနှင့် ကျနော် လမ်းမတူ။
/\♥/\♥/\♥/\♥/\♥/\♥/\
ကျနော့်ကို မျိုးနှိမ့်ချစွာ ဆက်ဆံလာသူများ ရှိပါသည်။
ကျနော် ဘာကောင်မှ မဟုတ်၍ သူတို့ အရှုံးထွက်ကြလိမ့်မည် ထင်သည်။
တစ်ခုတော့ရှိသည်။ အချို့လူများသည်.. “လိုအင်” တစ်ခုအတွက် နှိမ့်ချခြင်းမဟုတ်။
သဘာဝအတိုင်း နှိမ့်ချခြင်းသာ ဖြစ်သည် ။ သူတို့ကတော့ မြတ်လိမ့်မည်။
/\♥/\♥/\♥/\♥/\♥/\♥/\
“ပြီးတာတွေ ပြီးပါစေ” ဟု သမားတော်က ကျနော့် စိတ်ကို ကု၏။
ဝေဒနာပျောက်သောအခါ ကျနော်သူ့ကို ဆေးဖိုးဝါးခမပေး။
သူ ဒေါသထွက်သောအခါ “ပြီးတာတွေ ပြီးပါစေ” ဟု ကျနော် ပြန်ဖျောင်းဖျလိုက်၏။
ကြေပြီ။
/\♥/\♥/\♥/\♥/\♥/\♥/\
အချို့လူများ ကျနော့်ကို ရှေ့မှာကာထား၏။ အချို့လူများ ကျနော့်ကို ကျော်တက်သွား၏။
ချောက်ကမ်းပါးကို ရောက်မှ ကြောက်အားနှင့် လှည့်ပြန်၊ ကျနော်နှင့်တစ်ဖန် လူချင်းလဲ ကြပြန်။
/\♥/\♥/\♥/\♥/\♥/\♥/\
သူဋ္ဌေးကြီးလက်ထဲမှ ပြားစေ့သည်လည်း သူတောင်းစား လက်ထဲမှ ပြားစေ့နှင့် တန်ဖိုးညီသည်။
/\♥/\♥/\♥/\♥/\♥/\♥/\
ကျနော်စိုက်သော နှင်းဆီပင်ကလေး သေသွားပြီ။ ခြောက်သွေ့သွားပြီ။
ကျနော်က ရှင်သန်ရဦးမည် ဖြစ်၏။ လောကကြီးမှာ စိမ့်စိုရပ်တည်ရချေဦးမည်။
/\♥/\♥/\♥/\♥/\♥/\♥/\
ဘ၀မှာ လေပြည်ကိုချည်း မျှော်လင့်စရာမလိုပါ။
မုန်တိုင်းမှာ လည်း အောက်ဆီဂျင်ပါလေသည်။
/\♥/\♥/\♥/\♥/\♥/\♥/\/\♥/\♥/\♥/\♥/\♥/\♥/\/\♥/\♥/\♥/\♥/\♥/\♥/\
မှတ်ချက်
ဆရာ တာရာမင်းဝေရဲ့ စာသားအချို့ပါ..
အရမ်းကြိုက်လွန်းလို့ ပြန်မျှလိုက်တာပါ။
Mr. Violet~Z
Vz
