ညချစ်သူ၏ စာပေဘဏ်တိုက်

မိတ်ဆွေ သင့်အား ညချစ်သူ၏ စာပေဘဏ်တိုက်မှ နွေးထွေးစွာကြိုဆိုပါတယ်။ အင်တာနက်သည် ကျွန်ုပ်တို့၏ ဗဟုသုတရတနာသိုက်ကြီးနှင့်တူ၏။ လိုချင်သောအရာကိုသာ ယူကြပါကုန်။

Friday, February 24, 2012

“လက်ယက်တွင်းနှင့် ယမင်းပျို”

ရေစပ်သဲစပ်၊ အမြဲခပ်သည့်
သနပ်ခါးကြူ မပျိုဖြူ။

လက်နှင့်ယက်လည်း
မထွက်စမ်းရေ၊ ခန်းပါလေပြီ။

ခန်းပင်ခန်းလည်း
စမ်းရေရနိုး၊ သောက်ရေအိုးနှင့်
မိုးချုပ်နေ၀င် ယက်မည်ပင်။

တခါတလေ
စမ်းရေမြမြ၊ နှစ်မြူမျှနှင့်
အိမ်ပြန်ရခဲ့။

အိုးပြည့်မရ၊ ဟိုး နေ့ကလည်း
ရိုးကွေ့ကကျော်၊ တာရိုးပေါ်က
အဖော်တွေနှင့် ပြန်ခဲ့၏။

အခွင့်သာသော်
ဟိုရွာကခပ်၊ သည်ကခပ်နှင့်
မပြတ်သွင်သွင်၊ စမ်းရေရှင်။

ထိုခါတွင်လည်း
ဘောင်ဘင်ခတ်အိုး၊ သစ်ရွက်ထိုးလျက်
ကိုးခေါက်ဆယ်ခေါက်၊ ရေခပ်ရောက်သည်
နေပျောက်သည်ထိ လထွက်ထိ။

နှမငယ်ကား
ချောင်းကျယ်သဲခင်း၊ လက်ယက်တွင်း၌
သီချင်းချိုမြ၊ ပန်းညိုလှနှင့်
မရလည်းခပ်၊ ရလည်းခပ်၏။

တောစပ်ကပန်း၊ ချောင်းကစမ်းနှင့်
ကမ်းပါးကကိုင်း၊ ကိုင်းကဗျိုင်းနှင့်
သစ်ကိုင်းကချိုး၊ မယ်ကအိုးနှင့်
ပြည့်နိုး ပြည့်နိုး၊ နေ့တာကျိုးလည်း
ညှိုးသည်မရှိ အိုးအသိ။

အိုးပြည့်လောင်းလည်း
ညောင်းသည်မရှိ ချောင်းအသိ။

တင်မိုး
၁၉၇၇

ပန်းချီ MyeikWinHtein

No comments:

Subscribe to: Post Comments (Atom)