ကိုယ့်ရဲ့စိတ်ချမ်းသာမှုကို
အပျက်အစီးမခံဘဲနဲ့ သူတစ်ပါးကို
စိတ်ဆင်းရဲအောင်လုပ်လို့ မရနိုင်ဘူး။
ဒါကြောင့် ကိုယ့်ဟာကိုယ် စိတ်ချမ်းသာအောင်
နေလိုက်သည်ပင်လျှင် သူတစ်ပါးကို
စိတ်ချမ်းသာအောင် ထားရာရောက်ပါတယ်။
++++++++++++++++++++++++++
လောကကြီးမှာ
အေးအေးချမ်းချမ်း ၊
တည်တည်ငြိမ်ငြိမ်၊
ရင့်ရင့်ကျက်ကျက်နေတဲ့သူတွေ လိုတယ်။
ဘဝကို ဒီလို နေပါလို့ နေပြတဲ့လူတွေ လိုတယ်။
++++++++++++++++++++++++++
သူများပါးစပ်လှုပ်တိုင်း
ကိုယ့်စိတ်က လှုပ်ရှားရမယ်ဆိုရင်
ကိုယ့်ဘဝဟာ သူများပါးစပ်ဖျားမှာ
လမ်းဆုံးသွားမယ်။
++++++++++++++++++++++++++
လူတစ်ယောက်ရဲ့စိတ်နေသဘောထား၊
အကျင့်သီလ၊
အသိဉာဏ်၊
လုပ်ရည်ကိုင်ရည်စသည်ဖြင့် အားလုံးအဆင့်မြင့်လာဖို့အရေးမှာ
အခြေခံအကျဆုံးအချက်က သတိပါပဲ။
စိတ်ထားတွေ၊
အသိဉာဏ်တွေ၊
လုပ်ရည်ကိုင်ရည်တွေ၊
လူမှုရေး၊
စီးပွားရေးတွေပါ တဖြည်းဖြည်းတိုးတက်လာချင်ရင်
တတ်နိုင်သလောက် ကိုယ့်စိတ်ကိုယ်သိပြီးနေပါ။
++++++++++++++++++++++++++
တည်ငြိမ်အေးချမ်းအောင်၊
ရိုးသားဖြောင့်မတ်အောင်၊
ကိုယ်ချင်းစာတတ်အောင်၊
ကူညီတတ်အောင်၊
မနာလိုစိတ်နဲအောင်၊
မုဒိတာများအောင်၊
တစ်ကိုယ်ကောင်းမဆန်အောင်၊
ခွင့်လွှတ်တတ်အောင်၊
အကောင်းမြင်တတ်အောင်၊
နေ့စဉ်စိတ်ကို
သတိနဲ့စောင့်ကြည့်ရင်း လေ့ကျင့်ယူပါ။
++++++++++++++++++++++++++
လူတွေမှာ အင်မတန်ကြီးမားတဲ့အစွမ်းသတ္တိတွေ
အများကြီးရှိပါတယ်။
အဲဒီစွမ်းရည်သတ္တိတွေကို
တစ်ခုဆိုတစ်ခု လေးလေးနက်နက်
ဦးတည်ချက်ထားပြီး တကယ်စွဲစွဲမြဲမြဲလုပ်ကြည့်စမ်းပါ။
အများကြီးဖြစ်မြောက်အောင်မြင်တာကို တွေ့ရလိမ့်မယ်။
( ဆရာတော် ဦးဇောတိက )
No comments:
Post a Comment